گازەتىمىزدىڭ 3 - ايدىڭ 27 - كۇنى استانادان بەرگەن حابارى. اۆتونوميالى رايوندىق پارتكومنىڭ شۋجيى ما شيڭرۇي جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىن باستاپ قازاقستانعا ساپارلاي بارعان كەزىندە 3 - ايدىڭ 27 - كۇنى استانادا قازاقستاننىڭ زۇڭليى سىمايىلوۆپەن كەزدەستى.

ما شيڭرۇي شينجياڭنىڭ دامۋ امالياتىمەن بىرلەستىرىپ، جۇڭگو كوممۋنيستىك پارتياسى 20 - قۇرىلتايىنىڭ جانە جۇڭگونىڭ مەملەكەتتىك ەكى ءماجىلىسىنىڭ قول جەتكىزگەن كەلەلى تابىستارى مەن ونىڭ تەرەڭ ءمانىن تانىستىردى. ما شيڭرۇي مىنالاردى ءبىلدىردى: ءتوراعا شي جينپيڭ مەن توقايەۆ زۇڭتۇڭنىڭ بىرگە جەتەكشىلىك ەتۋىندە، جۇڭگو − قازاقستان قارىم - قاتىناسىنىڭ مازمۇنى ۇزدىكسىز بايىپ، تابىسى اناعۇرلىم قوماقتى بولىپ، ماڭگىلىك جان - جاقتى ستراتەگيالىق سەرىكتەستىك قارىم - قاتىناسقا كوتەرىلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگونىڭ شينجياڭىنىڭ ەكونوميكالىق، قوعامدىق دامۋى جانە حالىق تۇرمىسىنىڭ جاقسارۋى تاريحي سيپاتتى تابىستارعا قول جەتكىزدى. جۇڭگونىڭ شينجياڭى مەن قازاقستاننىڭ سەلبەستىك نەگىزى بەرىك، بولاشاعى كەڭ. ەكى جاقتىڭ ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگونىڭ شينجياڭى مەن قازاقستاننىڭ جەرگىلىكتى ورىندارى مەن ءار سالاداعى ناقتى ىستەر سەلبەستىگىن ونان ارى تەرەڭدەتىپ، ناقتى ناتيجەلەر ارقىلى جۇڭگو − قازاقستان قارىم - قاتىناسىنىڭ ۇزدىكسىز تىڭ ساتىعا كوتەرىلۋىنە بەلسەنە ۇلەس قوسۋىن ءۇمىت ەتەمىن.

چىن ۋيجۇن، قادەن كابەن، سۇن حۇڭمەي، ياڭ شيۋلي، جۇڭگونىڭ قازاقستاندا تۇراتىن باس ەلشىسى جاڭ شياۋ قاتارلىلار قاتىستى قيمىلدارعا قاتىناستى.