قۇلجا قالاسى:

15 ٴتۇرلى قىسقى مادەنيەت - ساياحات قيمىلى ارقىلى قار - مۇز سپورتىن جانداندىردى

 ٴتىلشىمىز لي يافىڭ حابارلايدى. 12 - ايدىڭ 19 - كۇنى ٴتىلشىنىڭ قۇلجا قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنەن ۇعىسۋىنشا، 12 - ايدىڭ 23 - كۇنىنەن 2023 - جىلى 3 - ايعا دەيىن، قۇلجا قالاسى 16 - كەزەكتى «قۇلجانىڭ قىستاعى اسەم كەلبەتى» اتىنداعى قار - مۇز مادەنيەت - ساياحات مەرەكەسىن وتكىزىپ، ٴبىر قىدىرۋ «قىزىقتى» قىسقى مادەنيەت - ساياحات قيمىلىن جوسپارلاپ جانە العا قويىپ، قار - مۇز ەكونوميكاسىن جەدەل دامىتۋدىڭ جاڭا قوزعالتقىشىن كۇش سالا قالىپتاستىرىپ، تۇتىنۋدىڭ كومەسكى كۇشى مەن قالانىڭ ومىرشەڭدىك كۇشىن تاسقىنداتىپ، تۇتاس وڭىرلىك ساياحاتتىڭ دامۋىن جەبەۋگە قوزعاۋشى كۇش ۇستەيدى ەكەن. 

16 - كەزەكتى «قۇلجانىڭ قىستاعى اسەم كەلبەتى» اتىنداعى قار - مۇز مادەنيەت - ساياحات مەرەكەسى قار - مۇز ساياحاتىن سەزىنۋ، قىسقى مادەنيەت - ساياحات تۇتىنۋ شاتتىعى، مەرەكە شاتتىعىنان ٴلاززاتتانۋ سياقتى 3 ۇلكەن بولەك، 15 ٴتۇرلى قيمىل بويىنشا وتكىزىلەدى. مۇنىڭ ىشىندە، قار - مۇز ساياحاتىن سەزىنۋ قيمىلىندا «قار ويىنىنىڭ قىزىعىنا باتۋ»، «قيىندىقتى بىلەك بىرىكتىرە جەڭۋ» تاقىرىبىنداعى جاڭا جىلدى مۇز ۇستىندە قارسى الۋ ايداعارشا قايىق جارىسى، «قۇلجانىڭ قىستاعى اسەم كەلبەتى» فوتو سۋرەت كورمەسى، «قارلى دالاداعى سايىس» اتىنداعى جاڭا جىلدى قارسى الۋ قىسقى مالتاۋ جارىسى، «ومىرشەڭدىككە تولى قۇلجا» اتىنداعى ىلە وزەنى قىسقى جارتىلاي مارافون جارىسى، «شىعىستىڭ قۇت بەلگىسى» مەرەكەلىك بۇيىمدار جارمەنكەسى، «ىلە ٴدامى» ٴدامدى تاعام مەرەكەسى سياقتى باي مازمۇندى نىساندار جولعا قويىلادى. قىسقى مادەنيەت - ساياحات تۇتىنۋ شاتتىعى قيمىلى 12 ـ ايدىڭ 25 ـ كۇنىنەن 2023 ـ جىلى 1 ـ ايدىڭ 8 ـ كۇنىنە دەيىن وتكىزىلەتىندىگى جوسپارلانۋدا، التىشۋار كوشەسى كورىنىس رايونى، جىبەك جولى شۇعىلاسى ساياحات شاعىن قالاشىعى جانە كۇڭگاڭ جۇپار ٴشوپ ەكولوگيالىق باقشاسىنا باعىتتالعان ساياحات تۇتىنۋىنىڭ ەرەكشە ٴتيىمدى بەلەتى تاراتىلىپ، «بۇقارالىق قار ـ مۇز ماۋسىمى» حالىققا تيىمدىلىك جاساۋ ٴتيىمدى بەلەتى ارقىلى قىسقى ساياحات بازارى جانداندىرىلادى. مەرەكە شاتتىعىنان ٴلاززاتتانۋ قيمىلىندا «باقىتتى قۇلجا» اتىنداعى يۋانشياۋ مەرەكە ويىندارى، «شۇعىلا شاشقان تيانشان، ىرىستى شينجياڭ» اتىنداعى كوكتەم مەرەكەسى شام جارمەڭكەسى قيمىلى، تيانشاننىڭ تۇستىگى مەن تەرىستىگىندە كوكتەم مەرەكەسىن قۇتتىقتاۋ − بەيزاتتىق حالىقتىق سالت - سانا بازارى سياقتى نىساندار وتكىزىلىپ، قىسقى قار - مۇز ساياحات ونىمدەرى ۇزدىكسىز بايىتىلىپ جانە كەمەلدەندىرىلىپ، ساياحاتشىلاردىڭ تاماشالاۋ، قاتىناسۋ، سەزىنۋ ٴبىر تۇلعالانعان قىسقى ساياحاتتىڭ جاڭا ويىندارى ۇسىنىلادى. 

 ىلە وزەنى كورىنىس رايونى چيساي الاڭى، قۇلجا كۇڭگاڭ جۇپار ٴشوپ ەكولوگيالىق باقشاسى وسى كەزەكتى قار ـ مۇز مادەنيەت ـ ساياحات مەرەكەسى جەلىلەس قيمىلدارى باستالۋ سالتىنىڭ نەگىزگى جانە بولىمشە ٴماجىلىس الاڭى رەتىندە، قاتىستى جاۋاپتى ورىندار ٴتۇرلى دايىندىق قىزمەتتەردى قاۋىرت ىستەۋدە ەكەن. 

«بەتاشار جانە سىرگە جيار كونسەرت نومىرلەرى تۇراقتاندى، اسپاپتىق مۋزيكالارمەن سۇيەمەلدەۋگە قاۋىرت ماشىق جاسالۋدا...» 16 - كەزەكتى «قۇلجانىڭ قىستاعى اسەم كەلبەتى» اتىنداعى قار - مۇز مادەنيەت - ساياحات مەرەكەسىنىڭ اشىلۋ سالتى ادەبيەت - كوركەمونەر كونسەرتىنىڭ باس رەجيسسەرى دۋ بين بىلاي دەپ تانىستىردى: وسى كەزەكتى كونسەرتتىڭ باستالۋ سالتى 12 - ايدىڭ 23 - كۇنى وتكىزىلەدى، سالت ىلە وزەنى كورىنىس رايونىنىڭ چيساي الاڭىنداعى چيساي قار - مۇز باقشاسىندا ادەبيەت - كوركەمونەر نومىرلەرىن قويۋ، تەز سىرعاناۋ، كونكيمەن سىرعاناپ ونەر كورسەتۋ جارىسى، قار مۇسىندەردى كورمەلەۋ سياقتىلاردى نەگىز ەتىپ، بۇرىنعى جىلدارداعى ٴبىر سارىندى ٴان - ٴبي نومىرلەرىن قويۋ فورماسىنان بۇقارا بەلسەنە ات سالىساتىن ساياحات، ويىن تۇرلەرىنە وزگەرتىلىپ، ٴتىپتى دە كوپ ادامعا قىس دۋمانى سەزىندىرىلەدى.

قۇلجا كۇڭگاڭ جۇپار ٴشوپ ەكولوگيالىق باقشاسى ۋنيۆەرسالدى ىستەر ٴبولىمىنىڭ مەڭگەرۋشىسى حۋ جىنفىڭ بىلاي دەپ تانىستىردى: اشىلۋ سالتىنىڭ بولىمشە ٴماجىلىس الاڭى رەتىندە اشىلۋ سالتى اشىلعان كۇنى قار ٴمۇسىن، ادەبيەت - كوركەمونەر ويىنى، سەرىك ۇيىرمەسىنىڭ ونەر كورسەتۋى، تۇيەقۇس جارىسى، شىراق سالتاناتى، مەرەكەلىك بۇيىمدار مەرەكەسى سياقتىلار ٴبىر تۇلعالاندىرىلعان كوڭىلدى مەرەكەلىك قيمىلدار وتكىزىلىپ، ٴتىپتى دە كوپ بۇقاراعا قىستىڭ وزگەشە كوركەمدىگى ايگىلەنەدى. 

قۇلجا قالالىق ۇگىت ٴبولىمىنىڭ ورىنباسار باستىعى، قالالىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى  ياڭ لۋ مىنانى ٴبىلدىردى: نازاردى بۇقارانىڭ ٴتۇرلى قار - مۇز سپورتى قاجەتىنە دالمە - ٴدال شوعىرلاندىرىپ، قىسقى ساياحات ونىمدەرىن بايىتىپ، قالا، اۋىل - قىستاق جانە توڭىرەكتەگى اۋدان - قالالاردىڭ قىسقى قار - مۇز ساياحاتى جەلىسىن قالىپتاستىرىپ، اۆتونوميالى رايوننىڭ، اۆتونوميالى وبلىستىڭ قىسقى ساياحات قىزمەتىنە ورنالاستىرۋىن مۇقيات دايەكتىلەندىرىپ، تياناقتاندىرىپ، قۇلجا قالاسىنىڭ ساياحات بازارىنىڭ جاندانۋىن اناعۇرلىم جەدەلدەتىپ، قىسقى ساياحات تۇتىنۋ بازارىن جەبەيمىز. كەلەسى قادامدا باۋراۋ قۋاتى كۇشتى ٴارى ٴتورت ماۋسىمدا دا ساياحاتتاۋعا، ويىن قىزىعىن سەزىنۋگە بولاتىن قار - مۇز سپورتى جانە ويىن - ساۋىق نىساندارىن اشۋ ارقىلى دەنەتاربيە + ساياحات، «كەشكى كورىنىس + اس - سۋ،  كوڭىل اشۋ + سەيىل - سەرۋەن» سىندى  قالانىڭ جاڭاشا تيجارات ۇلگىسىن قالىپتاستىرىپ، «تۇنگى ەكونوميكا شەڭبەرىن» بىرتىندەپ زورايتىپ، ساۋدا ىستەرى، ساياحات، مادەنيەت تاراۋلارى بىرلەسە قيمىلداپ، ينتەرنەت جەلىسىندە جانە ينتەرنەت جەلىسىنەن تىس دامۋدى توعىستىرىپ، مادەنيەت - ساياحات ارقىلى حالىققا تيىمدىلىك جاساۋ قيمىلدارىن كەڭ كولەمدە ورىستەتىپ، قىسقى جەرگىلىكتى ورىن ەرەكشەلىگىندەگى تۇنگى ەكونوميكانى ەرەكشەلەندىرىپ، جانداندىرىپ، جالىنداتىپ، بازار نەگىزگى تۇلعاسىنىڭ سەنىمىن اناعۇرلىم قالپىنا كەلتىرىپ، 3 - كاسىپ سالاسى ارقىلى تۇتىنۋدى ارتتىرۋدى ٴونىمدى جەبەيمىز.