انار بۇلت \ شينجياڭ گازەتىنىڭ ءتىلشىسى لۋ فىڭباۋ
توپىراق كۇرەۋ ماشيناسى جول تاعانىن تەگىستەپ، جول تاپتاۋىش ارلى - بەرلى تاپتاۋدا... 3 - ايدىڭ 22 - كۇنى ءۇرىمجى قالا اينالمالى جوعارى قارقىندى تاس جولى (باتىس جەلىسى) ينجەنەرياسىنىڭ قۇرىلىس ورنىندا قاۋىرت جۇمىس ىستەلىپ جاتتى، قۇرىلىس جۇرگىزۋشىلەر جۇمىستارىن جەدەلدەتىپ، جىلدىق نىسانا - مىندەتكە قايراتتانا ۇمتىلدى. قازىر شينجياڭنىڭ 47 قاتىناس قۇرىلىسى نىسانىنىڭ جۇمىسى قالپىنا كەلتىرىلدى، مۇنىڭ ىشىندە وڭتۇستىك شينجياڭنىڭ نىساندارى جۇمىستى ％100 قالپىنا كەلتىردى، سولتۇستىك شينجياڭنىڭ، شىعىس شينجياڭنىڭ ءۇستىرت ءارى سۋىق، تەڭىز دەڭگەيىنەن بيىك وڭىرلەرىندەگى نىسانداردان سىرت، قالعان نىساندار تۇگەلدەي جۇمىستى قالپىنا كەلتىردى.
بىرنەشە كۇننەن بەرى، اۆتونوميالى رايوننىڭ قاتىناس - تاسىمال جۇيەسى ءتۇرلى فورمالاردان پايدالانىپ مەملەكەتتىك ەكى ءماجىلىستىڭ رۋحىن جەتكىزىپ، ۇيرەنىپ، دايەكتىلەندىرىپ، ەكپىندەي ىلگەرىلەگەن بەينەمەن نىسان قۇرىلىسىن جەدەلدەتتى.
”ۇكىمەت قىزمەتىنەن باياندامادا ’14 - بەسجىلدىقتاعى‘ كەلەلى ينجەنەريالاردى جەدەل اتقارۋ العا قويىلدى، ءبىز ەرتە، ناقتى، ويداعىداي يگەرىپ، تاس جول نىساندارىن كۇنى بۇرىن قالپىنا كەلتىرۋدى، جۇمىس باستاۋدى ىلگەرىلەتەمىز“. اۆتونوميالى رايوندىق قاتىناس - تاسىمال مەڭگەرمەسى قۇرىلىس باسقارماسىنىڭ باستىعى سۇن شيانكۇي بىلاي دەدى: بيىل شينجياڭ قاتىناس قۇرىلىسى جاعىندا تۇراقتى مۇلىككە 83 ميلليارد 200 ميلليون يۋان قارجى قوسۋدى ورىنداۋدى، 66 نىسان اتقارۋدى جوسپارلادى، مۇنىڭ ىشىندە جالعاستىرا سالىناتىن نىسان 54، جاڭادان جۇمىس باستايتىن نىسان 12.
بيىل جىل باسىنان بەرى، اۆتونوميالى رايوندىق قاتىناس - تاسىمال مەڭگەرمەسى تاس جول نىساندارى قۇرىلىسىن زەرتتەۋ، ىلگەرىلەتۋ ءماجىلىسىن كوپ رەت اشىپ، كوپتەگەن ماسەلەلەردى شوعىرلى ءبىر جايلى ەتتى.
”ءبىز مەملەكەتتىك ەكى ءماجىلىستىڭ رۋحىن قىزمەتتى ويداعىداي تىندىرۋداعى قۇدىرەتتى قوزعاۋشى كۇشىمىزگە اينالدىرۋىمىز كەرەك“، - دەدى سۇن شيانكۇي. بيىل شينجياڭ 740 كيلومەترلىك جوعارى قارقىندى (1 - دارەجەلى) تاس جولدى جاڭادان ارتتىرۋدى جوسپارلاپ، تۇتاس رايونىمىزداعى جوعارى قارقىندى (1 - دارەجەلى) تاس جول قاتىناعان اۋدان، قالاعا جاڭادان ۇشەۋىن قوسۋدى، А3 دارەجەلى جانە ودان جوعارى دارەجەلى كورىنىس ءوڭىرىن جوعارى قارقىندى (1 - دارەجەلى) تاس جولمەن قامتۋ مولشەرىن ％91كە جەتكىزۋدى جۇزەگە اسىرادى، اشىلعان 13 قۇرلىقتىق شەكارا وتكەلىنىڭ 12سىندە 2 - دارەجەلى جانە ودان جوعارى تاس جول قاتىناعان.