باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
باقىت كورسەتكىشى ۇزدىكسىز جوعارىلادى
2021-07-23 11:54:05     كورىلىم:رەت كەلۋ قاينارى:تيانشان تورى  جاۋاپتى رەداكتور:جازيرا بولااتباي قىزى

 انار بۇلت / شينجياڭ گازەتىنىڭ تىلشىلەرى جاۋ شييا، جاڭ حايفىڭ

حالىق تۇرمىسى حالىق تىلەگىنە جالعاسىپ جاتادى، حالىق تۇرمىسى باقىتقا جالعاسىپ جاتادى. 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنەن بەرى شينجياڭعا كومەكتەسكەن ولكە، قالالار رايونىمىزداعى ءار ۇلت بۇقاراسى ەڭ كوڭىل ءبولىپ وتىرعان، ەڭ تىكە جۇمىستاندىرۋ، ەمدەۋ، وقۋ - اعارتۋ، تۇرعىن ءۇي سياقتى ماسەلەلەردەن باستاپ ىسكە كىرىسىپ، حالىق تۇرمىسىن جاقسارتۋدى، حالىق تىلەگىن ۇيىستىرۋدى شينجياڭعا كومەكتەسۋ قىزمەتىنىڭ شىعار ءتۇيىنى مەن تابان تىرەر تياناعى ەتىپ، حالىق تۇرمىسىن قامتاماسىز ەتۋ تەبىنىن ۇزدىكسىز ارتتىرىپ، ءار ۇلت بۇقاراسىنىڭ باقىت سەزىمىن، تابىس سەزىمىن ۇزىكسىز جوعارىلاتتى.

  %80 قارجى حالىق تۇرمىسىنا پايدالانىلدى

7 - ايدىڭ 13 - كۇنى اقتاۋ اۋدانى تار اۋىلى، 16 جاستاعى قىز بالا جاميلا (جاناما اتى) مەن دوستارى ءجىپ سەكىرىپ ويناپ ءجۇر، جۇزدەرىنەن شاتتىق كۇلكىسى ەسەدى. ”قازىر بالام قۇلىنداي ويناقتاپ ساۋ - سالامات ءجۇر، بۇل ءۇشىن جياڭسۋدان كەلگەن شيپاگەرگە العىس ايتامىن“، - دەدى جاميلانىڭ شەشەسى.

جاميلانىڭ تۋما جۇرەك اۋرۋى بار بولعاندىقتان، بۇرىن قاتتى ارەكەت ىستەسە بولعانى ەنتىگىپ كەتەتىن. باقىتىنا جاراي، ”جۇرەكتى نارلەندىرىپ، كوزدى جايناتۋ“ ينجەنەرياسى مەيىرگە بولەۋ جوسپارى بويىنشا تۇڭعىش قابىلدانعان ناۋقاس رەتىندە، ءبىر جىلدىڭ الدىندا وعان وپەراتسيا جاسالىپ، دەنساۋلىعى قالپىنا كەلگەن ەدى.

2020 - جىلى جياڭسۋ ولكەسىنىڭ شينجياڭعا كومەكتەسۋ ەمدەۋ اترەتى قىزىلسۋ وبلىسىندا ”جۇرەكتى نارلەندىرىپ، كوزدى جايناتۋ“ ينجەنەرياسىن باستادى. قازىرگە دەيىن بۇل ينجەنەريا 600دەن استام ناۋقاستى تەگىن ەمدەپ قۇتقاردى.

ءار ۇلت بۇقاراسىنىڭ اۋىرعاندا ەمدەلە الۋىنا، قارتايعاندا كۇتىمدەلە الۋىنا، تۇراتىن ءۇيى بولۋىنا، پارتيا مەن ۇكىمەتتىڭ قامقورلىعى مەن مەيىرىن ءتىپتى دە كوپ سەزىنۋىنە مۇمكىندىك جاساۋ ءۇشىن، شينجياڭعا كومەكتەسكەن ولكە، قالالار كۇش - قايراتىن سارقا جۇمساپ، حالىق تۇرمىسىن قامتاماسىز ەتۋ مەن جاقسارتۋعا ۇزدىكسىز نازاردى شوعىرلاندىرىپ، كۇش سالدى.

حۋنان ولكەسى كومەكتەسىپ سالعان تۇرپان قالاسى گاۋچاڭ رايونى داحىيان سۋ باستاۋ ينجەنەرياسى، ءپىشان اۋدانى شاننان 3 - اۋىلى 1 - قالاشىعى اۋىز سۋ حاۋىپسىزدىگىن بەكەمدەۋ، دارەجەسىن جوعارىلاتۋ ينجەنەرياسى جەلى بويىنداعى 100 مىڭنان استام بۇقارانىڭ تۇنىق تازا قۇبىر سۋىن ىشۋىنە مۇمكىندىك جاسادى.

گۋاڭدۇڭ ولكەسى كونەءشار اۋدانى، ءپايزاۋت اۋدانى سياقتى جەرلەرگە كومەكتەسىپ، 141 مىڭ بەيقۇت ءۇي سالىپ، 948 قىستاق زاۆودىن قۇرىپ، 48 مىڭ ادامدى ءۇي ماڭىندا جۇمىستاندىردى.

حىنان ولكەسىنىڭ كومەگىندە، قۇمىل قالاسى قاشىقتان ەمدەۋ، بىرلەسىپ دياگنوز قويۋ جۇيەسىمەن اۋىل - قالاشىقتاردى جانە الەۋمەتتىك اۋماقتاردى جاپپاي قامتىدى، اۋىل - قالاشىق شيپاحانالارى مەن قىستاق ەمحانالارىن ولشەمدەندىرۋ قۇرىلىسىمەن جاپپاي قامتىدى.

...

2019 - جىلدان 2020 - جىلعا دەيىن، بۇكىل رايوندا شينجياڭعا كومەكتەسۋ بويىنشا جيىنى 3000نان استام نىسان اتقارىلىپ، شينجياڭعا كومەكتەسۋگە ساياتىن قارجى 30 ميلليارد يۋاننان استى (بيڭتۋاندى قامتىمايدى)، %80تەن استام قارجى حالىق تۇرمىسى سالاسىنا جۇمسالدى. جۇرەككە شۋاق شاشىپ، مەيىرگە بولەگەن ينجەنەريالار، كوزبەن كورىپ، قولمەن ۇستاۋعا بولاتىن حالىقتى يگىلىككە كەنەلتەتىن ناقتى ىستەر ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشۋىنە، باقىتتى دا تاماشا تۇرمىسقا تالپىنۋىنا مۇمكىندىك جاسادى.

  وقۋ - اعارتۋ ىستەرىن الدىمەن دامىتتى

توقسۋ اۋدانى ليشۇي باستاۋىش مەكتەبىنە كىرسەڭىز، كوك كەرپىش، جاسىل قىشتى، حانتاڭ ءبىلىم ورداسىنىڭ ۇلگىسىندە سالىنعان وقىتۋ عيماراتى كوزىڭىزگە وتتاي باسىلادى.

بۇل وسىزاماندانعان مەكتەپ اۋلاسىن جىجياڭ ولكەسى ليشۇي قالاسى 68 ميلليون يۋان قارجىمەن سالعان، سيفرلانعان تاجىريبەحانا، كوپ مەديالى بايانداما جاساۋ زالى، پلاستيك دەنە تاربيە الاڭى سياقتى قاتتى بولشەك قۇرىلعىلارى كەمەلدى. سونىمەن بىرگە ليشۇي قالاسى تاڭداپ جىبەرگەن 13 وقىتۋ مامانى مەن تىرەكتى وقىتۋشىلاردان قۇرالعان باسقارۋ، وقىتۋ ۇجىمى وزىق وقىتۋ ۇلگىسى مەن ۇستانىمىن اكەلىپ، شەكارا وڭىردەگى بالالاردىڭ تەڭىز بويىنداعى قالالارمەن يىق تەڭەستىرەتىن ساپالى وقۋ - اعارتۋ بايلىعىنان يگىلىكتەنۋىنە مۇمكىندىك جاسادى.

7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنەن بەرى، شينجياڭعا كومەكتەسكەن ءارقايسى ولكە، قالا بالاباقشا، ورتا، باستاۋىش مەكتەپ، كاسىپتىك مەكتەپ سياقتىلاردى جاڭادان، وزگەرتىپ، كەڭەيتىپ سالىپ، كومەك قابىلداعان جەرلەردىڭ ءبىلىم بەرۋ شارت - جاعدايىن جاقسارتتى، تاڭداپ جىبەرىلگەن وقىتۋشىلار كومەك قابىلداعان جەرلەردىڭ وقىتۋشىلار ساپاسىن، ءبىلىم بەرۋ دەڭگەيىن جوعارىلاتۋىنا كومەكتەستى. سونىمەن بىرگە كومەك بەرگەن جانە كومەك قابىلداعان ەكى جاقتىڭ ”وقۋ - اعارتۋ بىرلەستىگىن“ ورناتۋىن ىلگەرىلەتىپ، باسىمدىققا يە بايلىقتان بىرگە يگىلىكتەنۋدى جۇزەگە اسىرىپ، وقۋ - اعارتۋدى باسقارۋ ساپاسىن جوعارىلاتتى.

بيىل بەيجيڭ قالاسى ءبىر ميلليارد يۋان قارجى قوسىپ، حوتان ايماعىندا ءبىلىم بەرۋ شارت - جاعدايى دەڭگەيىن جوعارىلاتۋ، وقىتۋشىلار قوسىنىن جەتىلدىرۋ سياقتى جاقتاردى قامتىعان 60 نەشە نىساندى اتقارىپ، حوتان بالالارىنىڭ اناعۇرلىم ساپالى وقۋ - اعارتۋدان يگىلىكتەنۋىنە مۇمكىندىك جاسايدى.

حىبەي ولكەسى ”كوپتىڭ بىرگە كومەكتەسۋى“، ”مەكتەپ ءپان ماماندىعىن كوتەرمەگە الۋ“ سياقتى فورمالاردى قولدانىپ، حىبەي داشۋەسى سياقتى 6 جوعارى مەكتەپتىڭ باسىمدىققا يە مامان كۇشتەرىن شوعىرلاندىرىپ شينجياڭ عىلىم - تەحنيكا شۋەيۋانىنىڭ، شينجياڭ مەديتسينا داشۋەسى جوعارى تەحنيكۋم شۋەيۋانىنىڭ ءپان ماماندىعىن جاڭادان مولايتۋ قۇرىلىسىنا باعىتتامالى كومەكتەستى.

جىجياڭ ولكەسى ”ۇيىرمە قۇراۋ فورماسىنداعى“ وقۋ - اعارتۋدا جاڭالىق اشىپ ىلگەرىلەتۋ بارىسىندا وقىتۋشى ساپاسىن جوعارىلاتۋعا دەم بەرەتىن ”چيڭلان ينجەنەرياسىن“، ”باستاۋشى قاز ينجەنەرياسىن“ ءتۇيىندى اتقارىپ، شينجياڭعا كومەكتەسەتىن وقىتۋشىلاردى 1400دەن استام جەرگىلىكتى وقىتۋشىمەن جۇپ قۇراتىپ، 400دەن استام جىجياڭ جىبەرگەن ايگىلى وقىتۋشىنى ”بۇلتتىق كلەنتتە وقىتۋدى زەرتتەۋ“، ”بۇلتتىق كلەنتتە باۋلۋ“ سياقتىلار بويىنشا بالدىرعانداردى تاربيەلەۋمەن شينجياڭعا كومەكتەسۋگە ات سالىسۋعا ۇيىمداستىردى.

...

پارتيا ورتالىق كوميتەتىنىڭ قامقورلىعىندا، قولداۋىندا، شينجياڭعا كومەكتەسكەن ولكە، قالالاردىڭ دەن قويا كومەكتەسىپ - سۇيەمەلدەۋىندە، رايونىمىزدىڭ وقۋ - اعارتۋ ىستەرى اناعۇرلىم ءادىل دە ساپالى بولۋعا قاراي قادام تاستادى. 2020 - جىلى رايونىمىزداعى مەكتەپكە دەيىنگى تاربيە بويىنشا جالپى بالاباقشاعا ءتۇسۋ مولشەرى %98تەن استامعا، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى %95تەن استامعا، تولىق ورتا ساتىسىنداعى جالپى وقۋعا ءتۇسۋ مولشەرى %98تەن استامعا جەتىپ، جوعارى دارەجەلى وقۋ - اعارتۋ ماندىك ۇلگىگە قاراي دامۋعا قادام تاستادى.

  مادەنيەت مەيىرى تيانشاندى نارلەندىردى

7 - ايداعى شينجياڭ الۋان تۇسپەن قۇلپىرىپ تۇر. شينجياڭ كىتاپحاناسى وتكىزىپ جاتقان «تيانشاندى نارلەندىرۋ − 10 - توپتاعى شينجياڭعا كومەكتەسۋ بويىنشا پارتيا قۇرىلعاندىعىنىڭ 100 جىلدىعىن قۇتتىقتاۋ نەگىزگى تاقىرىبىنداعى حۇسنيحات كورمەسى» كوپتەگەن كورەرمەندى باۋرادى.

شينجياڭعا كومەكتەسكەن ولكە، قالالار شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتىپ، ءار دارەجەلى، ءار ءتۇرلى مادەنيەت الاڭ، ساراي قۇرىلعىلارىن كومەكتەسىپ سالىپ، جاقسارتۋ ارقىلى ءار ۇلت بۇقاراسىنىڭ مادەني تۇرمىس ساپاسىن جوعارىلاتىپ، جۇڭحۋانىڭ تاڭداۋلى مادەنيەتىن تيانشان الابىنا ۇزدىكسىز ءسىڭىرىپ، ”بەستى شىنايى مويىنداۋدى“ ءار ۇلت بۇقاراسىنىڭ كوڭىلىنە تەرەڭ ۇيالاتتى.

قازىر شينجياڭدا ساياحاتتىڭ قاۋىرت كەزى، حوتان ايماقتىق مۇراجايعا ءار كۇنى ادامدار لەك - لەگىمەن كەلەدى. 2020 - جىلى 5 - ايدىڭ 18 - كۇنى مۇراجاي رەسمي اشىلعاننان باستاپ، بەيجيڭ قالاسى كومەكتەسىپ سالعان بۇل مۇراجاي ساياحاتشىلاردىڭ، ءسوزسىز، كەلەتىن جەرىنە اينالدى. مۇراجايدىڭ ”بەس جۇلدىز شىعىستان كوتەرىلسە، جۇڭگوعا قۇت − حوتاننىڭ تاريحي مادەنيەت كورمەسى“ 18 - كەزەكتى (2020 - جىلدىق) بۇكىل ەلدەگى مۇراجايلار 10 ءىرى كورمە سارا بۇيىمى داڭق اتاعىنا يە بولدى، بۇل رايونىمىزداعى مۇراجايلاردىڭ وسى داڭققا تۇڭعىش رەت يە بولۋى.

جۋىرداعى جىلداردان بەرى شينجياڭعا كومەكتەسكەن ولكە، قالالاردىڭ زور كۇشپەن قولداۋىندا، جوعارى ولشەمدى مادەنيەت الاڭ، سارايلارى تيانشان الابىندا كوكتەم جاڭبىرىنان كەيىنگى جاۋقازىنداي قاۋلاپ بوي كوتەردى. جىجياڭ ولكەسى تايجوۋ قالاسى ارال قالالىق مادەنيەت (كىتاپحانا) سارايىن جايلى دا اسەم، كوركەم ”قالا كىتاپ ءۇيى“ ەتىپ تۇلعالاپ، اسكەري تىڭ يگەرۋ جاڭا قالاسىنىڭ ءبىلىم قۇشتارلىق رايىن ءتىپتى دە قويۋلاتتى؛ حىنان ولكەسى مادەني ەسكەرتكىشتەگى ءىرى ولكە سىندى تەحنيكالىق باسىمدىعىنان پايدالانىپ، قۇمىل مۇراجايىن سيفرلاندىرىپ قايتا سالۋعا، كورمە دارەجەسىن جوعارىلاتۋعا كومەكتەسىپ، مۇراجايداعى كونە، بايىرعى مادەنيەت ەسكەرتكىشتەرگە ”جان ءبىتىرىپ“، باۋرامدىلىق كورسەتكىشىن زور دارەجەدە ارتتىردى. بيىل قۇمىل مۇراجايى مەملەكەتتىك 2 - دارەجەلى مۇراجاي دەڭگەيىنە كوتەرىلدى.

قىرۋار مادەنيەت الاڭ، سارايلار، قيمىل ورتالىقتار بۇقارانىڭ مادەني تۇرمىسىن بايىتىپ، باقىت سەزىمىن جوعارىلاتىپ قانا قالماستان، سوتسياليستىك وزەكتى قۇن كوزقاراسىن اسقاقتاتاتىن، شينجياڭدى مادەنيەتپەن نارلەندىرۋ ينجەنەرياسىن ىلگەرىلەتەتىن ماڭىزدى شەپكە اينالدى.

بالالاردىڭ جۇڭحۋا مادەنيەتىنىڭ باۋرامدىلىعىن تولىق سەزىنۋىنە مۇمكىندىك جاساۋ ءۇشىن، گۋاڭجوۋ ولكەسىنىڭ شينجياڭعا كومەكتەسۋ قىزمەت اترەتى كونەءشار اۋدانىندا ”ءبىر مەكتەپتە ءبىر ەرەكشەلىك“، ”ءبىر وقۋشىدا ءبىر ارتىقشىلىق“ بولۋداي جۇڭحۋانىڭ تاڭداۋلى ءداستۇرلى مادەنيەتىمەن جاپپاي قامتۋ ينجەنەرياسىن اتقاردى، 20 مىڭنان استام وقۋشى جۇڭحۋانىڭ تاڭداۋلى ءداستۇرلى مادەنيەتى بويىنشا 300 نەشە ەرەكشە ساباقحانا ۇيرەنۋىنە قاتىناستى.

شينجياڭعا باعىتتامالى كومەكتەسكەن ولكە، قالالار ۇزدىكسىز جاڭالىق اشىپ، جۇڭحۋانىڭ تاڭداۋلى ءداستۇرلى مادەنيەتىنىڭ تۇقىمىن كەڭ - بايتاق شينجياڭ دالاسىنا شاشىپ، كوكتەم جاڭبىرىنداي جان دۇنيەنى نارلەندىردى.

گۋاڭجوۋ قالاسىنان شينجياڭعا كومەككە كەلگەن وقىتۋشى شيە شيۋجۋ شينجياڭنان اتتانارىندا كونەءشار اۋدانى ميڭدى باستاۋىش مەكتەبىندەگى بالالارمەن بىرگە ەڭ سوڭعى تۋىندىسى − ۇلكەن قىپ - قىزىل انار قاعاز قيماسىن جاساپ، جوعارى جاعىنا شينجياڭعا كومەككە كەلگەن وقىتۋشىلاردىڭ جانە بالالاردىڭ ەسىمىن كەستەلەپ، استىنا قىسا ۇستاسقان قوس قولدى بەينەلەدى، ”’ءبىر ءۇيلى جاننىڭ‘ بۇل تەرەڭ سۇيىسپەنشىلىگىن مەن ماڭگى ۇمىتپايمىن“، - دەدى شيە شيۋجۋ.