ٴتىلشىمىز شىن شياۋمىڭ حابارلايدى. 5 - ايدىڭ 29 - كۇنى تۇستەن بۇرىن ىلە وبلىستىق اۋرۋدان ساقتانۋ - تىزگىندەۋ مەكەمەسىنىڭ ماڭدايشالىق اسۋ سالتى ىلە وبلىستىق دەنساۋلىق ساقتاۋ، سالاماتتىق كوميتەتىنىڭ اۋلاسىندا وتكىزىلدى. ىلە وبلىستىق اۋرۋدان ساقتانۋ - تىزگىندەۋ مەكەمەسىن قۇرۋ «حالىقتى بارىنەن جوعارى قويۋعا، ٴومىردى بارىنەن جوعارى قويۋعا» تاباندى بولىپ، سالاماتتى ىلە قۇرىلىسىن جەدەلدەتۋدىڭ رەال قاجەتى. ىلە وبلىسىنىڭ ورىنباسار باستىعى ليۋ چيڭحۋا ماڭدايشالىق اسۋ سالتىنا قاتىناستى.

ىلە وبلىستىق اۋرۋدان ساقتانۋ - تىزگىندەۋ مەكەمەسىنىڭ ماڭدايشالىق اسىپ قۇرىلۋى بۇكىل وبلىستىڭ الەۋمەتتىك دەنساۋلىق ساقتاۋ ىستەرىن دامىتۋداعى ٴىرى ٴىس، قۋانىشتى ٴىس بولىپ، كەلەلى مانگە يە. ىلە وبلىستىق پارتكوم مەن ۇكىمەت جاڭالىق اشا دامۋدى جانە رەفورمانى تەرەڭدەتۋدى قوزعاۋشى كۇش ەتۋدەن جازباي، اۋرۋدان ساقتانۋ ىستەرىنىڭ جاڭا دامۋ كەزەڭىنە ٴوتۋىن بەلسەنە ىلگەرىلەتتى. وبلىستىق اۋرۋدان ساقتانۋ - تىزگىندەۋ مەكەمەسى ۇكىمەتتىڭ جەتەكشىلىگىندەگى «سالماقتى اۋرۋلاردى تىزگىندەۋ» سىندى دامۋ ۇستانىمىنا تاباندى بولىپ، ٴار دارەجەلى اۋرۋدان ساقتانۋ - تىزگىندەۋ قۇرىلىمدارى مەن ٴتۇرلى ارناۋلى اۋرۋدان ساقتانۋ - ەمدەۋ قۇرىلىمدارىن تىرەك، ەمدەۋ قۇرىلىمدارىن سۇيەنىش، نەگىزگى ساتى دەنساۋلىق ساقتاۋ، ەمدەۋ قۇرىلىمدارىن ينفورماتسيا جۇيەسى ەتىپ كەمەلدەندىرىپ قۇرىپ، تۇتاس قوعام سەلبەسىپ ات سالىساتىن اۋرۋدان ساقتانۋ - تىزگىندەۋ جۇيەسىن اقاۋسىزداندىرىپ، قورعانىس تورىن ٴجيى توقىپ، اۋاشالاۋ قورعانىن بەكەمدەيدى. ۇيىمداستىرۋ ٴبولىمى، شتات كەڭسەسى، دامۋ جانە رەفورما كوميتەتى، قازىنا مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى سياقتى تاراۋلار تىعىز سايكەسىپ، ادام كۇشى، زات كۇشى، قازىنا كۇشى جاقتارىندا قولداۋ كورسەتىپ، اۋرۋدان ساقتانۋ - تىزگىندەۋ ىستەرىنىڭ جوعارى ساپالى دامۋىن بار كۇشپەن قامتاماسىز ەتەدى.

وبلىستىق پارتكوم ۇيىمداستىرۋ ٴبولىمى، شتات كەڭسەسى، دامۋ جانە رەفورما كوميتەتى، وقۋ - اعارتۋ مەكەمەسى، قوعام حاۋىپسىزدىگى مەكەمەسى، حالىق ىستەرى مەكەمەسى، قازىنا مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى، اۋىل شارۋاشىلىعى، اۋىل - قىستاق مەكەمەسى، بازاردى باقىلاۋ - باسقارۋ مەكەمەسى، ەمدەۋ قامسىزداندىرۋ مەكەمەسى، قۇلجا كەدەنى، بيڭتۋان 4 - شىسى دەنساۋلىق ساقتاۋ، سالاماتتىق كوميتەتى سياقتى ورىنداردىڭ جاۋاپتى جولداستارى، وبلىستىق دەنساۋلىق ساقتاۋ، سالاماتتىق كوميتەتىنىڭ باسشىلىق القاسىنداعىلار سول كۇنگى ماڭدايشالىق اسۋ سالتىنا قاتىناستى.