ٴتىلشىمىز جاڭ جينفىڭ حابارلايدى. 3 - ايدىڭ 22 - كۇنى ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قۇلجا قالاسىن ىشكەرىلەي ارالاپ، ٴبىرىنشى ماۋسىمدا جاقسى باستاما اشۋعا ۇمتىلۋدى ارقاۋ ەتىپ، قۇلجا قالاسىنداعى جۇمىستى شوعىرلى قالپىنا كەلتىرگەن، جۇمىس باستاعان كەلەلى نىساندار، مال شارۋاشىلىعى ٴوندىرىسى، تازا ەنەرگيا سياقتى جاقتارعا تەكسەرۋ - زەرتتەۋ جۇرگىزىپ، كاسىپورىنداردىڭ سەنىمىن سەرپىلتىپ، دامۋدى جەبەۋىنە دەن قويا، سۇيىسپەنشىلىكپەن كومەكتەسىپ، كاسىپورىنداردىڭ ومىرشەڭدىك كۇشىن تاسقىنداتىپ، دامۋ قوزعاۋشى كۇشىن نىعايتتى.

قۇلجا قالاسى اۋەجاي زات اينالىمى باقشا رايونى نىسانىنىڭ قۇرىلىس ورنىندا جۇمىسشىلار بولات شىبىق بايلاپ، قۇرىلىس ماتەريالدارىن تاسىعان كولىكتەر قايشالىسىپ، ماشينا گۇرىلى ەستىلەدى. قۇرىلىس جۇرگىزۋشىلەر قۇرىلىس ساپاسىنا كەپىلدىك ەتۋمەن بىرگە، قۇرىلىس مەرزىمىن، قارقىندى مىقتى يگەرىپ، نىسان قۇرىلىسىن جەدەل ىلگەرىلەتۋدە. ۇعىسۋعا قاراعاندا، بۇل نىسان بيىل جىل سوڭىندا نەگىزگى تۇلعالىق قۇرىلىستى ٴبىتىرىپ، مەجەمەن كەلەر جىلى ىسكە قوسىلادى ەكەن.

ەلشات تۇرسىنباي ۇلى ارالاپ كورۋ، مالىمەت تىڭداۋ، اڭگىمەلەسۋ، ۇعىسۋ سياقتى تاسىلدەر ارقىلى نىسانداردىڭ اياق الىس جاعدايىن جانە كەلەسى ساتىداعى اينالىمى جونىندەگى وي جەلىسىن ەگجەي - تەگجەيلى ۇعىستى. ول بىلاي دەدى: امال قاراستىرىپ، ٴىرى زات اينالىمى كاسىپورىندارىن ەنگىزىپ، يمپورت - ەكسپورت ساۋداسىن كۇشەيتىپ، زات اينالىمى ينفورماتسيا تۇعىرى قۇرىلىسىن جەدەلدەتىپ، ٴتىپتى دە كوپ كاسىپتەردى باۋراپ، باجى جاعىندا تيىمدىلىك جاساپ، ىلە اڭعارىنىڭ زات اينالىمى جيناۋ - جونەلتۋ ورتالىعىن قالىپتاستىرۋ كەرەك.

ىلە يمۋشين ەگىن، مال شارۋاشىلىعىن دامىتۋ شەكتى جاۋاپكەرشىلىك سەرىكتەستىگىنىڭ بايانداي ساۋىن سيىر باعىمشىلىعى فەرماسىنداعى حولستەيىن سيىرلارى بارىنشا سەمىرگەن، قازىر بۇل باعىمشىلىق فەرماسىندا 1200 باس ساۋىن سيىر بار، وعان داردامتى، جاڭا جەر وڭىرىندەگى باعىمشىلىق فەرمالارىنداعى جانە قۇلجا اۋدانى بايتوقاي باعىمشىلىعى فەرماسىنداعى سيىرلاردى قوسقاندا، ساۋىن سيىر سانى 3000 باستان اسادى، كۇنىنە 30 توننادان استام ٴسۇت بەرەدى.

ەلشات تۇرسىنباي ۇلى كاسىپورىننىڭ اينالىمى، بازار جاعدايى، جەم - ٴشوپ قورى، سيىر ٴسۇتىنىڭ ساتىلۋ جاعدايى سياقتىلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: قاتىستى تاراۋلار كاسىپورىندارعا قىزمەت وتەۋدى ويداعىداي ىستەپ، قيىنشىلىقتارىن شەشىپ، كاسىپورىنداردىڭ باتىلدىقپەن قامال الىپ، باتىلدىقپەن ىستەۋىنە مۇمكىندىك جاساپ، ولاردى ۋايىمنان ارىلتۋى كەرەك. سونىمەن بىرگە، كاسىپورىنداردى جەم - ٴشوپ بازاسى قۇرىلىسىن كۇشەيتىپ، كاسىپ سالاسى تىزبەگىن ۇزارتىپ، ىلەنىڭ ٴسۇت ونىمدەرى ماركاسىن زورايتۋعا، كۇشەيتۋگە شابىتتاندىرۋى كەرەك. 

ىلە جوعارى ەنەرگيا ٴداۋىرى بيولوگيالىق ەنەرگيا شەكتى سەرىكتەستىگىندە، ورتالىق مەڭگەرمە جۇمىس بولمەسى قاربالاستىققا تۇسكەن، قىزمەتكەرلەر كومپيۋتەردە قوقىر ـ قوقسىقتى ورتەپ، ەلەكتر تاراتۋدىڭ ناقتى اينالىم جاعدايىن تەكسەرۋدە، LED ەكرانىنان ٴارقايسى سەحتىڭ قىزمەت جاعدايى كورىنىپ تۇر.

بۇل − قۇلجا قالاسىنىڭ تۇرمىستىق قوقىر - قوقسىقتاردى ورتەپ، ەلەكتر شىعارۋ نىسانى، وعان 563 ميلليون يۋان قارجى قوسىلعان، كۇنىنە 500 توننا قوقىر - قوقسىقتى ورتەيتىن ەكى ٴوندىرىس جەلىسى سالىنعان، قۇلجا قالاسى مەن توڭىرەكتەگى اۋدان، قالالاردىڭ تۇرمىستىق قوقىر - قوقسىقتارىن ٴبىر جاقتى ەتۋگە بولادى.

ەلشات تۇرسىنباي ۇلى بۇل نىساندى تولىق تۇراقتاندىرىپ، تۇرمىستىق قوقىر - قوقسىقتاردى ورتەپ، ەلەكتر شىعارۋ جاعدايىن، ورتەگەننەن كەيىنگى جاراقسىز سۋ مەن كۇلىن ٴبىر جايلى ەتۋ جاعدايى سياقتىلاردى ۇعىستى. ول كاسىپورىننىڭ تەحنيكا دەڭگەيىن جوعارىلاتۋدى جەدەلدەتىپ، قورشاعان ورتانى قورعاۋعا ۇسىنىلىمدى ارتتىرىپ، كاسىپ تىزبەگىن ۇزارتىپ، نىساندى تازا ەنەرگيادان ۇلگى كورسەتەتىن نىسان ەتىپ قۇرىپ شىعۋىن ٴۇمىت ەتتى.

ىلە وبلىستىق دامۋ جانە رەفورما كوميتەتى، تۇرعىن ٴۇي جانە قالا - اۋىل قۇرىلىسى مەكەمەسى، ونەركاسىپ جانە ينفورماتسيالاندىرۋ مەكەمەسى، ساۋدا ىستەرى مەكەمەسى، اۋىل شارۋاشىلىعى، اۋىل - قىستاق مەكەمەسى سياقتى ورىنداردىڭ قاتىستى جاۋاپتىلارى تەكسەرۋ - زەرتتەۋگە قاتىناستى.