ىلە وبلىسىنىڭ حالىقتىق اۆياتسياسى، تەمىر جولى، تاس جولى جولاۋشىلاردىڭ قايتۋ ورلەۋىن قارسى الدى
ٴتىلشىمىز لي يافىڭ حابارلايدى. 1-ايدىڭ 27 ـ كۇنى ەسكىشە كالەندار بويىنشا جاڭا جىلدىڭ 6 ـ كۇنى، سونداي ـ اق كوكتەم مەرەكەسى دەمالىسىنىڭ ەڭ سوڭعى كۇنى، قۇلجا اۋەجايى، ىلە وبلىستىق اۆتوكولىك جولاۋشى تاسىمال باس بەكەتى، قۇلجا پويەز بەكەتى ىركەس ـ تىركەس جولاۋشىلاردىڭ قايتۋ ورلەۋىن قارسى الدى. مۇندا ساعات 15 تەن 22 گە دەيىن ەڭ قاۋىرت مەزگىل بولىپ تابىلادى.
سول كۇنى تاڭ سارىدە ٴتىلشى قۇلجا اۋەجايىنان اۋەجاي عيماراتىنىڭ حاۋىپسىزدىك تەكسەرۋ ارناسىنا «福» ٴارىبى جاپسىرىلىپ، جۇڭگو تۇيىنشەگى مەن قىزىل تۇمشالامالى شام ٴىلىنىپ، ەرەكشە مەرەكەلىك بەينەگە ەنگەنىن كوردى. قايتقان جولاۋشىلار اعىنىنىڭ جوعارى ورلەۋگە كوتەرىلۋىنە توتەپ بەرۋ ٴۇشىن، اۋەجاي تاسىمالدى ۇيىمداستىرۋدى كۇشەيتىپ، قىزمەت وتەۋ شارالارىندا بەلسەنە جاڭالىق اشىپ، جولاۋشىلاردىڭ قايتۋىنا تاماشا ورتا جاراتتى.
«1 - ايدىڭ 21 - كۇنىنەن 27 - كۇنىنە دەيىن اۋەجايعا كىرىپ - شىققان جولاۋشى شامامەن 18 مىڭ 156 عا، كىرىپ - شىققان كەزەكشى ۇشاق 198 رەتكە جەتتى». قۇلجا اۋەجايى جولاۋشىلارعا قىزمەت وتەۋ ٴبولىمىنىڭ قىزمەتكەرى ۋ يانان بىلاي دەدى: مەرەكە كەزىندە اۋەجايداعى جولاۋشىلار اعىنى ورنىقتى بولۋدا، جولاۋشىلارعا ۇشاق كۇتۋدە الدىن الا قيمىلداۋدى، ۇشاققا شىعۋ رەسمياتىن بىتىرۋگە جەتكىلىكتى ۋاقىت شىعارۋدى ۇسىنىس ەتەمىز.
ٴتىلشى قۇلجا ۆوكزالىنىڭ كىرەر اۋزىندا جولاۋشىلاردىڭ ۇلكەندى - كىشىلى سومكەلەرىن كوتەرىپ، تارتىپپەن قاتارعا تۇرىپ بەكەتكە كىرىپ جاتقانىن، ٴۇرىمجى تەمىر جول قوعام حاۋىپسىزدىگى مەكەمەسى كۇيتۇن قوعام حاۋىپسىزدىگى باسقارماسى قۇلجا ۆوكزالى ساقشى بولىمشەسىندەگى حالىق ساقشىلارىنىڭ شارلاۋ تەبىنىن كۇشەيتكەندىگىن، سونداي - اق حاۋىپسىزدىك تەكسەرۋ زالى مەن پويەز كۇتۋ زالىندا حالىققا قولايلى قىزمەت وتەۋ ورنىن قۇرىپ، كومەككە مۇقتاج جولاۋشىلاردى كولىككە وتىرۋ كۋالىگىن جىلدام ٴبىتىرۋ، زاڭدىق كەڭەس بەرۋ سياقتى ۋاقىتتىق قىزمەت وتەۋمەن قامداعاندىعىن، جولاۋشىلاردىڭ قايتۋىنا تاماشا ورتا جاراتۋعا كۇش سالعاندىعىن كوردى.
«1 ـ ايدىڭ 25 ـ كۇنىنەن باستاپ ۆوكزالدىڭ جولاۋشى تاسىمال مولشەرى بىرتىندەپ ارتىپ، كۇنىنە ورتا ەسەپپەن 8100 ادام ـ رەتتەن استام جولاۋشى جونەلتىلدى...» دەدى ٴۇرىمجى تەمىر جول قوعام حاۋىپسىزدىگى مەكەمەسى كۇيتۇن قوعام حاۋىپسىزدىگى باسقارماسى قۇلجا ۆوكزالى ساقشى بولىمشەسىنىڭ اتقارۋشى باستىعى دۋ ياڭياڭ.
«جاڭا جىلعا قاراعان تۇننەن جاڭا جىلدىڭ 5 ـ كۇنىنە دەيىنگى جولاۋشىلار مولشەرى ورنىقتى بولدى، ٴار كۇنى 167 جولاۋشى اۆتوكولىگى ىسكە قوسىلدى، ەسكىشە كالەندار بويىنشا جاڭا جىلدىڭ 6 - كۇنى قايتقان جولاۋشىلار ٴبىرشاما شوعىرلى بولدى، پويەز بەكەتى قايتاتىن جولاۋشى قاينارىنىڭ وزگەرىسىنە قاراي، اۆتوكولىك كەزەگىنە رەتتەۋ جۇرگىزىپ، جولاۋشىلاردىڭ جولاۋشىلاۋ قاجەتىن قاناعاتتاندىردى» دەدى ىلە وبلىستىق اۆتوكولىك جولاۋشى تاسىمال باس بەكەتى شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى شيا ۋىنگۋاڭ. ول تاعى بىلاي دەدى: مەرەكە كەزىندە جولاۋشىلار اعىنى نەگىزىنەن توڭىرەكتەگى اۋدان، قالالارعا باراتىن قىسقا ارالىقتى ساپارعا شوعىرلاندى، بەكەتتىڭ بەلەت قاينارى، تاسىمال قۋاتى جەتكىلىكتى، جولاۋشىلاردىڭ بەلەتتى دەرەۋ ساتىپ الۋىنا، دەرەۋ اتتانۋىنا بولادى.