汉文 ىلە اقپارات تورابىنا حوش كەلدىڭىزدەر!
جياڭ زىمين جولداستى جەرلەۋ كوميسسياسىنىڭ حابارلاندىرۋى
2022-12-03 19:44:17     كورىلىم:رەت كەلۋ قاينارى:تيانشان تورى  جاۋاپتى رەداكتور:گۇلدەن ماقسات قىزى

 جياڭ زىمين جولداستى جەرلەۋ كوميسسياسىنىڭ حابارلاندىرۋى

  (2 - ءنومىرلى)

جياڭ زىمين جولداستىڭ پارتيا مەن مەملەكەتتىڭ تاريحي دامۋى بارىسىنداعى ەرەكشە ەڭبەگىنە جانە بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىنە ساي، مىناداي قاۋلى شىعارىلدى:

(1) 12 - ايدىڭ 6 - كۇنى تۇستەن بۇرىن ساعات 10دا پارتيا ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭ حالىق سارايىندا جياڭ زىمين جولداسقا ازا ءبىلدىرۋ جينالىسىن دابىرالى وتكىزەدى. ازا ءبىلدىرۋ جينالىسى ۇستىنەن تىكە تاراتىلادى، وڭىرلەر، تاراۋلار قالىڭ پارتيا مۇشەلەرىن، كادرلاردى، بۇقارانى تىڭداۋعا جانە كورۋگە مۇقيات ۇيىمداستىرۋى قاجەت.

(2) ازا ءبىلدىرۋ جينالىسى وتەتىن كۇنى بۇكىل ەل بويىنشا جانە ەلىمىزدىڭ شەتەلدەگى ەلشىلىكتەرى مەن كونسۋلحانالارىندا، سونداي - اق باسقا دا شەتەلدە تۇراتىن قۇرىلىمدارىندا تۋ جارتىلاي ءتۇسىرىلىپ، ازا بىلدىرىلەدى، الەۋمەتتىك كوڭىل اشۋ قيمىلدارى ءبىر كۇن توقتاتىلادى.

(3) 12 - ايدىڭ 6 - كۇنى تۇستەن بۇرىن ازا ءبىلدىرۋ جينالىسىندا ءۇنسىز ازا ءبىلدىرۋ كەزىندە بۇكىل ەل حالقى 3 مينۋت ءۇنسىز ازا بىلدىرەدى، دابىل بار جەرلەردىڭ بارلىعىندا 3 مينۋت دابىل بەرىلەدى، اۋە شابۋىلىنان ساقتانۋ ساقتىق دابىلى 3 مينۋت بەرىلەدى.

(4) سۇيەكپەن قوشتاسۋ سالتى وتكىزىلمەيدى.

ەرەكشە حابارلاندىرىلدى.

   جياڭ زىمين جولداستى جەرلەۋ كوميسسياسى

   2022 - جىلى 12 - ايدىڭ 1 - كۇنى

  (شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى)