ٴتىلشىمىز حۋاڭ جيڭ حابارلايدى. ورتالىق ۇگىت ٴبولىمىنىڭ نازاريا مەكەمەسى باس بولىپ قۇراستىرعان، ۇيرەنۋ باسپاسى، حالىق باسپاسى بىرلەسىپ باسپادان شىعارعان «جۇڭگو ۇلگىسىندەگى وسىزامانداندىرۋمەن بەتپە ـ بەت» كىتابى بۇكىل ەل كولەمىندە تاراتىلدى. 9 ـ ايدىڭ 15 ـ كۇنى ٴتىلشى ىلە شينحۋا كىتاپ دۇكەنىندە «جۇڭگو ۇلگىسىندەگى وسىزامانداندىرۋمەن بەتپە ـ بەت» اتتى كىتاپتىڭ ۇيرەنۋ - تاربيەلەۋ كىتاپتارىن ٴتۇيىندى تانىستىرۋ رايونىندا كوپتەگەن وقىرماننىڭ كىتاپتى اشىپ وقىپ جاتقانىن كوردى.
«نازاريالىق قولامتالى تۇيىندەرمەن بەتپە - بەت» جالپىعا تۇسىنىكتى جەلىلەس نازاريالىق وقۋلىقتىڭ ەڭ جاڭا نۇسقاسى بولعان «جۇڭگو ۇلگىسىندەگى وسىزامانداندىرۋمەن بەتپە - بەت» كىتابىندا جۇڭگوشا وسىزامانداندىرۋدىڭ نازارياسى مەن امالياتى تىعىز ارقاۋ ەتىلىپ، 17 كەلەلى ماسەلەگە شوعىرلى جاۋاپ بەرىلگەن جانە تۇسىنىك جاسالعان. جازۋ ستيلى جاتىق، قاراپايىم، شىنايى بولىپ، ۇعىنىقتى تىلمەن تەرەڭ قاعيدانى تۇسىندىرۋگە كۇش سالىنعان، جاندى اڭگىمەلەرمەن داۋىرلىك نەگىزگى تاقىرىپ ٴتۇسىندىرىلىپ، قاراپايىم دا ۇعىنىقتى تىلمەن تايازدان تەرەڭگە بويلاعان. بەينەلەۋ فورماسىندا جاڭالىق اشۋعا باسا ٴمان بەرىلىپ، ماقالاعا جاڭا ٴداۋىردىڭ تىڭ تىنىسىن بەينەلەيتىن قىرۋار گرافيك - سۋرەتتەر ەنگىزىلىپ، كوپتەگەن بىلىمدىك، قىزىعارلىق، ىقپالداستىق بەتتەر مەن ستوندار ورنالاستىرىلىپ، سايكەستى ميكرو كارتون كەسكىندەر مەن دىبىستى نۇسقاسى جاسالىپ، وقىرماننىڭ كىتاپ وقۋ اسەرىن بايىتقان جانە جوعارىلاتقان.
«جۇڭگو ۇلگىسىندەگى وسىزامانداندىرۋمەن بەتپە - بەتتى» وقىپ تۇرعان ما حانىم بۇل كىتاپتىڭ سۋرەتى دە، تەكستى دە بار ەكەندىگىن، وتە ماعىنالى نازاريالىق نارسەلەر ايتىلعانىن، ورتا جاستاعىلار مەن قارتتار وڭاي وقىپ تۇسىنۋمەن بىرگە، جاستاردىڭ كىتاپ وقۋ قاجەتىن دە قاناعاتتاندىراتىندىعىن ايتتى.
ىلە شينحۋا كىتاپ دۇكەنى ىلە كىتاپ سارايىنىڭ مەڭگەرۋشىسى ۋاڭ حۇيچين «جۇڭگو ۇلگىسىندەگى وسىزامانداندىرۋمەن بەتپە ـ بەت» اتتى كىتاپتان 1000 دانادان استامى سورەگە قويىلىپ، ٴبىرىنشى كۇنى - اق 300 دەن استامى ساتىلعانىن، سونداي ـ اق كىتاپ دۇكەنى باس بولىپ تانىستىرعان ۇيرەنۋ ـ تاربيەلەۋ وقۋلىعىن قازىر وبلىسقا توتە قاراستى اۋدانداردىڭ شينحۋا كىتاپ دۇكەندەرى ارت - ارتىنان سورەگە شىعارىپ، وقىرمانداردىڭ جاڭا كىتاپ ساتىپ الۋىنا، جاڭا كىتاپ كورۋىنە كەپىلدىك ەتىلگەنىن ايتتى.
وقىرمان «جۇڭگو ۇلگىسىندەگى وسىزامانداندىرۋمەن بەتپە ـ بەت» اتتى كىتاپتى وقۋدا حۋاڭ جيڭ فوتوسى