汉文 ىلە اقپارات تورابىنا حوش كەلدىڭىزدەر!
شياڭگاڭداعى، اۋمىنداعى، تايۋانداعى ءار سالاداعىلار جياڭ زىمين جولداسقا قايعىلى ازا ءبىلدىردى
2022-12-03 19:18:14     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. جياڭ زىمين جولداس 11 - ايدىڭ 30 - كۇنى شاڭحايدا قايتىس بولدى، شياڭگاڭداعى، اۋمىنداعى، تايۋانداعى ءار سالاداعىلار تۇس - تۇستان قايعىلى ازا ءبىلدىردى.

شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ نەگىزگى ۇكىمەت قۇرىلىمدارى، زاڭ شىعارۋ جانە ءادىليا قۇرىلىمدارى جانە ورتالىقتىڭ شياڭگاڭدا تۇراتىن، اۋمىندا تۇراتىن قۇرىلىمدارى قاتارلىلار تۇگەلدەي تۋدى جارتىلاي ءتۇسىرىپ ازا ءبىلدىردى.

ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسى 12 - ايدىڭ 1 - كۇنى كەڭسە عيماراتىندا ازا ءبىلدىرۋ ورنىن ورنالاستىرىپ، ءار سالاداعى ازا بىلدىرە كەلگەندەردى قابىلدادى. ازا ءبىلدىرۋ ورنىنا شياڭگاڭنىڭ ءار سالاسىنداعىلار ۇسىنعان گۇل شەڭبەرلەر مەن ازا ارناۋلارى قويىلدى. مەملەكەتتىك ساياسي كەڭەستىڭ ورىنباسار ءتوراعاسى دۇڭ جيانحۋا تۋىس - تۋعاندارىنا ازا ءبىلدىرۋ ورنىنا بارىپ گۇل شەڭبەر قويۋدى تاپسىردى. مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭ، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، شياڭگاڭ ەرەكشە اكىمشىلىك رايونىنىڭ بۇرىنعى اكىمى لينجىڭ يۋە - ى، شياڭگاڭ ەرەكشە اكىمشىلىك رايوندىق ۇكىمەتىنىڭ ءمانساپتىلارى، اكىمشىلىك كەڭەستىڭ بارلىق ۇكىمەتتىك ەمەس مۇشەلەرى، زاڭ شىعارۋ كەڭەسىنىڭ ءتوراعاسى جانە مۇشەلەرى، ءادىليا ورگانىنىڭ نەگىزگى جاۋاپتىلارى قاتارلىلار، سونداي - اق ءار سالاداعى قايراتكەرلەر ازا ءبىلدىرۋ ورنىنا بارىپ ازا ءبىلدىردى.

ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسىنىڭ مەڭگەرۋشىسى لو حۇينيڭ، ورتالىق ۇكىمەتتىڭ شياڭگاڭدا تۇراتىن مەملەكەت حاۋىپسىزدىگىن قورعاۋ مەكەمەسىنىڭ باستىعى جىڭ يانشيۇڭ، سىرتقى ىستەر مينيسترلىگىنىڭ شياڭگاڭدا تۇراتىن ارنايى قىزمەتكەرلەر مەكەمەسىنىڭ جاۋاپتىسى، جۇڭگو حالىق ازاتتىق ارمياسىنىڭ شياڭگاڭدا تۇراتىن اسكەري ءبولىمىنىڭ جىڭۋيى لاي رۋشين قاتارلىلار ازا ءبىلدىرۋ ورنىنا بارىپ ازا ءبىلدىردى.

سول كۇنى تۇستەن كەيىن، مىڭداعان شياڭگاڭ قالا تۇرعىندارى وزدىكتەرىنەن ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىنداعى بايلانىس كەڭسەسى عيماراتىنىڭ الدىنا بارىپ، ۇزىننان - ۇزاق قاتارعا تۇرىپ، قولدارىنا گۇل شوقتارىن جانە ازا ءبىلدىرۋ ۇرانىن ۇستاپ، گۇل قويۋ ورنىندا قايعىلى ساعىنىشىن اماناتتادى.

لي جياچاۋ 11 - ايدىڭ 30 - كۇنى شياڭگاڭ ەرەكشە اكىمشىلىك رايونى اتىنان ءتوراعا جياڭ زىميننىڭ قازاسىنا قايعىلى ازا ءبىلدىردى ءارى ول كىسىنىڭ ءۇي ىشىندەگىلەردەن شىنايى حال سۇرادى. ول مىنالاردى ءبىلدىردى: ءتوراعا جياڭ زىمين بارشا جۇرت جاپپاي مويىنداعان اسقاق بەدەلگە يە ۇزدىك باسشى، جۇڭگو كوممۋنيستىك پارتياسىنىڭ ءۇشىنشى بۋىن ورتالىق كوميتەت باسشىلىق كوللەكتيۆىنىڭ ۇيتقىسى، ”ۇشكە ۋاكىلدىك ەتۋ“ ماڭىزدى يدەياسىنىڭ باستى جاراتۋشىسى. ول مەملەكەتتىڭ جاپپاي رەفورما جاساۋىنىڭ، ەسىك اشۋىنىڭ جاڭا جاعدايىن اشتى، مەملەكەتتى زاڭمەن باسقارۋ نەگىزگى جالپى جوباسىن اتقاردى، ”بەيبىت جولمەن بىرلىككە كەلۋ، ءبىر ەل، ەكى ءتۇزىم“ باعىتىنا تاباندى بولىپ، شياڭگاڭنىڭ، اۋمىننىڭ وتان قۇشاعىنا ءساتتى ورالۋىن جۇزەگە اسىرۋعا قوسقان ۇلەسى ۇلى.

شياڭگاڭ كاسىپتىك ءبىلىم اسىرۋ شۋەيۋانى مەكتەپ القالار كەڭەسىنىڭ ءتوراعاسى، قوسىمشا مەكتەپ باقىلاۋشىسى ليۋ پەيچيۇڭ مىنالاردى ءبىلدىردى: ءتوراعا جياڭ زىميندى ساعىنا ەسكە الامىز، شياڭگاڭداعى ءار سالاداعىلار ”ءبىر ەل، ەكى ءتۇزىم“ باعىتىن ۇزدىكسىز جاپپاي، دالمە - ءدال دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، ۇدەرە العا باسىپ، مەملەكەتتىڭ دامۋ كەلەلى جاعدايىمەن بەلسەنە توعىسىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا جانە جۇڭگو ۇلگىسىندەگى وسىزامانداندىرۋدى جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋىنە، شياڭگاڭنىڭ گۇلدەنۋىن، ورنىقتىلىعىن ساقتاۋعا كۇش - قۋات ارناۋى كەرەك.

ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسى 12 - ايدىڭ 1 - كۇنى ورگان عيماراتىندا ازا ءبىلدىرۋ ورنىن ورنالاستىرىپ، ءار سالادان ازا بىلدىرە كەلگەندەردى قابىلدادى. ازا ءبىلدىرۋ ورنىندا اۋمىن قوعامىنداعى ءار سالاداعىلار قۇرمەتپەن ۇسىنعان گۇل شەڭبەرلەر قويىلدى. مەملەكەتتىك ساياسي كەڭەستىڭ ورىنباسار ءتوراعاسى حى حوۋحۋا، اۋمىن ەرەكشە اكىمشىلىك رايونىنىڭ اكىمى حى يچىڭ، اۋمىن ەرەكشە اكىمشىلىك رايونىنىڭ بۇرىنعى اكىمى سۇي شى - ان، اۋمىن ەرەكشە اكىمشىلىك رايوندىق ۇكىمەتىنىڭ ءار دارەجەلى ءمانساپتىلارى، اكىمشىلىك كەڭەسىنىڭ مۇشەلەرى، زاڭ شىعارۋ كەڭەسىنىڭ ءتوراعاسى جانە مۇشەلەرى، ءادىليا قۇرىلىمىنىڭ قىزمەتكەرلەرى قاتارلىلار ازا ءبىلدىرۋ ورنىنا بارىپ ازا ءبىلدىردى. تۇتاس كۇندە ازا بىلدىرە كەلگەن ءار سالا قايراتكەرى 1200 ادامنان استى.

ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىنداعى بايلانىس كەڭسەسىنىڭ مەڭگەرۋشىسى جىڭ شينسۇڭ، سىرتقى ىستەر مينيسترلىگىنىڭ اۋمىندا تۇراتىن ارنايى قىزمەتكەر مەكەمەسىنىڭ جاۋاپتىسى، جۇڭگو حالىق ازاتتىق ارمياسىنىڭ اۋمىندا تۇراتىن اسكەري ءبولىمىنىڭ سىليڭيۋانى شۇي لياڭساي، سونداي - اق پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ جاۋاپتىسى قاتارلىلار ازا ءبىلدىرۋ ورنىنا بارىپ ازا ءبىلدىردى.

حى يچىڭ 11 - ايدىڭ 30 - كۇنى اۋمىن ەرەكشە اكىمشىلىك رايوندىق ۇكىمەتى اتىنان جياڭ زىميننىڭ قازاسىنا قايعىلى ازا ءبىلدىردى ءارى ول كىسىنىڭ ءۇي ىشىندەگىلەردەن شىنايى حال سۇرادى. حى يچىڭ مىنالاردى ءبىلدىردى: ءتوراعا جياڭ زىمين بۇكىل ەل حالقى جاپپاي مويىنداعان اسقاق بەدەلگە يە ۇزدىك باسشى، ول كىسى اۋمىننىڭ دامۋىنا جانە اۋمىندىق باۋىرلاستاردىڭ تۇرمىسىنا توتەنشە كوڭىل ءبولدى، مىندەت وتەگەن مەزگىلىندە اۋمىندى 2 رەت كوزدەن كەشىردى. قازىر ول كىسى ومىرمەن ماڭگى قوشتاستى، ءبىز ەگىلە قايعىرامىز، ول كىسىنىڭ مەملەكەت پەن حالىققا قوسقان ۇلەسىن ماڭگى ەستە ساقتايمىز جانە ساعىنا ەسكە الامىز.

اۋمىن رايوندىق جۇڭگونى بەيبىت بىرلىككە كەلتىرۋدى جەبەۋ قوعامىنىڭ باستىعى ليۋ يلياڭ بىلاي دەدى: ءتوراعا جياڭ زىميننىڭ قايتىس بولۋى − بۇكىل جۇڭگو حالقى جونىنەن زور جوعالتۋ، اۋمىندىق باۋىرلاستار قايعىنى قايراتقا جەڭدىرىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن جەتەكشى ەتىپ، ”ءبىر ەل، ەكى ءتۇزىم“ امالياتىنىڭ نىق قاداممەن الىستارعا جالعاسۋىن ىلگەرىلەتۋگە، وتاننىڭ بىرلىككە كەلۋ ۇلى ءىسىن ورىنداۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ءتىپتى دە زور ۇلەس قوسادى.

12 - ايدىڭ 1 - كۇنى «داگۇڭ گازەتى»، شياڭگاڭ «ۋىنحۇي گازەتى» جانە «اۋمىن گازەتى» قاتارلى شياڭگاڭنىڭ، اۋمىننىڭ نەگىزگى اقپارات مەديالارى قىرۋار ءارىپتى، سۋرەتتى، بەينەجازبالى حابارلاردى جاريالاپ، جياڭ زىمين جولداسقا ازا ءبىلدىرىپ، ساعىنا ەسكە الدى.

جياڭ زىمين جولداس قايتىس بولعاننان كەيىن، تايۋاننىڭ ءار سالاسىنداعى قايراتكەرلەر ازا بىلدىرەتىندىكتەرىن ءبىلدىردى. جۇڭگو گومينداڭ پارتياسىنىڭ ءتوراعاسى جۋ ليلۇن، شينبەي قالاسىنىڭ قالا باستىعى حوۋ يوۋ - ي، شينداڭ پارتياسىنىڭ بۇرىنعى ءتوراعاسى يۇي مۋميڭ، تايۋان 21 - عاسىر قور قوعامىنىڭ القا باستىعى گاۋ يۇيرىن قاتارلىلار تۇرلىشە فورمادا جياڭ زىمين مىرزانىڭ قازاسىنا قايعىلى ازا ءبىلدىردى.

ۇلى قۇرلىقتىڭ جەر - جەرىندەگى تايۋاندىق باۋىرلاستار تۇس - تۇستان ازا ءبىلدىردى جانە ەسكە الدى. ۋحان قالاسى تايۋان قارجىلاندىرعان كاسىپورىندار قوعامىنىڭ باستىعى شياۋ يۇڭرۇي، گۋاڭجوۋ قالاسى تايۋان قارجىلاندىرعان كاسىپورىندار قوعامىنىڭ ۇنەمىلىك ىستەرگە جاۋاپتى ورىنباسار باستىعى چىن چي - ان، شيامىن تايۋاندىق ساۋداگەرلەر قوعامىنىڭ باستىعى ۋ جيايىڭ قاتارلىلار جياڭ زىمين مىرزانىڭ قايتىس بولعاندىعىن ەستىپ قاتتى قايعىرعاندىقتارىن، ول كىسىنىڭ ەكى جاعالاۋ قاتىناسىنىڭ دامۋىنا جۇمساعان زەيىن - زەردەسى مەن تايۋاندىق باۋىرلاستارعا جاساعان قامقورلىعىن ايرىقشا تەبىرەنىسپەن ەسكە الاتىندىقتارىن ءبىلدىردى.

مەملەكەتتىك تايۋاندىق باۋىرلاستار قارجى قوسقان كاسىپورىندار بىرلەستىگىنىڭ باستىعى لي جىڭحۇڭ بىلاي دەدى: جياڭ زىمين مىرزانىڭ ەڭبەگى مەن ۇلەسىن ساعىنا ەسكە الامىز، ءبىز تايۋاندىق ساۋداگەرلەر، تايۋاندىق باۋىرلاستار ءتىپتى دە بەلسەنە قۇلشىنىپ، جاڭا تاريحي ورايدى مىقتى يگەرىپ، ەكى جاعالاۋدىڭ اۋىس - كۇيىسىن، سەلبەستىگىن، توعىسپالى دامۋىن جەبەپ، ەكى جاعالاۋدىڭ بەيبىت بىرلىككە كەلۋىن ىلگەرىلەتۋ ارقىلى جياڭ زىمين مىرزانى ريزا ەتۋىمىز كەرەك.

(تىلشىلەر: كۇڭ ۋي - ي، لي حانفاڭ، ليۋ گاڭ، شى لۇڭحۇڭ، شاڭ حاۋ، حۇڭ زىحۋا، يۇي پەي، شۇي شۋە - ي، پان چيڭ)