ٴتىلشىمىز حان شاشا حابارلايدى. ”ىلە وبلىسىنىڭ 2024 ـ جىلى حالىق ىستەرى، حالىق تۇرمىسىنداعى ناقتى ىستەردى ىلگەرىلەتۋ جاعىندا قانداي شارالارى بار؟“، ”2024 - جىلى ىلە وبلىستىق حالىق ىستەرى تاراۋى قوعامدىق قۇتقارۋ قىزمەتىن قالاي ورىستەتەدى؟“..... 4 - ايدىڭ 23 - كۇنى ىلە وبلىستىق ۇكىمەتىنىڭ اقپارات كەڭسەسى 2024 - جىلعى حالىق ىستەرى، حالىق تۇرمىسىنداعى ناقتى ىستەر جونىندە ارناۋلى تاقىرىپتاعى اقپار جاريالاۋ ٴماجىلىسىن وتكىزدى.

اقپار جاريالاۋ ماجىلىسىندە ىلە وبلىستىق حالىق ىستەرى مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى نۇربولات مۇقاميا ۇلى 2023 - جىلعى حالىق ىستەرى، حالىق تۇرمىسىنداعى ناقتى ىستەردىڭ ورىندالۋ جاعدايىن، سونداي - اق 2024 - جىلعى قاتىستى جاعدايلاردى تانىستىردى.

2023 - جىلى 1 - ايدان 12 - ايعا دەيىن ىلە وبلىسىنا توتە قاراستى ورىندار قيىنشىلىعى بار بۇقاراعا 716 ميلليون يۋان كومەك قاراجات تاراتىپ، 148 مىڭ ادام - رەت يگىلىككە كەنەلتىپ، قيىنشىلىعى بار بۇقارانىڭ نەگىزگى حالىق تۇرمىسىن قامتاماسىزداندىرۋدىڭ تومەنگى شەگىن شىنايى بەكەمدەدى.

2023 - جىلى ىلە وبلىسى كۇيتۇن قالاسى، قورعاس قالاسى، نىلقى اۋدانى، تەكەس اۋدانى، موڭعۇلكۇرە اۋدانى سىندى 5 اۋدان - قالادا الەۋمەتتىك اۋماقتاعى قارتتارعا كۇندىز قارايلاسۋ ورتالىعىنان 11 ىن قۇردى ٴارى اۆتونوميالى رايوننىڭ، اۆتونوميالى وبلىستىڭ 2023 - جىلعى حالىق تۇرمىسىنداعى ناقتى ىستەر قاتارىنا ەنگىزدى. ”اۆتونوميالى وبلىستىڭ 2023 - جىلى الەۋمەتتىك اۋماقتاعى قارتتارعا كۇندىز قارايلاسۋ ورتالىعىن جاڭادان قۇرۋ، وزگەرتىپ قۇرۋدى اتقارۋ جوباسىن“ باسىپ تاراتىپ، 34 ميلليون 800 مىڭ يۋان قارجى قوسىپ، 11 الەۋمەتتىك اۋماقتاعى قارتتارعا كۇندىز قارايلاسۋ ورتالىعىن جاڭادان قۇرىپ، 382 توسەك ورنىن جاڭادان كوبەيتىپ، الەۋمەتتىك اۋماقتاعى قارتتارعا كۇندىز قارايلاسۋ ورتالىعى قۇرىلىسى مىندەتىن جوعارى ساپامەن، جوعارى ولشەممەن ورىندادى.

2023 - جىلى ىلە وبلىستىق حالىق ىستەرى مەكەمەسى، اۋىل - قىستاقتى گۇلدەندىرۋ مەكەمەسى تومەن كىرىستىلەرگە ٴبىر - بىرلەپ تەكسەرۋ جۇرگىزۋ قىزمەتىن بىرلەسىپ ورىستەتىپ، شارتقا ۇيلەسەتىن قيىنشىلىعى بار بۇقارانى قامتاماسىزداندىرۋ كولەمىنە دەر كەزىندە ەنگىزىپ، ەڭ تومەنگى تۇرمىستى قامتاماسىزداندىرۋ كولەمىن كەڭەيتىپ، ونىمدىلىگىن ارتتىردى. تومەن كىرىستىلەردىڭ ينفورماتسيا ساندى مالىمەت قويماسى قۇرىلىسىن ۇزدىكسىز كەمەلدەندىرىپ، شارتقا ۇيلەسەتىن تومەن كىرىستىلەردى دەر كەزىندە ساندى مالىمەت قويماسىنا ەنگىزىپ، تومەن كىرىستەگىلەردىڭ ساندى مالىمەت قويماسى مەن اۋقىمدىق باقىلاۋ - تەكسەرۋ تۇعىرىن قۇرىپ، وبلىسقا توتە قاراستى ورىنداردان 182 مىڭ ادامدى تومەن كىرىستەگىلەردى اۋقىمدىق باقىلاۋ - تەكسەرۋ كولەمىنە ەنگىزدى.

2024 - جىلى ىلە وبلىستىق حالىق ىستەرى تاراۋلارى الەۋمەتتىك اۋماقتا قارتتاردى كۇتىمدەۋگە قىزمەت وتەۋدى بەلسەنە ورىستەتەدى. قۇرىلىمداردى، الەۋمەتتىك اۋماقتاردى، وتباسىندا قارتتاردى كۇتىمگە الۋعا قىزمەت وتەۋ ورىندارىن ٴبىر تۇلعالاندىرىپ دامىتۋدى جەدەل ىلگەرىلەتىپ، وبلىسقا توتە قاراستى ورىندارداعى قازىرگى 979 قىستاقتى (الەۋمەتتىك اۋماق) نەگىزگى سان ەتىپ، نازاردى ەرەكشە قيىنشىلىعى بار قارتتاردىڭ قاجەتىن قامتاماسىز ەتۋگە شوعىرلاندىرىپ، قالا مەن اۋىل ٴبىر تۇلعالانعان قارتتاردىڭ تاماقتانۋىنا قىزمەت وتەۋدىڭ كەڭەيۋىن بەلسەنە، ٴتارتىپتى ىلگەرىلەتىپ، جەرگىلىكتى جاعدايعا قاراي قارتتاردىڭ تاماقتانۋىنا قىزمەت وتەيتىن 882 ٴتۇيىن قۇرىپ، ەرەكشە قيىنشىلىعى بار ٴبىر مىڭ 377 قارتتىڭ ٴۇيىن ۇيلەسىمدى جاڭالاپ، 5 اۋىل - قالاشىقتا (ٴمالى باسقارماسى) قارتتاردى كۇتىمگە الۋعا وڭىرلىك قىزمەت وتەۋ ورتالىعى مەن الەۋمەتتىك اۋماقتاعى قارتتارعا كۇندىز قارايلاسۋ ورتالىعىن قۇرىپ، الەۋمەتتىك اۋماقتاعى قارتتاردى كۇتىمگە الاتىن قۇرىلىمداردى بەلسەنە دامىتىپ، الەۋمەتتىك اۋماقتاعى قارتتاردى كۇتىمگە الۋعا قىزمەت وتەۋدى تىرەك ەتىپ، قارتتاردى كۇتىمگە الۋ قۇرىلىمدارىنىڭ كاسىپتىك ابزالدىعىمەن ۇشتاستىرىپ، قىزمەت وتەۋدى وتباسىلارىنا دەيىن كەڭەيتىپ، الەۋمەتتىك اۋماقتا قارتتاردى كۇتىمگە الۋعا قىزمەت وتەۋ تورابى قۇرىلىسىن كۇشەيتىپ، ىلە وبلىسىنا توتە قاراستى ورىندارداعى ٴار ۇلت قارتتارىنىڭ رەفورما، دامۋ جەتىستىكتەرىنەن بىرگە يگىلىكتەنۋىنە، سوڭعى ٴومىرىن باقىتتى وتكىزۋىنە مۇمكىندىك جاسايدى.

سونىمەن بىرگە، قوعامدىق قۇتقارۋ، كومەكتەسۋ جاعىندا ۇزدىكسىز كۇش سالىپ، جوبانى قاتاڭ تياناقتاندىرىپ، تومەن كىرىستەگىلەردىڭ ساندى مالىمەت قويماسى ينفورماتسياسىن اناعۇرلىم كەمەلدەندىرىپ، ساتىلار، تۇرلەر بويىنشا قوعامدىق قۇتقارۋ، كومەكتەسۋدى جاپپاي جاقسى ىستەيدى. شينجياڭنىڭ ”قۇتقارۋ، كومەكتەسۋ، ٴبىر تۇتاس ٴبىتىرۋ“ شاعىن باعدارلاماسىنان پايدالانىپ، تومەن كىرىستەگىلەردىڭ جۇيە ساندى مالىمەتىن اناعۇرلىم كەمەلدەندىرىپ، تومەن كىرىستەگىلەردىڭ سانىن تۇراقتاندىرۋدى دالمە - ٴدال ورىستەتىپ، تۇراقتاندىرۋدىڭ دالدىگىن جوعارىلاتادى. ەمدەۋ، وقۋ - اعارتۋ، تۇرعىن ٴۇي، جۇمىستانۋ سياقتى ارناۋلى قۇتقارۋ، كومەكتەسۋدى ەڭ تومەنگى تۇرمىستى قامتاماسىزداندىرۋ كولەمىندەگى وتباسىلارعا، تۇراقتى شىعىس قيىنشىلىعى بارلارعا قاراي كەڭەيتۋدى بەلسەنە ىلگەرىلەتىپ، قۇتقارۋ، كومەكتەسۋ جاعدايىن ساتىلار بويىنشا قالىپتاستىرادى. حالىق تۇرمىسىنا تيىمدىلىك جاساۋ، جۇرت جۇرەگىن جىلىتۋ، حالىق تىلەگىنە ۇيلەسۋ ىستەرىن دەن قويا، سۇيىسپەنشىلىكپەن، كۇش سالا ناقتى، ويداعىداي ىستەپ، حالىق تۇرمىسىنداعى ناقتى ىستەردىڭ جوعارى ساپامەن ورىندالۋىنا شىنايى كەپىلدىك ەتەدى.

اقپار جاريالاۋ ماجىلىسىندە وبلىستىق حالىق ىستەرى مەكەمەسىنىڭ قاتىستى جاۋاپتىلارى تاعى ىلە وبلىسىنىڭ قارتتاردىڭ تاماقتانۋىنا قىزمەت وتەۋدى جەدەل دامىتۋ بارىسىندا قالىپتاسقان قىزمەت وتەۋ ۇلگىسى، ”جەكە ادام قامسىزداندىرۋى“ دەگەن نە، سونداي - اق ”جەكە ادام قامسىزداندىرۋىنا“ قالاي ٴوتىنىش بەرۋ، ىلە وبلىسىنا توتە قاراستى ورىنداردىڭ 2023 - جىلعى ەڭ تومەنگى تۇرمىستى قامتاماسىزداندىرۋ ولشەمى رەتتەلگەننەن كەيىنگى ەڭ تومەنگى تۇرمىستى قامتاماسىزداندىرۋ ولشەمى قانشا بولۋ، ەڭ تومەنگى تۇرمىستى قامتاماسىزداندىرۋ كومەك قاراجاتىنان سىرت، ەڭ تومەنگى تۇرمىسى قامتاماسىزداندىرىلاتىن وتباسىلار تاعى قانداي قۇتقارۋ، كومەكتەسۋ ساياساتىنان يگىلىكتەنە الادى دەگەن سياقتى ماسەلەلەر جونىندە تىلشىلەردىڭ سۇراۋىنا جاۋاپ بەردى.