2023 - جىلعى شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى اشىلدى

　　شينجياڭ داشۋەسىنىڭ ”قوس بىرەگەي“ قۇرىلىسىنىڭ تىڭ ساتىعا كوتەرىلۋىن ىلگەرىلەتۋ كەرەك

انار بۇلت \ شينجياڭ گازەتىنىڭ ءتىلشىسى ليۋ شياڭ 9 - ايدىڭ 17 - كۇنى ۇرىمجىدەن حابارلايدى. 9 - ايدىڭ 17 - كۇنى 2023 - جىلعى شينجياڭ داشۋەسىنە باعىتتامالى كومەكتەسۋ قىزمەتى ءماجىلىسى اشىلدى، ءماجىلىس باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ونان ارى دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، باعىتتامالى كومەكتەسۋ سەلبەستىگىن، اۋىس - كۇيىسىن تەرەڭدەتىپ، شينجياڭ داشۋەسىنىڭ ”قوس بىرەگەي“ قۇرىلىسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى العا قويدى.

چيڭحۋا داشۋەسى پارتكومىنىڭ شۋجيى، جۇڭگو عىلىم اكادەمياسىنىڭ اكادەميگى چيۋ يۇڭ، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى قايسار ابدىكەرىم ءماجىلىستى باسقاردى. اۆتونوميالى رايوندىق ساياسي كەڭەستىڭ ورىنباسار ءتوراعاسى، شينجياڭ داشۋەسى پارتكومىنىڭ شۋجيى شۇي شيان - ي باعىتتامالى كومەكتەسۋ قىزمەتىنىڭ جاعدايىن تانىستىردى.

جاڭ چۇنلين اۆتونوميالى رايوندىق پارتكوم مەن ۇكىمەت اتىنان شينجياڭعا كومەكتەسكەن جوعارى مەكتەپتەردىڭ ۇزاق ۋاقىتتان بەرى شينجياڭ داشۋەسىنە، شينجياڭنىڭ وقۋ - اعارتۋ ىستەرىنە كوڭىل ءبولىپ، قولداۋ كورسەتىپ كەلگەندىگىنە العىس ايتتى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، وقۋ - اعارتۋ مينيسترلىگىنىڭ جەتەكشىلىك ەتۋىندە، كومەكتەسۋىندە، ءارقايسى باعىتتامالى كومەكتەسەتىن جوعارى مەكتەپتەر وقۋ - اعارتۋ ارقىلى شينجياڭعا كومەكتەسۋدى كەلەلى ساياسي جاۋاپكەرشىلىك ەتىپ، شينجياڭ داشۋەسىنىڭ مەكتەپ باسقارۋ دەڭگەيىن ۇزدىكسىز جوعارىلاتۋىنا كومەكتەسىپ، شينجياڭنىڭ جوعارى دارەجەلى وقۋ - اعارتۋىنىڭ جوعارى ساپالى دامۋىنا دەم بەرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا قىزمەت وتەۋگە، قامتاماسىز ەتۋگە بەلسەندى ۇلەس قوستى. باعىتتامالى كومەكتەسەتىن جوعارى مەكتەپتەردىڭ شينجياڭ داشۋەسىن ءباز - باياعىسىنداي قولداپ، مەكتەپ باسقارۋ ۇلگىسىن جاقسارتۋ، اقىل - پاراسات جاعىنان شينجياڭعا كومەكتەسۋدى تەرەڭدەتۋ، عىلىم - تەحنيكادا جاڭالىق اشۋدى ىلگەرىلەتۋ، جۇمىستاندىرۋ بەتالىسىن كورنەكتىلەندىرۋ، قارىم - قاتىناستى، ءتۇيىلىسۋدى كۇشەيتۋ، شينجياڭدى مادەنيەتپەن نارلەندىرۋدى تەرەڭدەتۋ سياقتى جاقتاردا ۇزدىكسىز كۇش سالىپ، شينجياڭ داشۋەسىن جىبەك جولى ەكونوميكالىق بەلدەۋىندەگى ەرەكشەلىگى ايقىن ۋنيۆەرسال سيپاتتى زەرتتەۋ تيبىندەگى بىرەگەي داشۋە ەتىپ قۇرىپ شىعۋىن، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن اناعۇرلىم ويداعىداي جازۋعا ۇلەس قوسۋىن ءۇمىت ەتەمىن.

چيۋ يۇڭ بىلاي دەدى: ۇزاق ۋاقىتتان بەرى چيڭحۋا داشۋەسى باۋىرلاس جوعارى مەكتەپتەرمەن بىرگە شينجياڭ داشۋەسىنە باعىتتامالى كومەكتەسۋدى پارتيا ورتالىق كوميتەتىنىڭ مەكتەپكە جۇكتەگەن داڭقتى بورىشى ساناپ، باعىتتامالى كومەكتەسۋ قىزمەتىنە بار ىنتاسىمەن كىرىسىپ، شينجياڭ داشۋەسىنىڭ جەدەل دامۋىنا دەم بەرىپ كەلەدى. باعىتتامالى كومەكتەسۋ قىزمەتىندە قول جەتكىزگەن ناتيجەلەر جۇڭگوشا سوتسياليزم ءتۇزىمىنىڭ ابزالدىلىعىن تولىق ايگىلەدى، باعىتتامالى كومەكتەسۋ قىزمەتىن ويداعىداي ىستەۋ ”ەكىنى تۇراقتاندىرۋدى“ تاباندىلىقپەن قولداۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتى. جاڭا باستامادا چيڭحۋا داشۋەسى سياقتى باعىتتامالى كومەكتەسەتىن جوعارى مەكتەپتەر جوعارى دارەجەلى وقۋ - اعارتۋدىڭ باستاماشىلدىق رولىن ىرىقتىلىقپەن ساۋلەلەندىرىپ، نازاردى ادام تاربيەلەۋدەي ءتۇبىرلى ماسەلەگە شوعىرلاندىرىپ، ساپالى وقۋ - اعارتۋ بايلىعىنان اناعۇرلىم ويداعىداي بىرگە يگىلىكتەنۋدى ىلگەرىلەتىپ، مەملەكەتتىڭ ستراتەگيالىق قاجەتىنە باعىتتاي وتىرىپ كومەكتەسىپ قۇرعان پاندەردىڭ دەڭگەيىن جوعارىلاتىپ، جوعارى ساپالى دامۋعا قىزمەت وتەۋدى تياناق ەتە وتىرىپ رايون مەن مەكتەپتەردىڭ سەلبەستىگىن تەرەڭدەتىپ، وقۋ - اعارتۋدا قۋاتتى ەل قۇرۋدى قول ۇستاسا ىلگەرىلەتىپ، كورىكتى شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.

چيڭحۋا داشۋەسى قاتارلى باعىتتامالى كومەكتەسەتىن 15 جوعارى مەكتەپتىڭ قاتىستى جاۋاپتى جولداستارى پىكىر اۋىستىرىپ، ءسوز سويلەدى. باعىتتامالى كومەكتەسەتىن جوعارى مەكتەپتەر شينجياڭ داشۋەسىمەن وسى جىلعى قىزمەت ەسكەرتپە حاتىنا قول قويدى.