ٴتىلشىمىز جاڭ جينفىڭ حابارلايدى. 4 - ايدىڭ 18 - كۇنى ىلە وبلىستىق حالىق ۇكىمەتى كەڭسەسىنەن ۇعىسۋىمىزشا، بيىل 2 - ايدىڭ 28 - كۇنى ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى وبلىستىق حالىق ۇكىمەتىنىڭ 33 - رەتكى ۇنەمىلىك ىستەر ٴماجىلىسىن باسقارىپ اشىپ، «ىلە وبلىسىنىڭ 2024 - جىلعى حالىق تۇرمىسىنا قاتىستى 10 ناقتى ٴىسى» سياقتىلاردى قاراعان، قازىرگە دەيىن قاتىستى ورىندار ىسكە كىرىسىپ، حالىق تۇرمىسىنا قاتىستى 10 ناقتى ٴىس تارتىپپەن ىلگەرىلەتىلۋدە ەكەن.

حالىق تۇرمىسىنا قاتىستى وسى 10 ناقتى ٴىس مىنالار: قۇلجا قالاسى مەن ونىڭ توڭىرەگىندەگى وڭىرلەردىڭ جانە ”كۇيتۇن - مايتاۋ - شيحۋ“ قالالارى اتموسفەراسىنىڭ لاستانۋىن وڭاۋدى ۇزدىكسىز ىلگەرىلەتىپ، قۇلجا قالاسى مەن ونىڭ توڭىرەگىندەگى وڭىرلەردىڭ جانە ”كۇيتۇن - مايتاۋ - شيحۋ“ قالالارىنىڭ اۋا ساپاسىن ۇزدىكسىز جاقسارتۋدى جۇزەگە اسىرۋ؛ تابيعي گاز ارقىلى حالىققا تيىمدىلىك جاساۋ قۇبىر جولىن كەڭەيتىپ سالۋ قۇرىلىسىن بار كۇشپەن ىلگەرىلەتىپ، قۇلجا قالاسىنىڭ وڭتۇستىك جاعا جاڭا رايونى - چاپچال سىبە اۆتونوميالى اۋدانىنا تابيعي گاز جەتكىزۋ قۇبىر جەلىسى قۇرىلىسى نىسانىن سالۋ، قۇلجا اۋدانى مەن قورعاس اۋدانى چيڭشۇيحى قالاشىعى سىندى وسى 2 جەردىڭ تابيعي گاز قۇبىر جولى قۇرىلىسى نىسانىن سالۋ جۇمىسىن باستاۋ؛ قالا - اۋىلدارداعى جەر سىلكىنىسىنە ٴتوزىمدى بەيقۇت ٴۇي ينجەنەرياسى قۇرىلىسىن ىلگەرىلەتىپ، وبلىسقا توتە قاراستى ورىندارداعى مالشىلاردىڭ قىسقى مال باعۋ تۇيىندەرىندەگى وندىرىسكە پايدالانىلاتىن ۇيلەردى جاپپاي ٴبىر - بىرلەپ تەكسەرىپ، اۋىر حاۋىپسىزدىك كومەسكى قاتەرىنە ساياتىن وندىرىسكە پايدالانىلاتىن ۇيلەردى عىلمي جوبالاپ، ورنالاستىرىپ، زاڭ، بەلگىلەمە بويىنشا تارتىپپەن شاعىپ، قايتا سالۋ؛ كەدەيلىكتەن ارىلتۋدى باقىلاۋ ـ تەكسەرۋ وبيەكتىلەرى، تىزىمگە الدىرعان جۇمىسسىزدار، مۇگەدەكتەر، مەكتەپ ٴبىتىرىپ ٴالى جۇمىستانباعان جوعارى مەكتەپ وقۋشىلارى، قوسىننان شەگىنگەن اسكەريلەر، بىردە ـ ٴبىر ادامى جۇمىستانباعان وتباسىلار سياقتى قيىنشىلىعى بار قاۋىمنىڭ جۇمىستانۋىنا بەلسەنە كومەكتەسىپ، سۇيەمەلدەپ جانە وعان شىنايى كەپىلدىك ەتىپ، شارۋا جۇمىسكەرلەردىڭ ”ەڭبەكاقىدان قام جەمەۋ“ ينجەنەرياسى سياقتىلاردى ۇزدىكسىز اتقارۋ؛ سيفرلانعان حالىققا تيىمدىلىك جاساۋ، كاسىپورىندارعا پايدا جەتكىزۋ قيمىلىن ورىستەتىپ، ٴبىر تۇلعالانعان اكىمشىلىك قىزمەت وتەۋ تۇعىرىنىڭ قابىلەتىن ۇزدىكسىز ساپالىلاندىرىپ جانە جوعارىلاتىپ، ”جاڭا قىزمەت وتەۋ كەڭسەسىنىڭ“، ”جاڭا كاسىپورىن كەڭسەسىنىڭ“ ٴتۇيىندى قولدانىلمالى جاعدايى قۇرىلىسى مەن جالپىلاستىرۋ قىزمەتىن تەرەڭدەتىپ، ەمدەۋ قامسىزداندىرۋىن اتقارۋ اكىمشىلىك قىزمەت وتەۋ ىستەرىنىڭ اۋىل - قالاشىققا (ٴمالى باسقارماسى)، قىستاققا (الەۋمەتتىك اۋماق) قاراي كەڭەيۋىن ىلگەرىلەتۋ؛ جول قاتىناس - تاسىمال حاۋىپسىزدىگىن رەتتەۋ - وڭاۋ ارەكەتىن اتقارىپ، ”ادامعا، اۆتوكولىككە، جولعا، كاسىپورىنعا“ ساياتىن كومەسكى قاتەرلەردى ٴبىر - بىرلەپ تەكسەرۋدى، جونگە سالۋدى كۇشەيتۋ؛ باستاۋىش مەكتەپ وقۋشىلارىنىڭ سالاماتتىعىن ايالاۋ ارەكەتىن اتقارىپ، ورتا، باستاۋىش مەكتەپ وقۋشىلارىنىڭ ٴتىس اقاۋسىزدىعى، ورتا، باستاۋىش مەكتەپ كلاستارىن اقاۋسىز جارىقتاندىرۋ، جاڭالاۋ ينجەنەرياسىن قامتىعان مەكتەپ اۋلاسىنداعى ازىق ـ تۇلىك حاۋىپسىزدىگىن ٴبىر ـ بىرلەپ تەكسەرۋ، رەتتەۋ ـ وڭاۋ ارناۋلى ارەكەتىن، بالدىرعاندار مەن وقۋشىلاردىڭ تۇتىنۋ بۇيىمدارىنىڭ ساپا حاۋىپسىزدىگىن باقىلاۋ ـ باسقارۋداعى ”كۇماندىسىن تەكسەرۋ“ قيمىلى مەن ساپا حاۋىپسىزدىگىن ”مەكتەپ اۋلاسىنا جەتكىزۋ“ قيمىلىن ورىستەتۋ؛ الەۋمەتتىك اۋماقتارداعى وتباسىلارىنا بارىپ، قارتتاردى كۇتىمدەۋ قىزمەت وتەۋىن ورىستەتىپ، جەرگىلىكتى جاعدايعا قاراي قارتتاردىڭ تاماقتانۋىنا قىزمەت وتەيتىن 882 ٴتۇيىن قۇرىپ، 5 (وبلىس دارەجەلى ورىننان ٴبىر، قۇلجا قالاسىندا ەكى، كۇيتۇن قالاسىندا ٴبىر، تەكەس اۋدانىندا ٴبىر) اۋىل - قالاشىقتاعى (ٴمالى باسقارماسى) وڭىرلىك قارتتاردى كۇتىمگە الۋعا قىزمەت وتەۋ ورتالىعى مەن الەۋمەتتىك اۋماقتاعى قارتتارعا كۇندىز قارايلاسۋ ورتالىعىن قۇرۋ؛ قيىنشىلىعى بار مۇگەدەكتەردى قۇتقارۋ، كومەكتەسۋ، سۇيەمەلدەۋ نىسانىن اتقارۋ؛ مادەنيەت، عىلىم - تەحنيكا ارقىلى حالىققا تيىمدىلىك جاساۋ قيمىلىن ورىستەتۋ. 

وسى ناقتى ٴىستىڭ بارلىعى ٴار ۇلت بۇقاراسىنىڭ ٴتول مۇددەسىنە ساياتىن، كوپ ساندى بۇقاراعا تيىمدىلىك جەتكىزەتىن ناقتى ىستەر. وبلىستىق پارتكوم مەن ۇكىمەت حالىقتى وزەك ەتكەن دامۋ يدەياسىنا باستان - اياق تاباندى بولىپ، حالىق تۇرمىسىن قامتاماسىزداندىرۋ جانە جاقسارتۋ قىزمەتىنە وسكەلەڭ ٴمان بەرىپ، حالىق تۇرمىسى ىستەرىنە قوسىلىمدى ۇزدىكسىز ارتتىرىپ، بۇقارا ٴۇشىن ناقتى ىستەر ىستەپ، قيىن ماسەلەلەردى شەشىپ، بۇقارا كوڭىل ٴبولىپ، الاڭداپ، قام جەپ وتىرعان ماسەلەلەردى دەن قويا، سۇيىسپەنشىلىكپەن ويداعىداي شەشتى.

ىلە وبلىسىنىڭ 2024 ـ جىلعى حالىق تۇرمىسىنا قاتىستى 10 ناقتى ٴىسىنىڭ شىنايى، ەگجەي - تەگجەيلى تياناقتانۋىن ىلگەرىلەتۋ ٴۇشىن ىلە وبلىستىق پارتكوم مەن ۇكىمەت سوڭىنا ٴتۇسۋدى، قۋزاۋ ـ سايكەستىرۋدى كۇشەيتىپ، حالىق تۇرمىسىنا قاتىستى ناقتى ىستەردىڭ قاز ـ قالپىندا جاپپاي ورىندالۋىنا كەپىلدىك ەتىپ، بۇكىل وبلىس حالقىنا رازى بولارلىقتاي جاۋاپ قايتارادى.