قۇمىل قالاسى:

　　”ءبىر بەلدەۋ، ءبىر جول“ ورايىن مىقتى يگەرىپ، ەكونوميكانىڭ جوعارى ساپالى دامۋىن ىلگەرىلەتتى

　انار بۇلت \ شينجياڭ گازەتىنىڭ ءتىلشىسى ۋي يۇڭگۇي

3 - ايدىڭ 23 - كۇنى قۇمىل قالاسى يجوۋ رايونى چىڭبەي قۇمىل قۇرلىقتىق پورت ورتالىعىنىڭ نىسان قۇرىلىسى وڭىرىندە قاز - قاتار گاز ارقىلى رەتتەلەتىن توڭازىتۋ قويماسى مەن زات قامباسى سالىنىپ بولدى، جۋىق ارادا ىسكە قوسىلادى؛ تاس جول، تەمىر جول ۇلاسپالى تاسىمال بازاسى قۇرىلىسىنىڭ جۇمىس باسىندا مۇنارا كراندار بوي سوزىپ تۇر، سەمەنت جەتكىزەتىن ناسوستى اۆتوكولىكتەر قايشالىسۋدا؛ 8. 8 كيلومەترلىك زات تاسىمالى تەمىر جولىنىڭ ارناۋلى جەلىسى نەگىزىنەن سالىنىپ بولدى، الاڭ - ۆوگزالعا پايدالانىلاتىن ۇيلەر جەدەل سالىنۋدا.

”بيىل 5 - ايدىڭ سوڭىندا قۇمىل قۇرلىقتىق پورت ورتالىعىنىڭ نىسانى سالىنىپ بولادى ءارى سىناق رەتىندە ىسكە قوسىلادى“. شينجياڭ قۇمىل شينحىڭشۇن قاتىناس زات اينالىمى توبى شەكتى سەرىكتەستىگى زات اينالىمى تيجارات سەرىكتەستىگىنىڭ ارناۋلى جاۋاپتىسى ۋاڭ جىجىن تانىستىرىپ بىلاي دەدى: قۇمىل قۇرلىقتىق پورت ورتالىعى 9225 مۋ جەردەن پايدالانۋدى جوسپارلاپ وتىر، جالپى قۇرىلىس كولەمى 2 ميلليون 68 مىڭ شارشى مەتر، 3 مەرزىمگە ءبولىپ قۇرىلىس جۇرگىزەدى، چىڭبەي اۋماعى مەن قۇمىل ۆوگزالى اۋماعى سىندى ەكى بولىكتەن قۇرالادى، تەمىر جول ارناۋلى جەلىسى ارقىلى تۇتاستىرۋدى جۇزەگە اسىرادى، تاس جول، تەمىر جول ۇلاسپالى تاسىمالى، كوپ فورمالى ۇلاسپالى تاسىمالى جالپىلىق زات اينالىمى جۇيەسى باقشا رايونىن قۇرىپ، ”ءبىر بەلدەۋ، ءبىر جول“ بويىنداعى مەملەكەتتەر مەن وڭىرلەردىڭ زات تاسىمال قاجەتىنە قىزمەت وتەيدى.

بيىلعى ۇكىمەت قىزمەتىنەن باياندامادا جوعارى ءونىمدى ىركىلىسسىزدەنگەن زات اينالىمى جۇيەسىن قۇرۋ العا قويىلدى. قۇمىل قالالىق قاتىناس - تاسىمال مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى باي جيانگو بىلاي دەپ تانىستىردى، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، تياناقتاندىرۋدى مىقتى يگەرەمىز. قۇمىل قۇرلىقتىق پورت ورتالىعى سالىنىپ بولعاننان كەيىن، قۇمىل قالاسى جىبەك جولى ساۋدا زات اينالىمىنىڭ ماڭىزدى وتكەرمەلەۋ تورابى، باتىس سولتۇستىك ءوڭىردىڭ زات اينالىمىنداعى جيناۋ - تاراتۋداعى باستى جىكتەۋ ورتالىعىنا اينالادى، ”ءبىر بەلدەۋ، ءبىر جول“ جانە جۇڭگو − پاكيستان ەكونوميكالىق دالىزىنە، جۇڭگو − رەسەي − موڭعۇليا ەكونوميكالىق دالىزىنە، ورتا ازيا وڭىرىنە قىزمەت وتەيتىن ماڭىزدى زات جيناۋ - تاراتۋ ورتالىعىنا اينالادى.

ۇكىمەت قىزمەتىنەن باياندامادا وسىزاماندانعان كاسىپ سالاسى جۇيەسىن جەدەل قۇرۋ العا قويىلدى. قۇمىل جوعارى، جاڭا تەحنيكا كاسىپتەرىن اشۋ رايونى لوياڭ شۋاڭرۇي جەل ەلەكتر قالاقشاسى شەكتى سەرىكتەستىگى قۇمىل بولىمشە سەرىكتەستىگىنىڭ باس ديرەكتورى حان تاۋ بىلاي دەدى: ”ءبىر بەلدەۋ، ءبىر جول“ قۇرىلىسىندا كۇننەن - كۇنگە كەمەلدەنگەن تاس جول قاتىناس تورىنا سۇيەنىپ، سەرىكتەستىك ءوزى وندىرگەن جەل ەلەكتر گەنەراتورى قالاقشاسىنىڭ ”ءبىر بەلدەۋ، ءبىر جول“ بويىنداعى مەملەكەتتەر مەن وڭىرلەردەگى ساتىلۋ كولەمىن ۇزدىكسىز كەڭەيتەدى، ”’ءبىر بەلدەۋ، ءبىر جولدى‘ بىرگە قۇرۋ باستاماسى ورتاعا قويىلعان 10 جىلدان بەرى، ساتۋ ءونىم قۇنى جىلىنا ورتا ەسەپپەن ％30 ارتتى“.

قازىر وسى سەرىكتەستىك قۇمىل جەل ەلەكتر جابدىقتارىن جاساۋ سالاسىنداعى ءتۇيىندى كاسىپورىنداردىڭ ءبىرى، قالاقشا وندىرۋدە جالاڭ، كۇردەلى تاقتاي، جەلىدە قۇيۋ، جەلىدە تەمپەراتۋرانى مەڭگەرۋ، جەلىدە باقىلاۋ - ولشەۋ سياقتى جاڭا تەحنيكالاردى پايدالانىپ، جىلىنا وندىرگەن ءىرى جەل ەلەكتر گەنەراتورى قالاقشاسى 620عا جەتتى.

”جەل ەلەكتر جابدىقتارى ونىمدەرى ەكسپورت ەتىلىپ، قۇمىل قالاسىنىڭ سىرتقى ساۋدا يمپورت - ەكسپورت سوماسىنىڭ جىلدام ارتۋىن جەبەدى“. قۇمىل كەدەنىنىڭ قاتىستى جاۋاپتىسىنىڭ تانىستىرۋىنشا، 2022 - جىلى قۇمىل قالاسىنىڭ سىرتقى ساۋدا يمپورت - ەكسپورت جالپى قۇنى ءبىر ميلليارد 410 ميلليون يۋانعا جەتىپ، ارتۋ قارقىنى تۇتاس شينجياڭ بويىنشا بىرىنشىلىكتى يەلەگەن.