ٴتىلشىمىز كاميلا حابارلايدى. 3 - ايدىڭ 17 - كۇنى 2023 - جىلعى 2 - كەزەكتى جاڭا ٴداۋىر ىلە كادرلارى ۇلكەن ساباقحاناسى ساباق باستادى. وبلىسقا توتە قاراستى ورىندارداعى باسشى كادرلاردىڭ جوعارى دەڭگەيدە سىرتقا ەسىك اشۋدى ىلگەرىلەتۋ قابىلەتىن اناعۇرلىم جوعارىلاتۋ ٴۇشىن، اۆتونوميالى رايوندىق شەكارا وتكەلى كەڭسەسىنىڭ ورىنباسار مەڭگەرۋشىسى ۋاڭ شوۋجۇن ”قورعاستىڭ رولىن قالاي ساۋلەلەندىرۋ“ نەگىزگى تاقىرىبىن ارقاۋ ەتىپ، وبلىسقا توتە قاراستى ورىندارداعى ٴار دارەجەلى باسشى كادرلارعا ارناۋلى تاقىرىپتا لەكسيا جاسادى.

لەكسيانى وبلىستىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى، پارتيا مەكتەبىنىڭ باستىعى لي رۇڭنيان باسقاردى. وبلىس باسشىلارىنان جاۋ تيانجيە، جياۋ يمين، سەرجان ۇعىباي ۇلى، كۇلان سەيپىلقان قىزى، رازبەك قامزا ۇلى، جياۋ شياۋفان، جاۋ سۇيفاڭ، ياڭ شينپيڭ قاتارلىلار نەگىزگى ٴماجىلىس الاڭىندا لەكسيانى تىڭدادى.

ۋاڭ شوۋجۇن − ورتالىق جانە مەملەكەت ورگاندارىنان 10 - توپتا شينجياڭعا كومەككە كەلگەن كادر، كەدەن باس مەكەمەسى جىبەرگەن. ۋاڭ شوۋجۇن بۇرىنعى جىلدارى كەدەن مەكەمەسىنىڭ كوپتەگەن قىزمەت ورىندارىندا، جەرگىلىكتى ورىنداردا دا قىزمەت ىستەگەن، شەكارا وتكەلى كاسىپتىك بىلىمىنە قانىق، وتكەلدەن ٴوتۋ، جوعارى دەڭگەيدەگى سىرتقا ەسىك اشۋدى زەرتتەۋ سياقتى جاقتاردا مول تاجىريبەگە يە، عىلمي ماعلۇماتى تەرەڭ.

لەكسيادا ۋاڭ شوۋجۇن نەگىزگى تاقىرىپتى ارقاۋ ەتىپ، جاۋاپكەرشىلىكتى جىعا تانىپ، ىسكەرلىك تانىمدى سانالى كۇشەيتىپ، ماسەلەنى باعدار ەتۋدەن جازباي، وتكەلدىڭ كەدەننەن وتكىزۋ ونىمدىلىگىن قۇلشىنا جوعارىلاتۋ، تاماشا ستيلدى ساقتاۋ، باسقارۋ دەڭگەيىن شىنايى جوعارىلاتۋ سياقتى جاقتاردا جاڭا دامۋ ۇستانىمىنىڭ رۋحاني ٴمانىن جۇيەلى، جان ـ جاقتى، تەرەڭ بايىمدادى، بۇل شەكارا وتكەلىنىڭ كەدەننەن وتكىزۋ ونىمدىلىگى مەن باسقارۋ دەڭگەيىن اناعۇرلىم جوعارىلاتىپ، بۇكىل وبلىستاعى ٴار دارەجەلى باسشى كادرلاردىڭ ەكونوميكالىق قىزمەتتى ويداعىداي يگەرۋ كاسىپتىك قابىلەتىن اناعۇرلىم جوعارىلاتىپ، جوعارى ساپالى دامۋدى كۇش سالا ىلگەرىلەتۋدە اسا كۇشتى باعىتتامالىلىق، كورەگەندىك جانە جەتەكشىلىك سيپاتقا يە.

لي رۇڭنيان قورىتىندىلاۋ بارىسىندا بىلاي دەدى: وبلىسقا توتە قاراستى اۋدان، قالالار، تاراۋلار باس شۋجي شي جينپيڭنىڭ سىرتقا ەسىك اشۋ جونىندەگى ماڭىزدى نۇسقاۋىنىڭ رۋحىن ۇزدىكسىز ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، وبلىستىق پارتكومنىڭ قىزمەت ٴماجىلىسىنىڭ ورنالاستىرۋىن تياناقتاندىرىپ، ناقتىلاندىرىپ، جاڭا دامۋ ۇستانىمىن جەتەكشى ەتىپ، وبلىسقا توتە قاراستى ورىندارداعى باسشى كادرلاردىڭ ەكونوميكالىق قىزمەتتى مىقتى يگەرۋدەگى كاسىپتىك قابىلەتىن ۇزدىكسىز جوعارىلاتۋى كەرەك. ٴبىر جاعىنان، تاربيەلەۋ مەن باۋلۋدى ۇزدىكسىز مىقتى يگەرىپ، ارناۋلى تاقىرىپتا لەكسيا جاساۋ، كوزدەن كەشىرىپ پىكىر اۋىستىرۋ سياقتى فورمالاردان پايدالانىپ، ٴتۇرلى ەكونوميكالىق كۋرستاردى تىڭعىلىقتى ورىستەتىپ، جاڭا دامۋ ۇستانىمىن تانۋ دەڭگەيىن ۇزدىكسىز كۇشەيتىپ، كوز ايانى قۇلشىنا كەڭەيتۋى كەرەك. ەندى ٴبىر جاعىنان، ۇيرەنۋدى، وي جۇگىرتۋدى، قولدانۋدى ٴوزارا ۇشتاستىرۋعا، تانىمدى، سەنىمدى، ارەكەتتى ٴوزارا ۇشتاستىرۋعا تاباندى بولىپ، ۇيرەنگەندەرىن ناقتى قىزمەت بارىسىندا شىنايى قولدانىپ، اماليات بارىسىندا جاڭا دامۋ ۇستانىمىنان پايدالانىپ رەفورمانى تەرەڭدەتۋ، دامۋدى ىلگەرىلەتۋ، ورنىقتىلىقتى قورعاۋ قابىلەتىن ۇزدىكسىز شىڭداۋى كەرەك.

وسى رەتكى ۇلكەن ساباقحانا وبلىسقا توتە قاراستى اۋدان، قالالاردا بولىمشە ٴماجىلىس الاڭىن ورنالاستىرىپ، بەينە ەكران فورماسىندا اشىلدى.