汉文 ىلە اقپارات تورابىنا حوش كەلدىڭىزدەر!
ىلە وبلىسى ۇكىمەت، بانكە، كاسىپورىنداردى ۇشتاستىرۋ اڭگىمە ٴماجىلىسىن وتكىزدى
2022-12-08 11:40:02     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

فينانستىڭ ۇتىمدى شارالارىمەن كاسىپورىنداردىڭ دامۋىنا باستاماشىلدىق ەتتى

ىلە وبلىسى ۇكىمەت، بانكە، كاسىپورىنداردى ۇشتاستىرۋ اڭگىمە ٴماجىلىسىن وتكىزدى


ٴتىلشىمىز لي يافىڭ حابارلايدى. ىلە وبلىسى 12 - ايدىڭ 4 - كۇنى تۇستەن بۇرىن ۇكىمەت، بانكە، كاسىپورىنداردى ۇشتاستىرۋ اڭگىمە ٴماجىلىسىن وتكىزىپ، پارتيا 20 - قۇرىلتايىنىڭ رۋحىن جاپپاي ىشكەرىلەي ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ٴماجىلىسىنىڭ رۋحىن، اۆتونوميالى رايوندىق 13 - كەزەكتى حالىق ۇكىمەتى 14 - رەتكى جالپى ٴماجىلىسىنىڭ رۋحىن جانە وبلىستىق پارتكومنىڭ قىزمەت ٴماجىلىسى مەن ەكونوميكالىق قىزمەتتەردى ورنالاستىرۋ ٴماجىلىسىنىڭ رۋحىن دايەكتىلەندىرىپ، تياناقتاندىرىپ، ۇكىمەت، بانكە، كاسىپورىنداردىڭ بايلانىس، اۋىس - كۇيىس جاساۋىن اناعۇرلىم جەبەپ، ۇشتاستىرۋدى، سەلبەستىك ورناتۋدى تەرەڭدەتىپ، كاسىپورىنداردىڭ قيىنشىلىق قىسپاعىنان ارىلۋىنا كومەكتەسىپ، كاسىپورىنداردىڭ جەدەل دامۋىنا دەم بەرىپ، ىلە ەكونوميكاسىنىڭ جوعارى ساپالى دامۋىن بار كۇشپەن ىلگەرىلەتۋدى باسا دارىپتەدى.

ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ماجىلىسكە قاتىناستى ٴارى ٴسوز سويلەدى، ىلە وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى تاۋ چيڭسۇڭ ٴماجىلىستى باسقاردى.

اڭگىمە ماجىلىسىندە جۇڭگو حالىق بانكەسى ىلە وبلىستىق ورتالىق تارماق بانكەسى مەن ىلە بانكەنى، قامسىزداندىرۋدى باقىلاۋ - باسقارۋ بولىمشە مەكەمەسى بيىل 1 - ايدان 11 - ايعا دەيىنگى فينانس، بانكە، قامسىزداندىرۋ كاسىبىنىڭ جەرگىلىكتى ورىن ەكونوميكاسىنا قىزمەت وتەۋ جاعدايىنان دوكلاد جاسادى؛ وبلىستىق مادەنيەت - ساياحات توبى، شينجياڭ ازيا - ەۆروپا جۇڭگو تەمىر جول حالىقارالىق زات اينالىمى توبى، قۇلجا قالاسى قالا قۇرىلىسىنا قارجى قوسۋ (توبى) شەكتى سەرىكتەستىگى، حىڭفىڭ شىڭتاي جاڭا ماتەريالدار (شينجياڭ) شەكتى سەرىكتەستىگى سياقتى كاسىپورىندار اينالىم جاعدايى جانە قارجى توپتاۋ قاجەتى جونىندە دوكلاد جاسادى؛ اۋىل شارۋاشىلىعىن دامىتۋ بانكەسى، قۇرىلىس بانكەسى، اۋىل شارۋاشىلىق بانكەسى، اۋىل شارۋاشىلىق - ساۋدا بانكەسى سياقتى فينانس قۇرىلىمدارى قازىرگى ٴىس جۇزىندىك جاعدايمەن بىرلەستىرىپ، فينانستىڭ تۇلعالىق ەكونوميكانى قولداۋداعى ناقتى ادىستەرى مەن ەكونوميكانىڭ دامۋىن جەبەۋدەگى جاڭالىق اشقان فينانس ونىمدەرىن تانىستىردى؛ باسقا كاسىپورىنداردىڭ جاۋاپتىلارى ماجىلىستە جازباشا پىكىر اۋىستىرۋ ٴسوزىن سويلەپ، كاسىپورىنداردىڭ دامۋى بارىسىندا ورىن تەپكەن ماسەلەلەر جونىندە ۇسىنىس - پىكىرلەردى العا قويدى؛ وبلىسقا توتە قاراستى ٴبىر ٴبولىم تاراۋلاردىڭ جاۋاپتىلارى پوزيتسيا ٴبىلدىرىپ، ٴسوز سويلەدى.

كوپشىلىكتىڭ ٴسوزىن تىڭداعاننان كەيىن، ەلشات تۇرسىنباي ۇلى الدىمەن وبلىستىق پارتكوم مەن ۇكىمەت اتىنان وبلىسقا توتە قاراستى ورىندارداعى فينانستى باقىلاۋ - باسقارۋ تاراۋلارى مەن ٴارقايسى فينانس قۇرىلىمدارىنا، كاسىپورىن ۋاكىلدەرىنە شىنايى العىس ايتتى. ول بىلاي دەپ اتاپ كورسەتتى: بيىل جىل باسىنان بەرى ىلە وبلىسى «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» ماڭىزدى تالابىنا ساي ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ٴبىر تۇتاس جوسپارلادى، دامۋ مەن حاۋىپسىزدىكتى ٴبىر تۇتاس جوسپارلادى، وتە - موتە، توسىن تۋىلعان ىندەت الدىندا  ماڭىزدى شارالار ارقىلى ىندەتتىڭ ىقپالىنا بەلسەنە توتەپ بەرىپ، «التىنى ورنىقتىرۋ»، «التىنى قامتاماسىز ەتۋ» قىزمەتىن تىڭعىلىقتى ويداعىداي ىستەپ، «بەستى قامتاماسىز ەتۋ» مىندەتىن جاپپاي تياناقتاندىرىپ، ىندەتتىڭ ەكونوميكالىق، قوعامدىق دامۋعا جەتكىزگەن ىقپالىن بارىنشا ازايتىپ، ەكونوميكانىڭ ورنىقتى، اقاۋسىز دامۋىنا كەپىلدىك ەتتى. وتە - موتە، 8 - ايدا ىندەت تۋىلعاننان بەرى وبلىستىق پارتكومنىڭ پارمەندى باسشىلىعىندا، وبلىسقا توتە قاراستى ورىندارداعى ٴارقايسى فينانس قۇرىلىمدارى ورتا، شاعىن، ۇساق كاسىپورىنداردى قۇتقارۋ، كومەك بەرۋ، سۇيەمەلدەۋ تەبىنىن ارتتىرىپ، فينانس قيىنشىلىعىن شەشۋ شاراسىن زەرتتەپ بەلگىلەپ، ٴار ۇلت بۇقاراسىنىڭ، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ قيىنشىلىق قىسپاعىنان ارىلۋىنا كۇش سالا كومەكتەسىپ، اۆتونوميالى وبلىستىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ ىلگەرىلەتۋدى پارمەندى قولداۋمەن قامدادى.

ٴماجىلىس بىلاي دەپ باسا دارىپتەدى: فينانس − تۇلعالىق ەكونوميكانىڭ تامىرى. وبلىسقا توتە قاراستى ورىندارداعى فينانس قۇرىلىمدارى ەكونوميكالىق مۇددە مەن قوعامدىق جاۋاپكەرشىلىكتىڭ، كوز الداعى مۇددە مەن ۇزاق بولاشاقتىق دامۋدىڭ قاتىناسىن دۇرىس شەشىپ، بانكە مەن كاسىپورىندار اراسىنداعى پىكىرلەسۋدىڭ سايكەسپەۋشىلىگى، فينانس ساياساتىنىڭ جەتكىلىكتى تياناقتانباۋى، تۇلعالىق ەكونوميكانى دامىتۋدا قارجى قوسىلىمىن جالعاستى ارتتىرۋ جونىندەگى ماسەلەلەردى كۇش سالا شەشىپ، كاسىپورىنداردىڭ بيىل جىل سوڭى مەن كەلەر جىلدىڭ باسىنداعى دامۋ وي جەلىسىنە، نىساناسىنا جانە قارجى قۇراۋ قاجەتىنە نازار اۋدارىپ، ساياسات كولەمىندە ىركىلىسسىز ارنا اشىپ، قىزمەت وتەۋدى قامتاماسىز ەتۋدى كۇشەيتىپ، فينانستىڭ ۇتىمدى شارالارىمەن كاسىپورىنداردىڭ دامۋىن ۇزدىكسىز جەبەۋ كەرەك. اۆتونوميالى رايوندىق 10 - كەزەكتى پارتكوم التىنشى جالپى ٴماجىلىسىنىڭ رۋحى بويىنشا ولشەمگە تۋرالانىپ، ىلە وبلىسىنىڭ «14 - بەسجىلدىق» جوباسىمەن جانە جۋىقتا اشىلعان وبلىستىق پارتكوم قىزمەت ٴماجىلىسىنىڭ رۋحىمەن ۇشتاستىرىپ، جىبەك جولى ەكونوميكالىق بەلدەۋى وزەكتى رايونىنداعى ماڭىزدى تىرەك قۇرىلىسى، وسى زامانعى ەگىن، مال شارۋاشىلىعىن دامىتۋ، تۇلعالىق ەكونوميكانى زورايتۋ، ساياحات ەكونوميكاسىن ارتتىرۋ، نەگىزدىك قۇرىلعى قۇرىلىسى، اۋىل - قىستاقتى گۇلدەندىرۋدى ىلگەرىلەتۋ سياقتى جاقتاردى ارقاۋ ەتىپ، الدىن الا زەرتتەپ، رۋحىن جەتە ٴتۇسىنىپ، جەرگىلىكتى ورىن ەكونوميكاسىن دامىتۋ بارىسىندا ٴوزىن ۇزدىكسىز الۋەتتەندىرۋىنە قولداۋ كورسەتۋى كەرەك. 

ٴماجىلىس بىلاي دەپ باسا دارىپتەدى: پارتيا ورتالىق كوميتەتى، اۆتونوميالى رايون، اۆتونوميالى وبلىس كاسىپورىنداردىڭ دامۋىنا قولداۋ كورسەتۋ پوزيتسياسىن دايەكتى جالعاستىرادى، اۋىتقىمايدى. قالىڭ كاسىپورىندار وبلىسقا توتە قاراستى ورىنداردىڭ مول بايلىعى، ەرەكشە ٴوڭىر - ورىن، ەرەكشە ساياسات سياقتى ابزالدىقتارىن ارقاۋ ەتىپ، كاسىپورىنداردىڭ نەگىزگى تۇلعالىق رولىن ويداعىداي ساۋلەلەندىرىپ، دامۋ ورنىن ٴدال تاۋىپ، ٴونىم تۇرلەرىن رەتتەپ، تيجارات ٴتاسىلىن وزگەرتىپ، ٴونىمنىڭ دارەجەسى مەن باسەكەلىك قۋاتىن ۇزدىكسىز جوعارىلاتۋى كەرەك. ۇكىمەت قۇرعان تۇعىرلاردان تولىق پايدالانىپ، فينانس قۇرىلىمدارىمەن اناعۇرلىم بەلسەندى، ىرىقتى سايكەسىپ، ەكونوميكانىڭ قۇلدىراۋ قىسىمىن كەرى باعىتتا ورگە ۇمتىلاتىن قوزعاۋشى كۇشكە اينالدىرۋعا كۇش سالۋى كەرەك. سەنىمدىلىك قۇرىلىسىن كورنەكتى ورىنعا قويىپ، ٴار كاسىپورىن ٴوزىنىڭ ٴوندىرىس - تيجارات ارەكەتىن قاتاڭ جۇيەلىلەندىرىپ، حاۋىپ - قاتەر تانىمىن ورناتىپ، حاۋىپ - قاتەرگە توتەپ بەرۋ قابىلەتىن كۇشەيتىپ، كاسىپورىنداردىڭ دامۋىن، زورايۋىن جۇزەگە اسىرۋى كەرەك. 

ٴماجىلىس بىلاي دەپ باسا دارىپتەدى: كاسىپورىنداردىڭ اقاۋسىز دامۋىن قولداۋ جانە ولارعا كومەكتەسۋ − پارتكوم مەن ۇكىمەتتىڭ مىندەتى، سونداي - اق ٴارقايسى فۋنكتسيالىق تاراۋلاردىڭ وتەۋگە ٴتيىستى بورىشى. تاراۋلار، ورىندار بانكە مەن كاسىپورىنداردىڭ ىشكەرىلەي، كەڭ كولەمدە سەلبەستىك ورناتۋىن بەلسەندى، ىرىقتى تۇردە ىلگەرىلەتىپ، نازاردى كەزەكتەگى ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ ٴىس جۇزىندىك قيىنشىلىقتارىنا شوعىرلاندىرىپ، ساياساتتىق سۇيەمەلدەۋ سەرپىنىن ارتتىرىپ، فينانستى ىلگەرىلەتۋ مەن كاسىپورىندارعا تيىمدىلىك جاساۋ ساياساتىن ٴونىمدى تياناقتاندىرىپ، كاسىپورىنداردىڭ يگىلىكتەنۋگە تيىستىدەن يگىلىكتەنۋىنە مۇمكىندىك جاراتۋى كەرەك. ۇكىمەت، بانكە، كاسىپورىننىڭ سەلبەستىك تۇعىرىن ۇدايىلاندىرىپ، ۇزاق ونىمدىلىككە يە ەتىپ، اۋىس - كۇيىستىڭ، سەلبەستىكتىڭ فورماسى مەن مازمۇنىن جاڭالاپ، ٴوزارا سەنىمدىلىكتى ارتتىرىپ، ٴوزارا پايدا جەتكىزىپ، تەڭ يگىلىككە كەنەلۋى كەرەك. «تومەنگە بەرۋ، باسقارۋ، قىزمەت وتەۋ» رەفورماسىنىڭ جەتىستىكتەرىن بەكەمدەپ، تەرەڭدەتىپ، «سيفرلى ۇكىمەت» قۇرىلىسىن بەلسەنە ىلگەرىلەتىپ، «تيجارات كۋالىگى مەن رۇقسات كۋالىگىن ايىرۋ» رەفورماسىن زور كۇشپەن ىلگەرىلەتىپ، بازاردى باقىلاۋ - باسقارۋ سالاسىندا «ەكى كەزدەيسوق جىبەرۋدىڭ، ٴبىردى جاريالى ۇستاۋدىڭ» جاپپاي قامتۋىن ۇزدىكسىز ىلگەرىلەتىپ، تيجارات - ساۋدا ورتاسىن ساپالىلاندىرۋدىڭ، دارەجەسىن جوعارىلاتۋدىڭ 3  جىلدىق ارەكەتىن زور كۇشپەن اتقارىپ، بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن كۇش سالا قۇرىپ، ىلەنىڭ رەفورما، دامۋ، ورنىقتىلىق ىستەرىنىڭ تىڭ ساتىعا كوتەرىلۋىن كۇش سالا ىلگەرىلەتۋى كەرەك.