سوڭعى جىلداردان بەرى ىلە وبلىستىق پارتكوم نەگىزگى ساتىنى مىقتى يگەرىپ، نەگىز قالاپ، نەگىزگى ساتى تىرەكتىلەرىن تاربيەلەۋ ينجەنەرياسىن كۇش سالا اتقارىپ، ٴار جىلى نەگىزگى ساتى كادرلارىن جاپپاي دالمە ـ ٴدال تاربيەلەدى. 2024 ـ جىلى ىلە وبلىسى كەڭ كولەمدە تاربيەلەۋدى ۇزدىكسىز ورىستەتىپ، وبلىس جاعىنان 5 كەزەك، اۋدان، قالا جاعىنان 168 كەزەك، اۋىل ـ قالاشىق جاعىنان 83 كەزەك كۋرسى اشىپ، نەگىزگى ساتى كادرلارى مەن قىستاقتا تۇراتىن كادرلاردان 13 مىڭ 700 ادامدى جاپپاي تاربيەلەپ، كورىكتى ىلەنى اناعۇرلىم ويداعىداي قۇرۋعا ادام كۇشى قامتاماسىزدىعىن جانە اقىل ـ پاراسات تىرەگىن ازىرلەدى.

دالمە ـ ٴدال باۋلىپ، ناقتى ونىمدىلىككە ٴمان بەردى 

4 ـ ايدىڭ 11 ـ كۇنى چاپچال سىبە اۆتونوميالى اۋدانىنداعى قىستاق كادرلىعىنا جاڭادان تاعايىندالعان، زاپاس كۇشكە ەنگىزىلگەن 45 كادر اۋداندىق پارتيا مەكتەبىندە تارتىپپەن تىزىمدەلدى. ”نە ىستەسە سونى ۇيرەنۋ، نە كەم بولسا سونى تولىقتاۋ“ پرينسيبى بويىنشا اۋداندىق پارتكوم ۇگىت ٴبولىمى، اۋداندىق ٴتارتىپ تەكسەرۋ، باقىلاۋ ـ تەكسەرۋ كوميتەتى، اۋىل ـ قىستاقتى گۇلدەندىرۋ مەكەمەسى سياقتى 18 ورىن، مەكەمەگە ساباق ٴوتۋ ۇسىنىس حاتىن جولداپ، ”ساباقحانا + اماليات“ وقىتۋ ۇلگىسىمەن دالمە ـ ٴدال ساباق ٴوتىپ، تاربيەلەۋ ساپاسىن اناعۇرلىم جوعارىلاتتى.

4 ـ ايدىڭ 12 ـ كۇنى توعىزتاراۋ اۋدانىنان قىستاق (الەۋمەتتىك اۋماق) پارتيا ياچەيكا شۋجيى پارتيا قۇرىلىسىن يگەرىپ، كوللەكتيۆ شارۋاشىلىقتىڭ جوعارى ساپالى دامۋىنا جەتەكشىلىك ەتۋ ارناۋلى تاقىرىپتىق كۋرسىنداعى 90 كۋرسانت جىجياڭ ولكەسىنىڭ حاڭجوۋ قالاسىنا بارىپ شوعىرلى باۋلۋ بويىنشا ۇيرەنۋ ساپارىن باستادى. توعىزتاراۋ اۋدانى شينجياڭعا باعىتتامالى كومەكتەسەتىن ولكە، قالالارمەن بەلسەنە سايكەسىپ، ”تاپسىرىس بويىنشا باۋلۋ، تىزىمدىك بويىنشا وقىتۋ، تاپسىرىسپەن امالي شىنىقتىرۋ“ ۇلگىسىمەن جىجياڭ داشۋەسى، جىجياڭ داشۋەسىنىڭ قالا شۋەيۋانىمەن كۋرسى ساباقتارىن اقىلداسىپ بەلگىلەپ، مەرزىمگە، توپقا ٴبولىپ شوعىرلى باۋلىپ، ”ٴبىر كەزەكتە ٴبىر جوبا بولۋ“، ”ٴبىر كلاستا ٴبىر جوسپار بولۋدى“ ورىندادى.

نەگىزگى تاقىرىپتى كورنەكتىلەندىرىپ، فورمادا جاڭالىق اشتى 

”جاسىل دامۋدى جەتەكشى، اۋىل شارۋاشىلىعى كاسىپ سالاسىن تىرەك، كورىكتى اۋىل ـ قىستاقتى سۇيەنىش ەتسە، پارتيا ياچەيكاسى جەتەكشىلىك ىستەسە بۇقارا قالايشا اۋقاتتانا المايدى؟“. جىجياڭ داشۋەسىندە اشىلعان قۇلجا اۋدانىنىڭ 2024 ـ جىلعى نەگىزگى ساتى پارتيا ۇيىمى شۋجيلەرىنىڭ ساپا قابىلەتىن جوعارىلاتۋ كۋرسى تالقى ماجىلىسىندە ۇيعۇرۇشون قالاشىعى ۇيعۇرۇشون قىستاعى پارتيا ياچەيكاسىنىڭ شۋجيى گى رۇيجىڭ اۋىل ـ قىستاقتى گۇلدەندىرۋ ونىمدىلىگىن قالاي جوعارىلاتۋ توڭىرەگىندە پىكىر اۋىستىرىپ ٴسوز سويلەدى.

قۇلجا اۋدانى نەگىزگى ساتى پارتيا ۇيىمى شۋجيلەرىنەن 50 ادامدى جىجياڭعا بارىپ، ”تۇنىق سۋ، جاسىل تاۋ − باعالى بايلىق“ ۇستانىمىن، ”مىڭ قىستاق ۇلگى كورسەتۋ، 10 مىڭ قىستاقتى وڭاۋ - رەتتەۋ ينجەنەرياسىن“ جانە ”فىڭچياۋ تاجىريبەسىنىڭ“ جىجياڭ امالياتىن ىشكەرىلەي ۇيرەنۋگە، يگەرۋگە ۇيىمداستىردى، ولار حاڭجوۋ قالاسى شيحۋ رايونى جۋانتاڭ ٴمالى باسقارماسى ۋايتۇڭۋ قىستاعىن كوزدەن كەشىرىپ، قىزىل مادەنيەتتى، شاي مادەنيەتىن كوركەمونەر كاسىبىمەن، ساياحات كاسىبىمەن ۇشتاستىرعان ”ۋايتۇڭۋ كەلبەتىن“ شىنايى سەزىنىپ، پارتيا قۇرىلىسى ارقىلى اۋىل ـ قىستاقتى گۇلدەندىرۋگە جەتەكشىلىك ەتۋدىڭ جاڭا وي جەلىسىن، تىڭ جولىن اشۋعا شابىت الدى. 

”ٴبىز جاڭا داۋىردەگى ’فىڭچياۋ تاجىريبەسىن‘ باستان - اياق جاقتاپ، كاسىپورىندار مەن كاسىپكەرلەردى توڭىرەكتەپ، ويداعىداي قىزمەت وتەدىك......“ قورعاس قالالىق پارتكوم پارتيا مەكتەبىندە وتكىزىلگەن جاڭادان مىندەتكە تاعايىندالعان قىستاق (الەۋمەتتىك اۋماق) ”ەكى كوميتەتىنىڭ“ كادرلارى مەن زاپاس كۇشتەردى تاربيەلەۋ كۋرسىندا ”قىستاقتىڭ (الەۋمەتتىك اۋماق) قىزمەت وتەۋ مىسالدارىن شەبەرلىكپەن ٴتۇسىندىرۋ“ باسەكەسى قيان - كەسكى جۇرگىزىلىپ جاتتى، ونەركاسىپ باقشا رايونى ٴمالى باسقارماسى يىڭتار الەۋمەتتىك اۋماعى جالپىلىق جونگە سالۋ ورتالىعىنىڭ مەڭگەرۋشىسى جاڭ شۋچاۋ كوپشىلىككە ٴوز قاراستىلىعىنداعى الەۋمەتتىك اۋماقتى باسقارۋداعى تيپتىك مىسالداردى تانىستىردى.

قورعاس قالاسى 2 ايلىق مەرزىممەن ”نازاريالىق ۇيرەنۋ + امالياتتىق شىنىعۋ + تەحنيكالىق باسەكەلەسۋ“ كۋرسىن اشىپ، جاڭادان مىندەتكە تاعايىندالعان قىستاق (الەۋمەتتىك اۋماق) ”ەكى كوميتەتىنىڭ“ 30 كادرى مەن زاپاس كۇشتەردى ولقىلىعىن تولىقتاپ، قابىلەتىن وسىرۋگە، قىستاق (الەۋمەتتىك اۋماق) اتتاپ، اۋىستىرىپ شىنىقتىرۋ بارىسىندا ٴوزارا ۇيرەنىپ، ٴوزارا جەبەۋگە، قىزمەت وتەۋ مىسالدارىن ٴتۇسىندىرۋ، نەگىزگى تاقىرىپتا ايتىس جۇرگىزۋ، جاڭا مەديا جاساۋ جانە جازۋشىلىق قابىلەت باسەكەسىندە سالىستىرىپ ۇيرەنىپ، باسىپ وزاتىن اۋان قالىپتاستىرىپ، جەدەل جەتىلۋگە قۋزاۋشىلىق ەتتى.

تاياۋدا موڭعۇلكۇرە اۋدانىنىڭ اۋىل - قالاشىقتارىنان، قىستاق (الەۋمەتتىك اۋماق) ”ەكى كوميتەتىنەن“ جالپى 36 كۋرسانت جياڭسۋ ولكەسىنىڭ جاڭجياگاڭ قالاسىنا بارىپ، 10 كۇندىك ۇيرەنۋ ساپارىن باستادى.

كۋرسانتتار جاڭجياگاڭ قالاسى نانفىڭ قالاشىعىنىڭ يۇڭليان قىستاعىندا جەرگىلىكتى ورىننىڭ ونەركاسىپتەندىرۋ ارقىلى قالا - قالاشىقتاندىرۋعا جەتەكشىلىك ەتىپ، اۋىل شارۋاشىلىعىن وسىزامانداندىرۋدى جۇزەگە اسىرعان عىلمي دامۋ جولىن ۇيرەندى؛ سۋجوۋ قالاسى ۋجۇڭ رايونىنىڭ نيۋچياۋ قىستاعىندا جەرگىلىكتى ورىننىڭ 1 -، 2 -، 3 - كاسىپتەردىڭ ىقپالداستىق جۇيەسىن ورناتىپ، بىرگە اۋقاتتانۋ جولىن قالاي اشقان ٴادىسىن ىشكەرىلەي ۇعىستى...... ۇقساماعان ورىننان پارىقتار مەن ولقىلىقتاردى تابۋ، ۇشتاسقان ورىننان سەنىم جانە جول تابۋ ارقىلى كۋرسانتتار نەگىزگى ساتىنى باسقارۋدا جاڭالىق اشۋدىڭ، رەفورما مەن دامۋدى جەبەۋدىڭ ”التىن كىلتىن“ تاپتى.

مول پايداسىن كورىپ، قۇلشىنا ۇيرەنىپ، شىنايى اتقاردى 

3 - ايدىڭ 31 - كۇنى تەكەس اۋدانى نەگىزگى ساتى كادرلارىنىڭ ”باستاۋشى جول نۇسقاۋ . اۋىل - قىستاقتى گۇلدەندىرۋگە قۋات ۇستەۋ“ ارناۋلى تاقىرىپتىق باۋلۋ كۋرسى نانجيڭنىڭ شىعىسىنداعى يۋەيا كولىنىڭ بويىندا تابىسپەن اياقتادى. اۋىل - قالاشىقتاردىڭ پارتيا، ۇكىمەت باسشىلىق القاسىنىڭ مۇشەلەرى، پارتيا قۇرىلىسىنا جاۋاپتى كادرلار، قىستاق (الەۋمەتتىك اۋماق) ”ەكى كوميتەتىنىڭ“ ٴبىرىنشى باسشىلارىنان قۇرام تاپقان 30 ادام 19 ناق مايداندا ۇيرەتۋ تۇيىنىندە اۋىل - قىستاقتى گۇلدەندىرۋ، تاريحي مادەنيەت، ەرەكشە ساياحات سياقتى كوپ ارنالى ٴبىر تۇلعالانعان دامۋ تاجىريبەسىن ىشكەرىلەي ۇيرەندى.

جول بويى تىڭدادى، كوردى، وي جۇگىرتتى، تالقى جۇرگىزدى. تەكەس اۋدانى كوكسۋ قالاشىعى كوكسۋ قىستاعى پارتيا ياچەيكاسىنىڭ شۋجيى جاڭ ياڭ ٴوزىنىڭ العان اسەرىن بىلاي جەتكىزدى: 10 كۇندىك ۇيرەنۋدە مول بىلىمگە يە بولدىق، پۋكوۋ رايونى جياڭپۋ ٴمالى باسقارماسىنىڭ بۋلاۋ قىستاعى اۋىل شارۋاشىلىعى مەن ساياحاتتى توعىستىرۋ، حالىقتىق تۇسەلحانا كاسىبىن ىرگەلەندىرۋ، مىعىمداندىرۋ ارقىلى ەل ىشىندەگى تانىمالى حالىقتىق تۇسەلحانا، قوناق ۇيلەردى بەلسەنە ەنگىزىپ، قىستاقتىڭ كوللەكتيۆ ەكونوميكاسىنىڭ دامۋىن جەدەلدەتكەن. بۇدان بىلاي مەن بۋلاۋ قىستاعىنىڭ دامۋ ۇلگىسىنەن ۇيرەنىپ، اۋىل - قىستاق ساياحاتىنىڭ دامۋ جوباسىن كەمەلدەندىرىپ جانە جاقسارتىپ، ’ساياحات + مادەنيەت + كورىنىس + ەرەكشە كاسىپ‘ ۇلگىسىن دامۋ وي جەلىسى ەتىپ، ’كوكسۋ وزەنى + حالىقتىق تۇسەلحانا + شارۋالار ساياجايى‘ سىندى ساياحات كاسىبى تىزبەگىن قۇرىپ، قىستاق تۇرعىندارىن تۇنىق سۋدى، جاسىل تاۋدى قورعاي وتىرىپ، ساياحات كاسىبىنەن كىرىس كىرگىزۋگە باستايمىن“.

كۇيتۇن قالاسى 3 ـ ايدىڭ 18 ـ كۇنىنەن 22 ـ كۇنىنە دەيىن ”ىلەنىڭ قىزمەت تۇرلەرىن قانىق ٴبىلۋ . بارلىق قىزمەت ٴتۇرىن قانىق ٴبىلۋ“ جانە الەۋمەتتىك اۋماق قىزمەتكەرلەرىنىڭ قابىلەت ساپاسىن ”ەسەلەپ ارتتىرۋ جوسپارى“ ارناۋلى كۋرسىن اشتى. ساياسي ـ زاڭ، حالىق ىستەرى، ادام كۇشى بايلىعى جانە قوعامدىق قامتاماسىزداندىرۋ، دامۋ ـ رەفورما كوميتەتى، دەنساۋلىق ساقتاۋ، سالاماتتىق كوميتەتى سياقتى 14 قاتىستى فۋنكتسيالىق تاراۋدىڭ قىزمەتكەرلەرىن الەۋمەتتىك اۋماقتارعا بارىپ ساياساتتى تۇسىندىرۋگە، كاسىپ ۇيرەتۋگە ٴتۇيىلىستىرىپ، الەۋمەتتىك اۋماقتا قىزمەت ىستەگەنىنە 10 جىلدان اسقان ”ساقا شۋجيلاردى“ قىزمەت ٴادىسىن ۇيرەتۋگە، تاجىريبە جەتكىزۋگە ۇسىنىس ەتىپ، كۋرسقا قاتىناسقان 114 كۋرسانتتىڭ جالپىلىق قابىلەتىن جوعارىلاتۋىنا كومەكتەستى.

بەيجيڭ باتىس جولى ٴمالى باسقارماسى يەلينتاۋ الەۋمەتتىك اۋماعى پارتيا باس ياچەيكاسىنىڭ ورىنباسار شۋجيى ۋ شيا بىلاي دەدى: ”وسى رەتكى كۋرسىنىڭ مازمۇنى مول، باعىتتامالىلىعى كۇشتى بولدى، الەۋمەتتىك اۋماق كادرى بولعان ٴبىز حالىق ىستەرى، ەمدەۋ قامسىزداندىرۋى، ادام كۇشى بايلىعى جانە قوعامدىق قامتاماسىزداندىرۋ سياقتى 12 توپتاعى 58 ٴتۇرلى نەگىزگى ساتى حالىققا قولايلى قىزمەت وتەۋ ىستەرىن ىشكەرىلەي ۇيرەندىك، بۇقارامەن تىعىز بايلانىس ورناتىپ، ٴاربىر تۇرعىنعا ويداعىداي قىزمەت وتەپ، الەۋمەتتىك اۋماق شەبىنىڭ بۇقارانى باۋرايتىن، جۇرت تىلەگىن توعىستىراتىن ’ەڭ كۇشتى ماگنيت ورىسىنە‘ اينالۋىن ىلگەرىلەتەمىز“.

كۇنەس اۋدانى قىستاق پارتيا ياچەيكاسىنىڭ شۋجيلەرىن، ورىنباسار شۋجيلەرىن شينجياڭ اۋىل شارۋاشىلىق كاسىپتىك ـ تەحنيكالىق شۋەيۋانىنا جىبەرىپ، اۋىل ـ قىستاقتى جونگە سالۋ جونىندەگى ارناۋلى كۋرسىگە ۇيىمداستىردى. 50 كۋرسانت ىلگەرىندى ـ كەيىندى شينجياڭ اۋىل شارۋاشىلىعى كورمە باقشاسىنا، سانجى قالاسى جۇڭشان جولى ٴمالى باسقارماسى شياۋچۇيزى 1 ـ قىستاعىنا، ماناس اۋدانى لوتويى قالاشىعى جىڭجياجۋاڭ قىستاعىنا جانە ٴۇرىمجى اۋدانى شۇيشيگوۋ قالاشىعى پيڭشيلياڭ قىستاعىنا بارىپ، وسى زامانعى اۋىل شارۋاشىلىعىن، اۋىل ـ قىستاق قۇرىلىسىن دامىتۋ، كاسىپ سالاسىن دامىتۋ جانە اۋىل - قىستاقتى جونگە سالۋ سياقتى جاقتارداعى تاجىريبەلەرى مەن ادىستەرىنەن ۇيرەندى.

نارات قالاشىعى قاراوي قىستاعى پارتيا ياچەيكاسىنىڭ شۋجيى ىرىسكەلدى كۋرسىعا قاتىناسىپ، مول تابىسقا قول جەتكىزدى، ول بىلاي دەدى: ”شياۋچۇيزى 1 ـ قىستاعىنىڭ قىستاق كوللەكتيۆ شارۋاشىلىعىن دامىتۋ، زورايتۋ تاجىريبەسى، ٴادىسى ٴبىزدىڭ ۇيرەنۋىمىزگە تاتيدى ەكەن، قاراوي قىستاعى نارات كورىنىس رايونىنا جاقىن وڭىرلىك باسىمدىققا يە، مەن ’قىستاق 'ەكى كوميتەتىن‘ باستاپ 'ٴۇش قارجىنى‘ شوعىرلاندىرىپ، ساياحات كاسىبىنە قارجى قوسۋ ٴتاسىلىن قولدانىپ، قىستاق كوللەكتيۆ شارۋاشىلىعىن دامىتىپ، زورايتىپ، اۋىل ـ قىستاقتىڭ جاپپاي گۇلدەنۋىن جەبەيمىن“.

ىلە وبلىستىق ۇيىمداستىرۋ قىزمەتى كوميتەتىنىڭ حابارى