قوزعاۋشى كۇش ۇستەپ، ومىرشەڭدىك كۇشتى تاسقىنداتىپ، بىرىككەن كۇش ۇيىستىردى

ىلە وبلىسى ۇكىمەت، بانكە، كاسىپورىن اڭگىمە ٴماجىلىسىن اشتى

ٴتىلشىمىز مىڭ شيا حابارلايدى. 3 ـ ايدىڭ 25 ـ كۇنى ىلە وبلىسى ۇكىمەت، بانكە، كاسىپورىن اڭگىمە ٴماجىلىسىن اشىپ، ۇكىمەت، بانكە، كاسىپورىن اۋىس ـ كۇيىس تۇعىرىن شىن مانىندە قۇرىپ، كاسىپورىنداردىڭ قارجى قۇراۋ ارناسىن ٴونىمدى ىركىلىسسىزدەندىرىپ، باياندى، ورنىقتى بولعان ۇكىمەت، بانكە، كاسىپورىن قاتىناسىن بەلسەنە ورناتىپ، كاسىپورىنداردىڭ سەنىمدى سەرپىلتىپ، قارقىندى جەدەلدەتۋىنە دەم بەرىپ، بيىلعى ەكونوميكالىق قىزمەتكە قوزعاۋشى كۇش ۇستەپ، ومىرشەڭدىك كۇشتى تاسقىنداتىپ، بىرىككەن كۇش ۇيىستىردى. 

ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ماجىلىسكە قاتىناستى ٴارى ٴسوز سويلەدى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى تاۋ چيڭسۇڭ ٴماجىلىستى باسقاردى. ىلە وبلىستىق ۇكىمەتتىڭ فۋنكتسيالىق تاراۋلارىنان، فينانس قۇرىلىمدارىنان جانە كاسىپورىنداردان كەلگەن ۋاكىلدەر ٴبىر اراعا باس قوسىپ، ىشكەرىلەي پىكىر اۋىستىرىپ، ۇكىمەت، بانكە، كاسىپورىنداردىڭ ىشكەرىلەي توعىسىپ، ٴوزارا تيىمدىلىك جاساپ، تەڭ يگىلىككە كەنەلۋ ۇلى جوباسىن بىرگە اقىلداستى.    

اڭگىمە ماجىلىستە ىلە وبلىستىق ونەركاسىپ جانە ينفورماتسيالاندىرۋ مەكەمەسى سياقتى فۋنكتسيالىق تاراۋلاردىڭ ۋاكىلدەرى كاسىپورىنداردىڭ دامۋىنا قىزمەت وتەۋگە قاتىستى جوسپارلارىنان مالىمەت بەردى؛ ىلە وبلىستىق مادەنيەت - ساياحات توبى سياقتى كاسىپورىنداردىڭ ۋاكىلدەرى كاسىپورىننىڭ اينالىم جاعدايىنان، سايكەستىرىپ شەشۋگە ٴتيىستى قيىن ماسەلەلەردەن جانە كەلەسى قادامداعى قىزمەت جوسپارىنان مالىمەت بەردى؛ مەملەكەتتىك اشۋ بانكەسىنىڭ ىلە وبلىستىق بولىمشە بانكەسى سياقتى فينانس قۇرىلىمدارىنىڭ ۋاكىلدەرى فينانستىق قىزمەت وتەيتىن كاسىپورىنداردىڭ جاعدايىن، قىزمەت شارالارىن جانە كاسىپورىنداردىڭ دامۋىن قولداۋداعى سىندارلى ويلارى مەن شارالارىن جاريالادى.

وسى رەتكى ۇكىمەت، بانكە، كاسىپورىن اڭگىمە ٴماجىلىسى كاسىپورىندارعا ”جوعارى ولشەممەن قاراۋ، ەرەكشە قامقورلىق جاساۋ“ سىندى كۇشتى سيگنالىن تاراتىپ، ”كاسىپورىنشىلارعا قۇرمەت ەتۋ، شارۋاشىلىق قۇرۋشىلارعا قۇرمەت ەتۋ“ ايقىن بەتالىسىن ورناتتى. ماجىلىستە تاعى ەلشات تۇرسىنباي ۇلى مەن تاۋ چيڭسۇڭنىڭ قول تەلەفون ٴنومىرى مەن قىزمەت ورنى جاريالانىپ، كاسىپورىنداردىڭ ۇنىنە بۇكپەسىز جاۋاپ قايتارىپ، كاسىپورىنداردىڭ تالابىن شەشىپ، كاسىپورىنعا ”قىزمەت وتەۋشى“، ”ارتقى شەپ ٴبولىمىنىڭ باستىعى“ بولۋعا قۇلشىندى.

ەلشات تۇرسىنباي ۇلى مىنالاردى باسا دارىپتەدى: بۇل رەتكى ۇكىمەت، بانكە، كاسىپورىن اڭگىمە ٴماجىلىسى پارتيا 20 ـ قۇرىلتايىنىڭ رۋحىن جاپپاي ىشكەرىلەي ۇيرەنۋدىڭ، ۇگىتتەۋدىڭ، دايەكتىلەندىرۋدىڭ، مەملەكەتتىك ەكى ٴماجىلىستىڭ، سونداي ـ اق ورتالىقتىڭ، اۆتونوميالى رايوننىڭ كەلەلى ەكونوميكالىق ماجىلىستەرىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى امالياتى. ىلە وبلىسىنىڭ ەكونوميكاسىنىڭ، قوعامىنىڭ جوعارى ساپالى دامۋى كاسىپورىنداردىڭ قوسقان ۇلەسى مەن فينانس قۇرىلىمدارىنىڭ زور كۇشپەن قولداۋىنان ايرىلا المايدى، ٴبىز وسى رەتكى اڭگىمە ٴماجىلىستى وراي ەتىپ، ساياسي دەڭگەيدى جوعارىلاتىپ، يدەيالىق تانىمدى تەرەڭدەتىپ، ۇكىمەت، بانكە، كاسىپورىن سەلبەستىگىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتۋىمىز؛ قىزمەت وتەۋمەن قامتاماسىز ەتۋدى كۇشەيتىپ، دامۋ سەنىمىن سەرپىلتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرىپ، ٴتۇرلى كاسىپورىندارعا تەڭ مامىلە جاساپ، ۇكىمەت پەن ساۋدانىڭ جاڭاشا قاتىناسىن ورناتىپ، كاسىپورىندارعا قىزمەت وتەۋ قامتاماسىزدىعىن كۇشەيتۋىمىز؛ فينانستىق قىزمەت وتەۋدى ساپالىلاندىرىپ، قاينار كوزىن اشىپ، دالمە ـ ٴدال قولداۋ كورسەتىپ، كاسىپورىنداردىڭ دامۋىنا، زورايۋىنا دەم بەرىپ، كاسىپورىنداردىڭ ”قاجەتىن“ شەشىپ، قىزمەت وتەۋدىڭ ”كوپىرىن“ سالىپ، قارجى قۇراۋدىڭ ”قيىندىعىن“ شەشۋىمىز؛ كاسىپكەرلىك رۋحتى اسقاقتاتىپ، باتىلدىقپەن كۇرەس جۇرگىزىپ، ۇزدىك بولۋعا ۇمتىلىپ، ۇزدىكسىز ساپالىلاندىرىپ، الۋەتتەندىرىپ، ٴىرى كاسىپورىنداردى ۇلعايتىپ، ٴوندىرىس - تيجاراتتى امالدىڭ بارىنشا ورنىقتىرىپ، عىلىم - تەحنيكادا جاڭالىق اشۋدى بۇلجىماي ىلگەرىلەتىپ، ىشكى قۋاتتى جاقسى جەتىلدىرىپ، اقاۋسىزدىقتى كۇشەيتۋىمىز؛ حاۋىپسىزدىك كوزقاراسىن ورناتىپ، حاۋىپ - قاتەرلەردى، كومەسكى كىناراتتاردى جويىپ، ەكونوميكانىڭ جوعارى ساپالى دامۋىنا جاراسىمدى، ورنىقتى ورتا ازىرلەپ، ٴوندىرىس حاۋىپسىزدىگىنىڭ، فينانس حاۋىپ - قاتەرىنەن ساقتانۋدىڭ تومەنگى شەگىن بەرىك ساقتاپ، ۇلكەن حاۋىپسىزدىك تانىمىن بەرىك ورناتۋىمىز كەرەك.

ەلشات تۇرسىنباي ۇلى مىنالاردى تالاپ ەتتى: ىلە وبلىسىنداعى ٴارقايسى تاراۋلار، فينانس قۇرىلىمدارى ”ەكىنى تۇراقتاندىرۋدى“ شىن جۇرەكتەن قولداۋ، ”ەكىنى قورعاۋدى“ ادالدىقپەن امالياتتا ايگىلەۋ ساياسي تۇرعىسىنان، امالدىڭ بارىنشا مەجەنى ورنىقتىرىپ، سەنىمدى كۇشەيتىپ، بەلسەنە تۇعىر قۇرىپ، فينانس قۇرىلىمدارى مەن كاسىپورىنداردىڭ قارىم - قاتىناسىن، اۋىس - كۇيىسىن كۇشەيتىپ، سايكەسۋدى، سەلبەستىكتى تەرەڭدەتىپ، شىندىققا جۇگىنىپ، ناقتى ىستەپ، ۇكىمەت بانكەمەن، كاسىپورىندارمەن تىلەكتەس بولىپ، كاسىپورىندار مەن فينانس قۇرىلىمدارىنىڭ ٴوزارا تيىمدىلىك جاساپ، تەڭ يگىلىككە كەنەلۋىن جەبەۋ كەرەك. ٴتۇرلى بازار تۇلعالارىنىڭ ومىرشەڭدىك قۋاتىن تولىق تاسقىنداتىپ، ىلە ەكونوميكاسىنىڭ جوعارى ساپالى دامۋىن اناعۇرلىم ويداعىداي ىلگەرىلەتۋ كەرەك.