ٴتىلشىمىز حان شاشا، ەرىكتى ٴتىلشى ساۋ شياۋجۋان حابارلايدى. 4 - ايدىڭ 15 - كۇنى كۇنەس اۋدانى كۇنەس قالاشىعىنداعى 82 جاستاعى ياڭ باۋشۇن قاريا اسەرلەنگەنىنەن ”كوپتەن كۇتكەن ەدىك، بۇگىن اشىلعان ەكەن!“ دەدى. ونىڭ ارتىندا تاعى ون نەشە قارت تاماق الماقشى بولىپ قاتاردا تۇردى. سول كۇنى كۇنەس اۋداندىق ساۋدالىق اس - سۋ تورابى بويىنشا قارتتاردىڭ تاماقتانۋىنا قىزمەت وتەيتىن ٴبىرىنشى توپتاعى 21 ٴتۇيىندى ورىن پايدالانۋعا بەرىلدى.

كۇنەس اۋدانىنداعى قارتتاردىڭ تاماقتانۋىنا قىزمەت وتەيتىن جياڭجياڭحاۋ اسحاناسىنا بارعانىمىزدا رەتتى قويىلعان ۇستەل - ورىندىقتار مەن تاپ - تازا ەدەن بىردەن كوزگە تۇسەدى، جاپ - جارىق شىراقتار مەن اقسارى رەڭدى تام قابىرعاسى ٴوزارا جاراسىم تاۋىپ، اسحانانى جايناتىپ كورسەتۋمەن، ٴتىپتى دە جايلى سەزىلەدى. اس بولمەسىندە قىزمەتكەرلەر تاماق ازىرلەۋمەن قاربالاس. تاماقتاناتىنداردىڭ دەنى قارتتار بولعاندىقتان، مۇنداعى تاعامدار نەگىزىنەن قارتتارعا لايىقتاپ جاسالىپ، ەتتى - ەتسىز تاعامدار سايكەستىرىلىپ، ٴتۇرى مول بولعاندا عانا كوپشىلىك ۇناتىپ جەيدى ەكەن.

”ٴۇيىم وسى ماڭدا، بۇرىن ٴوزىم كوگونىس ساتىپ الىپ ۇيىمدە تاماق ىستەيتىنمىن، قازىر ۇكىمەت تاراتقان تاماق بەلەتىمەن تاماقتاناتىن بولدىم. بۇل ارانىڭ ورتاسى جايلى، تاماق باعاسى ارزان دا ٴدامدى“ دەدى كۇنەس قالاشىعى گۋاڭميڭ جولى الەۋمەتتىك اۋماعىنىڭ تۇرعىنى كان رىنيۋان اۋىز جاپپاي ماقتاپ.

”قارتتاردىڭ تاماقتانۋىنا قىزمەت وتەيتىن ورىندا قازىر 65 جاستان اسقان قارتتار تيىمدىلىكتەن يگىلىكتەنە الادى، 65 جاستان 80  جاس ارالىعىنداعى قارتتارعا جالپى باعا نەگىزىندە 2 يۋاندىق تيىمدىلىك جاسالسا، 80 جاستان 90 جاس ارالىعىنداعى قارتتاردىڭ ٴار رەتكى تاماعىنا 8 يۋان تيىمدىلىك جاسالادى، 90 جاستان اسقان قارتتاردىڭ تاماعى بۇكىلدەي تەگىن بەرىلەدى؛ اۋدان بويىنشا وسىندا تاماقتانۋدى قاجەت ەتەتىن بىتىراندى، كۇتىمگە الىناتىن، قيىنشىلىعى بار ادامدار اراسىنداعى جاسى ۇلعايعان، جۇمىس قابىلەتىنەن ايىرىلعان، مۇگەدەك قارتتار مەن قالا - اۋىلدارداعى ەڭ تومەنگى تۇرمىسى قامتاماسىزداندىرىلاتىن وبيەكتىلەردىڭ ىشىندەگى جاسى ۇلعايعان، جۇمىس قابىلەتىنەن ايىرىلعان، ۇيدە قاراۋسىز قالعان، پاناسىز، مۇگەدەك قارتتاردان 372 ادام انىقتالدى. وسى قارتتار تاماقتانۋ تيىمدىلىگىنەن يگىلىكتەنۋ نەگىزىندە اي سايىن 150 يۋاندىق تاماق تولىقتاما قاراجاتىنان يگىلىكتەنەدى“ دەپ تانىستىردى كۇنەس اۋداندىق حالىق ىستەرى مەكەمەسى قوعامدىق ىستەر كەڭسەسىنىڭ مەڭگەرۋشىسى ليۋ شۋەرىن.

شاعىن اسحانا بولعانىمەن، ۇلكەن حالىق تۇرمىسىنا سايادى. كۇنەس اۋداندىق پارتكوم، اۋداندىق ۇكىمەت قارتتاردىڭ تاماقتانۋىنداعى ٴىس جۇزىندىك قيىنشىلىعىنا باسا نازار اۋدارىپ، قارتتاردىڭ تاماقتانۋىنا قىزمەت وتەۋ ارەكەتىن جاپپاي اتقارىپ، ”جەكەلەر ازىراق تولەۋ، كاسىپورىن ازىراق كەشىرىم ەتۋ، ۇكىمەت ازىراق تولىقتاما قاراجات بەرۋ، كوللەكتيۆ ازىراق قوسۋ، قوعام ازدا بولسا جىلۋ اتاۋ“ سىندى كوپ جاقتى قولداۋ كورسەتۋ تاسىلىنەن پايدالانىپ، قارتتارعا ”ٴبىر ۋاق تاماقتان“  قامقورلىقتىڭ، باقىتتىڭ نە ەكەنىن سەزىندىردى.