اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى

«پارتيا مەن مەملەكەت قۇرىلىمدارىنىڭ رەفورما جوباسىن» جانە ورتالىقتىڭ قاتىستى ورنالاستىرۋلارىن، تالاپتارىن جەتكىزدى، ۇيرەندى، دايەكتىلەندىردى

جوعارى ساپالى دامۋ جانە ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەر جونىندەگى رەتتەۋ - تۇزەتۋ سياقتى قىزمەتتەردى اقىلداسىپ ورنالاستىردى

ما شيڭرۇي ءماجىلىستى باسقاردى

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 3 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 3 - ايدىڭ 25 - كۇنى تۇستەن بۇرىن ءماجىلىس اشىپ، «پارتيا مەن مەملەكەت قۇرىلىمدارىنىڭ رەفورما جوباسىن» جانە ورتالىقتىڭ قاتىستى ورنالاستىرۋلارىن، تالاپتارىن جەتكىزىپ، ۇيرەنىپ، دايەكتىلەندىرىپ، ورتالىقتىڭ ساندى مالىمەت نەگىزدىك ءتۇزىمىن ورناتۋ جونىندەگى قىزمەت ورنالاستىرۋىن دايەكتىلەندىرىپ، تياناقتاندىرىپ، اۆتونوميالى رايوننىڭ جوعارى ساپالى دامۋ جالپىلىق ناتيجەسىن باعالاۋ تالاپتارىن تياناقتاندىرۋ جاعدايىنان بەرىلگەن مالىمەتتى تىڭداپ، اۆتونوميالى رايوننىڭ جانە بيڭتۋاننىڭ 2 - كەزەكتى ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەر جونىندەگى رەتتەۋ - تۇزەتۋگە جانە ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىن رەتتەۋ - تۇزەتۋگە قاتىستى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

ءماجىلىس مىنالاردى اتاپ كورسەتتى: پارتيا مەن مەملەكەت قۇرىلىمدارى رەفورماسىن تەرەڭدەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىنىڭ دامۋ جالپى جاعدايىن كوزدەي وتىرىپ شىعارعان كەلەلى رەفورما ورنالاستىرۋى. بۇل رەتكى قۇرىلىم رەفورماسى پارتيا 20 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ ماڭىزدى شاراسى، ول پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىم ورناتۋ جاعىندا اناعۇرلىم عىلمي بولۋىن، فۋنكتسيالىق ورنالاستىرۋ جاعىندا اناعۇرلىم ساپالى بولۋىن، ءتۇزىلىس، مەحانيزم جاعىندا اناعۇرلىم كەمەلدى بولۋىن، جۇمىس جۇرگىزۋ، باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ جونىنەن كەلەلى مانگە يە. ءبىز ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ بەدەلى مەن قاتاڭدىعىن باتىل قورعاپ، پارتيا مەن مەملەكەت قۇرىلىمدارى رەفورماسىنىڭ كەلەلى ءمانىن، نىسانا - مىندەتتەرىن، ورنالاستىرۋ - تالاپتارىن مىقتاپ يگەرىپ، رەفورما سەنىمىمىز بەن بەكىمىمىزدى نىعايتىپ، قۇرىلىم رەفورماسىنىڭ ءتۇرلى مىندەتتەرىن ۇتىمدى، ءتارتىپتى ىلگەرىلەتۋىمىز كەرەك. پارتيانىڭ باسشىلىعىن كۇشەيتىپ، عىلمي ورنالاستىرىپ، جۇيەلى جوسپارلاپ، ورتالىقتىڭ تالاپتارى مەن شينجياڭنىڭ ءىس جۇزىندىگىنە ۇيلەسەتىن قۇرىلىم رەفورماسى جوباسىن ىشكەرىلەي اقىلداسىپ جاساپ، قالىڭ پارتيا مۇشەلەرى مەن كادرلاردى ساياسيدى دارىپتەپ، كەلەلى جاعدايمەن ساناسىپ، ەرەجەگە بويسۇنۋعا جەتەكتەپ، ءتۇرلى تارتىپتەردى، تالاپتاردى شىن مانىندە قاتايتىپ، پارتيا مەن مەملەكەت قۇرىلىمدارى رەفورماسى مىندەتىنىڭ تياناقتانۋىنا، ناقتىلانۋىنا شىنايى كەپىلدىك ەتۋىمىز كەرەك.

ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ سيفرلى ەكونوميكانى دامىتۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ساندى مالىمەت نەگىزدىك ءتۇزىمىن ورناتىپ، ساندى مالىمەت فاكتورلارىنىڭ رولىن اناعۇرلىم ويداعىداي ساۋلەلەندىرۋ جونىندەگى پىكىرى» بويىنشا دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، سيفرلى ۇكىمەت قۇرىلىسىن تەزدەتىپ، ساندى مالىمەتتەردى بەلگىلەمەگە ۇيلەسىمدى، جوعارى ءونىمدى اينالىمعا سالۋدى، پايدالانۋدى جەبەپ، سيفرلى ەكونوميكا مەن تۇلعالىق شارۋاشىلىقتىڭ تەرەڭدەي توعىسۋىن ىلگەرىلەتىپ، ساندى مالىمەت فاكتورلارىنىڭ شينجياڭنىڭ سىرتقا ەسىك اشۋىن كەڭەيتۋ، جىبەك جولى ەكونوميكالىق بەلدەۋى وزەكتى رايونىن قۇرۋ سياقتى قىزمەتتەردە اناعۇرلىم زور رول اتقارۋىن ىلگەرىلەتىپ، سيفرلى ەكونوميكانىڭ دامۋ جاڭا كەڭىستىگىن ۇزدىكسىز كەڭەيتىپ، جاڭالىق اشۋ ارقىلى دەم بەرۋدى تەرەڭدەتۋگە، جوعارى ساپالى دامۋدى ىلگەرىلەتۋگە، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە پارمەندى تىرەك ازىرلەۋ كەرەك.

ءماجىلىس مىنالاردى باسا دارىپتەدى: جوعارى ساپالى دامۋدىڭ جالپىلىق ناتيجەسىن باعالاۋ − پارتيا ورتالىق كوميتەتىنىڭ، مەملەكەتتىك كەڭەستىڭ جاساعان كەلەلى شەشىمى، ورنالاستىرۋى، جاڭا دامۋ كەزەڭىن تياناق ەتۋدىڭ، جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ قاجەتتى تالابى. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، كەزەكتەگى تۇتاس رايوننىڭ جوعارى ساپالى دامۋىندا ورىن تەپكەن ولقىلىقتاردى، ءالسىز تۇستاردى جانە پارىقتاردى، جەتەرسىزدىكتەردى سەرگەكتىكپەن تانىپ، دامۋداعى قيىن ماسەلەلەردى شەشۋدى، دامۋ قوزعاۋشى كۇشىن كۇشەيتۋدى، دامۋ باسىمدىعىن نىعايتۋدى ءۇرتىس ىلگەرىلەتىپ، جوعارى ساپالى دامۋ اياق الىسىن تەزدەتۋ كەرەك. نىسانانى باعدار ەتۋگە تاباندى بولىپ، سايكەسە كۇش سالۋدى كۇشەيتىپ، جوعارى ساپالى دامۋ كورسەتكىشىن تياناقتاندىرۋ مەحانيزمىن ورناتىپ، اقاۋسىزداندىرىپ، شىن مانىندە ساندى مالىمەت ارقىلى پارىقتى تاۋىپ، قاداعالاۋ ارقىلى تياناقتاندىرۋدى ىلگەرىلەتىپ، باعالاۋ ارقىلى ناقتى ونىمدىلىكتى جەبەپ، رايونىمىزدىڭ جوعارى ساپالى دامۋىنىڭ اناعۇرلىم سايكەستى، بىركەلكى بولۋىن ىلگەرىلەتۋ كەرەك. جوعارى ساپالى دامۋ تالاپتارىن ناقتى قىزمەتتەردە تياناقتاندىرىپ، دامۋعا جاڭالىق اشۋ ارقىلى دەم بەرۋدى كۇشەيتىپ، ”سەگىز ءىرى كاسىپ سالاسى شوعىرىن“ جەدەل جەتىلدىرىپ، قۇرىپ، وسىزاماندانعان كاسىپ سالاسى جۇيەسى مەن نەگىزدىك قۇرىلعى جۇيەسىن قۇرىپ، سىرتقا ەسىك اشۋ تەبىنىن ارتتىرىپ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن ىلگەرىلەتىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتى حالىق تۇرمىسىنداعى ناقتى ىستەردى امالدىڭ بارىنشا ويداعىداي ءبىتىرىپ، ەكولوگيالىق ورتانى قورعاۋدى قاجىماي - تالماي ويداعىداي يگەرىپ، جوعارى ساپالى دامۋ ارقىلى جۇڭگو ۇلگىسىندەگى وسىزاماندانعان شينجياڭ امالياتىنىڭ باستاماسىن جاقسى اشۋدى، قادامىن جاقسى باسۋدى قامتاماسىز ەتۋ كەرەك.

ءماجىلىس اۆتونوميالى رايوننىڭ جانە بيڭتۋاننىڭ 2 - كەزەكتى ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەر جونىندەگى رەتتەۋ - تۇزەتۋدى تياناقتاندىرۋعا قاتىستى مالىمەتىن اقىلداستى، قارادى. ءماجىلىس مىنالاردى باسا دارىپتەدى: ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ باتىل ورىنداۋدىڭ ساياسي بيىگىندە تۇرىپ، ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەر جونىندەگى رەتتەۋ - تۇزەتۋدى ويداعىداي يگەرۋدى پارتيا 20 - قۇرىلتايى رۋحىن جاپپاي دايەكتىلەندىرۋدىڭ، شي جينپيڭنىڭ ەكولوگيالىق وركەنيەت يدەياسىن امالياتتا ايگىلەۋدىڭ ماڭىزدى شاراسى ەتىپ، ساياسي جاۋاپكەرشىلىك ارقالاۋدى ءۇرتىس كۇشەيتىپ، ”پارتيا مەن ۇكىمەت تەڭ جاۋاپكەرشىلىك ارقالاۋ، ءبىر قىزمەت ورنىندا ەكى جاۋاپكەرشىلىك ارقالاۋ“ تالابىن قاتاڭ تياناقتاندىرىپ، بيڭتۋان مەن جەرگىلىكتى ورىننىڭ سايكەسە بىرلەسىپ ارەكەتتەنۋىن كۇشەيتىپ، قيىن، كوكەي تەستى ماسەلەلەردى ءجىتى قاداعالاپ، شىنداپ كىرىسىپ، قيىندىقتارمەن ايقاسىپ، ەشقاشان بوساڭسىماي، مىقتى يگەرىپ، ۇزاق ۋاقىت ەسە قوسىپ، ءتۇرلى رەتتەۋ - تۇزەتۋ مىندەتتەرىن قاز - قالپىندا ورىنداپ، ناعىز رەتتەۋ - تۇزەتۋ تابىستارى ارقىلى حالىق سەنىمىنە يە بولۋ كەرەك.

ءماجىلىس ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ - وڭاۋدان قامال الۋ ارەكەتىن جانە لاستانۋدى رەتتەۋ - وڭاۋ حالىق تۇرمىسى ناقتى ىستەرىن اتقارۋعا قاتىستى جوبالاردى اقىلداسىپ تالقىلادى. ءماجىلىس مىنالاردى باسا دارىپتەدى: ”ءۇرىمجى − سانجى − شىحىزى“ ءوڭىرى رايونىمىزدىڭ اتموسفەرانىڭ لاستانۋىنان ساقتانۋ - وڭاۋداعى ماڭىزدى ءتۇيىنى جانە قيىن ءتۇيىنى. ساياسي دەڭگەيدى شىنايى جوعارىلاتىپ، باسقارۋ مەحانيزمىنىڭ دەڭگەيىن جوعارىلاتىپ، كەمەلدەندىرىپ، نازاردى اۋىر لاستانعان اۋا رايىن ازايتۋعا جانە بۇقارانىڭ اڭىسى كۇشتى بولعان كورنەكتى ماسەلەلەردى شەشۋگە شوعىرلاندىرىپ، لاستاۋدى دالمە - ءدال وڭاۋدى، لاستاۋدى عىلمي وڭاۋدى، لاستاۋدى زاڭ بويىنشا وڭاۋدى پارمەندى ىلگەرىلەتىپ، كاسىپ سالاسى قۇرىلىمىن رەتتەۋ، ەنەرگيانىڭ جاسىل، تومەن كومىر قىشقىل گازدى بولۋىنا بۇرىلىس جاساۋ، ءتۇيىندى كاسىپتەردى تەرەڭدەي وڭاۋ، قاتىناس - تاسىمال قۇرىلىمىن رەتتەۋ سياقتى ءتۇيىندى قىزمەتتەردى ناقتى يگەرىپ، ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋ ماسەلەسىن شەشۋ جونىندە بەرىك بەكىمگە كەلىپ، وسى وڭىردەگى ءار ۇلت بۇقاراسىنىڭ ساپالى اۋا ورتاسى جونىندەگى قاجەتىن ۇزدىكسىز قاناعاتتاندىرۋ كەرەك.