2 - كەزەكتى جۇڭگو (شينجياڭ) − قازاقستان كورشىلەس وڭىرلەر دوستىق سەلبەستىك كەڭەسى الماتىدا ءوتتى

　　ما شيڭرۇي، جۇمانعارين قاتىناستى ءارى ارناۋ ءسوز سويلەدى

گازەتىمىزدىڭ 3 - ايدىڭ 28 - كۇنى الماتىدان بەرگەن حابارى. 3 - ايدىڭ 28 - كۇنى قازاقستاندا ساپاردا جۇرگەن جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى الماتىدا قازاقستان جاقتىڭ قاتىستى قالا، وبلىستارىمەن 2 - كەزەكتى جۇڭگو (شينجياڭ) − قازاقستان كورشىلەس وڭىرلەر دوستىق سەلبەستىك كەڭەسىن بىرگە وتكىزدى. اۆتونوميالى رايوندىق پارتكومنىڭ شۋجيى ما شيڭرۇي، قازاقستاننىڭ ورىنباسار زۇڭليى، قوسىمشا ساۋدا جانە ءبىر تۇلعالاندىرۋ مينيسترلىگىنىڭ مينيسترى جۇمانعارين قيمىلعا قاتىناستى ءارى ارناۋ ءسوز سويلەدى.

ماجىلىستە جۇڭگو شينجياڭ ۇيعۇر اۆتونوميالى رايونى قازاقستاننىڭ الماتى قالاسىمەن دوس رايون، قالا قارىم - قاتىناسىن جاساسۋ نيەتناماسىنا قول قويىستى، شىعىس قازاقستان وبلىسىمەن، اباي وبلىسىمەن، الماتى وبلىسىمەن، جەتىسۋ وبلىسىمەن دوس رايون، وبلىس قارىم - قاتىناسىن جاساسۋ كەلىسىمىنە قول قويىستى، جەتىسۋ وبلىسىمەن «جۇڭگو − قازاقستان قورعاس حالىقارالىق شەكارالىق سەلبەستىك ورتالىعى جەرگىلىكتى ۇكىمەتتەر سايكەستىرۋ مەحانيزمى ەسكەرتپە حاتىنا» قول قويىستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن جانە ىلە قازاق اۆتونوميالى وبلىسىنىڭ، قازاقستاننىڭ قاتىستى قالا، وبلىستارىنىڭ جاۋاپتىلارى، قازاقستان مەملەكەت تەمىر جول سەرىكتەستىگى، قازاقستان قازاق ساۋدا سەرىكتەستىگى جانە جۇڭگو شينجياڭ ەرەكشە ترانسفورماتور، جينفىڭ عىلىم - تەحنيكاسى، 1 - تامىز بولات - تەمىر حالىقارالىق ساۋدا شەكتى سەرىكتەستىگى سياقتى كاسىپورىنداردىڭ ۋاكىلدەرى سوزگە شىعىپ، ەكى جاقتىڭ كوپ سالاداعى سەلبەستىگىن كۇشەيتۋ، ءوزارا تيىمدىلىك جەتكىزىپ، تەڭ يگىلىككە كەنەلۋ دەڭگەيىن جوعارىلاتۋ جونىندە پىكىر اۋىستىردى.

قادەن كابەن، سۇن حۇڭمەي، ياڭ شيۋلي، جۇڭگونىڭ قازاقستاندا تۇراتىن باس ەلشىسى جاڭ شياۋ قاتارلىلار قيمىلعا قاتىناستى.