ما شيڭرۇي اۆتونوميالى رايوندىق سيفرلاندىرىپ دامىتۋ مەكەمەسىنىڭ ماڭدايشالىعىن اشتى ٴارى اۆتونوميالى رايوننىڭ سيفرلاندىرۋ رەفورماسى باسشىلىق گرۋپپاسىنىڭ 1 - رەتكى ٴماجىلىسىن باسقارىپ اشتى

اناعۇرلىم زور تەبىنمەن سيفرلاندىرۋ رەفورماسىن جۇيەلى جوسپارلاپ ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا پارمەندى تىرەك ازىرلەۋ كەرەك 

ەركىن تۇنياز، حى جۇڭيوۋ قاتىناستى

شينجياڭ گازەتىنىڭ حابارى (تىلشىلەر ۋاڭ شيڭرۇي، جاڭ لەي). اۆتونوميالى رايوندىق سيفرلاندىرىپ دامىتۋ مەكەمەسى 9 - ايدىڭ 15 - كۇنى تۇستەن بۇرىن ماڭدايشالىعى اشىلىپ قۇرىلدى، اۆتونوميالى رايوندىق پارتكومنىڭ شۋجيى ما شيڭرۇي ماڭدايشالىق اشۋ سالتىنا قاتىناستى ٴارى اۆتونوميالى رايوننىڭ سيفرلاندىرۋ رەفورماسى باسشىلىق گرۋپپاسىنىڭ 1 - رەتكى ٴماجىلىسىن باسقارىپ اشىپ، باس شۋجي شي جينپيڭنىڭ سيفرلاندىرۋ رەفورماسى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، باس شۋجيدىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، بۇكىل رايوننىڭ سيفرلاندىرىپ دامىتۋ قىزمەتىن ىشكەرىلەي اقىلداستى، ورنالاستىردى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماڭدايشالىق اشۋ سالتىنا جانە گرۋپپا ماجىلىسىنە قاتىناستى.

ماڭدايشالىق اشۋ سالتىندا قاتىستى جولداستار اۆتونوميالى رايوندىق سيفرلاندىرىپ دامىتۋ مەكەمەسىن قۇرۋ جونىندەگى بەكىتۋدى وقىدى. ما شيڭرۇي، ەركىن تۇنياز ماڭدايشالىقتى بىرگە اشىپ، اۆتونوميالى رايوندىق سيفرلاندىرىپ دامىتۋ مەكەمەسىنىڭ قۇرىلعاندىعىن قىزۋ قۇتتىقتادى.

گرۋپپا ٴماجىلىسى اۆتونوميالى رايوننىڭ سيفرلاندىرۋ رەفورماسى قىزمەتىنىڭ ىلگەرىلەتىلۋ جاعدايى جونىندەگى مالىمەتتى تىڭدادى، اۆتونوميالى رايوننىڭ سيفرلاندىرۋ رەفورماسى باسشىلىق گرۋپپاسىنىڭ قىزمەت ەرەجەسىن جانە كەڭسە ەگجەي - تەگجەيلى ەرەجەسىن اقىلداسىپ قارادى. 

ما شيڭرۇي بىلاي اتاپ كورسەتتى: سيفرلاندىرىپ دامۋدى جەدەلدەتۋ سوتسياليستىك وسىزاماندانعان قۇدىرەتتى ەل قۇرۋدىڭ جەتەكشى قىزمەتى، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ تابيعي تالابى. سيفرلى ۇكىمەت رەفورماسى اۆتونوميالى رايوندىق پارتكوم تۇراقتاندىرعان جەتەكشىلىك سيپاتتى، جاسامپازدىق سيپاتتى، ۇلگىلىك سيپاتتى كەلەلى رەفورما ٴىسى. اۆتونوميالى رايوندىق سيفرلاندىرىپ دامىتۋ مەكەمەسىن قۇرۋ شينجياڭنىڭ سيفرلى ۇكىمەت رەفورماسىنىڭ ەڭ ماڭىزدى ٴتۇيىنى. جەر - جەر، تاراۋلار وسىنى جاڭا وراي جانە باستاما ەتىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋگە شوعىرلاندىرىپ، سيفرلاندىرىپ دامىتۋ قىزمەتىن جۇيەلى زەرتتەپ، جوبالاپ، باتىلدىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، سيفرلى ۇكىمەت رەفورماسى قۇرىلىسىن جەدەلدەتىپ، سيفرلى ەكونوميكانى زور كۇشپەن دامىتىپ، سيفرلى شينجياڭدى قۇلشىنا قۇرىپ، سيفرلاندىرىپ دامىتۋدىڭ جاڭا ناتيجەلەرى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى تىرەك ازىرلەۋ كەرەك.

  ما شيڭرۇي بىلاي دەپ باسا دارىپتەدى: جەر - جەر، تاراۋلار ساياسي دەڭگەيدى شىنايى جوعارىلاتىپ، باس شۋجي شي جينپيڭنىڭ، پارتيا ورتالىق كوميتەتىنىڭ سيفرلاندىرۋ رەفورماسى قىزمەتى جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، باس شۋجيدىڭ، پارتيا ورتالىق كوميتەتىنىڭ شينجياڭ قىزمەتى جونىندەگى ورىن بەلگىلەۋ تالابىن دالمە - ٴدال يگەرىپ، سيفرلاندىرىپ دامىتۋدى جەدەلدەتۋدىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى كەلەلى ستراتەگيالىق ٴمانىن ساياسي جانە جالپى جاعداي تۇرعىسىنان تانىپ، شينجياڭنىڭ سيفرلاندىرىپ دامىتۋ قىزمەتىندە ورىن تەۋىپ وتىرعان پارىقتار مەن جەتەرسىزدىكتەرگە دۇرىس قاراپ، جاۋاپكەرشىلىك سەزىمدى، بورىشتىلىق سەزىمدى، كوكەيتەستىلىك سەزىمدى ونان ارى كۇشەيتىپ، سەنىمدى، بەكىمدى نىعايتىپ، ٴورىس اشا جاڭالىق جاراتۋعا قۇلشىنىپ، ولقىلىقتاردى تولىقتاۋدى، ٴالسىز تۇستاردى كۇشەيتۋدى جەدەلدەتىپ، سيفرلى شينجياڭ قۇرىلىسىن ىلگەرىلەتۋگە نىق قادام تاستاۋ كەرەك. سيفرلاندىرىپ دامىتۋدى ٴبىر تۇتاس جوسپارلاپ ىلگەرىلەتىپ، ۇكىمەتتىڭ فۋنكتسيالىق تاراۋلارىنىڭ ورنىن ايقىنداپ، فۋنكتسيالىق رولىن شىن مانىندە ساۋلەلەندىرىپ، جالپى تۇلعالىق جوبا، بايلىقتى ٴبىر تۇتاس جوسپارلاۋ، ولشەم بەلگىلەۋ، مىندەتتى ىلگەرىلەتۋ سياقتى قىزمەتتەردى تىڭعىلىقتى، ٴونىمدى ويداعىداي ىستەپ، بازارلاندىرىپ ىسكە قوسۋدى بەلسەنە ىلگەرىلەتىپ، شينجياڭنىڭ ٴار سالاسىنداعى سيفرلاندىرۋدا وزگەرىس جاساۋعا، جاڭالىق اشۋعا جەتەكتەپ جانە اتتانىسقا كەلتىرىپ، سيفرلاندىرۋ ارقىلى ەكونوميكانىڭ، قوعامنىڭ جوعارى ساپالى دامۋىنا قۋات ۇستەۋ كەرەك. سيفرلى ۇكىمەت قۇرىلىسىن ۇزدىكسىز تەرەڭدەتىپ، تاراۋلاردىڭ، وڭىرلەردىڭ جوعارى ونىمدىلىكپەن ٴبىر تۇتاس جوسپارلاۋىنا، بيڭتۋان مەن جەرگىلىكتى ورىننىڭ ٴبىر تۇلعالى جوسپارلاپ اتقارۋىنا تاباندى بولىپ، بايلىقتى ٴونىمدى بىرىكتىرىپ، ينفورماتسياداعى توسقىندىقتاردى جويىپ، قىزمەت بوگەتتەرىن تالقانداپ، اكىمشىلىك ىستەرى ٴتارتىبىن جاپپاي ساپالىلاندىرۋدى جانە جۇيەنى قايتا سومداۋدى ىلگەرىلەتىپ، ساندى مالىمەتتەردەن تارتىپپەن ورتاق يگىلىكتەنۋدى جانە ونى اشىپ پايدالانۋدى جەبەپ، ۇكىمەتتىڭ شەشىم جاساۋىنىڭ عىلميلانۋىن، اكىمشىلىك جۇمىس ٴبىتىرۋدىڭ جوعارى ٴونىمدى بولۋىن، الەۋمەتتىك قىزمەت وتەۋدىڭ قولايلىلانۋىن، قوعامدىق باسقارۋدىڭ دالمە - ٴدال بولۋىن ۇزدىكسىز ىلگەرىلەتۋ كەرەك. ۇيىمدىق باسشىلىقتى شىن مانىندە كۇشەيتۋ كەرەك، جەر - جەر، تاراۋلار سيفرلاندىرۋ رەفورماسىن ”ٴبىرىنشى باسشى“ ينجەنەريا ەتىپ، قىزمەت جاۋاپكەرشىلىگىن شىن مانىندە ناقتىلاندىرىپ، ٴتۇزىلىس - مەحانيزمدى كەمەلدەندىرىپ، كورنەكتى ماسەلەلەردى شەشىپ، قاراجات، قىزمەتكەر، قىزمەت قامتاماسىزدىعىن كۇشەيتىپ، سيفرلاندىرۋ رەفورماسىن ىلگەرىلەتەتىن كادرلار مەن دارىندىلاردى ۇزدىكتەردى تاڭداپ، مىقتىلاردى سەپتەي وتىرىپ قىزمەتكە قويۋ كەرەك؛ ٴار دارەجەلى باسشى كادرلار ستراتەگيالىق، جۇيەلى قىزمەتتەردى زەرتتەۋگە، جوسپارلاۋعا ايرىقشا ٴمان بەرىپ، يدەيالىق كوزقاراسقا بۇرىلىس جاساپ، سيفرلى ويلاۋدى كۇشەيتىپ، سيفرلاندىرۋ تاسىلىنەن پايدالانىپ قىزمەتتى ىلگەرىلەتۋ قابىلەتىن ۇزدىكسىز جوعارىلاتىپ، شينجياڭنىڭ سيفرلاندىرۋ رەفورماسى قىزمەتىنىڭ ناقتى ونىمدىلىككە قول جەتكىزۋىن ىلگەرىلەتۋ كەرەك.

  چىن ۋيجۇن ماڭدايشالىق اشۋ سالتىن باسقاردى ٴارى ماجىلىسكە قاتىناستى، ٴيۇسۇپجان مامەت، قادەن كابەن ۇلى، لي جىنگو، جۇڭگو ينجەنەريالىق عىلىمدار اكادەمياسىنىڭ اكادەميگى وشۇر ٴسىلام، اۆتونوميالى رايوننىڭ سيفرلاندىرۋ رەفورماسى باسشىلىق گرۋپپاسىنىڭ مۇشەلەرى، اۆتونوميالى رايوننىڭ قاتىستى ورىندارىنداعى جاۋاپتى جولداستار، ماماندار جانە كاسىپورىنداردىڭ ۋاكىلى قاتىستى قيمىلدارعا قاتىناستى. ٴماجىلىس بەينە ەكران فورماسىندا اشىلدى، ايماقتاردا، وبلىستاردا، قالالاردا بولىمشە ٴماجىلىس الاڭى ورنالاستىرىلدى.