汉文 ىلە اقپارات تورابىنا حوش كەلدىڭىزدەر!
«ىلە وزەنى · عاسىر جاڭا اۋەنى» تۇتىكتى - ىشەكتى ۇلتتىق اسپاپتار مۋزىكا ساۋىعى تارتىمدى وتكىزىلدى
2023-03-25 12:29:21     كورىلىم:رەت كەلۋ قاينارى:ىلە گازەتى  جاۋاپتى رەداكتور:جارقىن تۇسەن ۇلى

سۋرەتتە: كونسەرت مايدانىنان كورىنىس.         لي جيان فوتوسى

ٴتىلشىمىز لي جيان حابارلايدى.  3 - ايدىڭ 22 - كۇنى كەشتە ىلە وبلىستىق پارتكوم ۇگىت ٴبولىمى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى، ىلە وبلىستىق مادەنيەت - ساياحات مەكەمەسى مىندەتىنە العان «ىلە وزەنى · عاسىر جاڭا اۋەنى» تۇتىكتى - ىشەكتى ۇلتتىق اسپاپتار مۋزىكا ساۋىعى ىلە تەاترحاناسىندا تۇڭعىش مايدان كونسەرتىن قويىپ، كورەرمەندەرگە بىردە باياۋلاپ، بىردە شىعانداعان، بىردە ەجەلگى، بىردە وسى زامانعى مۋزىكانىڭ ٴلاززاتىن سيلادى. تەاترحانا ادامعا لىق تولىپ، شاپالاق ٴۇنى ۇزاققا دەيىن تولاستامادى.

ۇعىسۋعا قاراعاندا، «ىلە وزەنى · عاسىر جاڭا اۋەنى» تۇتىكتى - ىشەكتى ۇلتتىق اسپاپتار مۋزىكا ساۋىعىنىڭ جاسامپازدىق دايىندىعى 2022 - جىلى كوكتەمدە باستالعان، ىلە وبلىستىق ٴان - ٴبي تەاترحاناسى بەيجيڭ داشۋەسى ۇلتتىق مۋزىكا جانە مۋزىكا تەاترىن زەرتتەۋ ورتالىعىنىڭ مەڭگەرۋشىسى جوۋ يىڭچىن، ەل ىشىندەگى ايگىلى كومپوزيتورلار يە شياۋگاڭ، جوۋ شۋەشى، ساي جيانچۇن، مەملەكەتتىك 1 - دارەجەلى دىريجور، ورتالىق ۇلتتار مۋزىكا ۇيىرمەسىنىڭ تۇراقتى دىريجورى يۋان بەي، ٴانشى يوۋ لۇڭ، چىن سى قاتارلىلارمەن بىرلەسىپ، ٴبىر جىل ۋاقىت بىرگە دايىنداپ، مۇراگەرلىك ەتۋ نەگىزىندە ىلەنىڭ حالىقتىق مۋزىكاسىن وسى زامان سيپاتىندا قۇراستىرىپ جاساپ، حالىقتىق مۋزىكانىڭ جاڭالىق اشۋ بارىسىندا قايتالاي تۇلەجۋىنە مۇمكىندىك جاساعان.

”ٴبىز بۇل مۋزىكا ساۋىعىن كوركەمونەر امالياتى تاقىرىبى ارقىلى جوبالادىق“. «ىلە وزەنى . عاسىر جاڭا اۋەنى» تۇتىكتى - ىشەكتى ۇلتتىق اسپاپتار مۋزىكا ساۋىعىنىڭ باس رەجيسسەرى جوۋ يىڭچىن بىلاي دەدى: ”ىلەنىڭ حالىقتىق مۋزىكاسىنىڭ قورى توتەنشە مول. ٴبىز جاڭا داۋىردە، جاڭا كەزەڭدە قۇرىلىم، قاسيەت، جاسامپازدىق جاعىنان قارتتاردى، ورتا جاستاعىلاردى، جاستاردى ۇشتاستىرىپ، جاڭا ٴارى اناعۇرلىم كوپ ادام ۇناتاتىن مۋزىكا ساۋىعى ارقىلى جاڭا ٴداۋىردى جىرلاۋدى ويلاستىردىق. بۇگىنگى تۇڭعىش مايدان كونسەرتىمىز ٴساتتى بولدى. كوپشىلىكتىڭ ٴبىر نيەتپەن سەلبەسۋىندە جاڭا ٴبىر تۋىندى ستيلىنىڭ ايگىلەنگەندىگىن كوردىك“.

وسى جولعى مۋزىكا كەشىنىڭ شىمىلدىعىن «قارلى تاۋدان كەلە جاتتىڭ» اتتى بەتاشار كۇي اشتى. ٴبىرىنشى مۋزىكا تاراۋدا ”جول اشۋشىلار جىرىندا“ كورەرمەندەر «سايىپقىراندار جىرى»، «قىلىش ٴبيى»، «توقىماشى قىز» سىندى ٴۇش مۋزىكادان ٴلاززاتتاندى، مۇندا ايبات پەن قاھار، قاعىلەزدىك پەن سۇيكىمدىلىك ٴوزارا توعىسىپ، مۋزىكالىق تاسىلمەن مىڭ جىلدىڭ الدىنداعى شەكارا ٴوڭىردىڭ سالت - ساناسىنىڭ تۇرمىس كارتيناسىن اشتى.

ەكىنشى مۋزىكا تاراۋدا ”عاسىر جاڭعىرىعى“ ٴتورت كىسىلىك دومبىرامەن ورىندالعان «قوسباسار» كۇيى، جوعارى داۋىستى ەر انشىلەردىڭ تۇتىكتى - ىشەكتى ۇلتتىق اسپاپتارمەن ورىنداعان «تيانشان» جانە جوعارى داۋىستى ايەل ٴانشى ورىنداعان جەكە ٴان «جيەيوۋ گۇلى» سياقتى مۋزىكالار كورەرمەندەرگە ىلەنىڭ كوپ نەگىزدى مادەنيەتى مەن گۋمانيتارلىق كوركەمدىگىن ايگىلەدى. 

ٴۇشىنشى مۋزىكا تاراۋدا كومپوزيتورلار ”بىرىكتىرىلگەن“ جاسامپازدىق ٴتاسىلىن قولدانىپ، قازاقتىڭ حالىق ٴانى «انانىڭ» نەگىزگى تاقىرىبى، حىبەيدىڭ سىرناي مۋزىكاسى جانە مۋزىكالىق درامماسى «باتىس ٴوڭىر حيكاياسىنداعى» ”الىپ اكۋلا“ نەگىزگى تاقىرىبىنداعى بولەگى سياقتى فاكتورلاردى بەلگىلى فورما ارقىلى ورگانيكالىق تۇلعا ەتىپ بىرىكتىرىپ، «قارلى تاۋ گۇلدى القابى»، «كوكتەگى كەمپىر قوساق»، «ىلەدە جۇزدەسۋ» سياقتى مۋزىكالار ارقىلى ىلەلىكتەردىڭ ىستىق ىقىلاستى، اق كوڭىل، اق ەدىل مىنەزىن بەينەلەدى.

كورەرمەن حۋاڭ شين كونسەرتتى كورگەننەن كەيىن بىلاي دەدى: ”بۇل رەتكى مۋزىكا سالتاناتى ىلە حالقىنىڭ مول مۋزىكالى داستارقانى بولىپتى، مۋزىكا مەن ساحنا توتەنشە جاقسى سايكەستىرىلىپ، بىزگە ىلە مادەنيەتىنىڭ قۇدىرەتىن سەزىندىردى. كوپشىلىكتىڭ ىلەنىڭ كوركەم كورىنىستەرىن تاماشالاپ، تاماشا مۋزىكا كەشىن كورۋىن قارسى الامىز“.

ۇعىسۋعا قاراعاندا، بۇل جولعى مۋزىكا كونسەرتى 3 - ايدىڭ 25 - كۇنى تۇڭعىش كەزەكتى شينجياڭ مادەنيەت - كوركەمونەر مەرەكەسىندە  قويىلىپ، ٴۇرىمجى كورەرمەندەرىنە ىلەنىڭ باۋراۋ قۋاتىن ايگىلەيدى ەكەن.