تىلشىلەرىمىز سۋ مين، دۋ لەي، ەرىكتى تىلشىلەر ياڭ جىلين، ديڭ جيا حابارلايدى. 3 - ايدىڭ 20 - كۇنى ٴتىلشىنىڭ وبلىستىق قازىنا مەكەمەسىنەن ۇعىسۋىنشا، ىلە وبلىسى قازىنادان اۋىل شارۋاشىلىعىنا قولداۋ كورسەتۋ ٴتۇرلى ساياساتىن جاپپاي تياناقتاندىرىپ، ورتالىقتىڭ اۋىل شارۋاشىلىعى ارناۋلى قارجىسىنان 2 ميلليارد 923 ميلليون يۋان شىعارىپ، ونى ەگىستىك جەردىڭ قۇنارلىلىعىن قورعاۋ، اۋىل شارۋاشىلىق ماشينالارىن ساتىپ الۋ جانە پايدالانۋ قوسىمشا قاراجاتى، جوعارى ولشەمدى ەگىنجاي قۇرىلىسى، سۋ يگىلىگى سياقتى اۋىل شارۋاشىلىعىنا قولداۋ كورسەتۋ نىسان قۇرىلىستارىنا جۇمساپ، ٴارقايسى اۋدان - قالانىڭ كوكتەمگى ەگىس دايىندىعىن ٴساتتى ورىستەتۋىنە بار كۇشپەن قولداۋ كورسەتكەن.

ىلە وبلىسى بەلسەنە قارجى توپتاپ، قازىنالىق ۇسىنىلىم سەرپىنىن ارتتىرىپ، 2023 - جىلى ەگىستىك جەردىڭ قۇنارلىلىعىن قورعاۋ قوسىمشا قاراجاتىنان 343 ميلليون 960 مىڭ يۋان قارجى بوساتىپ، زاڭدى، ناقتى ەگىنشىلىكپەن شۇعىلدانۋشىلارعا قوسىمشا قاراجاتقا بەرىپ، قوسىمشا قاراجات قارجىسىنىڭ ساياساتتىق ونىمدىلىگىن ارتتىرىپ، ەگىنشىلەردىڭ استىق ەگۋ بەلسەندىلىگىن جوعارىلاتتى.

ورتالىقتىڭ 1 - ٴنومىرلى قۇجاتىندا اۋىل شارۋاشىلىعى نەگىزدىك قۇرىلعىلار قۇرىلىسىن جاقسارتىپ، اۋىل شارۋاشىلىق عىلىم - تەحنيكاسى مەن جابدىقتاۋ تىرەگىن كۇشەيتۋ كەرەك دەپ اتاپ كورسەتىلدى. وسىعان بايلانىستى ىلە وبلىسى ورتالىقتىڭ جانە اۆتونوميالى رايوننىڭ اۋىل شارۋاشىلىق ماشينالارىن ساتىپ الۋ جانە پايدالانۋ قوسىمشا قاراجاتىنان 36 ميلليون 130 مىڭ يۋان قارجى بوساتىپ، وزىق، قولدانىلمالى اۋىل شارۋاشىلىق ماشينالارىن ساتىپ الىپ پايدالانۋعا قولداۋ كورسەتىپ، ٴارقايسى اۋدان - قالانىڭ ەگىستىك جەردى تەگىستەۋ اياق الىسىن جەدەلدەتتى.

بيىل ىلە وبلىسى تاعى ەگىنجاي نەگىزدىك قۇرىلعى قۇرىلىسىن كۇشەيتىپ، 2023 - جىلى جوعارى ولشەمدى ەگىنجاي قۇرىلىسىنا 993 ميلليون 690 مىڭ يۋان كومەك قاراجات شىعارىپ، ٴارقايسى اۋدان - قالانىڭ قۇرىلىس ورايىن مىقتى يگەرىپ، ٴبىر ميلليون 33 مىڭ 500 مۋ جوعارى ولشەمدى ەگىنجايدى جاڭادان اشىپ، 150 مىڭ مۋ جەردى وزگەرتىپ، دارەجەسىن جوعارىلاتۋىنا، ەگىستىك جەردىڭ ساپاسىن جوعارىلاتۋىنا، استىقتىڭ جالپىلىق ٴوندىرىس قۋاتىن جوعارىلاتۋىنا قولداۋ كورسەتتى.

ورتا، شاعىن وزەن اعارلارىن جونگە سالۋدى كۇشەيتىپ، اۋىل - قىستاقتاردى جاپپاي گۇلدەندىرۋگە دەم بەردى. ىلە وبلىسى سۋ يگىلىگى نىسان قۇرىلىسىنا 283 ميلليون 670 مىڭ يۋان قارجى ورنالاستىرىپ، ورتا، شاعىن وزەن اعارلارىن جونگە سالۋ، سۋ قويمالارىنداعى حاۋىپتى  جويۋ، بەكەمدەۋ، سۋارمالى وڭىرلەردە سۋ ۇنەمدەۋ، جاڭالاۋ جانە سۋ مەن توپىراقتى ساقتاۋ سياقتى نىسانداردى اتقارىپ، سۋارمالى وڭىرلەردە سۋ ۇنەمدەپ سۋارۋدى ىلگەرىلەتىپ، استىق ٴوندىرىسى نەگىزىن بەكەمدەدى.

ساياساتتىق اۋىل شارۋاشىلىعى قامسىزداندىرۋىنىڭ اۋىل شارۋاشىلىعى اپاتىنا قارسى اتتانۋ، اپاتتان قۇتقارۋداعى ماڭىزدى رولىن ساۋلەلەندىرۋ ٴۇشىن ىلە وبلىسى ساياساتتىق اۋىل شارۋاشىلىعى قامسىزداندىرۋ قاراجاتىنا قوسىمشا قاراجات بەرۋدى ۇزدىكسىز كۇشەيتىپ، ۇكىمەت، ەگىمشىلىك (باعىمشىلىق) وتباسىلارى، قامسىزداندىرۋ قۇرىلىمدارى بىرگە ات سالىساتىن اۋىل شارۋاشىلىعى حاۋىپ - قاتەرىن ٴبولىپ ارقالاۋ مەحانيزمىن ورناتتى. 433 ميلليون 910 مىڭ يۋان قارجى توپتاپ، ونى ساياساتتىق اۋىل شارۋاشىلىعى (بالىق شارۋاشىلىعى) قامسىزداندىرۋىنىڭ ”ٴتۇرىن مولايتۋ، كولەمىن كەڭەيتۋ، ولشەمىن جوعارىلاتۋدى“ ىلگەرىلەتۋگە جۇمساپ، اۋىل شارۋاشىلىعى وندىرىسىندەگى حاۋىپ - قاتەردەن ساقتانىپ جانە ونى شەشىپ، ديقانداردىڭ ٴوندىرىس وزىندىك قۇنى قىسىمىن جەڭىلدەتتى.

بۇدان سىرت، ىلە وبلىسى تاعى ەگىس داقىلدارىنداعى دەرت - دەربەزدەر مەن زياندى جاندىكتەردەن جانە حايۋانات ىندەتىنەن ساقتانۋ - تىزگىندەۋگە 35 ميلليون 680 مىڭ يۋان قارجى توپتاپ، ەگىس داقىلدارىنداعى دەرت - دەربەزدەر مەن زياندى جاندىكتەردى ازايتىپ، دەرت - دەربەزدەر مەن زياندى جاندىكتەردەن ساقتانۋ جانە ونى تىزگىندەۋ قابىلەتى مەن ورەسىن جوعارىلاتىپ، استىق ٴوندىرىسى حاۋىپسىزدىگىن شىنايى قامتاماسىز ەتتى.

اۋىل شارۋاشىلىعىنا قولداۋ كورسەتۋ، شارۋالارعا تيىمدىلىك جاساۋ قارجىسىنىڭ حاۋىپسىز، جوعارى ٴونىمدى، ٴتارتىپتى اينالىمىنا كەپىلدىك ەتۋ ٴۇشىن ىلە وبلىستىق قازىنا مەكەمەسى قارجىنى كۇندەلىكتى باقىلاۋ - باسقارۋدى كۇشەيتىپ، مەجە ەسەپتىڭ اتقارىلۋ قارقىنىن جەدەلدەتتى. ورتالىق جانە اۆتونوميالى رايون دارەجەلى قازىنادان اۋىل شارۋاشىلىعىنا قولداۋ كورسەتۋگە اۋدارىپ تولەنگەن قارجىنىڭ قارجى نىسانىنىڭ نەگىزگى تۇلعاسىنا، تياناقتاندىرىلۋ اياق الىسىنا مەرزىم بويىنشا ورنالاستىرۋ جاساپ، شارۋالار مەن ٴتۇرلى اۋىل شارۋاشىلىعى جاڭاشا تيجارات تۇلعالارىنا تىكەلەي تيىمدىلىك جەتكىزەتىن قازىنادان اۋىل شارۋاشىلىعىنا اۋدارىپ تولەنگەن قارجىنى ٴتۇيىندى ورنالاستىرىپ، قوسىمشا قاراجات تۇرىندەگى، نىسانعا اينالدىرىلعان قارجىنى سيپاتىنا، تۇرىنە قاراي تۇرگە ٴبولىپ ورنالاستىردى جانە ورنالاستىرۋ جاعدايىن حابارلاندىردى. اۋىل شارۋاشىلىعى، اۋىل - قىستاق تاراۋلارىنىڭ جوعارى ولشەمدى ەگىنجاي قۇرىلىسى، ەگىستىك جەردىڭ قۇنارلىلىعىن قورعاۋعا قوسىمشا قاراجات بەرۋ سياقتى قاتىستى قىزمەتتەردى ورىستەتۋىنە بەلسەنە سايكەسىپ، اۋدان - قالالاردىڭ قىزمەت جاۋاپكەرشىلىگىن ناقتىلاندىرىپ، نىسانداردىڭ اتقارىلۋىن بىرگە ىلگەرىلەتتى.