«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ

شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى. 6 - ايدىڭ 1 - كۇنى شىعاتىن «ىزدەنۋ» جۋرنالىنىڭ 11 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ» اتتى ماڭىزدى ماقالاسى جاريالانادى.

ماقالادا مىنالار باسا دارىپتەلدى: پارتيانىڭ 20 - قۇرىلتايى بايانداماسىندا بىلاي دەپ ايقىن اتاپ كورسەتىلدى: ”جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ“. بۇل جۇڭگو ۇلگىسىندەگى وسىزامانداندىرۋدىڭ سيپاتىن تۇراقتاندىرعان ءسوز، جالپىلىق، تۇبەگەيلىك سيپاتقا يە. پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭىندا ءساتتى - ءساتسىز بولۋىنا تىكە قاتىستى.

ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى. پارتيانىڭ سيپاتى، باس ماقساتى، اۋەلگى ماقساتى، بورىشى، سەنىم - نانىمى، ساياساتتىق قۋاتتاماسى جۇڭگو ۇلگىسىندەگى وسىزامانداندىرۋدىڭ باسقا ەشقانداي وسىزامانداندىرۋ ەمەس، سوتسياليستىك وسىزامانداندىرۋ ەكەندىگىن بەلگىلەدى. پارتيامىز باستان - اياق جۇڭگوشا سوتسياليزم ۇلى تۋىن بيىك ۇستاپ، جۇڭگوشا سوتسياليزم جولىمەن اۋىتقىماي ءجۇرىپ، جۇڭگو ۇلگىسىندەگى وسىزامانداندىرۋدىڭ دۇرىس ارنادا ءساتتى ىلگەرىلەۋىنە شىنايى كەپىلدىك ەتتى. پارتيامىز ماركسيزمدى ءتۇبىرلى جەتەكشى يدەيا ەتۋگە تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن ۇزدىكسىز اشىپ، جۇڭگو ۇلگىسىندەگى وسىزامانداندىرۋعا عىلمي جەتەكشىلىك ازىرلەدى. پارتيامىز جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن العا ىلگەرىلەۋىنە پارمەندى تۇزىمدىك كەپىلدىك ازىرلەدى. پارتيامىز جۇڭگوشا سوتسياليستىك مادەنيەتكە تاباندى بولىپ جانە ونى دامىتىپ، جۇڭگو ۇلگىسىندەگى وسىزامانداندىرۋعا قۇدىرەتتى رۋحاني كۇش - قۋات ازىرلەدى. تەك پارتيانىڭ باسشىلىعىنا تيتتەي دە اۋىتقىماي تاباندى بولعاندا عانا، جۇڭگو ۇلگىسىندەگى وسىزامانداندىرۋ جارقىن بولاشاققا يە بولا الادى، گۇلدەنىپ - كوركەيە الادى؛ ويتپەگەندە، جۇڭگو ۇلگىسىندەگى وسىزامانداندىرۋ باعداردان اداسىپ، رۋحتان ايرىلادى، اۋەلى، اۋدارىپ تاستاۋ سيپاتتى قاتەلىك تۋىلادى.

ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ كۇرەس نىساناسىن كوزدەپ ورنىقتى قاداممەن الىسقا جەتۋىنە شىنايى كەپىلدىك ەتەدى. پارتيامىز باستان - اياق اۋەلگى ماقساتتان، بورىشتان اينىماي، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى مۇرات ەتىپ، ۇلى مۇرات پەن كەزەڭدىك نىسانانى بىرلىككە كەلتىرۋگە تاباندى بولىپ، جالعاستى كۇرەس جۇرگىزىپ، ماشاقاتتى كۇرەس جۇرگىزىپ، قاجىماي - تالماي كۇرەس جاساپ كەلدى. رەفورما جاساپ، ەسىك اشقاننان بەرى سوتسياليستىك وسىزاماندانعان مەملەكەت قۇرۋ كۇرەس نىسانامىز بىرتىندەي ىلگەرىلەدى، دايەكتى جالعاستى، سونداي - اق امالياتتىڭ دامۋىنا ىلەسە ۇزدىكسىز بايىدى، كەمەلدەندى. پارتيا 20 - قۇرىلتايى 2035 - جىلعا دەيىنگى ەلىمىزدىڭ دامۋداعى نىسانالارىن، تالاپتارىن اناعۇرلىم ايقىن كورسەتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى كارتيناسىن عىلمي كەسكىندەدى. سوتسياليستىك وسىزاماندانعان مەملەكەت قۇرۋ − پارتيامىزدىڭ باستان - اياق جالعاسىپ كەلە جاتقان كۇرەس نىساناسى، ول ۇرپاقتان - ۇرپاققا ۇتىلامالى ىلگەرىلەپ كەلەدى، سونداي - اق الەمدى جالت قاراتقان، تاريحقا جازىلعان شۇعىلالى ناتيجەلەرگە ۇزدىكسىز قول جەتكىزىپ كەلەدى.

ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ قۋاتتى قوزعاۋشى كۇشىن تاسقىنداتتى. رەفورما جاساپ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا ءارى جۇڭگو ۇلگىسىندەگى وسىزامانداندىرۋدىڭ ءساتتى - ءساتسىز بولۋىن بەلگىلەيتىن شەشۋشى شارا. رەفورما جاساپ، ەسىك اشقاننان كەيىن پارتيامىز ءارقايسى سالاداعى ءتۇزىلىس رەفورماسىن ۇزدىكسىز ىلگەرىلەتىپ، وسى زامانعى جۇڭگونىڭ مەملەكەت جاعدايىنا ۇيلەسەتىن، تىرشىلىك تىنىسىنا، ومىرشەڭدىك كۇشكە تولى ءتۇزىلىس مەحانيزمىن قالىپتاستىردى جانە دامىتتى. پارتيا 18 - قۇرىلتايىنان بەرى پارتيامىز وراسان زور ساياسي باتىلدىقپەن رەفورمانى جاپپاي تەرەڭدەتىپ، يدەيا - كوزقاراستىڭ بۇعاۋىن بۇزىپ، مۇددەلەردىڭ قاساڭدانۋ قورشاۋىن تالقانداپ، ءار جاقتاعى ءتۇزىلىس - مەحانيزمدەردىڭ كەمشىلىكتەرىن باتىل جويىپ، رەفورما ءىشنارالىق ىزدەنىستەن، تىڭنان تۇرلەنىس الۋدان جۇيەلى دە شوعىرلى، جاپپاي تەرەڭدەتۋگە دەيىن كوپتەگەن سالادا تاريحي وزگەرىستى، جۇيەلى جاڭارۋدى، جالپى تۇلعالىق قايتا قۇرۋدى جۇزەگە اسىرىپ، جۇڭگو ۇلگىسىندەگى وسىزامانداندىرۋعا سارقىلماس قوزعاۋشى كۇش قاينار بۇلاعىن سيلادى.

ماقالادا مىنالار اتاپ كورسەتىلدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ تەلەگەي كۇشىن ۇيىستىردى. پارتيامىز جۇڭگو ۇلگىسىندەگى وسىزامانداندىرۋدىڭ ميلليارد حالىقتىڭ ءوز ءىسى ەكەندىگىن تەرەڭ تانىپ جەتتى، حالىق − جۇڭگو ۇلگىسىندەگى وسىزامانداندىرۋدىڭ نەگىزگى تۇلعاسى، ءسوزسىز، حالىققا مىقتاپ ارقا سۇيەپ، حالىقتىڭ جاسامپازدىق رۋحىنا قۇرمەت ەتىپ، جالپى حالىقتىڭ اقىل - پاراساتى مەن كۇش - قۋاتىن شوعىرلاندىرعاندا عانا، جۇڭگو ۇلگىسىندەگى وسىزامانداندىرۋدىڭ ۇزدىكسىز العا دامۋىن ىلگەرىلەتۋگە بولادى. ءبىز پارتيانىڭ بۇقارالىق لۋشيانىنا تاباندى بولىپ، پارتيانىڭ نازارياسى مەن لۋشيان، باعىت - ساياساتتارىنىڭ حالىق بۇقاراسىنىڭ شىن ىقىلاستى قولداۋىنا يە بولۋىنا مۇمكىندىك جاساۋعا قۇلشىنۋىمىز كەرەك. ءبىز حالىقتىڭ تاماشا تۇرمىسقا دەگەن تالپىنىسىن كۇرەس نىسانامىز ەتۋگە تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ تابىستارىمەن ءتىپتى دە كوپ، ءتىپتى دە ءادىل تۇردە جالپى حالىقتى يگىلىككە كەنەلتۋىمىز كەرەك. پارتيامىز جالپى بارىستىق حالىق دەموكراتياسىن دامىتىپ، حالىقتىڭ زاڭ بويىنشا ءتۇرلى ارنالارمەن جانە فورمالارمەن مەملەكەت ىستەرىن باسقارۋىنا، ەكونوميكا مەن مادەنيەت ىستەرىن باسقارۋىنا، الەۋمەتتىك ىستەردى باسقارۋىنا، قوجايىندىق رۋحپەن، شىنايى قىزعىندىلىقپەن وسىزامانداندىرۋ قۇرىلىسىنا ات سالىسۋلارىنا شىنايى كەپىلدىك ەتتى. پارتيامىز جۇڭگو ۇلگىسىندەگى وسىزامانداندىرۋدىڭ نۇرلى بولاشاعىمەن ادامدى شابىتتاندىرىپ، ادامدى جىگەرلەندىرىپ، ادامدى اسەرلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تەلەگەي ۇلى كۇشىن ۇيىستىردى.