汉文 ىلە اقپارات تورابىنا حوش كەلدىڭىزدەر!
2023 - جىلعى حالىقتىق كاسىپورىنداردىڭ وڭتۇستىك شينجياڭنىڭ دامۋىن ىلگەرىلەتۋ جينالىسى قاشقاردا اشىلدى
2023-06-02 10:42:40     كورىلىم:رەت كەلۋ قاينارى:تيانشان تورى  جاۋاپتى رەداكتور:جارقىن تۇسەن ۇلى

ما شيڭرۇي ارناۋ ءسوز سويلەدى، گاۋ يۇنلۇڭ ءسوز سويلەدى، ەركىن تۇنياز باسقاردى، شۇي لىجياڭ، جاڭ چۇنلين قاتىناستى

5 - ايدىڭ 31 - كۇنى 2023 حالىقتىق كاسىپورىنداردىڭ وڭتۇستىك شينجياڭنىڭ دامۋىن ىلگەرىلەتۋ جينالىسى قاشقاردا اشىلدى.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 31 - كۇنى قاشقاردان حابارلايدى. 2023 - جىلعى حالىقتىق كاسىپورىنداردىڭ وڭتۇستىك شينجياڭنىڭ دامۋىن ىلگەرىلەتۋ جينالىسى 5 - ايدىڭ 31 - كۇنى قاشقاردا اشىلدى، جينالىس پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتىپ، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قالىڭ حالىقتىق كاسىپورىنداردى كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا بەلسەنە ات سالىسۋعا اناعۇرلىم جەتەكتەپ، جۇمىلدىرىپ، كاسىپ سالاسى جاعىنان كومەكتەسۋ - سۇيەمەلدەۋدى، ەڭبەككۇش ىستەستىگىن، دارىندىلار جاعىنان كومەك كورسەتۋدى، قارجىلاي قولداۋدى كۇشەيتىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدى تالاپ ەتتى. اۆتونوميالى رايوندىق پارتكومنىڭ شۋجيى ما شيڭرۇي ارناۋ ءسوز سويلەدى، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ ءسوز سويلەدى.

جينالىستى مەملەكەتتىك ساۋدا - ونەركاسىپشىلەر بىرلەستىگى، مەملەكەتتىك اۋىل - قىستاقتى گۇلدەندىرۋ مەكەمەسى، جۇڭگو مەرەيلى ىستەردى جەبەۋ قوعامى، اۆتونوميالى رايوندىق حالىق ۇكىمەتى جانە شينجياڭ ءوندىرىس - قۇرىلىس بيڭتۋانى بىرلەسىپ ۇيىمداستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. ورتالىق كوميتەت بىرلىكساپ ءبولىمىنىڭ ورىنباسار باستىعى، مەملەكەتتىك ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى شۇي لىجياڭ، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىناستى. مەملەكەتتىك اۋىل - قىستاقتى گۇلدەندىرۋ مەكەمەسىنىڭ ورىنباسار باستىعى حۋاڭ يان ءسوز سويلەدى.

ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە بيڭتۋان اتىنان باسشىلاردى جانە سيلى قوناقتاردى شىن ىقىلاسپەن قارسى الاتىندىعىن ءبىلدىردى، شينجياڭ قىزمەتىنە ۇزاق ۋاقىتتان بەرى كوڭىل ءبولىپ، قولداۋ كورسەتىپ كەلگەن ورتالىق پەن مەملەكەتتىڭ مينيسترلىك - كوميتەتتەرىنە، شينجياڭعا كومەكتەسكەن ولكە، قالالارعا، سونداي - اق قالىڭ حالىقتىق كاسىپورىنشىلارعا شىن جۇرەكتەن العىس ايتتى. ول بىلاي دەدى: باس شۋجي شي جينپيڭ شينجياڭ قىزمەتىنە وسكەلەڭ ءمان بەردى، وڭتۇستىك شينجياڭنىڭ دامۋىنا ايرىقشا نازار اۋداردى. شينجياڭ باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، نازاردى وڭتۇستىك شينجياڭ سىندى ”شاحمات كوزىنە“ شوعىرلاندىرىپ، دامۋ جانە حاۋىپسىزدىكتى ءبىرتۇتاس جوسپارلاپ، ساياسات - شارالاردى ارناۋلى اقىلداسىپ جاساپ، تۇتاس شينجياڭنىڭ كۇشىن جۇمىلدىرىپ وڭتۇستىك شينجياڭنىڭ جوعارى ساپالى دامۋىن ىلگەرىلەتتى. كەزەكتە وڭتۇستىك شينجياڭنىڭ دامۋ ومىرشەڭدىك كۇشى قاۋلاپ، قوزعاۋشى كۇشى تەبىندەپ، كومەسكى كۇشى جارىققا شىقتى، قارجى قوسىپ، شارۋاشىلىقتى كوركەيتۋىنەن زور ءۇمىت كۇتۋگە بولادى. قالىڭ حالىقتىق كاسىپورىنشىلاردىڭ ”8 ءىرى كاسىپ سالاسى شوعىرى“ سياقتى وڭتۇستىك شينجياڭنىڭ ەرەكشەلىككە، ابزالدىلىققا يە كاسىپ سالاسىنىڭ دامۋىنا ىشكەرىلەي ات سالىسىپ، مەملەكەتتىڭ استىق، ەنەرگيا جانە شەشۋشى كەن بايلىقتارى حاۋىپسىزدىگىن قامتاماسىز ەتۋگە قىزمەت وتەۋىن ىقىلاسپەن قارسى الامىز. اۋىل - قىستاقتى گۇلدەندىرۋدى جاپپاي ىلگەرىلەتۋگە ىشكەرىلەي ات سالىسىپ، كەدەي وڭىرلەردىڭ دامۋ ىشكى قوزعاۋشى كۇشىن ارتتىرىپ، ءار ۇلت بۇقاراسىنىڭ كىرىس دەڭگەيىن جوعارىلاتۋىن قارسى الامىز. جىبەك جولى ەكونوميكالىق بەلدەۋى وزەكتى رايونى قۇرىلىسىنا ىشكەرىلەي ات سالىسىپ، شينجياڭنىڭ ازيا - ەۆروپا التىن ارناسى مەن باتىسقا ەسىك اشۋ الدىڭعى شەبىن تۇلعالاۋعا كۇش ۇستەۋىن قارسى الامىز. شينجياڭ شارۋاشىلىق - ساۋدا ورتاسىن ۇزدىكسىز ساپالىلاندىرىپ، حالىقتىق كاسىپورىنداردى قۇرمەتتەيتىن، قولدايتىن، ايالايتىن قوعامدىق رايدى كۇش سالا قالىپتاستىرىپ، قالىڭ حالىقتىق كاسىپورىنداردىڭ وڭتۇستىك شينجياڭدا الاڭسىز قارجى قوسۋىنا، دامۋىنا، وڭتۇستىك شينجياڭنىڭ جوعارى ساپالى دامۋىن ىلگەرىلەتۋدە، كورىكتى شينجياڭ قۇرۋ بارىسىندا اناعۇرلىم زور رول اتقارۋىنا مۇمكىندىك جاسايدى.

گاۋ يۇنلۇڭ بىلاي دەپ اتاپ كورسەتتى: حالىقتىق كاسىپورىنداردىڭ وڭتۇستىك شينجياڭنىڭ ەكونوميكالىق، قوعامدىق دامۋىن ىلگەرىلەتۋ ءداۋىر جاۋاپكەرشىلىگىن ارقالاعاندىعىن اڭعارتادى، بۇل جاپپاي سوتسياليستىك وسىزاماندانعان مەملەكەت قۇرۋدىڭ تابيعي تالابى، ول جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدەگى ماڭىزدى شارا ءارى ”ەكى اقاۋسىزدىقتى“ امالياتتا ايگىلەۋدىڭ جاندى امالياتى. وڭتۇستىك شينجياڭنىڭ ەكونوميكالىق، قوعامدىق دامۋىنا ات سالىسۋ بارىسىندا حالىقتىق شارۋاشىلىق قايراتكەرلەرى بۇكىل قوعامعا پارتيانىڭ سوزىنە قۇلاق اساتىن، پارتياعا ىلەسەتىن داڭقتى ءداستۇردى جانە مەملەكەت قۇرىلىسىنا بەلسەنە ات سالىساتىن، قوعامدىق جاۋاپكەرشىلىكتەرىن وتەيتىن تاماشا وبرازدارىن ايگىلەدى. ول بىلاي دەدى: حالىقتىق كاسىپورىنداردىڭ وڭتۇستىك شينجياڭنىڭ ەكونوميكالىق، قوعامدىق دامۋىنا كومەك كورسەتۋ مىندەتى داڭقتى. جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ ارقاۋ ەتىپ، وڭتۇستىك شينجياڭنىڭ ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن تىڭعىلىقتى ىلگەرىلەتىپ، كاسىپ سالاسىنىڭ دامۋىن كۇش سالا ىلگەرىلەتىپ، جۇمىستاندىرۋدى ورنىقتىرۋ، جۇمىستاندىرۋدى قامتاماسىز ەتۋ قىزمەتىنە كۇش ۇستەپ، تۇتىنۋ ارقىلى كومەكتەسۋ - سۇيەمەلدەۋدى كەڭ كولەمدە ورىستەتىپ، حالىق تۇرمىسىن جاقسارتۋدى تىڭعىلىقتى ىلگەرىلەتىپ، ءار ۇلت بۇقاراسىمەن كىرىكپەلى دامۋ جوسپارى جانە ”حالىقتىق كاسىپورىنداردىڭ شەكارا وڭىرگە تامىر تارتۋ“ ارەكەتى سياقتى قىزمەتتەردى توعىستىرۋدى ويداعىداي يگەرىپ، كەلەلى جاعدايدى كوزدە ۇستاۋ، اۋقىمعا سايكەسۋ، ءبىر تۇتاس جوسپارلاپ ىلگەرىلەتۋ كەرەك. قالىڭ حالىقتىق كاسىپورىنداردىڭ جاۋاپكەرشىلىك ارقالاۋدى ۇزدىكسىز كۇشەيتىپ، وڭتۇستىك شينجياڭنىڭ دامۋ قۇرىلىسىنا كومەك كورسەتۋدى كاسىپورىنداردىڭ قوعامدىق جاۋاپكەرشىلىگىن وتەيتىن ماڭىزدى مازمۇنى ەتۋىن؛ ءار دارەجەلى ساۋدا - ونەركاسىپشىلەر بىرلەستىكتەرىنىڭ شىن مانىندە ويداعىداي كوپىر، دانەكەر بولىپ، كەڭەسۋدى، سايكەسۋدى كۇشەيتۋىن، قامتاماسىز ەتۋگە قىزمەت وتەۋدى ويداعىداي ىستەۋىن، بەلسەنە ۇگىتتەۋىن، تانىستىرۋىن؛ ءار دارەجەلى پارتكومداردىڭ، ۇكىمەتتەردىڭ قولداۋدى، قىزمەت وتەۋدى ۇزدىكسىز كۇشەيتىپ، حالىقتىق كاسىپورىنداردىڭ دامۋىنا ءتيىمدى تاماشا ورتا جاراتۋىن ءۇمىت ەتەمىن.

ەركىن تۇنياز بىلاي دەدى: ۇزاق ۋاقىتتان بەرى مەملەكەتتىك ساۋدا - ونەركاسىپشىلەر بىرلەستىگى، مەملەكەتتىك اۋىل - قىستاقتى گۇلدەندىرۋ مەكەمەسى، جۇڭگو مەرەيلى ىستەردى جەبەۋ قوعامى كاسىپ سالاسى جاعىنان شينجياڭعا كومەكتەسۋدى كۇش سالا ورىستەتىپ، حالىقتىق كاسىپورىنداردى وڭتۇستىك شينجياڭعا بارىپ قارجى قوسىپ، شارۋاشىلىعىن كوركەيتۋگە بەلسەنە ۇيىمداستىرىپ، جۇمىلدىرىپ، وڭتۇستىك شينجياڭنىڭ ەكونوميكالىق، قوعامدىق دامۋىن جەبەۋگە جانە حالىق تۇرمىسىن جاقسارتۋعا ماڭىزدى ۇلەس قوستى. جەر - جەر، تاراۋلار وسى رەتكى جينالىستى وراي ەتىپ، كەڭەسۋدى، ۇشتاستىرۋدى كۇشەيتىپ، شينجياڭعا كومەكتەسەتىن ولكە، قالالاردىڭ دارىندى، قارجى، تەحنيكا، باسقارۋ، بازار سياقتى ابزالدىلىقتارىنان تولىق ويداعىداي پايدالانىپ، وڭتۇستىك شينجياڭنىڭ ەرەكشە بايلىعىن ونان ارى اشىپ، ويداعىداي پايدالانىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. كاسىپورىنشىلاردىڭ وڭتۇستىك شينجياڭنىڭ دامۋ تۇعىرىنان ويداعىداي پايدالانىپ، كەدەيلىكتەن ارىلتۋدان قامال الۋ جەتىستىگىن بەكەمدەۋگە، كەڭەيتۋگە، اۋىل - قىستاقتى جاپپاي گۇلدەندىرۋدى ىلگەرىلەتۋگە اناعۇرلىم كەڭ كولەمدە، اناعۇرلىم تەرەڭ دەڭگەيدە، اناعۇرلىم كەڭ سالادا ات سالىسىپ، شينجياڭنىڭ جوعارى ساپالى دامۋىن اناعۇرلىم ويداعىداي ىلگەرىلەتۋىن ءۇمىت ەتەمىن.

حۋاڭ يان بىلاي دەدى: نازاردى قايتا كەدەيلەسۋدەن ساقتانۋدى يكەمدى قاداعالاۋ، كومەكتەسۋ - سۇيەمەلدەۋ، كەدەيلىكتەن ارىلعان جان سانىنىڭ كىرىستەرىن ءۇرتىس ارتتىرۋىن جەبەۋ، قونىسقا جايلى، كاسىپكە ىڭعايلى بولۋدى جانە كورىكتى اۋىل - قىستاق قۇرىلىسىن ىلگەرىلەتۋ سياقتىلارعا شوعىرلاندىرىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ ءتۇيىندى قىزمەتتەرىن ءۇرتىس ويداعىداي يگەرىپ، اۋىل - قىستاق كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋ، جۇمىستاندىرۋ ارناسىن كەڭەيتۋ، تۇتىنۋ ارقىلى كومەكتەسۋ - سۇيەمەلدەۋ سياقتىلاردى ارقاۋ ەتە وتىرىپ تىنباي كۇش سالىپ، حالىقتىق كاسىپورىنداردىڭ وڭتۇستىك شينجياڭنىڭ اۋىل - قىستاقتى گۇلدەندىرۋدى جاپپاي ىلگەرىلەتۋ بارىسىنداعى بەلسەندى رولىن تولىق ساۋلەلەندىرۋ كەرەك. مەملەكەتتىك اۋىل - قىستاقتى گۇلدەندىرۋ مەكەمەسى حالىقتىق كاسىپورىن سياقتى قوعامدىق كۇشتەردىڭ اۋىل شارۋاشىلىعى، اۋىل - قىستاق، شارۋالار ىستەرىنە ات سالىسۋىنا اۋەلگىدەي قولداۋ كورسەتەدى، وڭتۇستىك شينجياڭنىڭ اۋىل - قىستاقتى جاپپاي گۇلدەندىرۋىن اناعۇرلىم ويداعىداي ىلگەرىلەتەدى.

قاشقار ايماعىنداعى، بايىنعولين موڭعۇل اۆتونوميالى وبلىسىنداعى، اقسۋ ايماعىنداعى، قىزىلسۋ قىرعىز اۆتونوميالى وبلىسىنداعى، حوتان ايماعىنداعى نەگىزگى جاۋاپتى جولداستار تانىستىرۋ جاساپ، ءسوز سويلەدى. گۋاڭدۇڭ حىڭشيڭ توبىنىڭ، يۋەشيڭ توبىنىڭ، قاشقار اۋدۋ قانت كاسىبىنىڭ، شينجياڭ مەيشۇي توقىماشىلىعىنىڭ، شينجياڭ زىجين مىرىش كاسىبىنىڭ جاۋاپتىلارى پىكىر اۋىستىرىپ، ءسوز سويلەدى.

جينالىستا وڭتۇستىك شينجياڭداعى 5 ايماق، وبلىس پەن ءبىر ءبولىم حالىقتىق كاسىپورىندار 64 ساۋداگەر شاقىرىپ، قارجى ەنگىزۋ نىسانىنا قول قويدى، قول قويىلعان جالپى سوما 44 ميلليارد 100 ميلليون يۋان بولدى. جينالىس الەۋمەتتىك يگىلىك نىساندارىنا جىلۋ اتاۋ سالتىن وتكىزدى. جينالىسقا قاتىناسقان قاتىستى ادامدار تاعى قاشقاردا تەكسەرۋ - زەرتتەۋ قيمىلدارىن ورىستەتتى.

مەملەكەتتىك ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى فاڭ گۋاڭحۋا، مەملەكەتتىك ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ مۇشەسى، باس حاتشى جاۋ دىجياڭ؛ انحۇي ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ولكەلىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ سۇيفىڭ، شاندۇڭ ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ولكەلىك ساۋدا - ونەركاسىپشىلەر بىرلەستىگىنىڭ ءتوراعاسى ۋاڭ سۇيليان، جياڭشي ولكەلىك ساياسي كەڭەستىڭ ورىنباسار ءتوراعاسى، ولكەلىك ساۋدا - ونەركاسىپشىلەر بىرلەستىگىنىڭ ءتوراعاسى شيە رۋ؛ اۆتونوميالى رايوننىڭ جانە بيڭتۋاننىڭ باسشىلارىنان چىن ۋيجۇن، ەلزات احمەتجان، قادەن كابەن، سۇن حۇڭمەي، شۋە بين، ءماردان مۇحيت، ليۋ حۇيجۇن، لي جىنگو، ءمۇتالىپ ماتتوحتى، لي يۇڭحۇڭ جينالىسقا قاتىناستى. مەملەكەتتىك ساۋدا - ونەركاسىپشىلەر بىرلەستىگىنىڭ ءبىر ءبولىم كاسىپورىنشى ورىنباسار ءتوراعالارى، ورىنباسار قوعام باستىقتارى، مەملەكەتتىك ساۋدا - ونەركاسىپشىلەر بىرلەستىگىنىڭ، مەملەكەتتىك اۋىل - قىستاقتى گۇلدەندىرۋ مەكەمەسىنىڭ، جۇڭگو مەرەيلى ىستەردى جەبەۋ قوعامىنىڭ قاتىستى تاراۋلارىنداعى جاۋاپتى جولداستار، شينجياڭعا باعىتتامالى كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنداعى جاۋاپتى جولداستار، قاتىستى كاسىپورىنشىلار ۋاكىلدەرى، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى، وڭتۇستىك شينجياڭنىڭ قاتىستى اۋدان، قالالارىنداعى جاۋاپتى جولداستار، ت. ب جينالىسقا قاتىناستى.