ٴتىلشىمىز لي يافىڭ حابارلايدى. تاياۋدا ٴتىلشىنىڭ قۇلجا قالالىق ساۋدا جانە ونەركاسىپتى ينفورماتسيالاندىرۋ مەكەمەسىنەن ۇعىسۋىنشا، تۇتىنۋدى قالپىنا كەلتىرۋدى اناعۇرلىم جەبەپ، تۇتىنۋ سەنىمىن سەرپىلتىپ، تۇتىنۋدىڭ كومەسكى قۋاتىن اشىپ، بۇقارانىڭ ۇزدىكسىز ارتىپ وتىرعان تۇتىنۋ قاجەتىن قۇلشىنا قاناعاتتاندىرۋ ٴۇشىن، قۇلجا قالاسى بەلسەنە جوبا - جوسپار جاساپ، حالىققا ٴتيىمدى تۇتىنۋدى جەبەۋ قيمىلىن قامتىعان قىسقى تۇتىنۋدىڭ دارەجەسىن جوعارىلاتاتىن 7 ٴتۇرلى جەلىلەس قيمىلدى اتقارىپ، تۇتىنۋدى جەبەۋدى نەگىزگى جەلى ەتىپ، ٴتۇرلى بايلىقتى توعىستىرىپ، قىسقى تۇتىنۋ قيمىلىنىڭ جاڭا تانىسقىسىن قالىپتاستىرعان.

سول كۇنى قۇلجا قالاسى دۇڭچىڭ ٴتيىمدى باعاداعى مەرەكەلىك جايما بۇيىمدار كوشەسىندە ٴىشىنارا ساۋداگەر قالىڭ جاۋعان قاردى تازالاپ بولىسىمەن - اق جايمالارىن جايدى، بىردە كوتەرىلىپ، بىردە باسەڭدەگەن ولاردىڭ دابىرلاپ زات ساتقان ايعايى مەن باعا تالاسىپ گۋ - گۋ ەتىسكەن داۋىستارى بازاردى دۋمانعا بولەدى.

«دۇڭچىڭ ٴتيىمدى باعاداعى مەرەكەلىك جايما بۇيىمدار كوشەسى − قۇلجا قالاسى قۇرعان <حالىققا قولايلى جايما . دۋماندى كەشكى بازار> اتىنداعى حالىققا ٴتيىمدى تۇتىنۋدى جەبەۋ قيمىلىنداعى 9 ورىننىڭ ٴبىرى. مۇندا 65 جايما ورنى اشىلىپ، 100 ادامنىڭ جۇمىستانۋ ماسەلەسى شەشىلدى. قازىر 15 ورىنعا ساۋداگەر شاقىرىلدى، وسى ايدىڭ 15 - كۇنى رەسمي تيجارات جۇرگىزىلدى» دەدى شينجياڭ حۇڭچۋاڭيۇي اس - سۋ باسقارۋ شەكتى سەرىكتەستىگىنىڭ جاۋاپتىسى پان لەي.

قۇلجا قالالىق قالا باسقارۋ مەكەمەسى قوجالىق ىستەر ٴبولىمىنىڭ باستىعى، اكىمشىلىك زاڭ اتقارۋ ۇلكەن اترەتىنىڭ ورىنباسار باستىعى جياڭ سۋجۇن بىلاي دەدى: «بۇقارانى جانە جەكەشە ساۋدا - ونەركاسىپشىلەردى ارناۋلى ورىندا جايما اشۋعا باۋراۋ ارقىلى ونىمدەردى كورمەلەپ ساتۋ تۇعىرىن قۇرىپ، جايما ەكونوميكاسى مەن <كولىك كەبەجەسى> ەكونوميكاسىن جانداندىرىپ، مىڭنان استام بۇقارانى ٴوز جەرىندە، جاقىن ماڭدا جۇمىستانۋعا جانە دەربەس شارۋاشىلىق قۇرۋعا باستاپ، تۇتىنۋدىڭ جاندانۋىن جەبەدىك».

«وسى جولعى حالىققا ٴتيىمدى تۇتىنۋدى جەبەۋ قيمىلى جايما ەكونوميكاسىنىڭ ومىرشەڭدىك قۋاتىن ارتتىرىپ، ٴبىز سياقتى جەكەشە ساۋدا - ونەركاسىپشىلەرگە وراي جاراتىپ بەردى، بىرنەشە كۇننەن بەرى كۇنىنە 700 - 800 يۋان كىرىس كىرگىزدىم، تابىسىم جامان ەمەس» دەدى جايماشى ساۋداگەر ما شياۋميڭ قۋانىشتى بەينەمەن.

قۇلجا قالاسىنىڭ قىسقى تۇتىنۋدىڭ دارەجەسىن جوعارىلاتۋ جەلىلەس قيمىلى حالىققا قولايلى جايما . دۋماندى كەشكى بازار، جۇرت كوڭىلىن مەيىرگە بولەيتىن حالىققا ٴتيىمدى تۇتىنۋ بەلەتى، جىل كەزەڭىنىڭ شاتتىعىمەن ٴبولىسۋ . اۆتوكولىك ساتىپ الۋدا تيىمدىلىك جاساۋ، ينتەرنەتتە جاقسى ٴۇي الىپ جاڭا جىلدى قارسى الۋ، قار - مۇز قيمىلدارىن جانداندىرۋ، وتباسى ەلەكتر جابدىقتارىن اۋىل - قىستاققا جەتكىزىپ، حالىققا تيىمدىلىك جاساۋ . اۋىل - قىستاقتى گۇلدەندىرۋگە دەم بەرۋ، بۇلت تەرمينالىنداعى بازار . ينتەرنەت جەلىسىنەن زات ساتىپ الۋدىڭ ٴلاززاتى سىندى 7 ٴتۇرلى مازمۇندى قامتىعان.

قۇلجا اۋەجايىنىڭ ماڭىنا ورنالاسقان قۇلجا كۇڭگاڭ جۇپار ٴشوپ ەكولوگيا باقشاسىندا بىرنەشە كۇننەن بەرى قىزمەتكەرلەر ۇستەمەلەپ قىزمەت ىستەپ، باقشا ىشىندەگى ٴتۇرلى كوڭىل اشۋ قۇرىلعىلارى، سىرعاناۋ جولى سياقتىلاردى قۇراستىرىپ جوندەپ، «قار - مۇز قيمىلدارىن جانداندىرۋ» اتىنداعى حالىققا ٴتيىمدى تۇتىنۋدى جەبەۋ قيمىلىنا تولىق دايىندالدى. وسى ەكولوگيا باقشاسىنىڭ جالپىلىق ىستەر ٴبولىمىنىڭ ديرەكتورى حۋ جىنفىڭ بىلاي دەدى: «قازىر جۇمىسشىلار سىرعىما شانا تەكشەسىن قۇراستىرىپ، مۇز قاتىرۋ كولشىگىنە سۋ قۇيۋدا، LED ەكرانىن ورناتىپ، ساحنا جاسادى جانە مەرەكەلىك بۇيىمدار ساتاتىن 200 ورىندى ازىرلەدى، مەجەمەن وسى ايدىڭ سوڭىندا تيجارات باستايمىز».

ۇعىسۋعا قاراعاندا، قىسقى تۇتىنۋدىڭ دارەجەسىن جوعارىلاتۋ جەلىلەس قيمىلىن ويداعىداي وتكىزۋ ٴۇشىن، قۇلجا قالاسى بىرلەسىپ قيمىلداۋ مەحانيزمى بايلانىس شوعىرىن قۇرعان، 9 ورىنداعى جايما، حالىققا قولايلى كەشكى بازار تۇگەل ىسكە قوسىلعان. جۇرت كوڭىلىن مەيىرگە بولەيتىن حالىققا ٴتيىمدى تۇتىنۋ بەلەتىن تاراتۋ قىزمەتى سايكەستىرىلۋ ۇستىندە ەكەن؛ «جىل كەزەڭىنىڭ شاتتىعىمەن ٴبولىسۋ . اۆتوكولىك ساتىپ الۋدا تيىمدىلىك جاساۋ» اتىنداعى تۇتىنۋدى جەبەۋ قيمىلىندا كوپتەگەن اۆتوكولىك ساتۋ كاسىپورىندارى اۆتوكولىك ساتىپ الۋ ۇگىتىن جاساي باستاعان؛ «ينتەرنەتتە جاقسى ٴۇي الىپ جاڭا جىلدى قارسى الۋ» قيمىلىنىڭ ينتەرنەتتە قيمىلعا قاتىناسۋ شاعىن پروگرامماسى جاسالىپ بولعان، كورمەگە قاتىناساتىن 34 قورا - جاي اشۋ كاسىپورنى ساتىلاتىن 51 نىساندى، 7830 دان استام ٴۇي تىزىمدىگىن ۇسىنعان؛ «قار - مۇز قيمىلدارىن جانداندىرۋ» اتىنداعى قيمىلدىڭ ٴتۇرلى جوباسى بىرتىندەپ تۇراقتاندىرىلۋ ۇستىندە ەكەن؛ «وتباسى ەلەكتر جابدىقتارىن اۋىل - قىستاققا جەتكىزىپ، حالىققا تيىمدىلىك جاساۋ . اۋىل - قىستاقتى گۇلدەندىرۋگە دەم بەرۋ» قيمىلىنىڭ قاتىستى جوبالارى جاسالعان ٴارى وتباسى ەلەكتر جابدىقتارىن ساتۋ ورىندارى كۇنى بۇرىن ازىرلىك كورۋگە ۇيىمداستىرىلعان؛ «بۇلت تەرمينالىنداعى بازار . ينتەرنەت جەلىسىندە زات ساتىپ الۋدىڭ ٴلاززاتى» قيمىلىندا تىكە تاراتىلىمدا زات ساتۋ نەگىزىن قالاعان جەرگىلىكتى ورىنداعى ٴوندىرىس كاسىپورىندارى تىزىمدەلۋدى ٴوتىنىش ەتۋگە ۇيىمداستىرىلىپتى، قوسىمشا قاراجات تياناقتاندىرىلعاننان كەيىن جۇمىس باستايدى ەكەن.