汉文 ىلە اقپارات تورابىنا حوش كەلدىڭىزدەر!
جياڭ زىمين جولداستىڭ سۇيەگى ارناۋلى ۇشاقپەن ىززەت - قۇرمەتپەن بەيجيڭگە جەتكىزىلدى
2022-12-03 19:09:36     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

جياڭ زىمين جولداستىڭ سۇيەگى ارناۋلى ۇشاقپەن ىززەت - قۇرمەتپەن بەيجيڭگە جەتكىزىلدى

  شي جينپيڭ قاتارلى پارتيا مەن مەملەكەتتىڭ باسشى جولداستارى اۋەجايعا بارىپ سۇيەكتىڭ الدىنان شىقتى

00352679369_9c005b12.jpg

 12 - ايدىڭ 1 - كۇنى جياڭ زىمين جولداستىڭ سۇيەگى شاڭحايدان ارناۋلى ۇشاقپەن ىززەت - قۇرمەتپەن بەيجيڭگە جەتكىزىلدى.

  □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

00352679370_28bc1a84.jpg

 12 - ايدىڭ 1 - كۇنى جياڭ زىمين جولداستىڭ سۇيەگى شاڭحايدان ارناۋلى ۇشاقپەن ىززەت - قۇرمەتپەن بەيجيڭگە جەتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان قاتارلى پارتيا مەن مەملەكەتتىڭ باسشى جولداستارى بەيجيڭ شيجياۋ اۋەجايىنا بارىپ سۇيەكتىڭ الدىنان شىقتى. ساي چي قاتارلىلار جياڭ زىمين جولداستىڭ سۇيەگىن شاڭحايدان بەيجيڭگە قورعاپ الىپ كەلدى.

  □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. پارتيامىز، ارميامىز، ەلىمىزدەگى ءار ۇلت حالقى جاپپاي مويىنداعان اسقاق بەدەلگە يە ۇزدىك باسشى، ۇلى ماركسيزمشى، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، ۇزاق سىننان وتكەن كوممۋنيزم جاۋىنگەرى، جۇڭگوشا سوتسياليزم ۇلى ىستەرىنىڭ تاڭداۋلى باسشىسى، پارتيانىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى جياڭ زىمين جولداستىڭ سۇيەگى بۇگىن شاڭحايدان ارناۋلى ۇشاقپەن ىززەت - قۇرمەتپەن بەيجيڭگە جەتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ديڭ شۋەشياڭ، لي شي، ۋاڭ چيشان قاتارلى پارتيا مەن مەملەكەتتىڭ باسشى جولداستارى بەيجيڭ شيجياۋ اۋەجايىنا بارىپ سۇيەكتىڭ الدىنان شىقتى ءارى جياڭ زىمين جولداستىڭ تۋعان - تۋىسقاندارىنان شىنايى حال سۇرادى. ساي چي جانە جەرلەۋ كوميسسياسى كەڭسەسىندەگى قاتىستى جولداستار، جياڭ زىمين جولداستىڭ تۋعان - تۋىسقاندارى جياڭ زىمين جولداستىڭ سۇيەگىن شاڭحايدان بەيجيڭگە قورعاپ الىپ كەلدى.

  بەيجيڭ شيجياۋ اۋەجايىندا مەملەكەت تۋى جارتىلاي ءتۇسىرىلىپ، ايبىندى دا جىم - جىرت كۇيگە شومدى، قارا كەرمە تۋعا اق ءتۇستى جازۋمەن: ”جياڭ زىمين جولداس ماڭگى جاسايدى“، ”جياڭ زىمين جولداس جۇرەگىمىزدە ماڭگى جاسايدى“ دەگەن جازۋ جازىلعان. شي جينپيڭ مەن حانىمى پىڭ لييۋان قاتارلىلار كەۋدەلەرىنە اق ءتۇستى گۇل تاعىپ، بىلەكتەرىنە قارا ءتۇستى بەلگى شۇپەرەك بايلاپ، قايعىلى سەزىممەن ۇشاق الاڭقىسىندا ءۇنسىز تۇردى.

  ساعات 15تەن 55 مينۋت وتكەندە، جياڭ زىمين جولداستىڭ سۇيەگىن قورعاپ الىپ جۇرگەن ارناۋلى ۇشاق باياۋ قوندى. باياۋ تولقىعان ازا مۋزيكاسى ءۇنى ىشىندە، 12 قۇرمەت قاراۋىلى جياڭ زىمين جولداستىڭ سۇيەگى سالىنعان تابىتتى كوتەرىپ، باياۋ باسىپ ارناۋلى ۇشاقتان ءتۇسىپ، سۇيەكتىڭ الدىنان شىققان توپتىڭ ءدال الدىنا كەلىپ ءۇنسىز تۇردى. شي جينپيڭ قاتارلىلار جياڭ زىمين جولداستىڭ سۇيەگىنە 3 رەت تاعزىم ەتىپ، تابىت ماشيناسىنا شىعارىلعانعا دەيىن تابىتتان كوز الماي ۇزاتىپ سالدى. سودان كەيىن، جەرلەۋ كوميسسياسى كەڭسەسىنىڭ مۇشەلەرى جانە جياڭ زىمين جولداستىڭ تۋعان - تۋىسقاندارى سۇيەكتى سۇيەك قوياتىن جەرگە قورعاپ الىپ ءجۇردى.

  سول كۇنى تۇستە ساعات 12دەن 10 مينۋت وتكەندە، سۇيەك شىعارۋ سالتى شاڭحاي حۋادۇڭ شيپاحاناسىنىڭ قوشتاسۋ زالىندا وتكىزىلدى. جەرلەۋ كوميسسياسى كەڭسەسىنىڭ مۇشەلەرى، شاڭحاي قالاسىنداعى قاتىستى جاۋاپتى جولداستار، جياڭ زىمين جولداستىڭ تۋعان - تۋىسقاندارى مەن كوزى تىرىسىندەگى دوس - جاراندارى، ەمدەۋ - كۇتىمدەۋ قىزمەتكەرلەرى قاتارلىلار جياڭ زىمين جولداستىڭ سۇيەگىمەن قوشتاستى ءارى تابىتتى شاڭحاي حۇڭچياۋ اۋەجايىنا دەيىن قورعاپ جەتكىزدى. شاڭحايداعى ءار سالا جۇرتشىلىعى جول بويىندا تۇرىپ اتتاندىرىپ سالدى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى دە بەيجيڭ شيجياۋ اۋەجايىنا بارىپ سۇيەكتىڭ الدىنان شىقتى.

  جياڭ زىمين جولداس 11 - ايدىڭ 30 - كۇنى شاڭحايدا 96 جاسىندا قايتىس بولدى.