ەركىن تۇنياز ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　جوعارى دەڭگەيدە سىرتقا ەسىك اشۋدىڭ جاڭا بيىك بەلەسىن كۇش سالا تۇلعالاۋ كەرەك

انار بۇلت \ شينجياڭ گازەتىنىڭ ءتىلشىسى لي ياڭ 3 - ايدىڭ 28 - كۇنى ۇرىمجىدەن حابارلايدى. 3 - ايدىڭ 27 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى قالاسىندا كەشەندى قورعامالى باجى رايونىنىڭ ونىمدىلىگىن جوعارىلاتۋ، شەكارا اتتاعان ەلەكتروندى ساۋدانى دامىتۋ، حالىقتىق كاسىپورىنداردىڭ جوعارى ساپالى دامۋى سياقتىلار جونىندە تەكسەرۋ - زەرتتەۋ جۇرگىزىپ، كاسىپورىنداردىڭ قاجەتىن ىشكەرىلەي ۇعىستى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جانە مەملەكەتتىك ەكى ءماجىلىستىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورايدى مىقتى يگەرىپ، باسىمدىقتى ساۋلەلەندىرىپ، سىرتقا ەسىك اشۋدى اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ دەڭگەيدە ىلگەرىلەتىپ، ءۇرىمجىنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىنداعى جەتەكشىلىك رولىن شىنايى جوعارىلاتۋ كەرەك.

2018 - جىلى كەدەندى تۇيىقتاپ جۇمىس جۇرگىزگەننەن قازىرگە دەيىن، ءۇرىمجى كەشەندى قورعامالى باجى رايونىنا 150دەن استام كاسىپورىن تىركەلدى، ولار قورعامالى باجى بويىنشا مانەرلەۋ، قامبادا ساقتاۋ، زات اينالىمى، شەكارا اتتاعان ەلەكتروندى ساۋدا، يمپورت - ەكسپورت ساۋداسى سياقتى تۇرلەردى قامتىدى. بيىل 1 -، 2 - ايلاردا كەشەندى قورعامالى باجى رايونىنىڭ يمپورت - ەكسپورت قۇنى 6 ميلليارد 280 ميلليون يۋان بولىپ، سايكەس مەزگىلدەگىدەن ％1125 ارتتى. قورعامالى باجى كورمە ساۋدا ورتالىعىندا ەركىن تۇنياز كەشەندى قورعامالى باجى رايونىنىڭ قۇرىلىسى، جۇمىس جۇرگىزۋ جاعدايىن تىڭداپ، ساۋداگەر شاقىرىپ قارجى ەنگىزۋ، دامۋ جوباسى سياقتىلاردى تاپتەشتەي ۇعىسىپ، بىلاي دەپ باسا دارىپتەدى: كەشەندى قورعامالى باجى رايونىنىڭ سىرتقا ەسىك اشۋداعى تۇعىرلىق، دانەكەرلىك رولىن تولىق ساۋلەلەندىرىپ، ساياساتتىڭ قاباتتاسۋ باسىمدىعىنان ويداعىداي پايدالانىپ، قورعامالى باجى بويىنشا مانەرلەۋ، قورعامالى باجى زات اينالىمى، حالىقارالىق ساۋدا، شەكارا اتتاعان ەلەكتروندى ساۋدا سياقتى كاسىپ سالالارىن تۇتقا ەتىپ، ەرەكشەلىگى ايقىن، اينالىمى جوعارى ءونىمدى، اسەرى، جەتەكشىلىك ەتۋى كۇشتى بولعان جاڭالىق اشۋ تيبىندەگى كەشەندى قورعامالى باجى رايونىن كۇش سالا تۇلعالاۋ كەرەك.

شيدامىن قورعامالى باجى بويىنشا تىكە زات ساتىپ الۋ ورتالىعىندا، مەيلينگوۋ شەكارا اتتاعان قورعامالى باجى بويىنشا زات ساتىپ الۋدى سەزىنۋ ورتالىعىندا ەركىن تۇنياز كاسىپورىننىڭ جاۋاپتىلارىمەن بەتپە - بەت پىكىر اۋىستىرىپ، شەكارا اتتاعان ەلەكتروندى ساۋدا كاسىبىنىڭ جۇمىس جۇرگىزۋ جاعدايىن تاپتەشتەي سۇراپ، كاسىپورىننىڭ تالاپ - تىلەكتەرىن تىڭداپ، بىلاي دەپ باسا دارىپتەدى: ”بۇكىل دۇنيەدەن ساتىپ الۋ، بۇكىل دۇنيەگە ساتۋدى“ كوزدە ۇستاپ، ينتەرنەت جەلىسىندەگى، ينتەرنەت جەلىسىنەن تىس ساۋدا تۇعىرىن كەمەلدەندىرىپ، ماركالى، ەرەكشەلىككە يە، ىقپالدى شەكارا اتتاعان ەلەكتروندى ساۋدانى سەزىنۋ ورتالىعىن قۇرۋ كەرەك. تايپيڭياڭ قۇرىلىس توبىندا ەركىن تۇنياز كاسىپورىننان باسىمدىقتارىن ونان ارى ساۋلەلەندىرىپ، وزىندىك دامۋىن مەملەكەت پەن اۆتونوميالى رايوننىڭ دامۋ كەلەلى جاعدايىمەن قۇلشىنا توعىستىرىپ، اناعۇرلىم كوپ ونىمدىلىكتى ۇزدىكسىز جاراتۋدى ءۇمىت ەتتى.

ەركىن تۇنياز تەكسەرۋ - زەرتتەۋ بارىسىندا بىلاي دەپ باسا دارىپتەدى: ساياسي دەڭگەيدى شىن مانىندە جوعارىلاتىپ، يدەيانى ونان ارى ازات ەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسى ورايىن مىقتى يگەرىپ، مەملەكەت بەرگەن ءتۇرلى قولداۋ ساياساتتارىنان جەتكىلىكتى، جاندى، ويداعىداي پايدالانىپ، مەحانيزمدە ۇزدىكسىز جاڭالىق اشىپ، اشىق ەكونوميكالىق ءتۇزىلىس ورناتىپ، جوعارى دەڭگەيدە سىرتقا ەسىك اشۋدىڭ بيىك بەلەسىن كۇش سالا تۇلعالاۋ كەرەك. نەگىزدىك قۇرىلعىلار قۇرىلىسى تەبىنىن ارتتىرىپ، يقۋاتتى زورايتۋ، باقىلاۋ - باسقارۋدا جاڭالىق اشۋ، كاسىپ سالاسىن سايكەستىرۋ سياقتى جاقتارعا زور كۇش سالىپ، كەشەندى قورعامالى باجى رايونىنىڭ وڭىرلىك ورىن، ارنا، بايلىق باسىمدىعىن ۇزدىكسىز ۇلعايتىپ، كەشەندى قورعامالى باجى رايونىنىڭ ”ءبىر اۋماقتا، كوپ يقۋاتتى بولۋىنا “ كۇش ۇستەپ، جاڭا دامۋ ارناسىنا بەلسەنە توعىسۋ كەرەك. شەكارا اتتاعان ەلەكتروندى ساۋدا جالپىلىق قىزمەت وتەۋ جۇيەسىن كەمەلدەندىرىپ، شەكارا اتتاعان ەلەكتروندى ساۋدا الەۋمەتتىك قىزمەت وتەۋ تۇعىرىن ورناتىپ، شەكارا اتتاعان ەلەكتروندى ساۋدا ساياساتىن ساپالىلاندىرىپ، ەڭ ساپالى ەكولوگيا شەڭبەرىن قالىپتاستىرىپ، كاسىپورىنداردىڭ جوعارى دەڭگەيلى، ارنايىلانۋعا قاراي تيبىن جاڭالاۋىن ىلگەرىلەتۋ كەرەك. ەتەنە، كىرشىكسىز ۇكىمەت - ساۋدا قاتىناسىن ورناتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ءۇرتىس تۇلعالاپ، دالمە - ءدال ساۋداگەر شاقىرۋدى، ساۋدا ارقىلى ساۋداگەر شاقىرۋدى كورنەكتىلەندىرىپ، قۋاتتى قوزعاۋشى كۇش پەن كومەسكى كۇشتى قاۋلاتىپ، شينجياڭ ەكونوميكاسىنىڭ جوعارى ساپالى دامۋىنا اقىل - پاراسات پەن كۇش - قۋات قوسۋ كەرەك.