اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشتى

　　تومەنگى شەكتە ويلاۋعا تاباندى بولىپ، ءتۇرلى حاۋىپسىزدىك حاۋىپ - قاتەرلەرىنەن ءونىمدى ساقتانۋ كەرەك

انار بۇلت \ شينجياڭ گازەتىنىڭ ءتىلشىسى لي ياڭ 3 - ايدىڭ 27 - كۇنى ۇرىمجىدەن حابارلايدى. 3 - ايدىڭ 27 - كۇنى تۇستەن كەيىن اۆتونوميالى رايوندىق ءوندىرىس حاۋىپسىزدىگى كوميتەتى جالپى ءماجىلىس اشىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەندى، دايەكتىلەندىردى، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، رايونىمىزدىڭ ءوندىرىس حاۋىپسىزدىگى جاعدايىنا تالداۋ جاسادى، تۇجىرىمدادى، ەكىنشى ماۋسىمداعى ءوندىرىس حاۋىپسىزدىگى قىزمەتتەرىن كۇش سالا ويداعىداي يگەرىپ، ءتۇرلى حاۋىپسىزدىك حاۋىپ - قاتەرلەرىنەن ءونىمدى ساقتانىپ، ءتۇرلى شىرعالاڭداردىڭ تۋىلۋىن باتىل تىزگىندەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قامتاماسىز ەتۋدى العا قويدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى. مەملەكەتتىك كەن حاۋىپسىزدىگى بويىنشا كومەكتەسۋ - سۇيەمەلدەۋ، جەتەكشىلىك ەتۋ قىزمەت گرۋپپاسىنىڭ باستىعى، مەملەكەتتىك كەن حاۋىپسىزدىگىن باقىلاۋ - تەكسەرۋ مەكەمەسىنىڭ ورىنباسار باستىعى حۋاڭ جينشىڭ كومەكتەسۋ - سۇيەمەلدەۋ، جەتەكشىلىك ەتۋ جاعدايىن حابارلادى ءارى ءسوز سويلەدى.

ەركىن تۇنياز بىلاي دەپ اتاپ كورسەتتى: جەر - جەر، تاراۋلار ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ ورىنداۋ ساياسي تۇرعىسىنان حالىقتى وزەك ەتكەن دامۋ يدەياسىنا تاباندى بولىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى شىن مانىندە ءبىر تۇتاس جوسپارلاپ، ءوندىرىس حاۋىپسىزدىگى قىزمەتىنىڭ ايرىقشا ماڭىزدىلىعىن جانە بۇكىل رايونداعى حاۋىپسىزدىك قاتەرىنىڭ كومەسكىلىگىن، قايتالامالىلىعىن جانە كۇردەلىلىگىن جەتە تانىپ، ءوندىرىس حاۋىپسىزدىگى سىندى ارقاۋدى قاشاندا مىقتاپ شيراتىپ، تاۋقىمەت تانىمىن كۇشەيتىپ، ءوندىرىس حاۋىپسىزدىگى قىزمەتى جاۋاپكەرشىلىگى ءتۇزىمىن جاپپاي تياناقتاندىرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.

ەركىن تۇنياز بىلاي دەپ اتاپ كورسەتتى: ءوندىرىس حاۋىپسىزدىگىن ارناۋلى رەتتەۋ - وڭاۋدى تەرەڭدەي ىلگەرىلەتىپ، جول قاتىناسى، قۇرىلىس جۇرگىزۋ، قاتەرلى حيميالىق بۇيىمدار، جانار گاز، ساياحات، ەرەكشە جابدىق، تەمىر جول، حالىقتىق اۆياتسيا سياقتى كاسىپ سالالارىن قاداعالاپ، ءتۇرلى كومەسكى قاتەرلەردى جاپپاي اداقتاۋ، رەتتەۋ - وڭاۋ كەرەك. چيڭميڭدەگى قابىر سىپىرۋ قيمىلى ورىندارىنداعى حاۋىپسىزدىك، ورتتەن ساقتانۋ قىزمەتىن كۇشەيتىپ، ورمان، جايلىم ءورتى شىرعالاڭدارىنان ساقتانۋ كەرەك. تاسقىننان ساقتانۋ قىزمەتىن مىقتى، ناقتى يگەرىپ، جەر سىلكىنىسىنەن، گەولوگيالىق اپاتتان ساقتانۋدى ويداعىداي ىستەپ، تۇتقيىل تۋىلاتىن شىرعالاڭدارعا نەمەسە اۋىر شىرعالاڭدارعا توتەپ بەرۋ، ونى ءبىر جاقتى ەتۋ قابىلەتىن شىنايى جوعارىلاتۋ كەرەك. كەن سالاسىنداعى ءوندىرىس حاۋىپسىزدىگىن باتىل ويداعىداي يگەرىپ، مەملەكەتتىڭ كەن حاۋىپسىزدىگى بويىنشا كومەكتەسۋ - سۇيەمەلدەۋ، جەتەكشىلىك ەتۋ ورايىن يگەرىپ، كورسەتىلگەن ماسەلەلەردى تىزىمدىك بويىنشا تۇگەلدەي قابىلداپ، ءبىر - بىردەن رەتتەۋ - تۇزەتۋ جوباسىن جاساپ، قاداعالاپ، بىتىرۋگە قۋزاۋدى كۇشەيتىپ، باتىلدىقپەن تۇبەگەيلى رەتتەۋ - تۇزەتۋ كەرەك. حاۋىپ - قاتەرلەردى عىلمي تۇجىرىمداپ، ءوز ءوڭىرىنىڭ، ءوز كاسىپ سالاسىنىڭ حاۋىپسىزدىك جاعدايىنا مەرزىم بويىنشا تالداۋ جاساپ، باسقارۋ، مەڭگەرۋ شارالارىن دالمە - ءدال جاساپ، حاۋىپ - قاتەرى ەداۋىر كۇشتى كاسىپورىندارعا ”ەسىك قاعىپ ەسكەرتۋ بەرىپ“، كاسىپورىنداردىڭ حاۋىپ - قاتەرلەردى، كومەسكى كىناراتتاردى ىشكەرىلەي، جاپپاي تەكسەرىپ وڭاۋىنا كومەكتەسۋ كەرەك. تاراپتاردىڭ جاۋاپكەرشىلىگىن باتىل تياناقتاندىرىپ، تەكسەرۋ - زەرتتەۋ سالتىن بارىنشا ساۋلەلەندىرىپ، نەگىزگى ساتىنىڭ ءبىرىنشى شەبىنە بارىپ ءوندىرىس حاۋىپسىزدىگىنىڭ ناقتى جاعدايىن تەكسەرۋ - زەرتتەۋ، ءوندىرىس حاۋىپسىزدىگىنىڭ باياندى مەحانيزمىن ۇزدىكسىز كەمەلدەندىرۋ كەرەك. حاۋىپسىزدىكتى باقىلاۋ - باسقارۋ، زاڭ اتقارۋ كۇشتەرىن تولىقتاپ، كومىر كەندى، كومىردەن باسقا كەندەردى زەردەلىلەندىرە اشۋدى ىلگەرىلەتىپ، باۋلۋ جانە ۇگىتتەۋ سەرپىنىن كۇشەيتىپ، ءوندىرىس حاۋىپسىزدىگىنىڭ يدەيالىق قورعانىس شەبىن بەكەمدەۋ كەرەك.

حۋاڭ جينشىڭ سوزىندە بىلاي دەپ اتاپ كورسەتتى: جەر - جەر، تاراۋلار قىزىل سىزىق تانىمىن، تومەنگى شەكتە ويلاۋدى بەرىك ورناتىپ، ءوندىرىس حاۋىپسىزدىگىندەگى ”قاراقۋ“ ۋاقيعاسىنان قاي - قاشان دا ساق بولىپ، ”سۇرى ءمۇيىزتۇمسىق“ ۋاقيعاسىنان ساقتانىپ، وڭىرلىك ءوندىرىس حاۋىپسىزدىگى جاعدايى جونىندە كوڭىلىندە ەسەپ بولۋ كەرەك. پارتيا مەن ۇكىمەت جاۋاپكەرشىلىكتى بىردەي ۇستىنە الۋ، ءبىر قىزمەت ورنىندا ەكى جاۋاپكەرشىلىك ارقالاۋدى تياناقتاندىرىپ، قاراستى جەر باسقارۋ جاۋاپكەرشىلىگىن، تاراۋ باقىلاۋ - باسقارۋ جاۋاپكەرشىلىگىن جانە كاسىپورىننىڭ تۇلعالىق جاۋاپكەرشىلىگىن قاتايتىپ، ناقتىلاندىرىپ، جاۋاپكەرشىلىكتى ايقىنداپ، جاۋاپكەرشىلىكتى ءبىلىپ، مىندەت اتقارىپ جاۋاپكەرشىلىگىن ادا ەتۋ كەرەك. ماسەلەنى باعدار ەتۋگە تاباندى بولىپ، ماسەلەلەردى بايقاۋ، ماسەلەلەرگە تالداۋ جاساۋ، ماسەلەلەردى شەشۋ قابىلەتىن شىنايى جوعارىلاتىپ، ەكونوميكانىڭ، قوعامنىڭ دامۋىنا تاماشا ءوندىرىس حاۋىپسىزدىگى ورتاسىن ازىرلەۋ كەرەك.

ءيۇسۇپجان مامەت، چىن ميڭگو قاتارلىلار ماجىلىسكە قاتىناستى.