تىلشىلەرىمىز لۋ جۇڭ، ۋاڭ ليلي حابارلايدى. بۇكىل ەلىمىز بويىنشا ماڭىزدى اۆتوكولىك ەكسپورت ەتەتىن قۇرلىق جولى وتكەلى بولعان قورعاس وتكەلىنىڭ اۆتوكولىك ەكسپورتىندا شۇعىل ارتۋ جاعدايى جارىققا شىقتى. قورعاس كەدەنىنىڭ ساناعىنا قاراعاندا، 2023 - جىلى قورعاس شەكارا وتكەلىنەن 304 مىڭ تاۋار اۆتوكولىك ەكسپورت ەتىلىپ، بىلتىرعى سايكەس مەزگىلدەگىدەن %307.5 ارتقان.

بيىل جىل باسىنان بەرى تاۋار اۆتوكولىك ەكسپورتى جەدەل ارتتى. قورعاس ەكونوميكالىق اشۋ رايونى شەكارا وتكەلىن باسقارۋ مەكەمەسىنىڭ ساندى مالىمەتىندە كورسەتىلۋىنشە، 4 - ايدىڭ 12 - كۇنىنە دەيىن قورعاس تاس جول شەكارا وتكەلىنەن ەكسپورت ەتىلگەن تاۋار اۆتوكولىك 37 مىڭنان اسقان (كوتەرمە اۆتوكولىكپەن تاسىمالدانعاندارىن قامتيدى).

4 - ايدىڭ 12 - كۇنى قورعاس تاس جول شەكارا وتكەلىندە تىركەمەلى اۆتوكولىك، جۇكتى اۆتوماتتى تۇسىرەتىن اۆتوكولىك  جانە جاڭا ەنەرگيالى جەڭىل اۆتوكولىكتەر قورعاس كەدەنىندە كەدەننەن ٴوتۋ رەسمياتتارى وتەلىپ بولعاننان كەيىن رەتىمەن مەملەكەت قاقپاسىنان شىعارىلىپ، قازاقستان، وزبەكستان، رەسەي سياقتى ”ٴبىر بەلدەۋ، ٴبىر جولدى“ بىرگە قۇرۋشى ەلدەرگە جونەلتىلدى.

قورعاس حاۋچىڭ حالىقارالىق ۋاكىلەتتى زات تاسىمالى شەكتى سەرىكتەستىگى اۋىر تيپتى زات تاسىمالى اۆتوكولىكتەرىن ەكسپورت ەتۋدى نەگىز ەتەدى، سوڭعى 2 جىلدا جاڭا ەنەرگيالى اۆتوكولىك ورتا ازياداعى 5 ەلدە جانە رەسەيدە كەڭىنەن قارسى الىندى، سەرىكتەستىك تە دەر كەزىندە جاڭا ەنەرگيالى اۆتوكولىك ەكسپورت كاسىبىن ارتتىردى. ”شەكارا وتكەلىندە قازىر جەرگىلىكتى ورىندا كەدەنگە مالىمدەۋ، ٴبىر تۇلعالاندىرىپ مالىمدەۋ، توتە كەدەننەن ٴوتۋ سياقتى كوپ ٴتۇرلى كەدەننەن ٴوتۋ ۇلگىسى بار، بۇل كاسىپورىنداردىڭ قاريدارلار ٴۇشىن اناعۇرلىم قولايلى شەكارادان شىعىپ كەدەننەن ٴوتۋ جوباسىن ازىرلەۋىنە مۇمكىندىك جاسادى. بيىل جىل باسىنان بەرى سەرىكتەستىك تاس جول تاسىمال ٴتاسىلى ارقىلى 2 مىڭنان استام تاۋار اۆتوكولىك ەكسپورت ەتتى“ دەدى سەرىكتەستىكتىڭ كاسىپتىك جاۋاپتىسى ليۋ ۋيدۇڭ تىلشىگە.

ەلىمىزدە وندىرىلگەن تاۋار اۆتوكولىكتەردىڭ كۇن سايىن ارتىپ وتىرعان ەكسپورت سۇرانىسىنا مەڭزەس، قورعاس كەدەنى كاسىپورىنداردىڭ سۇرانىسىن جەتەكشى ەتە وتىرىپ، ساياساتتىق قامداۋدى كۇشەيتۋ، تۇتاس بارىستاعى كەدەننەن ٴوتۋ ساياساتىن ۇگىتتەۋ، قيىن ماسەلەلەرگە جاۋاپ بەرۋ سياقتى قىزمەتتەرى ورىستەتتى؛ كاسىپورىندارمەن الدىن الا ۇشتاسىپ، تاۋار اۆتوكولىك ەكسپورت جوسپارىن ۇعىسىپ، ”ٴبىر كاسىپورىنعا ٴبىر شارا“ سىندى باعىتتامالى قامتاماسىزداندىرۋ جوباسىن جاساپ، شەكارا وتكەلدەرىنىڭ قاتىستى تاراۋلارىن بەلسەنە سايكەستىرىپ، سەلبەستىكتى كۇشەيتىپ، تاۋار اۆتوكولىكتەردىڭ كەدەننەن ٴوتۋىنىڭ ىركىلىسسىز بولۋىنا شىنايى كەپىلدىك ەتتى؛ ەكسپورت ەتىلەتىن اۆتوكولىكتەرگە ”ٴوزى جۇرگىزىپ وتكىزۋ“ ۇلگىسىن جالعاستى قولدانۋ نەگىزىندە تاۋار اۆتوكولىكتەردى ”كوتەرمە اۆتوكولىكپەن“ وتكىزۋ ۇلگىسىنەن قاتار پايدالانىپ، حاۋىپسىزدىككە كەپىلدىك ەتۋ العى شارتىندا كاسىپورىنداردىڭ كەدەننەن ٴونىمدى وتكىزۋىنە قولايلىلىق جاراتىپ، ەلىمىزدە وندىرىلگەن تاۋار اۆتوكولىكتەرىنىڭ ەكسپورت ساپاسىنىڭ ورنىقتى جوعارىلاۋىن پارمەندى جەبەدى.

”قورعاس كەدەنى 24 ساعات قىزمەت وتەپ، تاۋار اۆتوكولىكتەردى ەكسپورت ەتۋدىڭ جاسىل ارناسىن اشىپ، كەدەننەن ٴوتۋ بارىسىن ۇزدىكسىز ساپالىلاندىرۋ، ادام كۇشى بايلىعىن يكەمدى رەتتەۋ سياقتى تاسىلدەر ارقىلى شەكارا وتكەلىنىڭ كەدەننەن وتكىزۋ قۋاتىن جوعارىلاتىپ، ەكسپورت ەتىلگەن تاۋار اۆتوكولىكتەردىڭ كەدەننەن ٴوتۋ ۋاقىتىن قىسقارتىپ، كەدەننەن ٴوتۋدىڭ ەڭ تاماشا ورتاسىن قالىپتاستىرىپ، تاۋار اۆتوكولىكتەردى كەدەننەن وتكىزۋدە ”كەلە سالا تەكسەرىپ وتكىزۋگە“ شىنايى كەپىلدىك ەتتى“ دەدى قورعاس كەدەنى باقىلاۋ - باسقارۋ 1 - ٴبولىمىنىڭ 1 - دارەجەلى اكىمشىلىك زاڭ اتقارۋشىسى چين شاۋفىڭ.