2023 - جىلعى مەملەكەتتىك 1 - مامىر جەلەكتىلەر سيلىعى بويىنشا ماداقتاۋ - سيلاۋ جينالىسى اشىلدى

شينجياڭنان 12 كوللەكتيۆ، 12 جەكە ماداقتالىپ - سيلاندى

انار بۇلت \ شينجياڭ گازەتىنىڭ ءتىلشىسى گو ليڭ 3 - ايدىڭ 25 - كۇنى ۇرىمجىدەن حابارلايدى. تاياۋدا جۇڭحۋا مەملەكەتتىك باس جۇمىسشى ۇيىمى بەيجيڭدە 2023 - جىلعى مەملەكەتتىك 1 - مامىر جەلەكتىلەر سيلىعى بويىنشا ماداقتاۋ - سيلاۋ جينالىسىن اشتى. شينجياڭنان مەملەكەتتىك 1 - مامىر جەلەكتىلەر ۇلگىلى جۇمىس ورنى بولىپ باعالانعان 12 كوللەكتيۆ، مەملەكەتتىك 1 - مامىر جەلەكتىلەر ۇلگىسى بولىپ باعالانعان 12 جەكە ماداقتالىپ - سيلاندى.

جينالىستا مەملەكەتتىك 1 - مامىر جەلەكتىلەر ۇلگىلى جۇمىس ورنى بولىپ باعالانعان 450 كوللەكتيۆ، مەملەكەتتىك 1 - مامىر جەلەكتىلەر ۇلگىسى بولىپ باعالانعان 450 جەكە ماداقتالىپ - سيلاندى. 1 - مامىر جەلەكتىلەر ۇلگىسى بولىپ ماداقتالىپ - سيلانعاندار اراسىندا پارتيا 20 - قۇرىلتايىنىڭ ۋاكىلدەرى، ءىرى ەل ۇستالارى، مەملەكەتتىك وزات قىزمەتكەرلەر، مەملەكەتتىك ەڭ ارداقتى مەملەكەت قىزمەتكەرلەرى، مەملەكەتتىك عىلىم - تەحنيكا العاباسارلىعى سيلىعىنىڭ يەگەرلەرى، ت. ب لار بار، ءار سالا، ءار كاسىپتى نەگىزىنەن قامتىعان، ءبىرشاما جان - جاقتى ۋاكىلدىك سيپاتقا يە.

مۇنىڭ ىشىندە شينجياڭ ءوندىرىس - قۇرىلىس بيڭتۋانى 13 - شىسى توعىسپالى مەديا ورتالىعى رەداكسياسى، شينجياڭ باۋشين حىڭيۋان زات اينالىمى شەكتى سەرىكتەستىگى قامبادا ساقتاۋ جۇمىس اۋماعىنىڭ جۇمىس قابىلداۋ بان - گرۋپپاسى، ءۇرىمجى قالاسى قارتتاردى كۇتىمدەۋ يگىلىك ورنىنىڭ تۇرمىس ءبولىمى سياقتى 12 كوللەكتيۆ مەملەكەتتىك 1 - مامىر جەلەكتىلەر ۇلگىلى جۇمىس ورنى بولدى؛ كۇنلۇن كەڭەس بەرۋ ىستەرىن باسقارۋ توبى جوبالاۋ مەكەمەسى پارتيا ياچەيكاسىنىڭ ورىنباسار شۋجيى، مەكەمەنىڭ ورىنباسار باستىعى لەي رۇڭ، شىحىزى ەكونوميكالىق، تەحنيكالىق اشۋ رايونىن باسقارۋ كوميتەتى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ ورىنباسار مەڭگەرۋشىسى، كاسىپورىن پارتكومىنىڭ ورىنباسار شۋجيى جاڭ پيڭ، بيڭتۋان شۋاڭحى قالاسى شاشانزى مەملەكەت مەنشىگىندەگى مال - مۇلىكتى باسقارۋ شەكتى جاۋاپكەرشىلىك سەرىكتەستىگى پارتيا ياچەيكاسىنىڭ شۋجيى، القا باستىعى شى مەيحۋا سياقتى 12 ادام مەملەكەتتىك 1 - مامىر جەلەكتىلەر ۇلگىسى بولدى.