ٴتىلشىمىز ياڭ جيڭ - ي حابارلايدى. 4 - ايدىڭ 23 - كۇنى اۆتونوميالى رايوننىڭ ”اعارتۋشىلار رۋحىن اسقاقتاتىپ، امالياتتا ايگىلەپ، جاڭا داۋىردەگى ايتۋلى وقىتۋشى بولۋعا تالپىنايىق“ اتىنداعى اعارتۋشىلار رۋحىن اسقاقتاتۋ، امالياتتا ايگىلەۋ بويىنشا ارالاپ ٴجۇرىپ ۇگىت - لەكسيا سويلەۋ ۇيىرمەسى ىلە وبلىسىنا كەلىپ، ىلە شىفان داشۋەسىندە نەگىزگى تاقىرىپتىق ۇگىت - لەكسيا قيمىلىن ورىستەتتى.

وسى جولعى ۇگىت ـ لەكسيا ۇيىرمەسىنىڭ مۇشەلەرى جوعارى دارەجەلى وقۋ ـ اعارتۋ، ورتا، باستاۋىش مەكتەپ وقۋ ـ اعارتۋى، سونداي ـ اق مەكتەپكە دەيىنگى تاربيە سالاسىنداعى 3 تاڭداۋلى وقىتۋشىدان قۇرام تاپقان. مۇنىڭ ىشىندە قاشقار ايماعى مارالباسى اۋدانى تۇڭمىڭ بالاباقشاسى پارتيا ياچەيكاسىنىڭ ورىنباسار شۋجيى، بالاباقشا باستىعى امىراگۇل ابدۇل 21 جىل وقىتۋشىلىقپەن شۇعىلدانىپ، ادام تاربيەلەۋ اۋەلگى ماقساتىنان جازباي، كوپتەگەن داڭقتارعا يە بولعان؛ شينجياڭ شىفان داشۋەسى اسەمونەر شۋەيۋانى پارتكومىنىڭ ورىنباسار شۋجيى، شۋەيۋان باستىعى لي يۇڭ اسەمونەر تاربيەسى مەن كوركەمونەر جاسامپازدىعى جونىندە امالياتتىق جانە نازاريالىق زەرتتەۋمەن شۇعىلدانىپ، كورنەكتى تابىسقا قول جەتكىزىپ، ولكە، مينيسترلىك دارەجەلى كوپتەگەن سيلىقتارعا يە بولعان؛الاتاۋ قالالىق وقۋ ـ اعارتۋ مەكەمەسى وقىتۋدى زەرتتەۋ كەڭسەسىنىڭ مەڭگەرۋشىسى فىڭ شىڭكى قارت وقىتۋشى رەتىندە اتاق ـ ابىرويعا بوي ۇرماي، بۇراتالا وبلىسىنىڭ وقۋ ـ اعارتۋ، وقىتۋ رەفورماسىنا بەلسەنە ات سالىسىپ، قىرۋار جاس وقىتۋشىلاردى تاربيەلەگەن.

ۇگىت - لەكسيا ۇيىرمەسىنىڭ مۇشەسى امىراگۇل ابدۇل تەبىرەنە بىلاي دەدى: ”مەن وڭتۇستىك شينجياڭداعى مەكتەپكە دەيىنگى تاربيە ساتىسىنداعى 15 جىلدان بەرگى وراسان زور وزگەرىستەردى ۇگىتتەدىم. سۇيىسپەنشىلىك بولماسا تاربيە دە بولمايدى، سۇيىسپەنشىلىك بولعاندا عانا سۇيىسپەنشىلىك شامىن جاعۋعا بولادى، ٴاربىر وقىتۋشى ٴاربىر بالاعا مەيىرىممەن جانە سابىرلىلىقپەن مامىلە جاساۋى كەرەك، ويتكەنى ولار وتاننىڭ بولاشاعى“.

ۇگىت - لەكسياشىلاردىڭ حيكاياسىنان ناق مايدانداعى كورەرمەندەر اسەرلەنىپ، كوزدەرىنە جاس الدى ٴارى مول تۇسىنىككە يە بولدى. ىلە وبلىستىق قىزىلتۋ بالالار باقشاسى پارتيا ياچەيكاسىنىڭ شۋجيى، بالا باقشانىڭ باستىعى جۋ سۋفاڭ بىلاي دەدى: ”اعارتۋشىلاردىڭ رۋحى الىستا ەمەس، وقىتۋشىلاردىڭ ومىرىندە ساقتالۋى، كۇندەلىكتى وقۋ ـ اعارتۋ تۇرمىسىندا ساقتالۋى، ونان دا ماڭىزدىسى، وقىتۋ ورنىندا ساقتالۋى كەرەك“.

ىلە وبلىستىق وقۋ - اعارتۋ مەكەمەسىنىڭ، ىلە شىفان داشۋەسىنىڭ نەگىزگى باسشىلارى قيمىلعا قاتىناستى ٴارى ٴسوز سويلەدى. وسى رەتكى قيمىلدا ”جەلىدە + جەلىدەن تىس“ فورماسى قولدانىلىپ، ٴارقايسى اۋدان - قالالاردا، مەكتەپتەردە بولىمشە ٴماجىلىس الاڭى ورنالاستىرىلدى.