ما شيڭرۇي قاشقار ايماعىندا تەكسەرۋ - زەرتتەۋ جۇرگىزدى ءارى اڭگىمە ءماجىلىسىن اشتى

جوبالاۋ، قۇرۋ، دامۋ دەڭگەيىن ۇزدىكسىز جوعارىلاتىپ، وسىزاماندانعان وڭىرلىك ورتالىق قالا قۇرۋعا قۇلشىنۋ كەرەك

ەركىن تۇنياز، جاڭ چۇنلين قيمىلعا قاتىناستى

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 31 - كۇنى قاشقاردان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 31 - كۇنى قاشقار ايماعىندا تەكسەرۋ - زەرتتەۋ جۇرگىزدى ءارى اڭگىمە ءماجىلىسىن باسقارىپ اشتى، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جاپپاي دايەكتىلەندىرۋدى، تياناقتاندىرۋدى ارقاۋ ەتىپ، شينجياڭنىڭ دامۋداعى ستراتەگيالىق ورنىن كوزدەپ، قاشقاردىڭ قالا جوباسى، قۇرىلىسى، كاسىپ سالاسىنىڭ ورنالاسۋى، وڭىرلەردىڭ ىقپالداسىپ دامۋى سياقتى قىزمەتتەردى جەدەلدەتۋ جونىندە ىشكەرىلەي جاعداي ۇعىستى، اۆتونوميالى رايونداعى، قاشقارداعى قاتىستى جاۋاپتى جولداستارمەن مۇقيات اقىلداسىپ، جوسپارلاپ، پىكىر، ۇسىنىس تىڭداپ، قاشقاردىڭ ورنىن شىن مانىندە ءدال تابۋىن، نىسانانى ايقىنداۋىن ىلگەرىلەتتى، قالانىڭ قۇرىلىس، دامۋ دەڭگەيىن جەدەل جوعارىلاتىپ، بار كۇشپەنوڭىرلىك ورتالىق قالا قۇرىپ، جىبەك جولى ەكونوميكالىق بەلدەۋى وزەكتى رايونى قۇرىلىسى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ سياقتى كەلەلى ستراتەگيالاردا ماڭىزدى رول ساۋلەلەندىرۋدى تالاپ ەتتى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قيمىلعا قاتىناستى.

ما شيڭرۇي تەكسەرۋ - زەرتتەۋ بارىسىندا قاشقار ايماعىنىڭ جوبالاۋ، قۇرۋ جانە قاشقار قالاسىنىڭ مەملەكەت جەر بايلىعى كەڭىستىگى جوباسى سياقتىلار جونىندەگى تانىستىرۋدى تىڭداپ، ايماقتاعى، قالاداعى قاتىستى جاۋاپتى جولداستارمەن ىشكەرىلەي پىكىر اۋىستىرىپ، قالا جوباسى، كاسىپ سالاسىنىڭ دامۋى، حالىق سانىنىڭ شوعىرلانۋى سياقتى جاعدايلاردى ەگجەي - تەگجەيلى ۇعىستى.

اڭگىمە ماجىلىسىندە ما شيڭرۇي قاشقار قالاسىنىڭ قالانى جوبالاۋ، قۇرۋ قىزمەتىنەن بەرىلگەن مالىمەتتى تىڭدادى، ماجىلىسكە قاتىناسقاندارمەن ىشكەرىلەي پىكىر اۋىستىرىپ، قاشقاردىڭ قۇرىلىسىن، دامۋىن ارقاۋ ەتە وتىرىپ ماسەلەلەردى، ولقىلىقتاردى تاۋىپ، وي جەلىسىن، شارالاردى قاراستىردى.

ما شيڭرۇي مىنالاردى اتاپ كورسەتتى: قاشقار − جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگى، جۇڭگونىڭ ورتا ازيامەن، باتىس ازيامەن، وڭتۇستىك ازيامەن تۇتاساتىن ماڭىزدى ءتۇيىنى، جاعراپيالىق ورنى ەرەكشە، ستراتەگيالىق ورنى ماڭىزدى، وزىندىك باسىمدىعىمەن ءوزارا سايكەسەتىن، جاڭا داۋىردەگى دامۋ قاجەتىنە ۇيلەسەتىن، وڭىرلىك كەلەلى دامۋ ستراتەگياسىنا ءونىمدى تىرەك بولاتىن وسىزاماندانعان قالانى جەدەل قۇرۋ ماڭىزدى مانگە يە. باس شۋجي شي جينپيڭنىڭ قالا قىزمەتى جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، ساياسي دەڭگەيدى جوعارىلاتىپ، قىزمەت وي جەلىسىندە بۇرىلىس جاساپ، اناعۇرلىم ۇزاق بولاشاقتىق كوز ايامەن، اناعۇرلىم كەڭ كوز ايامەن، اناعۇرلىم زور بەكىممەن جانە تەبىنمەن ىشكەرىلەي جۇيەلى جوبالاپ، دامۋ جوباسىن ساپالىلاندىرىپ، كەمەلدەندىرىپ، قۇرۋ، باسقارۋ دەڭگەيىن جوعارىلاتىپ، وسىزاماندانعان وڭىرلىك ورتالىق قالانى قۇلشىنا تۇلعالاۋ كەرەك. عىلمي، ۇيلەسىمدى جوسپارلاپ، ورنالاستىرىپ، ءىس جۇزىندىكتى تياناق ەتۋگە، ۇزاق بولاشاقتى كوزدە ۇستاۋعا، ورنىقتىلىق بارىسىندا ىلگەرىلەۋگە تاباندى بولىپ، ۇلگىنى، جوبانى عىلمي جوسپارلاپ، جوعارى ولشەممەن، جوعارى ساپامەن جوبالاپ، قالا كولەمىن ۇيلەسىمدى تۇراقتاندىرىپ، قالا مەن اۋىل - قىستاقتى ءبىر تۇتاس جوسپارلاپ، تاريح پەن وسى زامانعا تەڭ ءمان بەرىپ، ”ءۇش كەڭىستىك، ءۇش سىزىق“ سياقتى باسقارۋ - مەڭگەرۋدىڭ تومەنگى شەگىن قاتاڭ ساقتاپ، مەملەكەت جەرىنىڭ كەڭىستىك ورنالاسۋىن ساپالىلاندىرىپ، شوعىرلى، ۇنەمدى قۇرىلىستى كۇشەيتىپ، شينجياڭنىڭ ەرەكشەلىگىن، وسى زامانعى تىنىسىن، داۋىرلىك كەلبەتىن كۇش سالا سومداۋ كەرەك. شوعىرلاندىرۋ، شارپۋ قابىلەتىن كۇشەيتىپ، وڭىرلىك ورىن، بايلىق، ەسىك اشۋ سياقتى باسىمدىقتاردى تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تىعىز ارقاۋ ەتىپ، وسىزاماندانعان كاسىپ سالاسى جۇيەسىن جەدەل ورناتىپ، ءوڭىر، قالا، اۋدانداردىڭ ىقپالداسىپ دامۋىن جەبەپ، باقشا رايوندارىنىڭ، كاسىپ سالالارىنىڭ جانە حالىق سانىنىڭ شوعىرلانۋ قابىلەتىن ۇزدىكسىز جوعارىلاتىپ، قالانىڭ كوتەرىمدىلىك قۋاتىن، باۋراۋ قۋاتىن، شارپۋ قۋاتىن كۇشەيتىپ، قالالانۋ مولشەرىن ۇزدىكسىز جوعارىلاتۋ كەرەك. ءار ۇلت بۇقاراسىنا اناعۇرلىم جاقسى تيىمدىلىك جەتكىزىپ، ادامدى وزەك ەتكەن جاڭاشا قالا - قالاشىقتاندىرۋدى جەدەل ىلگەرىلەتىپ، قالانىڭ فۋنكتسيالىق ساپاسىن جوعارىلاتىپ، قاتىناس سياقتى نەگىزدىك قۇرىلعى ولقىلىقتارىن تولىقتاپ، الەۋمەتتىك قىزمەت وتەۋ بويىنشا قامداۋدى كۇشەيتىپ، ەكولوگيالىق ورتا مەن قونىس ورتاسى قۇرىلىسىن كۇشەيتىپ، ۇلتتار كىرىگىپ ورنالاسقان قوعامدىق قۇرىلىم مەن الەۋمەتتىك اۋماق ورتاسىن قالىپتاستىرىپ، قالانى قۇنتتاپ باسقارۋ جانە قوعامدىق جونگە سالۋ دەڭگەيىن جوعارىلاتىپ، ءار ۇلت بۇقاراسىنىڭ اناعۇرلىم وسى زامانعى وركەنيەتتى، باقىتتى دا تاماشا تۇرمىس كەشىرۋىنە مۇمكىندىك جاساۋ كەرەك.

چىن ۋيجۇن، ەلزات احمەتجان، قادەن كابەن، سۇن حۇڭمەي، ءماردان مۇحيت، اۆتونوميالى رايوننىڭ جانە قاشقاردىڭ قاتىستى تاراۋلارىنداعى، قاتىستى ولكە، قالالاردىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنداعى جاۋاپتى جولداستار، ت.ب تەكسەرۋ - زەرتتەۋگە نەمەسە اڭگىمە ماجىلىسىنە قاتىناستى.