اۆتونوميالى رايون شينجياڭ داشۋەسىنىڭ ”قوس بىرەگەي“ قۇرىلىسىن ىلگەرىلەتۋ ارناۋلى تاقىرىپتىق ءماجىلىسىن اشتى

　　پارتيا مەن حالىق ريزا بولاتىن جاۋاپناما تاپسىرۋعا قۇلشىنۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يۇنمەي 9 - ايدىڭ 13 - كۇنى ۇرىمجىدەن حابارلايدى. 9 - ايدىڭ 11 - كۇنى اۆتونوميالى رايون شينجياڭ داشۋەسىنىڭ ”قوس بىرەگەي“ قۇرىلىسىن ىلگەرىلەتۋ ارناۋلى تاقىرىپتىق ءماجىلىسىن اشىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ مەملەكەتتىك تاڭداۋلى وقىتۋشىلار ۋاكىلدەرىنە جولداعان حاتىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ داشۋەسىنىڭ قۇرىلىسىنا، دامۋىنا قاتىستى ىستەردى اقىلداسىپ، سايكەستىرىپ شەشىپ، شينجياڭ داشۋەسىنىڭ ”قوس بىرەگەي“ قۇرىلىسىندا تىڭ ناتيجەگە قول جەتكىزۋىنە دەم بەردى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ءماجىلىستى باسقاردى ءارى ءسوز سويلەدى.

ءماجىلىس مىنالاردى اتاپ كورسەتتى: ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى ءسوزىنىڭ كەلەلى ءمانىن تولىق تانىپ، جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا ۇزدىكسىز كۇش سالىپ، سانالىلىقپەن يدەيانى، ەرىك - جىگەردى، ارەكەتتى بىرلىككە كەلتىرۋگە پايدالانۋ كەرەك. ۇگىتتەۋدى كەڭىنەن ورىستەتىپ، قويۋ رايدى بەلسەنە قالىپتاستىرىپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ جۇرت جۇرەگىنە تەرەڭ ۇيالاۋىن ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ يگەرىپ، وقىتۋشى - وقۋشىلاردىڭ يدەيالىق - ساياسي قىزمەتىن ويداعىداي ىستەپ، باس شۋجي شي جينپيڭنىڭ ماڭىزدى ءسوزىنىڭ رۋحىنىڭ شينجياڭ داشۋەسىندە تياناقتانىپ تامىر تارتۋىنا شىنايى كەپىلدىك ەتۋ كەرەك.

ءماجىلىس مىنالاردى باسا دارىپتەدى: شينجياڭ داشۋەسىنىڭ ”قوس بىرەگەي“ قۇرىلىسىن جەدەل ىلگەرىلەتۋدىڭ ماڭىزدى ءمانىن تەرەڭ تانىپ، جۇيەلى وي جۇگىرتۋگە، ءتۇيىندى قىزمەتتەردى كورنەكتىلەندىرۋگە تاباندى بولىپ، شينجياڭ داشۋەسىنىڭ ”قوس بىرەگەي“ قۇرىلىسىن جوعارى ساپامەن، جوعارى ولشەممەن ىلگەرىلەتۋ كەرەك. ماسەلەنى باعدار ەتۋگە، نىسانانى باعدار ەتۋگە تاباندى بولىپ، بىرەگەي ءپان قۇرىلىسىن كۇش سالا ويداعىداي يگەرىپ، شينجياڭعا كومەكتەسۋ باسىمدىعىن ساۋلەلەندىرۋگە باسا ءمان بەرىپ، ينتەرنەت جەلىسىندەگى، ينتەرنەت جەلىسىنەن تىسقارىداعى تۇعىرلارعا سۇيەنىپ، ساپالى كاسىپتىك ساباق شوعىرىن قالىپتاستىرۋ كەرەك. جەتەكتەۋ مەن تاربيەلەۋگە تەڭ ءمان بەرۋگە تاباندى بولىپ، وقىتۋشىلار قوسىنى قۇرىلىسىن كۇشەيتۋ كەرەك. ”8 ءىرى كاسىپ سالاسى شوعىرى“، ”جىبەك جولى ەكونوميكالىق بەلدەۋى وزەكتى رايونى قۇرىلىسى“ سياقتى سالالاردى مىقتاپ ارقاۋ ەتىپ، ءوندىرىس پەن وقىتۋدىڭ توعىسۋىن ونان ارى كۇشەيتىپ، عىلمي زەرتتەۋ رەفورماسىن تەرەڭدەتىپ، كاسىپ سالاسىنىڭ دامۋ قاجەتىندەگى بوگەتتىك ماسەلەلەردى كۇش سالا شەشىپ، شينجياڭنىڭ ەكونوميكالىق، قوعامدىق دامۋىنا اناعۇرلىم كۇشتى اقىل - پاراسات تىرەگىن جانە دارىندىلار كەپىلىن ازىرلەۋگە قۇلشىنۋ كەرەك.

ءماجىلىس مىنالاردى تالاپ ەتتى: نەگىزگى تۇلعالىق جاۋاپكەرشىلىكتى قاتايتىپ، ءبىر تۇتاس جوسپارلاپ سايكەستىرۋدى كۇشەيتىپ، شينجياڭ داشۋەسىنىڭ ”قوس بىرەگەي“ قۇرىلىسىن ىلگەرىلەتەتىن قىزمەت بىرىككەن كۇشىن قالىپتاستىرۋ كەرەك. حالىقتى وزەك ەتكەن دامۋ يدەياسىن بەرىك ورناتىپ، دۇرىس ناتيجە كوزقاراسىن ورناتىپ، ءتۇرلى قىزمەتتەردىڭ ءساتتى ورىستەتىلۋىن نىق قاداممەن ىلگەرىلەتۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەپ، تەرەڭدەتىپ، شينجياڭ داشۋەسىنىڭ ”قوس بىرەگەي“ قۇرىلىسىن جوعارى ساپامەن، جوعارى ولشەممەن ىلگەرىلەتىپ، پارتيا مەن حالىق ريزا بولاتىن جاۋاپناما تاپسىرۋعا قۇلشىنۋ كەرەك.

قايسار ابدۇكەرىم، شۇي شيان - ي ماجىلىسكە قاتىناستى.