شينحۋا اگەنتتىگىنىڭ 3 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ مەملەكەتتىڭ استىق حاۋىپسىزدىگى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجاتتار باسپاسى جاعىنان باسپادان شىعارىلىپ، بۇكىل ەلدە تاراتىلدى.

استىق حاۋىپسىزدىگى − ”مەملەكەتتىڭ زور ءىسى“. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتىڭ استىق حاۋىپسىزدىگىنە ايرىقشا ءمان بەرىپ، ءبىر ميللياردتان استام جان سانىنىڭ ىشەر اس ماسەلەسىن ويداعىداي شەشۋدى باستان - اياق ەل باسقارۋدىڭ ماڭداي الدى ءىرى ءىسى ەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، مەملەكەتتىڭ استىق حاۋىپسىزدىگى ستراتەگياسىن اتقارىپ، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋعا تاباندى بولىپ، ەگىستىك جەردى قورعاۋدىڭ ەڭ قاتاڭ ءتۇزىمىن اتقارىپ، تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى، تۇقىم قاينارىن دەربەس مەڭگەرۋدى ىلگەرىلەتىپ، ەلىمىزدىڭ استىق جالپىلىق ءوندىرىس قۋاتىن ۇزدىكسىز جوعارىلاتىپ، استىقتىڭ جالپى ءونىم مولشەرىندە دۇنيە ءجۇزى بويىنشا الدىڭعى ورىندى ورنىقتى يەلەپ، ءبىر ميلليارد 400 ميلليوننان استام ادامنىڭ استىق حاۋىپسىزدىگىن ءونىمدى قامتاماسىز ەتتى. شي جينپيڭ جولداستىڭ مەملەكەتتىڭ استىق حاۋىپسىزدىگىن ارقاۋ ەتىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ بولىپ، اۋىل - قىستاقتى گۇلدەندىرۋدى جاپپاي ىلگەرىلەتۋ، اۋىل شارۋاشىلىعىندا قۋاتتى ەل قۇرۋدى جەدەلدەتۋ، استىق حاۋىپسىزدىگى نەگىزىن جان - جاقتى بەكەمدەپ، استىق حاۋىپسىزدىگىندە پارتيا مەن ۇكىمەت بىردەي جاۋاپكەرشىلىك ارقالاۋدى جاپپاي تياناقتاندىرىپ، جۇڭگولىقتاردىڭ اس كەسەسىن ءوز قولىندا مىقتى ۇستاۋىنا شىنايى كەپىلدىك ەتۋ جونىنەن اسا ماڭىزدى مانگە يە.

«بايىمداۋلاردان ۇزىندىلەر» 8 ارناۋلى تاقىرىپقا بولىنگەن، جيىنى 240 بولىك بايىمداۋ بار، ولار شي جينپيڭ جولداستىڭ 2012 - جىلى 12 - ايدىڭ 15 - كۇنىنەن 2022 - جىلى 12 - ايدىڭ 23 - كۇنىنە دەيىنگى ارالىقتاعى باياندامالارى، سوزدەرى، لەكسيالارى، سۇحباتتارى، قۇتتىقتاۋ حاتتارى، نۇسقاۋلارى، بەكىتۋلەرى سياقتى 80نەن استام ماڭىزدى حۇجاتتان الىنعان. مۇنداعى ءبىر ءبولىم بايىمداۋلار تۇڭعىش رەت اشىق جاريالانىپ وتىر.