شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى. 9 - ايدىڭ 15 - كۇنى مەملەكەت ءتوراعاسى شي جينپيڭ جۇڭگو − ەۆروپا كەزەكشى پويەزى حالىقارالىق سەلبەستىك تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: جۇڭگو − ەۆروپا كەزەكشى پويەزى قاتىناعاننان بەرى حاۋىپسىز، ورنىقتى، ىركىلىسسىز اينالىمدى ساقتاپ، ازيا − ەۆروپا حالىقارالىق تاسىمالىنىڭ جاڭا جاعدايىن اشىپ، جەلى بويىنداعى ەكونوميكا - ساۋدا سەلبەستىگىنىڭ جاڭا تۇعىرىن ورناتىپ، حالىقارالىق كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن پارمەندى قامتاماسىز ەتىپ، دۇنيە ءجۇزى ەكونوميكاسىنىڭ دامۋىنا جاڭا قوزعاۋشى كۇش ۇستەدى. جۇڭگو ءارقايسى جاقپەن بىرگە بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن ۇزدىكسىز ۇستانىپ، بىرگە كەڭەسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، جۇڭگو - ەۆروپا كەزەكشى پويەزىنىڭ اناعۇرلىم جوعارى ساپالى، اناعۇرلىم جوعارى ءونىمدى، اناعۇرلىم حاۋىپسىز باعىتقا قاراي دامۋىن ىلگەرىلەتىپ، الەمدىك ەكونوميكانىڭ دامۋىن جەبەۋگە، ءار ەل حالقىنىڭ ىرىس - قۇتىن ارتتىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسادى.

جۇڭگو - ەۆروپا كەزەكشى پويەزى حالىقارالىق سەلبەستىك تالقى مىنبەرىنىڭ نەگىزگى تاقىرىبى − ”ۇلاستىرۋدى - تۇتاستىرۋدى تەرەڭدەتىپ، سەلبەستىكتى، تەڭ يگىلىككە كەنەلۋدى جەبەۋ“، مەملەكەتتىك دامۋ جانە رەفورما كوميتەتى، قاتىناس - تاسىمال مينيسترلىگى، كەدەن باس مەكەمەسى، مەملەكەتتىك تەمىر جول توبى جانە جياڭسۋ، ىشكى موڭعۇل، حيلۇڭجياڭ، حىنان، چۇڭچيڭ، سىچۋان، شانشي، شينجياڭ سياقتى ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى بىرگە ۇيىمداستىرىپ، سول كۇنى جياڭسۋ ولكەسىنىڭ ليانيۇنگاڭ قالاسىندا وتكىزىلدى.