ما شيڭرۇي اڭگىمە ءماجىلىسىن باسقارىپ اشىپ، ءۇرىمجى، ىلە، قاشقاردىڭ قالا جوباسىن، قۇرىلىسىن ىلگەرىلەتۋ قىزمەتىن اقىلداستى

　　كورەگەندىكپەن وي جۇگىرتۋگە، جالپى جاعداي سيپاتتى جوسپارلاۋعا، تۇتاس تۇلعالىق ىلگەرىلەتۋگە تاباندى بولىپ، وسىزاماندانعان وڭىرلىك ورتالىق قالا قۇرۋعا قۇلشىنۋ كەرەك

　　ەركىن تۇنياز، لي يفي، جاڭ چۇنلين، حى جۇڭيوۋ قاتىناستى

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 9 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 9 - ايدىڭ 14 - كۇنى تۇستەن كەيىن قالا جوباسى، قۇرىلىسى جونىندەگى اڭگىمە ءماجىلىسىن باسقارىپ اشىپ، باس شۋجي شي جينپيڭنىڭ قالا قىزمەتى جونىندەگى ماڭىزدى بايىمداۋلارىنىڭ جانە شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىردى، ءۇرىمجى، ىلە، قاشقاردىڭ قالا جوباسى، قۇرىلىسى قىزمەتىن جوعارى ولشەم، جوعارى دەڭگەي، جوعارى ساپامەن ىلگەرىلەتۋ جونىندە اۆتونوميالى رايوننىڭ باسشىلارىمەن، ەل ىشىندەگى قالا جوباسى، قۇرىلىسى مامان - وقىمىستىلارىمەن، قاتىستى ورىندارمەن جانە ايماق، وبلىس، قالالاردىڭ جاۋاپتى جولداستارىمەن ىشكەرىلەي زەرتتەۋ - تالقى جۇرگىزدى، ۇتىمدى پىكىر، سىندارلى ويلارعا قۇلاق اسىپ، يدەيالىق ورتاق تانىم ۇيىستىردى، وي جەلىسىن، باعداردى جانە ءتۇيىندى قىزمەتتەردى ايقىندادى، ءۇش جەردىڭ شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، قالا جوباسىندا، قۇرىلىسىندا تىڭ ناتيجەگە قول جەتكىزۋدى جۇيەلى جوسپارلاپ، جەبەپ، شينجياڭ ەرەكشەلىگىنە يە، وسى زامان تىنىسىنا، داۋىرلىك كەلبەتكە يە وسىزاماندانعان وڭىرلىك ورتالىق قالا قۇرۋىن ىلگەرىلەتتى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ ماجىلىسكە قاتىناستى.

ءۇرىمجى، ىلە، قاشقار تۇتاس شينجياڭنىڭ جانە وڭتۇستىك، سولتۇستىك شينجياڭ اۋماعىنىڭ ماڭىزدى تىرەگى، شينجياڭنىڭ وسىزامانداندىرۋ قۇرىلىسىن ىلگەرىلەتۋدە، جوعارى ساپالى دامۋىن جەدەلدەتۋدە، جوعارى دەڭگەيدە ەسىك اشۋىن كەڭەيتۋدە، قوعام ورنىقتىلىعى مەن باياندى تىنىشتىقتى جۇزەگە اسىرۋىندا ماڭىزدى تىرەكتىك، جەتەكشىلىك، باستاماشىلدىق رولعا يە. بيىل جىل باسىنان بەرى اۆتونوميالى رايون ءۇش جەردىڭ جوبا، قۇرىلىس، دامۋ قىزمەتىنە ايرىقشا ءمان بەردى اۆتونوميالى رايون باسشىلارى كوپ رەت جۇمىس باسىندا تەكسەرۋ - زەرتتەۋ جۇرگىزىپ، ءماجىلىس اشىپ، كوپ جاقتىڭ ۇسىنىس - پىكىرلەرىن تىڭداپ، وي جەلىسىن، شارالاردى اقىلداسىپ، جوسپارلاپ، جەر - جەردىڭ كورەگەندىك سيپاتتى، جۇيەلىك سيپاتتى قالا جوباسىن، قۇرىلىسىن كۇشەيتۋىنە جەتەكشىلىك ىستەپ، ىلگەرىلەتىپ، قالا قۇرىلىسىنىڭ، دامۋىنىڭ وسىزاماندانۋ دەڭگەيىن جەدەل جوعارىلاتتى.

اڭگىمە ماجىلىسىندە اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى 3 ايماق، وبلىس، قالانىڭ قالا جوباسى، قۇرىلىسى قىزمەتىنىڭ اياق الىسى جانە وي جەلىسى، شارالارى جونىندە مالىمەت بەردى. ءۇرىمجىنىڭ، ىلەنىڭ، قاشقاردىڭ نەگىزگى جاۋاپتى جولداستارى قالا جوباسىن، قۇرىلىسىن ىلگەرىلەتۋ جاعدايى جونىندە ىلگەرىندى - كەيىندى مالىمەت بەردى. جۇڭگو قالا جوبالاۋ - جوسپارلاۋ ىستەرىن زەرتتەۋ ورنىنىڭ ماماندارى ۋاڭ كاي، دۇڭ كى، سونداي - اق اۆتونوميالى رايونداعى جوبالاۋ - جوسپارلاۋ ماماندارى فان شين، دۋ حۇڭرۋ قاتارلىلار ءسوز سويلەدى، نازاردى شينجياڭنىڭ جاڭا دامۋ ارناسىن قالىپتاستىرۋ، ”ءبىر بەلدەۋ، ءبىر جولدى“ بىرگە قۇرۋ سىندى جالپى جاعدايلىق قىزمەت بارىسىنداعى كۇن سايىن كورنەكتىلەنگەن ورنى مەن رولىنا شوعىرلاندىرىپ، ءۇرىمجى سياقتى ءتۇيىندى قالالاردىڭ ماڭىزدىلىعى جونىندەگى تانىمدى جوعارىلاتۋ، قالا يقۋاتىن كۇشەيتۋ، كەڭىستىك جوباسىن ويداعىداي جاساۋ، سايكەستى بىرلەسىپ دامۋدى ىلگەرىلەتۋ، قالا قۇرىلىسىنىڭ ساپاسىن جوعارىلاتۋ سياقتىلار جونىندە ىشكەرىلەي پىكىر اۋىستىرىپ، ۇسىنىس - پىكىرلەردى ورتاعا قويدى. ماجىلىسكە قاتىناسقان اۆتونوميالى رايوننىڭ باسشىلارى، ورتالىقتىڭ شينجياڭدا تۇراتىن ورىندارى جانە اۆتونوميالى رايوننىڭ قاتىستى تاراۋلارىنداعى جاۋاپتى جولداستار ءىس جۇزىندىك جاعدايمەن ۇشتاستىرىپ پىكىر اۋىستىردى.

كوپشىلىكتىڭ پىكىر اۋىستىرۋ ءسوزىن تىڭداعاننان كەيىن ما شيڭرۇي بىلاي دەپ اتاپ كورسەتتى: قالا − وسىزاماندانۋداعى ماڭىزدى دانەكەر، ءۇرىمجى، ىلە، قاشقارلاردىڭ قالا جوباسى، قۇرىلىسى ماڭىزدى رەال مانگە جانە ۇزاق تاريحي مانگە يە. باس شۋجي شي جينپيڭنىڭ قالا قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ، پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن باتىل تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ مەملەكەتتىڭ جالپى جاعدايىنداعى ستراتەگيالىق ورنىن دالمە - ءدال يگەرىپ، قالا جوباسىنىڭ، قۇرىلىسىنىڭ جوعارى ساپالى دامۋىن عىلمي جوسپارلاپ، تىڭعىلىقتى ىلگەرىلەتىپ، وسىزاماندانعان وڭىرلىك ورتالىق قالانى قۇرۋعا قۇلشىنۋ كەرەك. ساياسي دەڭگەيدى شىنايى جوعارىلاتىپ، يدەيانى، كوزقاراستى ازات ەتىپ، ستراتەگيالىق، ۇزاق بولاشاقتىق تۇرعىنى شىعار ءتۇيىن ەتۋگە تاباندى بولىپ، قالا جوباسىن، قۇرىلىسىن مەملەكەت قىزمەتىنىڭ جالپى جاعدايىنا، شينجياڭ دامۋىنىڭ كەلەلى جاعدايىنا قويىپ جوبالاپ، ىلگەرىلەتىپ، يدەيانى، كوزقاراستى ازات ەتىپ، وي ءورىستى، كوز ايانى كەڭەيتىپ، قالا - قالاشىق قۇرىلىسىن جاي عانا قالا دامۋىنىڭ ورنىنا قويا سالۋدان ساقتانىپ، كورەگەندىكپەن وي جۇگىرتۋ، جالپى جاعداي تۇرعىسىنان جوسپار جاساۋ، تۇتاس تۇلعالىق جاقتان ىلگەرىلەتۋ كەرەك. دامۋ ورنىن ءداپ باسىپ تاۋىپ، جوبا ارقىلى جەتەكشىلىك ەتۋدى كۇشەيتىپ، جەر - جەردىڭ دامۋ نەگىزىمەن، ەرەكشە باسىمدىعىمەن تىعىز ۇشتاستىرىپ، قالانىڭ فۋنكتسيالىق ورنىن ىشكەرىلەي زەرتتەپ، ايقىنداپ، اتقارۋ جوباسىن عىلمي جاساپ، كەڭىستىك ورنالاستىرۋىن، كاسىپ سالاسى مەن قالانى توعىستىرۋدى، نەگىزدىك قۇرىلعى قۇرىلىسى، تاريحي مادەنيەتتى قورعاۋ سياقتى ءتۇيىندى قىزمەتتەردى ناقتى ىلگەرىلەتىپ، قالا جوباسىنىڭ، قۇرىلىسىنىڭ عىلميلىعىن، باعىتتامالىلىعىن، يكەمدىلىگىن شىنايى جوعارىلاتۋ كەرەك. ماسەلەنى باعدار ەتۋدەن جازباي، دامۋداعى بوگەتتەردى الاستاپ، ىشكەرىلەي تەكسەرۋ - زەرتتەۋ جۇرگىزىپ، كەزەكتە قالالاردىڭ وسىزاماندانۋ قۇرىلىسىنا تۇساۋ بولىپ وتىرعان شەشۋشى ماسەلەلەردى ارقاۋ ەتە وتىرىپ، كىرىسۋ ءتۇيىنىن، كۇش سالۋ ءتۇيىنىن دۇرىس تابۋ، ساياساتتىق قولداۋ، نىسانداردى اتقارۋ سياقتى ءتۇيىندى قىزمەتتەردى دالمە - ءدال زەرتتەپ، ىلگەرىلەتىپ، بوگەتتەردى، شەكتەمەلەردى ءونىمدى الاستاپ، قالا قۇرىلىسىندا، دامۋىندا جاڭا ونىمدىلىكتەرگە قول جەتكىزۋدى ىلگەرىلەتۋ كەرەك. حالىقتى بارىنەن جوعارى قويۋدى امالياتتا ايگىلەپ، حالىق تۇرمىسىنىڭ قۇت - ىرىسىن نىعايتىپ، بۇقارانىڭ ريزا بولۋ - بولماۋىن، تۇرمىسقا قولايلى بولۋ - بولماۋىن ماڭىزدى ولشەم ەتىپ، قالا قۇرىلىسىندا ءار ۇلت بۇقاراسىنىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، قالانى ىجداعاتتىلىقپەن باسقارۋ دەڭگەيىن ۇزدىكسىز جوعارىلاتىپ، كاسىپكە قولايلى، قونىسقا جايلى، كوڭىل اشۋعا ىڭعايلى، ساياحاتقا ۇيلەسەتىن تاماشا ورتا تۇلعالاۋعا قۇلشىنىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. جەر - جەر، تاراۋلار دۇرىس ناتيجە كوزقاراسىن بەرىك ورناتىپ، عىلىم رۋحىن اسقاقتاتىپ، ءىس جۇزىندىكتى تياناق ەتۋگە تاباندى بولىپ، قالا دامۋىنىڭ زاڭدىلىعىنا بويسۇنۋ، ورنىقتىلىق بارىسىندا ىلگەرىلەۋمەن بىرگە، بەلسەنە ىسكەرلىك كورسەتۋ، بار قايراتىن سالا ىستەۋمەن بىرگە، كۇي - جايىمەن دە ساناسۋ، قالا قۇرىلىسى دامۋىنداعى ءتۇرلى قىزمەتتەرگە ۇزدىكسىز كۇش سالىپ، ۇزاق ۋاقىت كۇش سالا ىلگەرىلەتۋ كەرەك. ءتۇيىندى قالالاردىڭ جەتەكشىلىك، باستاماشىلدىق رولىن ساۋلەلەندىرىپ، بۇكىل شينجياڭنىڭ جەر - جەرىندەگى قالالاردىڭ جوعارى ساپالى قۇرىلىسىن، دامۋىن ءبىر تۇتاس جوسپارلاۋ، ورنالاستىرۋ، ىلگەرىلەتۋ كەرەك.

چىن ۋيجۇن، ليۋ سۋشى، حا زىڭيوۋ، ياڭ شيۋلي، دۋ حۇڭيان، رايونعا (ورتالىققا) توتە قاراستى قاتىستى تاراۋلاردىڭ جانە قاتىستى ايماق، وبلىس، قالالاردىڭ جاۋاپتى جولداستارى، ت.ب ماجىلىسكە قاتىناستى.