شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. 9 - ايدىڭ 14 - كۇنى مەملەكەت ٴتوراعاسى شي جينپيڭ 2023 - جىلعى بەيجيڭ مادەنيەت تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇزاقتان جالعاسقان تاڭداۋلى ٴداستۇرلى مادەنيەتى بار، ەجەلدەن اشىق، سيىسىمدى، بارىنە بىردەي قۇشاق جاياتىن مادەنيەت دارقان پەيىلى بار، جۇڭحۋا وركەنيەتى ەجەلدەن ٴتۇرلى وركەنيەتتەر اراسىنداعى ٴوزارا ٴتۇسىنىسۋدى جانە قۇرمەتتەۋدى جاقتايدى. بەيجيڭنىڭ تاريحى ۇزاق، مادەنيەت تامىرى ارىدا، ول جۇڭحۋا وركەنيەتىنىڭ ۇلاسپالىلىق سيپاتىنىڭ، جاسامپازدىعىنىڭ، تۇتاستىعىنىڭ، سيىسىمدىلىعىنىڭ، بەيبىتشىلىگىنىڭ پارمەندى ايعاعى. جۇڭگو بەيجيڭنىڭ تاريحي بايىرعى استانا جانە بۇكىل مەملەكەتتىڭ مادەنيەت ورتالىعى بولۋ باسىمدىعىن اناعۇرلىم ويداعىداي ساۋلەلەندىرىپ، بۇكىل الەمنىڭ جەر - جەرىمەن مادەنيەت اۋىس - كۇيىسىن كۇشەيتىپ، مادەنيەتتىڭ گۇلدەنىپ - كوركەيۋىن، دامۋىن، مادەنيەت مۇرالارىن قورعاۋدى، وركەنيەتتەر اۋىس - كۇيىسىن، ٴوزارا ۇلگى الۋىن بىرگە ىلگەرىلەتىپ، الەمدىك وركەنيەت باستاماسىن امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تەرەڭ، باياندى مادەنيەت كۇشىن ۇستەيدى.

2023 - جىلعى بەيجيڭ مادەنيەت تالقى مىنبەرى “تاڭداۋلى مادەنيەتتى جالعاستىرۋ، اۋىس - كۇيىستى، سەلبەستىكتى جەبەۋدى” جىلدىق نەگىزگى تاقىرىپ ەتتى، ورتالىق كوميتەت ۇگىت ٴبولىمى مەن بەيجيڭ قالالىق پارتكوم، بەيجيڭ قالالىق حالىق ۇكىمەتى بىرگە ۇيىمداستىردى، تالقى مىنبەرى سول كۇنى بەيجيڭدە باستالدى.