شينحۋا اگەنتتىگىنىڭ تىلشىلەرى گۋان چياۋچياۋ، حاۋ يۇي

شەكارا اتتاعان ەلەكتروندى ساۋدا سياقتى ساۋدا - ساتتىق جاڭا كۇيىن دامىتۋ − سىرتقى ساۋدانىڭ جوعارى ساپالى دامۋىن ىلگەرىلەتۋدىڭ ماڭىزدى شاراسى، ارنا ەكونوميكاسىنىڭ كاسىپ سالاسى ەكونوميكاسىنا، شەكارا وتكەلى ەكونوميكاسىنا قاراي تيبىن وزگەرتۋىن ىلگەرىلەتۋدىڭ ماڭىزدى دانەكەرى. بيىل جىل باسىنان بەرى، شينجياڭ سىرتقى ساۋدانىڭ جاڭا كۇيىن، جاڭا ۇلگىسىن جاڭالىق اشا دامىتۋدى جەدەل ىلگەرىلەتىپ، ءۇرىمجى، قاشقار، الاتاۋ ساعاسى، ىلە قازاق اۆتونوميالى وبلىسى سياقتى 4 جەردەگى شەكارا اتتاعان ەلەكتروندى ساۋدا كەشەندى سىناق رايونى قۇرىلىسىن ۇزدىكسىز ىلگەرىلەتىپ، شەكارا اتتاعان ەلەكتروندى ساۋداداعى يمپورت - ەكسپورت كولەمىن كەڭەيتىپ، سىرتقى ساۋدانى ارتتىرۋدىڭ جاڭا قوزعاۋشى قۋاتىن ىسكە قوستى.

ومىرشەڭدىگى جەتكىلىكتى بولدى

ءۇرىمجى قالاسىنىڭ شيدامىن قورعامالى باجى بويىنشا تىكە ساتىپ الۋ ورتالىعىنا كىرسەڭىز، دۇنيە جۇزىندەگى 30 نەشە مەملەكەت پەن رايوننان اكەلىنگەن چەمودان - سومكە، ەڭلىك بۇيىمدارى سياقتى شەكارا اتتاعان مىڭ نەشە ءتۇرلى يمپورت تاۋارلارىن كورىپ ۇلگىرە المايسىز. ”باجى الىنبايدى ءارى ساتىلۋىن تەزدەتۋ بويىنشا تيىمدىلىك جاسالادى، الا كەتۋ اۋرەشىلىگى دە ازايدى، ەرتەڭىندە - اق ۇيىڭىزگە جەتكىزىپ بەرەدى“. ءۇرىمجى قالاسىنىڭ تۇرعىنى ميھىراي قۇربان سول جەردە قول تەلەفونىمەن ەكىلىكتى جايمالاپ شاعىن باعدارلاما ارقىلى تاپسىرىس بەردى.

بۇل جاقتا ”دۇنيە جۇزىنەن ساتىپ الۋشىلار“ قايشالىسسا، انا جاقتا ”دۇنيە جۇزىنە ساتۋشىلاردىڭ“ ارىنى كۇشتى بولۋدا.

بيىل 1 - ايدىڭ 10 - كۇنى كيىم - كەشەك، چەمودان - سومكە سياقتى شەكارا اتتاعان ەلەكتروندى ساۋدا تاۋارلارى تولتىرا تيەلگەن جۇك تاسىمال ۇشاعى ءۇرىمجى ديۋوپۋ حالىقارالىق اۋەجايىنان قازاقستاننىڭ اقتوبەسىنە ۇشتى. بۇل شەكارا اتتاعان ەلەكتروندى ساۋدا جۇك تاسىمال ۇشاعى ءۇشىن اشىلعان شينجياڭداعى تۇڭعىش ارناۋلى جەلى سانالادى.

شەكارا اتتاعان ەلەكتروندى ساۋدا كەشەندى سىناق رايونى قۇرىلىسىن سۇيەنىش ەتكەن ءۇرىمجى تاس جول تاسىمالىنان، تەمىر جول تاسىمالىنان، اۋە تاسىمالىنان قۇرلىق - اۋە كوپ فورمالى ۇلاسپالى تاسىمالىنا دەيىنگى جاڭا ۇلگىنى اشىپ، ”جۇڭگو جاساۋىن“ دۇنيە جۇزىنە بەت الدىردى.

الاتاۋ ساعاسى كەشەندى قورعامالى باجى اۋماعىنىڭ ءبىر قامباسىندا قىزمەتكەرلەر ەلەكتروندى ساۋدا جولدامالارىنا جاپسىرما بەلگىسىن شەبەرلىكپەن جاپسىرۋدا. ”بۇل جولدامالاردىڭ كوبى جىجياڭ قاتارلى جەرلەردەن كەلگەن، شەتەلدىك تۇتىنۋشىلار ينتەرنەت ارقىلى تاپسىرىس بەرگەننەن كەيىن، تاۋارلار تاس جولدان تەمىر جولعا وتكەرمەلەنەدى دە ەۆروپا ەلدەرىنە ەكسپورت ەتىلەدى“. شينجياڭ جىبەك جولى پورتتىق قاتىناۋ بويىنشا قامداۋ تىزبەگىن باسقارۋ شەكتى سەرىكتەستىگىنىڭ ورىنباسار باس ديرەكتورى لي رۇي شەكارا اتتاعان ەلەكتروندى ساۋدادان پايدالانۋشىلاردىڭ تۇتىنۋى ۇزدىكسىز جاقسارىپ كەلە جاتقانىن ايتتى.

شينجياڭ ساۋدا ىستەرى تاراۋىنىڭ ساناق ساندى مالىمەتىندە كورسەتىلۋىنشە، 2022 - جىلى شينجياڭنىڭ شەكارا اتتاعان ەلەكتروندى ساۋداداعى يمپورت - ەكسپورت سوماسى 8 ميلليارد 520 ميلليون يۋان بولىپ، سايكەس مەزگىلدەگىدەن ％6. 311 ارتقان. بيىل جىل باسىنان بەرى، شەكارا اتتاعان ەلەكتروندى ساۋدا تاپسىرىسى تولاستاماعان، الدىڭعى 2 ايدا شەكارا اتتاعان ەلەكتروندى ساۋداداعى يمپورت - ەكسپورت سوماسى ءبىر ميلليارد 620 ميلليون يۋان بولىپ، سايكەس مەزگىلدەگىدەن ％3. 326 ارتقان.

سەرپىمدىلىگى كۇشتى بولدى

الاتاۋ قالاسىندا ەكسپورتتىق شەكارا اتتاعان ەلەكتروندى ساۋدا بولشەك ساتۋ كاسىبى 2020 - جىلى 1 - ايدا تۇڭعىش رەت ورىستەتىلگەننەن بەرى كاسىپ كولەمى كۇرت ارتۋدان جوعارى ساپالى دامۋعا جەدەل ويىستى.

”ءبىز شەكارا اتتاعان ەلەكتروندى ساۋداعا ساۋداگەر شاقىرىپ قارجى ەنگىزۋ سەرپىنىن ۇزدىكسىز ارتتىرىپ، شۇنفىڭ، ساينياۋ، داياڭ زات اينالىمى قاتارلى ءبىرتالاي ايگىلى كاسىپورىندى ىلگەرىندى - كەيىندى ەنگىزىپ، شەكارا اتتاعان ەلەكتروندى ساۋدا كاسىپ سالاسى باقشاسىنا تياناقتاتتىق“. الاتاۋ قالاسى ساۋدا ىستەرى جانە ونەركاسىپ، ينفورماتسيالاندىرۋ مەكەمەسى شەكارا اتتاعان ەلەكتروندى ساۋدا كەڭسەسىنىڭ مەڭگەرۋشىسى پارحات ءابىلات بىلاي دەدى: بۇل شەكارا اتتاعان ەلەكتروندى ساۋدا كاسىپ سالاسىنىڭ دامۋىنا قۋاتتى قوزعاۋشى كۇش ۇستەيتىندىگى داۋسىز.

الاتاۋ قالاسى بازار ورتاسىن ساپالىلاندىرۋ ءۇشىن شەكارا اتتاعان ەلەكتروندى ساۋدانى باقىلاپ - باسقاراتىن 5000 شارشى مەترلىك الاڭ - پۋنكتتى ىلگەرىندى - كەيىندى سالدىرىپ، جۇمساق بولشەك جانە قاتتى بولشەك جابدىقتارى مەن جۇيەسىن ساتىپ الىپ، ”الاتاۋ ساعاسى شەكارا اتتاعان ەلەكتروندى ساۋدا جالپىلىق قىزمەت وتەۋ تۇعىرىن“ اشىپ جەلىگە شىعاردى، سونىمەن قاتار ينفورماتسيادان بىرگە يگىلىكتەنۋ، فينانستىق قىزمەت وتەۋ، زەردەلى زات اينالىمى سياقتى ”التى ۇلكەن جۇيە“ قۇرۋدى قاتار ىلگەرىلەتتى.

”شەكارا اتتاعان ەلەكتروندى ساۋدادا ۋاقىت ونىمدىلىگىنە ايرىقشا ءمان بەرىلەدى، كەدەن، تەمىر جول سياقتى تاراۋلار كەدەننەن وتكىزۋ جۇمىسىن جوعارى ونىمدىلىكپەن ورىنداۋدا، زاتتاردى 15 كۇن ىشىندە ەۆروپاعا جەتكىزۋگە بولادى“. الاتاۋ ساعاسى حالىقارالىق جۇردەك پويەز شەكتى سەرىكتەستىگىنىڭ شەكارا اتتاعان ەلەكتروندى ساۋدا كاسىبىنە جاۋاپتى ديرەكتورى جاڭ تيڭ بىلاي دەدى: بيىل كاسپورنىمىز جولداما جونەلتۋ مولشەرىن اناعۇرلىم ارتتىرىپ، تىڭ سەرپىلىستى جارىققا شىعارۋعا قۇلشىنادى.

ىلە قازاق اۆتونوميالى وبلىسىنىڭ قورعاس قالاسى تىكە ساتىپ الۋ ەكسپورتىن، شەتەلدەگى ەكسپورتتىق قامبانى نەگىز ەتكەن، ينتەرنەتتەن ساتىپ الۋداعى قورعامالى باجى يمپورتىن قوسىمشا ەتكەن شەكارا اتتاعان ەلەكتروندى ساۋداداعى ساۋدا - ساتتىق ارناسىن قالىپتاستىردى. كاسىپورىنداردى ”بارلىعى دايىندالعان ورىنعا ورنالاستىرۋ“ ءۇشىن جەرگىلىكتى ورىن قارجى قوسۋ ارقىلى تەكسەرۋ قامباسى، ساقتاۋ ءۇيى، كورمە ورتالىعى سياقتىلاردى قامتىعان 30 مىڭ شارشى مەترلىك شەكارا اتتاعان ەلەكتروندى ساۋدا جىكتەۋ ورتالىعىن سالدىردى.

”شەكارا اتتاعان ەلەكتروندى ساۋدا جىكتەۋ ورتالىعى سالىنعاننان كەيىن ساندى مالىمەتتى جولداۋعا وتە قولايلى بولدى، بولشەك ساتۋ ەكسپورتىندا تالونسىز باجى كەشىرۋ ساياساتى تياناقتاندى ءارى كوپ ءتۇرلى شەكارا اتتاعان ەلەكتروندى ساۋدا ەكسپورتتىق ۇلگىسى جاپپاي جالپىلاسىپ، كەدەننەن ءوتۋ ونىمدىلىگى جوعارىلادى“. قورعاس ياڭگۋاڭ جيەتۇڭ سيفرلى ساۋدا شەكتى سەرىكتەستىگىنىڭ ورىنباسار باس ديرەكتورى رىن ياليدىڭ ايتۋىنشا، بيىل شەكارا اتتاعان ەلەكتروندى ساۋدا كاسىبىنىڭ مولشەرى ％30 ارتۋىنان ءۇمىت بار ەكەن.

كومەسكى كۇشى زور بولدى

شينجياڭدا يلۋتۇڭ، شيدامىن سياقتى ءبىر توپ قۋاتتى ەلەكتروندى ساۋدا كاسىپورىندارى، تانىمال بولعان ەلەكتروندى ساۋدا ايگىلى ماركالارى سىرتقى ساۋدانىڭ دامۋىنداعى جاڭا قوزعاۋشى قۋاتقا اينالىپ، حالىقاراداعى باسەكەلىك قۋاتتى جوعارىلاتتى.

شينجياڭنىڭ شەكارا اتتاعان ەلەكتروندى ساۋدانىڭ دامۋىن زور كۇشپەن ىلگەرىلەتۋدەگى ماڭىزدى شاراسىنىڭ ءبىرى − كاسىپورىنداردىڭ كورشىلەس ەلدەردى ءتۇيىن ەتە وتىرىپ شەتەلدەگى قامبانى، شەكارا وتكەلىندەگى قامبانى بىرگە قۇرۋىنا، بىرگە يگىلىكتەنۋىنە جەتەكشىلىك ەتىپ، ”ءبىر بەلدەۋ ءبىر جول“ بويىنداعى مەملەكەتتەردە شەتەلدەگى قامبانىڭ ورنالاسۋىن كەڭەيتىپ، كاسىپورىنداردىڭ قاشقار، الاتاۋ ساعاسى سياقتى جەرلەردە شەكارا وتكەلىندەگى قامبانى سالۋىن قولداۋ.

”ءبىز شەتەلدەگى قامبانى رەسەي، قازاقستان سياقتى ەلدەردە سالدىردىق، ساۋدا ورتالىق قامباسىن ۇرىمجىدە، قورعاستا، الاتاۋ ساعاسىندا جانە قاشقاردا سالدىردىق، سەرىكتەستىگىمىزدىڭ تۇعىر ساۋداسى، تاسىمال، قامبادا ساقتاۋى بارعان سايىن كۇشەيۋدە“. شينجياڭ سىلۋتۇڭ ينفورماتسيا عىلىم - تەحنيكاسى شەكتى سەرىكتەستىگىنىڭ باس ديرەكتورى مىڭ شيۋلي بىلاي دەدى: كاسىپورنىمىز 3 جىلدا شەتەلدەگى قامبا، ورتالىق قامبا، ارتقى قامبا قۇرىلىسىن اياقتاتتى، قازىرگە دەيىن تۇعىرعا 400 نەشە ساۋداگەر ورنالاستى.

2022 - جىلى 6 - ايدىڭ 18 - كۇنى شەكارا اتتاعان ەلەكتروندى ساۋدا قورعامالى باجى تىكە ساتىپ الۋ ۇعىمىن نەگىز ەتكەن شينجياڭداعى تۇڭعىش جاڭا بولشەك ساتۋ ساۋدا كەشەنى سانالاتىن شيدامىن قورعامالى باجى بويىنشا تىكە ساتىپ الۋ ورتالىعىندا ساۋدا باستالدى. مۇندا شەكارا اتتاعان تاۋارلار، ەرەكشە ازىق - تۇلىك، كوڭىل اشۋ سايكەستى جابدىقتارى سياقتى كاسىپ كۇيلەرى قامتىلعان، ينتەرنەت جەلىسىندە جۇرگىزۋ مەن جەلىدەن تىسقارى جۇرگىزۋ بايلانىسىپ، ءبىرى - ءبىرىن جەبەيدى، جوعارى ساپالى تۇرمىس سۇرانىسىن ءبىر ورىندا قاناعاتتاندىرۋعا بولادى، تۇتىنۋشىلارعا الىسقا سابىلماي - اق دۇنيە جۇزىنەن ساتىپ الۋدىڭ تاماشا اسەرىن سيلايدى. شينجياڭ سىلۋ شيدامىن عىلىم - تەحنيكا شەكتى سەرىكتەستىگىنىڭ القا باستىعى جاۋ جيڭ بىلاي دەدى: بولاشاقتا كاسىپورنىمىز ورتا ازياعا باعىتتالعان وڭىرلىك شەكارا اتتاعان ەلەكتروندى ساۋدا جاعىندا دا بەلسەنە ىزدەنىس جاسايدى.

جىبەك جولى ەكونوميكالىق بەلدەۋىنىڭ وزەكتى رايونى سانالاتىن شينجياڭ قازىر جاڭا دامۋ ارناسىنا بەلسەنە قىزمەت وتەپ جانە توعىسىپ، سىرتقا ەسىك اشۋدى اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ دەڭگەيدە ىلگەرىلەتۋدە.

ءۇرىمجى كەدەنىنىڭ ورىنباسار باستىعى لي كاي - ي مىنانى ءبىلدىردى: بيىل ءالى دە سىرتقى ساۋدانىڭ نەگىزگى جاعدايىن ورنىقتىرۋدى ارقاۋ ەتە وتىرىپ، زات اينالىمى ارناسىن اناعۇرلىم كۇشەيتىپ، شارۋاشىلىق - ساۋدا ورتاسىن اناعۇرلىم ساپالىلاندىرىپ، كاسىپ سالاسىنىڭ تىرەگىن اناعۇرلىم ناقتىلاندىرىپ، ەرەكشە بايلىقتى اناعۇرلىم جانداندىرامىز، سونىمەن بىرگە تاياۋدان بەرگى ىشكى - سىرتقى ساۋدانى ءبىر تۇلعالاندىرۋ، يمپورت ساۋداسىن جەبەۋدە، جاڭالىق اشۋدا ۇلگى كورسەتۋ اۋماعى، شەكارا اتتاعان ەلەكتروندى ساۋدا كەشەندى سىناق اۋماعى سياقتىلار جونىندەگى شينجياڭعا ءتيىمدى، شينجياڭعا پايدالى ساياساتتاردى ويداعىداي يگەرىپ، شينجياڭداعى سىرتقى ساۋدانىڭ اياق الىسىن تەزدەتۋگە دەم بەرەمىز.

(شينحۋا اگەنتتىگىنىڭ 3 - ايدىڭ 23 - كۇنى ۇرىمجىدەن بەرگەن حابارى)