汉文 ىلە اقپارات تورابىنا حوش كەلدىڭىزدەر!
يدەيانى ازات ەتىپ، شىنايى يگەرىپ، ناقتى ىستەپ، ۇلگىدە جاڭالىق اشىپ، اۋىل شارۋاشىلىعىنىڭ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك
2023-03-28 09:32:47     كورىلىم:رەت كەلۋ قاينارى:ىلە گازەتى  جاۋاپتى رەداكتور:جارقىن تۇسەن ۇلى

ياڭ شيۋلي موڭعۇلكۇرە، تەكەس اۋداندارىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

يدەيانى ازات ەتىپ، شىنايى يگەرىپ، ناقتى ىستەپ، ۇلگىدە جاڭالىق اشىپ، اۋىل شارۋاشىلىعىنىڭ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك

تىلشىلەرىمىز ما چىڭلۋ، ليۋ چىڭگاڭ حابارلايدى. 3 - ايدىڭ 21 - كۇنىنەن 22 - كۇنىنە دەيىن، ىلە وبلىستىق پارتكومنىڭ شۋجيى ياڭ شيۋلي موڭعۇلكۇرە، تەكەس اۋداندارىنا ىشكەرىلەي بارىپ، اۋىل - قىستاقتى گۇلدەندىرۋ، ەگىن، مال شارۋاشىلىعى جانە ساياحات كاسىبىنىڭ جوعارى ساپالى دامۋىن ىلگەرىلەتۋ سياقتى جاقتاردا تەكسەرۋ - زەرتتەۋ جۇرگىزىپ، بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جوعارى ساپالى دامۋ نەگىزگى تاقىرىبىن مىقتى يگەرىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، يدەيانى ازات ەتىپ، شىنايى يگەرىپ، ناقتى ىستەپ، ۇلگىدە جاڭالىق اشىپ، ىلەنىڭ اۋىل شارۋاشىلىعى مەن ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.

ياڭ شيۋلي موڭعۇلكۇرە اۋدانى لىمۋ ازىق - تۇلىك شەكتى سەرىكتەستىگى، تۇلپار مادەنيەت باقشاسى، قاراعانتى جايلاۋى، ىلە جىلقى باعىمشىلىعى جانە بيڭتۋان 4 - شىسى 77 - تۋانى كاڭسۋ باعىمشىلىق كاسىپتىك سەلبەستىك كووپەراتيۆى سياقتى جەرلەرگە بارىپ، قاتىستى جاۋاپتىلارمەن ىشكەرىلەي پىكىر اۋىستىرىپ، مال شارۋاشىلىعىنىڭ دامۋى مەن جايىلىم سۋىن جاقسارتۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: وسى زامانعى مال شارۋاشىلىعىن دامىتۋدا ۇلگىنى ساپالىلاندىرۋ، جۇيە قالىپتاستىرۋ جاعىنا كۇش سالىپ، باستاماشى كاسىپورىندار مەن كاسىپتىك سەلبەستىك كووپەراتيۆتەرىن جەتەكشى ەتۋگە تاباندى بولىپ، باعىمشىلىقتا جايىلىمدا مال باعۋ مەن ەگىنشىلىك رايونىندا قولدا مال باعۋدى ۇشتاستىرىپ، جەم - ٴشوپ جاعىندا ساباننان پايدالانۋ مولشەرىن جوعارىلاتۋعا كەپىلدىك ەتىپ، ٴوندىرۋ جاعىندا بازاردى باعدار، كولەم قالىپتاستىرۋدى تىرەك ەتىپ، جەم - ٴشوپ ٴوندىرۋ، عىلمي جولمەن مال باعۋ، جىنتىكتەي مانەرلەۋ، جوعارى دەڭگەيلى ساتۋ ٴبىر تۇلعالانعان وسى زامانعى كاسىپ سالاسى جۇيەسىن بەلسەنە قالىپتاستىرىپ، ىلەنىڭ ٴداستۇرلى مال شارۋاشىلىعىنىڭ دامۋ جاعدايىن كۇش سالا وزگەرتۋ كەرەك.

ياڭ شيۋلي تەكەس اۋدانى شولاقتەرەك قالاشىعى اقتەرەك قىستاعى، 10 مىڭ مۋلىق قارا ورىك باقشاسى، مىڭ مۋلىق شيە باقشاسى سياقتى جەرلەرگە بارىپ، اۋىل - قىستاق كوشەلەرىن ارالاپ، اتىز باسىنا بارىپ، اۋىل - قىستاق كاسىپ سالاسىن گۇلدەندىرۋ جانە قونىس ورتاسىن جاقسارتۋ سياقتى جاعدايلاردى ناق مايداندا ۇعىستى. ول بىلاي دەپ اتاپ كورسەتتى: كاسىپ سالاسىن گۇلدەندىرۋ − اۋىل - قىستاقتى گۇلدەندىرۋدىڭ ماڭىزدى ٴتۇيىنى، جەرگىلىكتى ورىننىڭ بايلىق باسىمدىعىن تياناق ەتىپ، ەرەكشە ەگىمشىلىك، باعىمشىلىق، اۋىل - قىستاق ساياحاتى سياقتى كاسىپ سالالارىن كۇش سالا دامىتىپ، وتە - موتە، اۋىل ارداگەرلەرى، دارىندىلارى، اۋىلعا ورالعان ستۋدەنتتەر، اۋقاتتانۋعا باستاۋشىلار سياقتىلاردىڭ كاسىپ سالاسىن دامىتۋداعى باستاماشىلدىق رولىن تولىق ساۋلەلەندىرىپ، شارۋالاردى جاقىن ماڭدا جۇمىستانۋعا، شارۋاشىلىق قۇرۋعا، كىرىسىن ارتتىرىپ، اۋقاتتانۋعا باستاۋ كەرەك. تازا، رەتتى بولۋدى العى شارت ەتكەن اۋىل - قىستاقتى گۇلدەندىرۋدى ىلگەرىلەتىپ، ورتا تازالىعىن جونگە سالۋ تەبىنىن ارتتىرىپ، كولەمدى قۇرىلىس شاعۋمەن، سالۋمەن اينالىسپاي، اۋىل - قىستاق كەلبەتىن ساقتاپ، اۋىل تىنىسىن ايگىلەپ، اۋىل - قىستاق ورتاسىن ونان ارى كورىكتەندىرىپ، جاڭا داۋىردەگى كورىكتى اۋىل - قىستاقتىڭ جاڭا بەت - بەينەسىن ايگىلەۋ كەرەك.

ياڭ شيۋلي تەكەس اۋدانىنىڭ جىبەك جاعا داڭعىلى، مىڭلي چاڭگى حالىقتىق تۇسەلحاناسى، قاراجون كورىنىس رايونى سياقتى جەرلەرگە بارىپ، كوشە اۋماقتارىنىڭ، كورىنىس رايوندارىنىڭ نەگىزدىك قۇرىلعىلارىمەن، قىزمەت وتەۋ قۇرىلعىلارىمەن جابدىقتالۋ جانە تۇلعالىق اينالىم - تيجارات جاعدايىن ناق مايداندا ۇعىستى. ول بىلاي دەپ اتاپ كورسەتتى: ساياحات قۇرىلعىلارىن كەمەلدەندىرۋ، كاسىپ كۇيىن جاقسارتۋ، مادەنيەتتى اشۋ، جاساندى قوسالقى قۇرىلعىلاردى ورناتۋ قۇرىلىستارىنا كۇش سالۋدا ساياحاتشىلاردىڭ تابيعاتتان ٴلاززات الۋىنا، تابيعاتتى سەزىنۋىنە قولايلى ەتۋمەن بىرگە، تابيعي كورىنىسپەن ٴبىر تۇلعالاندىرۋ؛ كاسىپ كۇيىن جەتىلدىرۋدە مازمۇن جاعىنان ساياحاتشىلاردىڭ ”تاماقتانۋ، قونۋ، ساپارلاۋ، ساياحاتتاۋ، زات ساتىپ الۋ، كوڭىل اشۋ“ سىندى قاجەتىن قاناعاتتاندىراتىن وسى زامانعى يقۋاتقا يە ەتۋمەن بىرگە، فورما جاعىندا ٴىشىنارا ٴداستۇرلى ستيلىن ساقتاۋ جانە قالىپتاستىرۋ؛ مادەنيەتتى اشۋ جاعىندا ٴار ۇلت مادەنيەتىنىڭ كوپ نەگىزدى بەلگىسىن ايگىلەۋمەن بىرگە، جۇڭحۋا مادەنيەتىنىڭ ٴبىر تۇلعالانعان فاكتورىن ايگىلەپ، ەستە قالاتىن، اتى ايگىلى، ىقپالدى سارا كورىنىس تۇيىندەرى، سارا كاسىپ كۇيى سياقتىلاردان ٴبىر توبىن قۇرىپ، كەلگەن ساياحاتشى كەتكىسى كەلمەيتىن، كەتسە دە قايتا كەلگىسى كەلەتىن ورتا جاراتۋ كەرەك.

ياڭ شيۋلي ەكى اۋداندا اڭگىمە ٴماجىلىسىن وتكىزىپ، قىزمەتتەن مالىمەت تىڭدادى. ول بىلاي دەپ باسا دارىپتەدى: بۇدان بىلايعى دامۋ ۇلى جوباسىن عىلمي جوبالاپ، بولاشاقتا ”قالاي داميمىز“ دەگەندى ايقىنداپ، قازىر”نە ىستەيمىز“، ”قالاي ىستەيمىز“ دەگەندى ٴتۇسىنىپ، قىزمەتتىڭ بەتالىسىن ٴدال ۇستاۋعا، جولدى دۇرىس جۇرۋگە، تاماشا ونىمدىلىك جاراتۋعا كەپىلدىك ەتۋ كەرەك. يدەيانى ازات ەتۋگە تاباندى بولىپ، دامۋ بارىسىندا باسىمدىق پەن السىزدىكتى ديالەكتيكالىق تۇرعىدا قاراپ، ۇيرەنشىكتى ويلاۋ قالىبىن تالقانداپ، جاڭالىق اشۋ ۇلگىسى ارقىلى ورىن اۋىستىرا دامۋدى جۇزەگە اسىرىپ، ”مۇمكىن ەمەستى” “مۇمكىندىككە“ اينالدىرۋ كەرەك. حالىقتىڭ قامىن ويلاۋعا تاباندى بولىپ، بۇقارانىڭ جاسامپازدىق رۋحىنا تولىق قۇرمەت ەتىپ، نەگىزگى ساتىنىڭ ٴبىرىنشى شەبىنە بارىپ، ىشكەرىلەي تەكسەرۋ - زەرتتەۋ جۇرگىزىپ، بارشا حالىق بۇقاراسى جاراتقان جاڭا تاجىريبەلەر مەن تابىستى ادىستەردى قورىتىندىلاپ جانە جالپىلاستىرىپ، ”حالىقتىڭ قامىن ويلاۋ“ بارىسىندا وي ٴورىستى كەڭەيتىپ، ٴادىس قاراستىرىپ، قابىلەتتى ارتتىرۋ كەرەك. كاسىپ سالاسىن جەتىلدىرىپ، زورايتىپ، سۇيەمەلدەپ الۋەتتەندىرۋگە، ساپالىلاندىرۋعا، زورايتۋعا تاباندى بولىپ، كاسىپورىندارعا ٴبىر - بىرلەپ كومەكتەسىپ، ٴبىر كاسىپ سالاسى ٴبىر كاسىپ سالاسى بويىنشا قۇرىپ، ٴبىر توپ 100 ميلليون دارەجەلى، ٴبىر ميلليارد دارەجەلى، 3 ميلليارد دارەجەلى، 10 ميلليارد دارەجەلى ساتىلى كاسىپ سالاسى تىزبەگىن قۇرۋ كەرەك. كادرلار قوسىنىن قۇرىپ جانە كۇشەيتىپ، ٴار دارەجەلى كادرلاردى نازاريادان، امالياتتان، دامىعان رايوندار مەن توڭىرەكتەگى تۋان - الاڭداردان ۇيرەنۋگە ۇيىمداستىرىپ جانە جەتەكتەپ، جوعارى ساپالى دامۋدىڭ نەگىزگى شايقاس مايدانىنان كادرلاردى بايقاپ، كادرلاردى شىڭداپ، كادرلاردى ىستەتىپ، ولاردى بوران - شاشىندى باستان كەشىرۋگە، كوز اياسىن كەڭەيتۋگە، قابىلەتىن وسىرۋگە مۇمكىندىك جاساۋ كەرەك.

ياڭ شيۋلي مىنالاردى باسا دارىپتەدى: ورنىقتىلىق − دامۋدىڭ العى شارتى. بۇكىل وبلىستاعى ٴار دارەجەلى پارتيا، ۇكىمەت ورىندارى لاڭكەستىككە قارسى تۇرىپ، ورنىقتىلىقتى قورعاۋ سىندى ارقاۋدى باستان ـ اياق مىقتاپ شيراتىپ، ورنىقتىلىقتى قورعاۋ جانە ٴوندىرىس حاۋىپسىزدىگى شارالارىن مۇقيات تياناقتاندىرىپ، ٴتۇرلى حاۋىپ ـ قاتەرلەر مەن كومەسكى كىناراتتارعا ۇيلەسىمدى توتەپ بەرىپ جانە ودان ساقتانىپ، ونى جويىپ، بۇقارالىق قىزمەتتى تىڭعىلىقتى ويداعىداي ىستەپ، ىلەنىڭ قوعامدىق جالپى جاعدايىنىڭ جاراسىمدىلىعى مەن ورنىقتىلىعىنا كەپىلدىك ەتۋ كەرەك.

وبلىس باسشىلارىنان سۇن حۇي، دالەلبەك كەنجەقان ۇلى تەكسەرۋ - زەرتتەۋگە قاتىناستى.