− 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى بۇكىل شينجياڭدا قىزۋ اڭىس قوزعادى

انار بۇلت / شينجياڭ گازەتىنىڭ تىلشىلەرى

”حالىق تىلەگىنە ۇيلەسۋگە، حالىق تۇرمىسىن قامتاماسىز ەتۋگە، جۇرت تىلەگىن ۇيىستىرۋعا تاباندى بولۋ“، ”قارجىنى، نىساندى حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ءتۇيىندى وڭىرلەرگە بەيىمدەۋگە تاباندى بولۋ“، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ اشىلۋى رايونىمىزدىڭ جەر - جەرىندەگى، ءارقايسى مەكەمە - ورىندارىنداعى شينجياڭعا كومەكتەسۋ قىزمەتى الدىڭعى شەپ قولباسشىلىق شتاپتارىن قاباعات جىگەرلەندىردى.

كوپشىلىك مىنالاردى ءبىلدىردى: شينجياڭعا كومەكتەسۋ قىزمەتىنىڭ ەڭ سوڭعى نىساناسى شينجياڭداعى ءار ۇلت حالقىن ءتىپتى دە باقىتتى تۇرمىسقا كەنەلتۋ، جاڭا ساپاردا، ءسوز جوق، ”بارلىعى بۇقارا ءۇشىن“ دەگەندى كوزدە ۇستاپ، كۇش سالىپ، باسا ءمان بەرىپ، حالىق تۇرمىسى كارتيناسىن بىرگە كەستەلەپ، شەكارا ءوڭىردىڭ جاڭا جىرىن بىرگە جازىپ، شينجياڭعا كومەكتەسۋ قىزمەتىن دامۋدى ىلگەرىلەتۋ ينجەنەرياسى، ۇلتتار ىنتىماعى ينجەنەرياسى، جۇرت تىلەگىن ۇيىستىرۋ ينجەنەرياسى ەتىپ، شىن مانىندە قۇرىپ شىعۋىمىز كەرەك.

　　ناقتى ءىستى بۇقارانىڭ كوڭىلىنەن شىعارا ىستەدى

شينجياڭعا باعىتتامالى كومەكتەسۋدە حالىق تۇرمىسىن الدىمەن ويلاسۋ كەرەك. 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى مىنالاردى باسا دارىپتەدى: قارجىنى، نىساندى حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ءتۇيىندى وڭىرلەرگە بەيىمدەۋگە تاباندى بولىپ، كومەك العان جەرلەردىڭ كەدەيلىكتەن ارىلتۋدان قامال الۋ جەتىستىگىن بەكەمدەۋىنە، كەڭەيتۋىنە، اۋىل - قىستاقتى گۇلدەندىرۋدى جەبەۋىنە دەم بەرۋ كەرەك.

بيىل جىل باسىنان بەرى جىجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”100 نىسان شوعىرلى جۇمىس باستاۋ“، ”100 شيپاگەر 100 قىستاقتى ارالاپ تەگىن ەمدەۋ“، ”10 قىستاقتا ۇلگى كورسەتۋ، 100 قىستاقتىڭ دەڭگەيىن ءوسىرۋ“ ينجەنەرياسى سياقتىلاردى ۇيىمداستىرىپ، حالىق تۇرمىسى سالاسىندا شينجياڭعا كومەكتەسۋ تەبىنىن ۇزدىكسىز كۇشەيتتى. جىجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ قولباسشىسى، اقسۋ ايماقتىق پارتكومنىڭ ورىنباسار شۋجيى جۋ لينسىن مىنالاردى ءبىلدىردى: كەلەسى قادامدا جىجياڭ شينجياڭعا كومەكتەسۋدە جينحۋا جاڭا قىستاعى، يۇڭكۋ گۇلدەندىرۋ قىستاعى سياقتى اۋىل - قىستاقتى گۇلدەندىرۋدەن ۇلگى كورسەتۋ تۇيىندەرىن جەدەل قۇرىپ، كومەك العان جەرلەردىڭ اۋىل - قىستاق كاسىپ سالاسى، دارىندى، مادەنيەت، ەكولوگيا، ۇيىم سياقتىلاردى جاپپاي گۇلدەندىرۋىنە دەم بەرەدى. جاڭا توپتاعى جىجياڭنىڭ ەمدەۋ دارىندىلارىنىڭ ”ۇيىرمە فورماسىندا“ شينجياڭعا كومەكتەسۋ ەمدەۋ اترەتى دە شيپاحانانى باسقارۋعا جانە دەڭگەيىن وسىرۋگە ءتۇيىندى ءزارۋ بولىپ وتىرعان ءبولىم - كەڭسەلەرگە دالمە - ءدال كومەكتەسۋ - سۇيەمەلدەۋ جۇرگىزىپ، حالىق تۇرمىسىن قامتاماسىز ەتۋ جانە جاقسارتۋ، اۋىل - قىستاقتى گۇلدەندىرۋگە دەم بەرۋ سياقتى قىزمەتتەردى جالپى بەتتىك ويداعىداي تياناقتاندىرادى.

”ءبىر توپ شينجياڭعا كومەكتەسۋ حالىق تۇرمىسى نىساندارىنىڭ سالىنۋى سانجى وبلىسىنداعى ەگىنشى - مالشىلاردىڭ ءوندىرىس - تۇرمىس شارت - جاعدايىن بارىنشا جاقسارتتى، وقىتۋ، ەمدەۋ دەڭگەيىن كوتەردى، قوعامدىق الەۋمەتتىك قىزمەت وتەۋ يقۋاتىن كەمەلدەندىردى. بۇدان كەيىن ءبىز شينجياڭعا كومەكتەسۋ قارجىسىن، نىساندارىن حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ءتۇيىندى وڭىرلەرگە بەيىمدەۋگە ۇزدىكسىز تاباندى بولامىز“، - دەدى سانجى حۇيزۋ اۆتونوميالى وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، وبلىستىق شينجياڭعا كومەكتەسۋ كەڭسەسىنىڭ مەڭگەرۋشىسى فۋ چياڭ.

　كاسىپ سالاسى جاعىنان شينجياڭعا كومەكتەسۋ نىساندارىن دالمە - ءدال ويداعىداي يگەردى

كاسىپ سالاسى جاعىنان شينجياڭعا كومەكتەسۋ جوعارى ساپالى دامۋدىڭ ماڭىزدى تۇتقاسى. 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى مىنالاردى باسا دارىپتەدى: كاسىپ سالاسى جاعىنان شينجياڭعا كومەكتەسۋدى ناقتى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەۋدىڭ جانە توعىسۋدىڭ كىرىسۋ ءتۇيىنىن ءدال تاۋىپ، ”14 - بەسجىلدىق“ مەزگىلىندەگى كاسىپ سالاسى سەلبەستىگى مەن نىسانداردى ورنالاستىرۋدى ويداعىداي جوسپارلاپ، كومەك العان جەرلەردىڭ ”قان جاساۋ“ يقۋاتىن كۇشەيتۋىنە قولداۋ كورسەتۋ كەرەك.

”ءبىز كاسىپ سالاسى جاعىنان كومەكتەسۋ - سۇيەمەلدەۋدى ءۇرتىس كۇشەيتىپ، تۇتىنۋ جاعىنان كومەكتەسۋ - سۇيەمەلدەۋدى زورايتىپ، جۇمىستاندىرۋ جاعىنان كومەكتەسۋ - سۇيەمەلدەۋدى ناقتىلاندىرىپ، اقىل - پاراسات جاعىنان كومەكتەسۋ - سۇيەمەلدەۋدى ساپالىلاندىرىپ، جالپى فاكتورلى، كەڭ سالالى، تەرەڭ ساتىلى سەلبەسۋدى، ۇشتاسۋدى ىلگەرىلەتىپ، كومەك العان جەرلەردىڭ ىشكى قوزعاۋشى كۇشى مەن باياندى دامۋ قۋاتىن كۇشەيتەمىز“. شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ نىسان، قارجى ىستەرى گرۋپپاسىنىڭ باستىعى جياڭ ميڭ بىلاي دەدى: شاڭحاي شينجياڭعا كومەكتەسۋدە كومەك العان جەردىڭ نان، استىق - ماي، ءسۇت ونىمدەرى، ەت، جەمىس - جيدەك، كوكونىس سياقتى نەگىزگى ونىمدەرىن ارقاۋ ەتە وتىرىپ باستاماشى كاسىپورىنداردى ەنگىزۋىنە اناعۇرلىم قولداۋ كورسەتىپ، ”كاسىپورىن + بازا + ەگىنشى وتباسى“ سياقتى تاسىلدەر ارقىلى جاسىل ازىق - تۇلىك كاسىپ سالاسىن ەرەكشەلەندىرەدى، ساپالىلاندىرادى، كۇشەيتەدى. كومەك العان جەردىڭ قازىرگى ونەركاسىپ باقشاسى رايونىن ارقاۋ ەتىپ، تەڭىز جاعالاۋىنداعى دامىعان وڭىرلەردىڭ ەلەكتروندى ونىمدەردى قۇراستىرۋ، مانەرلەۋ كاسىپ سالاسى، ءۇي ەلەكتر جابدىقتارىن جاساۋ، قۇراستىرۋ كاسىپ سالاسى، ماشينا، ەلەكتروندى ءونىم جاساۋ كاسىبى سياقتىلاردى بەلسەنە قابىلداۋىنا قولداۋ كورسەتەدى.

”حىنان ولكەسى قۇمىلعا باعىتتامالى كومەكتەسكەننەن بەرى تەحنيكاسى وزىق، بازار بولاشاعى كەڭ توپ - توپ جابدىق جاساۋ، بايلىق مانەرلەۋ، ازىق - تۇلىك مانەرلەۋ كاسىپورىندارى ىركەس - تىركەس قۇمىلعا ىرگە تەۋىپ، قۇمىل قالاسىنىڭ ءداستۇرلى، باسىم كاسىپ سالاسىنىڭ ساپاسىن، ونىمدىلىگىن كوتەرىپ، قۇمىل قالاسىنىڭ جوعارى ساپالى دامۋىنا جاڭا قوزعاۋشى قۋات ۇستەدى“. قۇمىل قالالىق دامۋ جانە رەفورما كوميتەتىنىڭ ورىنباسار مەڭگەرۋشىسى ما بيڭ بىلاي دەدى: بيىل حىنان ولكەسى شينجياڭعا باعىتتامالى كومەكتەسۋ قىزمەتى بارىسىندا شينجياڭعا كومەكتەسۋ نىسانىنان 130 نەشەسىن جوبالاپ جاسادى، قۇمىل قالاسى ءاربىر كاسىپ سالاسى جاعىنان شينجياڭعا كومەكتەسۋ نىسانىنان تولىق ويداعىداي پايدالانىپ، ەكونوميكانىڭ جوعارى ساپالى دامۋىن بارىنشا جەبەدى.

　　اقىل - پاراسات جاعىنان شينجياڭعا كومەكتەسۋدى قىزمەتتىڭ ءتۇيىنى ەتتى

8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى مىنالاردى باسا دارىپتەدى: اقىل - پاراسات جاعىنان شينجياڭعا كومەكتەسۋدى قىزمەتتىڭ ءتۇيىنى ەتۋگە تاباندى بولىپ، ”ۇيىرمە فورماسىنداعى“ شينجياڭعا كومەكتەسۋ سالاسىن كەڭەيتىپ، كادرلاردى، دارىندىلاردى تاڭداپ جىبەرۋ قىزمەتىنىڭ ساپاسىن جوعارىلاتۋ كەرەك.

تاياۋ جىلداردان بەرى حىبەي ولكەسى جاڭجياكوۋ قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”نە كەم بولسا، سونى تولىقتاۋ، نە قاجەت بولسا، سوعان قاراي كومەك كورسەتۋ“ پرينسيبى بويىنشا ءار سالاداعى كاسىپتىك تەحنيكتەردى، دارىندىلاردى ۇيىرمە قۇراپ شينجياڭعا كومەكتەسۋگە تاڭداپ جىبەرىپ، تىڭعىلىقتى تابىسقا قول جەتكىزدى. حوشۇت اۋداندىق پارتكوم ۇيىمداستىرۋ ءبولىمىنىڭ ورىنباسار باستىعى ۋاڭ حۇيساي مىنالاردى ءبىلدىردى: بۇدان كەيىن حوشۇت اۋدانى اقىل - پاراسات جاعىنان شينجياڭعا كومەكتەسۋ تۇعىرىنان ويداعىداي پايدالانىپ، اۋىل شارۋاشىلىعى تەحنيكاسىن زەرتتەۋ، جالپىلاستىرۋ، ەمدەۋ تەحنيكا دارىندىلارى بويىنشا دالمە - ءدال كومەكتەسۋ - باۋلۋ، سونداي - اق وقۋ - اعارتۋ وقىتۋشىلار قوسىنى قۇرىلىسى مەن دامۋى جاعىنا ءتۇيىندى كۇش سالىپ، ”وقىتۋشىلار شاكىرت باۋلۋ“ قىزمەت مەحانيزمىن كەمەلدەندىرىپ، كومەكتەسۋ - باۋلۋ جوسپارىن جاساپ، باۋلۋ نىساناسىن ايقىنداپ، تابانداپ تۇراتىن دارىندىلار قوسىنىن قۇرىپ شىعادى.

تۇرپان قالاسى گاۋچاڭ رايوندىق پارتكوم ۇيىمداستىرۋ ءبولىمى دارىندىلار (شينجياڭعا كومەكتەسۋ) ءبولىمىنىڭ باستىعى شاكىرزات اكىرام بىلاي دەپ تانىستىردى: گاۋچاڭ رايونى حۋنان شياڭتان باۋلۋ كۋرسىن وتكىزىپ، حۋناندا باۋلۋ، اۋىس - كۇيىس جاساۋ قيمىلىن تالاي رەت ورىستەتتى، باۋلىنعان قىزمەتكەرلەردىڭ كوز اياسى كەڭەيدى، ىسكەرلىگى ارتتى.

(ءتىلشىمىز جاڭ جىلي، قاتىناسقان تىلشىلەر گى يوۋجۇن، ۋي يۇڭگۇي، دۋ جيانحۇي، جاڭ رۇيلين، حان چينيان)