جۇرەك قالجىراۋىنا دياگنوز قويۋ، ەمدەۋ جونىندە بىرگە ىزدەنەدى

ىلە وبلىسى جۇرەك قالجىراۋدى ەمدەۋ ورتالىعى بىرلەستىگىنىڭ قۇرىلۋ ٴماجىلىسىن اشتى

ٴتىلشىمىز جاڭ جينفىڭ حابارلايدى. 4 - ايدىڭ 20 - كۇنى ىلە وبلىستىق جۇرەك قالجىراۋدى ەمدەۋ ورتالىعى بىرلەستىگىنىڭ قۇرىلۋ ٴماجىلىسى وبلىستىق دوستىق شيپاحاناسىندا اشىلدى.

ماجىلىستە قاتىستى ماماندار جۇرەك قان تامىرلارىندا ماگنيتتىك جاڭعىرىقتان كەسكىن قالىپتاستىرۋ C M R كەسكىنى − «2023ESC جۇرەك بۇلشىق ەتى اۋرۋلارىن باسقارۋدىڭ سىلتەمە تۇيىندەرى» جونىندە تۇسىندىرمە، جۇرەك قالجىراۋ جونىندەگى ەڭ جاڭا تۇسىندىرمە، جۇرەك قالجىراۋدى ەمدەۋ ورتالىعىنىڭ قىزمەت اياق الىسى جانە كۋالاندىرۋ ولشەمى جونىندە تۇسىندىرمە سياقتى جاقتاردا عىلمي اۋىس ـ كۇيىس قيمىلىن وتكىزدى جانە ناۋقاس مىسالدارى جونىندە تالقى جۇرگىزدى.

شينجياڭ مەديتسينا داشۋەسى جۇرەك قان تامىر اۋرۋلارى ورتالىعىنىڭ ورىنباسار مەڭگەرۋشىسى، شينجياڭ مەديتسينا داشۋەسىنە قاراستى 1 ـ شيپاحاناسى جۇرەك قالجىراۋدى ەمـدەۋ ٴبولىمىنىڭ مەڭگەرۋشىسى ٴاليما ماحمۇت بىلاي دەدى: ”ىلە وبلىستىق دوستىق شيپاحاناسى بىرلەستىكتىڭ ەمدەۋ بىرىككەن تۇلعاسىنداعى باستاماشى ورىن رەتىندە ارناۋلى ماماندار بىرلەستىگى قۇرىلىسىنىڭ تالابى بويىنشا ۇيىمدىق جۇيە قۇرىلىسىن كۇشەيتىپ، قىزمەت ٴتۇيىنىن ايقىنداپ، پاندەردىڭ ۇلگىلىك رولى مەن جەتەكشىلىك ونىمدىلىگىن شىنايى ساۋلەلەندىرىپ، ٴارقايسى سالانىڭ ٴوز فۋنكتسيالىق رولىن تولىق ساۋلەلەندىرىپ، ىلە وبلىسىنداعى ٴار دارەجەلى شيپاحانالاردى شىنايى بىرلەستىرۋدى ٴۇمىت ەتەمىن“.

وبلىستىق دوستىق شيپاحاناسى پارتكومىنىڭ ورىنباسار شۋجيى، شيپاحانا باستىعى تۇڭ چاۋ بىلاي دەدى: ”وبلىس دارەجەلى جۇرەك قالجىراۋ بىرلەستىگى رەتىندە  ٴبىز الدىن الۋ، دياگنوز قويۋ، ەمدەۋ، ساۋىقتىرۋ جانە زەرتتەۋ ٴبىر تۇلعالانعان جان ـ جاقتى قىزمەت وتەۋ جۇيەسىن قۇرۋعا كۇش سالىپ، ٴاربىر ناۋقاستىڭ دەر كەزىندە  ٴونىمدى ەمدەلۋىنە مۇمكىندىك جاسايمىز“.

شاڭحاي قاتىناس داشۋەسى مەديتسينا شۋەيۋانىنا قاراستى رىنجي شيپاحاناسى جۇرەك ىشكى اۋرۋلار ٴبولىمىنىڭ پروفەسسورى جياڭ مىڭ، شينجياڭ مەديتسينا داشۋەسى جۇرەك - قان تامىر اۋرۋلارى ورتالىعىنىڭ ورىنباسار مەڭگەرۋشىسى، شينجياڭ مەديتسينا داشۋەسىنە قاراستى 1 - شيپاحاناسى جۇرەك قالجىراۋ ٴبولىمىنىڭ مەڭگەرۋشىسى ٴاليما ماحمۇت، شينجياڭ مەديتسينا داشۋەسىنە قاراستى جۇڭگوشا ەمدەۋ شيپاحاناسى جۇرەك ىشكى اۋرۋلار 1 - ٴبولىمىنىڭ مەڭگەرۋشىسى، جۇرەك قالجىراۋ ورتالىعىنىڭ مەڭگەرۋشىسى لي پىڭ، وبلىستىق دوستىق شيپاحاناسى پارتكومىنىڭ ورىنباسار شۋجيى، شيپاحانا باستىعى تۇڭ چاۋ، نانجيڭ مەديتسينا داشۋەسىنە قاراستى 1 - شيپاحانانىڭ (جياڭسۋ ولكەلىك حالىق شيپاحاناسى) جۇرەك ۇلكەن قان تامىر سىرتقى اۋرۋلارى ٴبولىمىنىڭ تەتە اعا شيپاگەرى، شينجياڭعا باعىتتامالى كومەككە كەلگەن مامان ليۋ شياۋحۋ قاتارلىلار جانە وبلىسقا توتە قاراستى ورىندارداعى 2 -، 3 - دارەجەلى شيپاحانالاردان، بيڭتۋان 4 - شى شيپاحاناسىنان، 7 - شى شيپاحاناسىنان 70 نەشە ادام ماجىلىسكە قاتىناستى.