ٴتىلشىمىز ۋاڭ جىحۋا حابارلايدى. 4 ـ ايدىڭ 18 ـ كۇنى ”ٴبىزدىڭ جۇڭگو ارمانىمىز . سان مىڭ وتباسىنا مادەنيەت جەتكىزۋ“ اتىنداعى قۇلجا قالاسىنىڭ 100 كۇندىك الاڭ قيمىلى مەن اۋىل - قىستاققا مادەنيەت، عىلىم ـ تەحنيكا جەتكىزۋدەن شوعىرلى ۇلگى كورسەتۋ قيمىلى حانبين باقشاسىندا باستالدى.

جاڭا جۇڭگو قۇرىلعاندىعىنىڭ 75 جىلدىعىن، ىلە قازاق اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ ٴۇشىن وسى كۇننەن باستاپ جىل سوڭىنا دەيىن قۇلجا قالالىق مادەنيەت - دەنە تاربيە، راديو ـ تەلەۆيزيا جانە ساياحات مەكەمەسى قالالىق عىلىم ـ تەحنيكا قوعامىمەن بىرلەسىپ، ”ٴبىزدىڭ جۇڭگو ارمانىمىز . سان مىڭ وتباسىنا مادەنيەت جەتكىزۋ“ اتىنداعى اۋىل - قىستاققا مادەنيەت، كىتاپ، عىلىم ـ تەحنيكا جەتكىزۋ جونىندە جەلىلەس قيمىلدار ورىستەتىپ، سان مىڭداعان وتباسىلارىنا شاتتىق سيلاپ، وركەنيەت جەتكىزىپ، پارتيانىڭ ٴۇنى مەن قامقورلىعىن جۇرت جۇرەگىنە ۇيالاتىپ، بەرەكەلى دە، دۋماندى مەرەكەلىك اۋان قالىپتاستىرادى.

قۇلجا قالالىق قارت كادرلار كوركەمونەر ۇيىرمەسى، جاستىق كوكتەم كوركەمونەر ۇيىرمەسى سياقتى 5 كوركەمونەر ۇيىرمەسى لەي فىڭ ەرىكتىلەرىنىڭ مادەنيەت جەتكىزۋشى بولىمشە اترەتى رەتىندە نەگىزگى ساتىعا باي مازمۇندى مادەنيەت ونىمدەرىن سيلاپ، بۇقارانىڭ رۋحاني قاجەتىن بارىنشا قاناعاتتاندىرۋعا قۇلشىندى.

قۇلجا قالالىق عىلىم ـ تەحنيكا قوعامىنىڭ عىلىم جالپىلاستىرۋ قىزمەت اترەتىنىڭ باستىعى ما جيحۋانىڭ تانىستىرۋىنشا، اۋىل - قىستاققا عىلىم ـ تەحنيكا جەتكىزۋ قيمىلى مەكتەپ، اۋىل ـ قىستاق جانە الەۋمەتتىك اۋماقتارعا باعىتتاپ قاتىستى كورمە بۇيىمدارىن كورسەتۋ جانە ٴبىلىم، تەحنيكا جونىندە اقىل ـ كەڭەس بەرۋ فورماسىندا جۇرگىزىلىپ، نەگىزگى ساتىداعى بۇقارانىڭ جاڭا عىلىم، تىڭ تەحنيكانىڭ دامۋىن جانە جاڭا ونىمدەردىڭ قولدانىلۋىن ٴتىپتى دە كوپ تۇسىنۋىنە مۇمكىندىك جاسايدى.

2023 ـ جىلى قۇلجا قالاسى”ٴبىزدىڭ جۇڭگو ارمانىمىز . سان مىڭ وتباسىنا مادەنيەت جەتكىزۋ“ قيمىلىن ارقاۋ ەتىپ، نەگىزگى ساتىعا قىزمەت وتەۋدىڭ  ۇلگىسىندە جاڭالىق اشىپ، ”اۋىل ـ قالاشىق، ٴمالى باسقارمالارى تاپسىرىس بەرۋ“، ”مادەنيەت، دەنە تاربيە، راديو ـ تەلەۆيزيا، ساياحات ورىندارى“ نەگىزگى ساتىنىڭ تاپسىرىسىنا ساي ”جەتكىزىپ بەرۋ“ ٴتاسىلىن قولدانىپ، اۋىل ـ قىستاقتاردا 552 مايدان الەۋمەتتىك يگىلىك سيپاتتى كينو قويىپ، اۋىل ـ قالاشىق، قىستاق (الەۋمەتتىك اۋماق)، كورىنىس ٴوڭىرى، بازار، اسكەري كازارما سياقتى جەرلەرگە بارىپ، مادەنيەت ارقىلى حالىققا تيىمدىلىك جاساۋ بويىنشا 120 مايدان ـ رەت كونسەرت قويعان.