ٴتىلشىمىز مىڭ شيا حابارلايدى. سوڭعى ەكى جىلدا ىلە وبلىسىنىڭ جەتەكشى كاسىپ سالاسىنداعى تەحنيكالىق شەبەر ۇستالار قىزمەت كەڭسەسى ۇزدىكسىز جارىققا شىعىپ، ٴوندىرىس تەحنيكاسىنداعى قيىن ماسەلەلەردى شەشۋ ارقىلى كاسىپ سالاسىنىڭ دارەجەسىن جوعارىلاتۋ مەن تەحنيكالىق العاباسارلىقتى ىلگەرىلەتىپ، ٴتىپتى دە كوپ جوعارى تەحنيكالىق دارىندىلاردى جەتىلدىردى.

4 - ايدىڭ 22 - كۇنى ٴتىلشى ىلە ياۋباي سەمەنت شەكتى سەرىكتەستىگىنە بارعاندا، تەحنيكالىق شەبەر ۇستالار قىزمەت كەڭسەسى ەرەكشە كوزگە ٴتۇستى، دەربەس تاجىريبە عيماراتى، ميلليون يۋاننان استام ارناۋلى جابدىق - اسپاپتار كاسىپورىننىڭ تەحنيكالىق دارىندىلار مەن تەحنيكالىق قامال الۋعا ٴمان بەرگەندىگىن ايگىلەدى. قىزمەت كەڭسەسىنىڭ نەگىزگى قامال الۋ باعىتى سەمەنت ٴوندىرىسى قۇرال - جابدىقتارىنىڭ ارالىق ونىمدەرىنىڭ ورنىقتىلىعى، قاتەرلى جاراقسىز شيكىزاتتاردى كادەگە جاراتۋ جونىندە كوپ رەت قايتالاي تاجىريبە جاساپ، سەمەنت كاسىبىنىڭ ەنەرگيا ۇنەمدەپ، لاس شىعارۋدى ازايتۋ جاڭا تەحنيكالىق بەتالىسىندا جاڭالىق اشۋعا كىرىسكەن.

شەبەر ۇستالار قىزمەت كەڭسەسىنىڭ جەبەۋىندە، سەرىكتەستىكتىڭ ساپانى تەكسەرۋ قابىلەتى ۇزدىكسىز جوعارىلادى. 2022 - جىلى ”مينوفۋ ساۋىتى“ اتىنداعى سەمەنتكە حيميالىق تالداۋ جاساۋ مەملەكەتتىك كولەمدى جارىسىندا ”تاڭداۋلى سيلىققا“ يە بولدى؛ قىزمەت كەڭسەسىنە سۇيەنگەن سەرىكتەستىك سەمەنت لابوراتوريالىق تەكسەرۋ شەبەرلىگى دارىندىلارىنان 30 عا جۋىعىن تاربيەلەپ، اعا بۋىن ۇستازداردىڭ ەرەن ونەرىن جالعاستىرىپ، ”ۇستا رۋحىنا“ مۇراگەرلىك ەتىپ، ”ياۋباي“ ماركالى سەمەنت ساپاسىن ورنىقتى جوعارىلاتتى. 2023 - جىلى سەرىكتەستىكتە سەمەنتتىڭ ساتىلۋ مولشەرى تىڭ ورەگە جەتتى، سونىمەن بىرگە ادەتتەگى قاتتى جاراقسىز زات كومىر كۇلىن شيكىزات ەتىپ، ەنەرگيا ۇنەمدەپ، لاس زات شىعارۋدى ازايتۋمەن بىرگە، 70 مىڭ يۋان وزىندىك قۇندى دا ۇنەمدەدى.

قورعاس اۋدانىنا ورنالاسقان ىلە شينكۋاڭ كومىر كاسىبى شەكتى جاۋاپكەرشىلىك سەرىكتەستىگى دە كاسىپورىنداعى تەحنيكالىق شەبەر ۇستا قىزمەت كەڭسەسىنە سۇيەنىپ، كومىر كەننىڭ اۋا الماستىرۋ جۇيەسىن ساپالىلاندىرۋ تەحنيكاسى، كەن قۇدىعىنىڭ حاۋىپسىز ٴوندىرىس جۇرگىزۋى جاعىندا تىڭ تابىستارعا قول جەتكىزدى. 2020 - جىلى وسى كاسىپورىننىڭ شەبەر ۇستا قىزمەت كەڭسەسى قۇرىلعاننان بەرى دارىندىلاردى باۋلۋدى جانە جاڭاشا وندىرگىش كۇشتەردىڭ دەڭگەيىن جوعارىلاتۋدى وزەكتى مىندەت ەتۋگە باستان - اياق تاباندى بولىپ، ”ۇيرەتۋ، كومەكتەسۋ، جەتەكتەۋ، شۋەيۋان مەن كاسىپورىن سەلبەسۋ“ سياقتى تاسىلدەر ارقىلى ۇيرەنۋ قابىلەتى، جاڭالىق اشۋ قابىلەتى، كاسىپتىك ساپاسى كۇشتى تەحنيكالىق دارىندىلار قوسىنىن كۇش سالا جەتىلدىردى. 2022 - جىلدان بەرى قىزمەت كەڭسەسى 31 ٴتۇرلى پاتەنت ۇقىعىنا يە بولدى، مۇنىڭ ىشىندە 2 ٴتۇرلى تاپقىرلىق پاتەنتى، 29 ٴتۇرلى قولدانىلمالى جاڭا تيپ پاتەنتى بار. 2020 ـ جىلدان 2022 ـ جىلعا دەيىنگى ارالىقتا، قىزمەت كەڭسەسى كوپتەگەن تەحنيكالىق قامال الۋ نىساندارىن ٴساتتى ورىندادى، بۇل بورپىلداق تاۋ جىنىستى كەن جولدارىنىڭ تىرەۋ پارامەترىن ساپالىلاندىرۋ، تاياز كومىلگەن حاۋىپتى كۇيدەگى تاعان جىنىس تۇرىندەگى وزدىگىنەن وت الاتىن كومىر قاباتىندا ورتتەن ساقتانۋ، ٴورت ٴسوندىرۋ تەحنيكاسى، كومىر گازىن ٴبىر تۇلعالاندىرۋ نىسانىنىڭ تۇتاس جۇيەسىندە كومىر كەسەگىنىڭ مولشەرىن جوعارىلاتۋ زەرتتەۋى، جوعارى كەرنەۋلى ەلەكتر سىمى باعاناسىن جالپىلىق باسقارۋ تەحنيكاسىنىڭ قولدانىلۋى سياقتىلاردى قامتىدى. كەن قۇدىعىنىڭ توبەسى ٴتۇسىپ كەتۋ اپاتىن جونگە سالۋ، ورتتەن ساقتانۋ، ٴورت ٴسوندىرۋ، كەسەك كومىر مولشەرىن جوعارىلاتۋ، سۋ اپاتىنان ساقتانۋ جانە ونى جونگە سالۋ سياقتى جاقتاردا ماڭىزدى ۇلەس قوسىپ، 60 ميلليون يۋاننان استام شىعىندى ۇنەمدەپ، پايدانى 114 ميلليون 264 مىڭ يۋان ارتتىردى. سونىمەن بىرگە، قىزمەت كەڭسەسى كوپتەگەن عىلىم - تەحنيكا العاباسارلىعى سيلىعىنا يە بولىپ، كەن رايونىنىڭ تەحنيكادا جاڭالىق اشۋىندا ۇلگى تىكتەدى. 

سوڭعى جىلداردان بەرى ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى اۆتونوميالى وبلىستىڭ ەكونوميكالىق، قوعامدىق دامۋىنىڭ تەحنيكالىق دارىندىلارعا بولعان قاجەتىن تىعىز ارقاۋ ەتىپ، جوعارى تەحنيكالى دارىندىلاردى تاربيەلەۋدى كۇشەيتۋدى نىسانا ەتىپ، ەڭبەك وزاتى رۋحىن، ەڭبەك رۋحىن، ۇستالار رۋحىن بارىنشا ساۋلەلەندىرىپ، ەڭبەككە، بىلىمگە، دارىندىلارعا، جاسامپازدىققا قۇرمەت ەتەتىن تاماشا قوعامدىق اۋقىم قالىپتاستىرىپ، جوعارى تەحنيكالى دارىندىلاردى تاربيەلەۋ ۇلگىسىندە جاڭالىق اشۋ جونىندە ٴونىمدى ىزدەنىس جاساپ، وسى زامانعى جاساۋ كاسىبىنە، وسى زامانعى قىزمەت وتەۋ كاسىبىنە جانە ٴداستۇرلى ونەر سالاسىنا باعىتتاپ، ىلە تەحنيكالىق شەبەر ۇستالار قىزمەت كەڭسەسى قۇرىلىسىن بار كۇشپەن ىلگەرىلەتتى.

2023 - جىلعا دەيىن وبلىسقا توتە قاراستى ورىنداردا ىلە شەبەر ۇستالار قىزمەت كەڭسەسىنەن 53 ى قۇرىلىپ، اراق اشىتۋ، كوپ كريستالدى كرەمني، حيميا ونەركاسىبى، جىلقى ۇيرەتۋ، جەمىس ورمانى، ەلەكتر سياقتى 20 نەشە كاسىپتىك جۇمىس ٴتۇرىن قامتىپ، وبلىسقا توتە قاراستى ورىندارداعى تەحنيكالىق دارىندىلاردىڭ تەحنيكالىق جاقتان ٴبىلىم الۋىنا، تەحنيكادا قامال الۋىنا (جاڭالىق اشۋىنا)، شاكىرت باۋلۋىنا شارت - جاعداي جاراتىپ، تەحنيكالىق شەبەرلىك جاعىندا جاڭالىق اشۋ جەتىستىكتەرىن جەدەل جالعاستىرىپ، جالپىلاستىردى.

ىلە وبلىسى شەبەر ۇستالار قىزمەت كەڭسەسى نىسان قۇرىلىسىنا وسكەلەڭ ٴمان بەرىپ، عىلىم ـ تەحنيكا مەن شەبەرلىك قۇرامى ٴبىرشاما جوعارى كولەمدەنگەن كاسىپورىندارعا سۇيەنىپ، كاسىپورىنداردىڭ تۇلعالىق رولىن تولىق ساۋلەلەندىرىپ، شەبەر ۇستالار قىزمەت كەڭسەسىن قۇرۋ ارقىلى كاسىپورىندارعا اناعۇرلىم كوپ شەبەر دارىندىلاردى جەتىلدىرىپ، كاسىپورىنداردىڭ تەحنيكادا قامال الۋىن جاڭاشا وندىرگىش كۇش دارىندىلار بايلىعىمەن قامدادى.

”ىلە وبلىسىنىڭ نازاردى <1+ 1+ 8 كاسىپ سالاسى شوعىرىنا> شوعىرلاندىرىپ، جاڭاشا وندىرگىش كۇشتەردىڭ دامۋىن ىلگەرىلەتۋ نىساناسىن توڭىرەكتەپ، بازار سۇرانىسىنا ساي كەلەتىن تەحنيكالىق دارىندىلاردى باۋلۋ ٴبىزدىڭ نىسانامىز“. ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى كاسىپتىك قابىلەت قۇرىلىسى باسقارماسىنىڭ باستىعى ۋاڭ مين بىلاي دەدى: ىلە تەحنيكالىق شەبەر ۇستالار قىزمەت كەڭسەسى تەك ىلە جوعارى تەحنيكالىق دارىندىلار قوسىنىن قۇرۋدىڭ ماڭىزدى شارالارىنىڭ ٴبىرى عانا، بۇدان بىلاي تاعى دا ىلە تەحنيكالىق شەبەر ۇستالار قىزمەت كەڭسەسىنە، كاسىپورىن جۇمىسشى - قىزمەتكەرلەرىن تاربيەلەۋ ورتالىعىن سۇيەنىش ەتىپ، جوعارى تەحنيكالى دارىندىلاردى تاربيەلەۋ بازاسى، الەۋمەتتىك پراكتيكا بازاسى، ”شينجياڭ ۇستالارى“ نىسانى سياقتى دانەكەرلەر ارقىلى ىلە وبلىسى ەكونوميكاسىنىڭ، قوعامىنىڭ جوعارى ساپالى دامۋىنا تەحنيكالىق دارىندىلار جاعىنان تىرەك ازىرلەيمىز.