جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى ورناتامىز

- باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزى ىلە وبلىسىندا قىزۋ اڭىس قوزعادى

ٴتىلشىمىز ما چىڭلۋ حابارلايدى. 8 - ايدىڭ 26 - كۇنى باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى. جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن تىڭعىلىقتى يگەرۋ كەرەك.

جۇڭحۋا ۇلتى ورتاق تۇلعا تانىمىن بەرىك ورناتۋ − شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت. ىلە وبلىسىنداعى ٴار ۇلت كادرلارى مەن بۇقاراسى ٴبىر اۋىزدان مىنانى ٴبىلدىردى: باس شۋجيدىڭ ماڭىزدى ٴسوزىنىڭ رۋحىن ىشكەرىلەي ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرەمىز، ٴار ۇلت كادرلارى مەن بۇقاراسى اعا - باۋىرداي ەتەنە بولىپ، ٴبىر ـ بىرىمىزگە قارايلاسىپ، اناردىڭ دانىندەي تىعىز ۇيىسىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتىڭ نەگىزگى جەلىسى ەتىپ، تۇتاس بارىسىنا ساباقتاستىرامىز.

2021 - جىلى ىلە وبلىسى ”مەملەكەتتىك ۇلتتار ىنتىماعى، العاباسارلىعىنداعى ۇلگىلى وبلىس“ اتاعىنا يە بولدى. سول جىلى قۇلجا قالاسى، نىلقى اۋدانى، قورعاس اۋدانى جانە توعىزتاراۋ اۋدانىنا ”مەملەكەتتىك ۇلتتار ىنتىماعى، العاباسارلىعىنداعى ۇلگىلى رايون، ۇلگىلى ورىن“ اتاعى بەرىلدى. سوڭعى جىلداردان بەرى ىلە وبلىسىنىڭ ۇلتتار ىنتىماعى قىزمەتى ىشكەرىلەي ىلگەرىلەتىلىپ، سۇبەلى تابىستارعا قول جەتكىزىلدى. ىلە وبلىسى باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن باستان ـ اياق تولىق،  دالمە ـ ٴدال، جاپپاي يگەرىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىن كورنەكتىلەندىرىپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىنىڭ ساپاسىن جوعارىلاتىپ، ونىمدىلىگىن ارتتىرىپ، دارەجەسىن جوعارىلاتۋدى جاپپاي ىلگەرىلەتىپ، بۇكىل وبلىستاعى ٴار ۇلت كادرلارى مەن بۇقاراسىن ىنتىماقتاستىرىپ جانە باستاپ، جاڭا داۋىردەگى جاراسىمدى، كورىكتى ىلە قۇرۋعا قۇدىرەتتى كۇش ۇيىستىردى.

9 - ايدىڭ 1 - كۇنى مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، قۇلجا اۋدانى ۋيۋە شۇيمەي كيىم - كەشەك شەكتى سەرىكتەستىگىنىڭ باس ديرەكتورى گۋ شۇيمەي قۇلجا اۋدانى ٴدوڭمازار قالاشىعىندا اۋىل - قىستاق كادرلارىمەن، قىستاق تۇرعىندارىمەن باس شۋجي شي جينپيڭنىڭ ماڭىزدى ٴسوزىنىڭ رۋحىن ۇيرەنۋدەن العان اسەرىن ٴبولىسىپ، ٴوزىنىڭ جاقىنعى 40 جىلدان بەرى از ۇلت بۇقاراسىمەن بەينەتتە دە، زەينەتتە دە بىرگە بولىپ، قاجىرلى ەڭبەگىمەن اۋقاتتانىپ، قيىنشىلىعى بار بۇقارانىڭ جۇمىستانۋىنا كومەكتەسكەن ٴارى ولارمەن تەرەڭ سۇيىسپەنشىلىك ورناتقان حيكاياسىن اڭگىمەلەدى. 

گۋ شۇيمەي ۇزاق جىل بويى تاباندىلىقپەن جانە سەنىممەن قيىنشىلىعى بار ٴار ۇلت وتباسىلارى مەن مۇگەدەكتەر وتباسىلارىنا مەيىر باعىشتاپ، ٴىس جۇزىندىك ارەكەتى ارقىلى ۇلتتار ىنتىماعىنىڭ شىنايى ٴمانىن امالياتتا ايگىلەپ، دەن قويا، سۇيىسپەنشىلىكپەن ۇلتتار ىنتىماعىنىڭ تىلەكتەستىك تورىن قالىپتاستىردى. ”ۇلتتار ىنتىماعى، العاباسارلىعىندا ۇلگىلى جەكە بولۋ سالاۋاتىممەن باس شۋجي شي جينپيڭنىڭ ماڭىزدى ٴسوزىنىڭ رۋحىن ۇيرەنگەننەن كەيىن، ۇلتتار قىزمەتىنىڭ ماڭىزدىلىعىن ٴتىپتى دە تەرەڭ تانىپ جەتتىم. مەن ۇلگىلىك، باستاماشىلىق رولىمدى تولىق ساۋلەلەندىرىپ، اۋىلىمداعى ٴار ۇلت اپەكە - سىڭلىلەرىمدى جۇمىستاندىرىپ، كىرىستەرىن ارتتىرۋعا جەتەكتەۋدى ومىرلىك ٴىسىم رەتىندە جالعاستىرىپ، ۇساق ىستەردەن باستاپ ىستەپ، اپەكە - سىڭلىلەرىمدى ىرىقتىلىقپەن بازار اشىپ، تاپسىرىستاردى بەلسەنە قاراستىرىپ، ٴتىپتى دە كوپ ادامنىڭ كىرىسىن ارتتىرىپ، بايۋىنا مۇمكىندىك جاسايمىن“ دەدى گۋ شۇيمەي.

اۆتونوميالى رايوندىق ۇلتتار ىنتىماعىنداعى وزات جەكە شىن جيانجيا تەكەس اۋداندىق ساياسي كەڭەستەن زەينەتكە شىققان كادر، تالاي جىلدان بەرى، ول الەۋمەتتىك يگىلىك ىستەرىنە قىزۋ ىنتامەن ارالاسىپ، شالعاي مال شارۋاشىلىق رايونىنداعى 175 ٴار ۇلت بالالارىنىڭ وقۋىن ٴساتتى اياقتاتۋىنا قارجىلاي كومەكتەستى. بيىل 8 - ايدا ول تەكەس ۇرپاقتارعا كوڭىل ٴبولۋ قىزمەت كوميتەتىنىڭ كۇشىن جۇمىلدىرىپ، تەكەس اۋدان قالاشىعىنداعى ورتالاۋ مەكتەپتىڭ 16 وقۋشىسىن فۋتبول كومانداسىن قۇرۋعا ۇيىمداستىردى ٴارى جاتتىقتىرۋشى ۇسىنىس ەتتى. ٴار اپتانىڭ سوڭىندا ول فۋتبول كومانداسىنداعى بالالاردى باستاپ اۋىل - قالاشىقتاعى بالالارمەن بىرلەسكەن دوستىق جارىسىن وتكىزىپ ٴارى قاتىستى ەرىكتى قىزمەت وتەۋ قيمىلدارىن ورىستەتىپ، بالالاردىڭ قارشادايىنان ٴبىر - بىرىنە كومەكتەسەتىن دوستىق ٴمورال ورناتىپ، جۇڭحۋا ۇلتى ورتاق تۇلعا تانىمىن ونان ارى بەكەمدەۋىنە مۇمكىندىك جاسادى.

شىن جيانجيا بىلاي دەدى: ”باس شۋجي شي جينپيڭنىڭ ماڭىزدى ٴسوزىنىڭ رۋحى ٴبىزدىڭ ۇلتتار قىزمەتىن ويداعىداي ىستەۋىمىز ٴۇشىن ايقىن بەتالىس كورسەتتى. ۇلتتار ىنتىماعىنداعى وزات جەكە رەتىندە وسى بىرنەشە جىلدا مەن بىرنەشە فۋتبول كومانداسى مەن باسكەتبول كومانداسىن قۇرىپ، ٴار ۇلت بالالارىن بەلسەنە قاتىناستىردىم، اتاپ ايتقاندا، مادەنيەت، دەنە تاربيە قيمىلى ارقىلى بالالاردىڭ ارالاسۋ، ىشتەسۋ، توعىسۋ بارىسىندا ۇلتتار ىنتىماعىن كۇشەيتۋىن ٴۇمىت ەتەمىن. بۇدان بىلاي مەن وسى بالالاردى ۇزدىكسىز جاقسى تاربيەلەپ، باۋلىپ، جاستار مەن ورەندەردىڭ تاربيەلەنۋ، دامۋدا ۇزدىكسىز تىڭ ىلگەرىلەۋشىلىككە، تىڭ ونىمدىلىككە قول جەتكىزۋىن ىلگەرىلەتىپ، بالالاردىڭ سانالىلىقپەن مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە جاستىق كوكتەمدەرى مەن كۇش ـ قۋاتىن ارناۋىنا مۇمكىندىك جاسايمىن“.

جۇڭگو - قازاقستان قورعاس حالىقارالىق شەكارالىق سەلبەستىك ورتالىعىن باسقارۋ كەڭسەسىنىڭ ورىنباسار مەڭگەرۋشىسى جايدار الماس ۇلى جياڭسۋ ولكەسىندەگى 3 ايلىق ۇيرەنۋىن ەندى عانا اياقتاتىپ، قىزمەت ورنىنا قايتىپ كەلدى. ول بىلاي دەدى: ”سوڭعى جىلدارى قورعاستىڭ دامۋ قارقىنى تەزدەپ، بەت ـ بەينەسى كۇن سايىن جاڭالاندى. ەلىمىزدىڭ باتىسقا ەسىك اشۋداعى ماڭىزدى تەرەزەسى بولعان قورعاس ’وڭىرلىك ورىن، ساياسات، ەسىك اشۋ‘ سىندى 3 ۇلكەن باسىمدىقتى تولىق ساۋلەلەندىرىپ، ەل ٴىشى ـ سىرتىنداعى ’ەكى ٴتۇرلى بايلىق، ەكى بازارمەن‘ ۇشتاستىرىپ، ’ٴبىر بەلدەۋ، ٴبىر جول‘ وزەكتى رايون قۇرىلىسىنىڭ ۇلكەن اعىسىمەن جاپپاي توعىستى. ەكونوميكا سالاسىنداعى نەگىزگى ساتى كادرى رەتىندە مەن باس شۋجيدىڭ ىقىلاستى تاپسىرماسىن باستان ـ اياق ەستە بەرىك ساقتاپ، جياڭسۋ ولكەسىنە بارىپ ۇيرەنگەندەگى قىمباتتى تاجىريبەلەرىمدى اماليات بارىسىندا قولدانىپ، شينجياڭنىڭ ٴىشى ـ سىرتىنداعى ٴار ۇلت كاسىپورىنشىلارىن، دوستاردى ۇزدىكسىز ىنتىماقتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى ٴتۇرلى قىزمەتتىڭ نەگىزگى جەلىسى ەتىپ، تۇتاس بارىسىنا باستان ـ اياق ساباقتاستىرىپ، وسكەلەڭ جاۋاپكەرشىلىك سەزىممەن جانە بورىشتىلىق سەزىممەن ٴتۇرلى نىسانا ـ مىندەتتەردى شىنايى تياناقتاندىرامىن“.