8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنە قاتىناسقان ۋاكىلدەر مىنالاردى ءبىلدىردى −

شينجياڭعا كومەكتەسۋدىڭ جالپىلىق ونىمدىلىگىن ەڭ تىڭعىلىقتى تابىس سەزىمىنە، باقىت سەزىمىنە، حاۋىپسىزدىك سەزىمىنە اينالدىرامىز

　 انار بۇلت / شينجياڭ گازەتىنىڭ تىلشىلەرى ۋاڭ شيڭرۇي، ياۋ تۇڭ

تارىم وزەنى جوڭكىلە اعىپ، جاسىل القاپ كوركىمەن كوز تارتادى. بۇكىل پارتيادا جوعارىدان تومەنگە دەيىن، بۇكىل ەلدە جوعارىدان تومەنگە دەيىن باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ماڭىزدى ساتتە، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى 7 - ايدىڭ 19 - كۇنىنەن 21 - كۇنىنە دەيىن اقسۋدا اشىلدى. شينجياڭعا كومەكتەسەتىن ولكە، قالالار، ورتالىقتىڭ قاتىستى تاراۋلارى مەن ورىندارى، اۆتونوميالى رايون مەن بيڭتۋاننىڭ قاتىستى تاراۋلارى، سونداي - اق كومەك قابىلداعان جەرلەردىڭ ۋاكىلدەرى قاتارلىلار شينجياڭعا كومەكتەسۋ ۇلى جوباسىن بىرگە اقىلداسىپ، شينجياڭنىڭ دامۋىن بىرگە جوسپارلادى.

بىرنەشە كۇننەن بەرى ماجىلىسكە قاتىناسقان ۋاكىلدەر شينجياڭعا كومەكتەسۋ قىزمەتىنىڭ وراسان زور تابىستارىن ءوز كوزدەرىمەن كورىپ، تيانشان الابىنداعى قۋاتتى دامۋدىڭ ارىنىن شىنايى سەزىندى. شينجياڭعا باعىتتامالى كومەكتەسۋدىڭ ارقاسىندا جۇڭحۋا ۇلتى ۇلى ىنتىماعىنىڭ شەكسىز قۋاتى شينجياڭنىڭ ەكونوميكالىق، قوعامدىق دامۋىن ىلگەرىلەتىپ، جۇڭحۋا ۇلى شاڭىراعىنىڭ مەيىرى شينجياڭداعى ءار ۇلت حالقىنىڭ جۇرەگىنە ءسىڭدى. ۋاكىلدەر ءوز پىكىرلەرىن بايانداپ، شينجياڭنىڭ تاماشا كەلەشەگىن كوسىلە اڭگىمەلەپ، بەرىك سەنىممەن، ايقىن وي جەلىمەن، ناقتى شارامەن شينجياڭعا باعىتتامالى كومەكتەسۋدىڭ قۇدىرەتتى بىرىككەن كۇشىن ۇيىستىردى.

بەتالىس نۇسقاپ، وي جەلىنى ايقىنداعان ءبىر رەتكى ءماجىلىس

شينجياڭعا باعىتتامالى كومەكتەسۋ − پارتيا ورتالىق كوميتەتى جۇكتەگەن كەلەلى ساياسي مىندەت. باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ اتاپ كورسەتتى: شينجياڭعا كومەكتەسكەن ولكە، قالالار شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋى كەرەك. 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنە ىشكەرىلەي ايقىن بەتالىس كورسەتىپ، ”جول كارتاسىن“ سىزدى.

مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى لين نيانشيۋ بىلاي دەدى: شينجياڭعا باعىتتامالى كومەكتەسۋ قىزمەتىن جاقسى ىستەۋدە، ءسوز جوق، قاي - قاشان دا ساياسي، ستراتەگيا، جالپى جاعداي تۇرعىسىنان باعامداپ جانە جوسپارلاپ، قىزمەت ءتۇيىنىن كورنەكتىلەندىرىپ، ىنتىماقتى ۇزدىكسىز كۇشەيتىپ، جۇرت تىلەگىن كەڭىنەن ۇيىستىرۋ كەرەك.

”شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىنداعى ەرەكشە ماڭىزدى ستراتەگيالىق ورنىن اناعۇرلىم تەرەڭ ءتۇسىندىم“. جۇڭگو مۇناي حيميا ونەركاسىبى توبى شەكتى سەرىكتەستىگى پارتيا باسشىلىق گرۋپپاسىنىڭ ورىنباسار شۋجيى جاۋ دۇڭ بىلاي دەدى: بۇكىل ەلدىڭ كۇشىمەن شينجياڭعا ۇزدىكسىز كومەكتەسۋ پارتيانىڭ سيپاتىنىڭ، باس ماقساتىنىڭ ۇلتتىق وڭىردەگى شوعىرلى بەينەلەنۋى. جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ تۇزىمدىك ابزالدىلىعىن ىشكەرىلەي ساۋلەلەندىرىپ، شينجياڭعا كومەكتەسۋ قىزمەتىن كەلەلى ساياسي جاۋاپكەرشىلىك ەتىپ ۇزاق ۋاقىت ناقتى يگەرۋ، جاقسى يگەرۋ كەرەك.

جياڭسۋ ولكەلىك حالىق ۇكىمەتىنىڭ ورىنباسار باس حاتشىسى ۋاڭ جىجۇڭ مىنالاردى ءبىلدىردى: ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، وسى رەتكى ءماجىلىستىڭ ورنالاستىرۋى، جايعاستىرۋى بويىنشا شينجياڭعا جان - جاقتى كومەكتەسۋگە، شينجياڭعا دالمە - ءدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، جياڭسۋدىڭ ارتىقشىلىقتارىن ۇزدىكسىز ساۋلەلەندىرىپ، كاسىپ سالاسى جاعىنان شينجياڭعا كومەكتەسۋدى ناقتى ىلگەرىلەتىپ، شينجياڭنىڭ ەرەكشە، باسىم كاسىپ سالالارىن زورايتىپ، ءتىپتى دە كوپ بۇقارانىڭ ونان يگىلىككە كەنەلۋىنە مۇمكىندىك جاسايمىز.

”كومەك قابىلداعان جەردىڭ دامۋ نىساناسىمەن تىعىز بايلانىستىرىپ، ورىن تەۋىپ وتىرعان ولقىلىقتاردى جانە دامۋ كومەسكى كۇشى زور سالالاردى نەگىزگى قامال الۋ بەتالىسى ەتىپ، قارجىنى ءدال ورنىندا پايدالانۋعا، شەشۋشى ورىنعا كومەكتەسۋگە شىنايى كەپىلدىك ەتۋ كەرەك“. التاي ايماقتىق پارتكومنىڭ ورىنباسار شۋجيى، حيلۇڭجياڭ ولكەسى شينجياڭعا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى گۋان ۋي بىلاي دەدى: شينجياڭعا كومەكتەسەتىن كادر دارىندىلاردىڭ جۇمىس ساپاسى مەن اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا ىسىلعان، قىزمەتتە، قابىلەتتە ىسىلعان جاۋىنگەر ۇجىم تۇلعالاپ، شينجياڭعا كومەكتەسۋ قىزمەتىنىڭ ونىمدىلىگىن ۇزدىكسىز جوعارىلاتۋ كەرەك.

سەنىمدى كۇشەيتىپ، قوزعاۋشى كۇشتى ارتتىرعانءبىر رەتكى ءماجىلىس

مول تابىس ادامدى شابىتتتاندىردى، تاماشا جوبا ەكپىندەي ىلگەرىلەۋگە جىگەرلەندىردى. ماجىلىسكە قاتىناسقان ۋاكىلدەر كوزدەن كەشىرۋ، تەكسەرۋ - زەرتتەۋ جۇرگىزۋ بارىسىندا شينجياڭنىڭ دامۋىنا، وزگەرىسىنە كۋا بولدى، ءماجىلىس باسىندا قۇدىرەتتى بىرىككەن كۇشتى سەزىندى، گرۋپپا تالقىسىندا قىزمەت وي جەلىسىن بۇكپەسىز اڭگىمەلەدى. ولار مىنالاردى ءبىلدىردى: بۇكىل ەلدە جوعارىدان تومەنگە دەيىن پارتيانىڭ 100 جىلدىق مەرەيتويىن بىرگە قۇتتىقتاپ، باس شۋجي شي جينپيڭ جاپپاي دوڭگەلەك داۋلەتتى قوعام ورناتىلعاندىعىن سالتاناتپەن جاريالادى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋ، تياناقتاندىرۋ ىشكەرىلەي ىلگەرىلەدى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى. 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ وسىنداي جاعدايدا اشىلۋىنىڭ ءمانى ايرىقشا كەلەلى، بىزدە جاڭا داۋىردەگى شينجياڭعا كومەكتەسۋ قىزمەتىن جاقسى ىستەۋگە سەنىم دە، اناعۇرلىم جەتكىلىكتى قوزعاۋشى كۇش تە بار.

سەنىم مەن قوزعاۋشى كۇش 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ جاڭا داۋىردەگى شينجياڭعا كومەكتەسۋ قىزمەتىن تاعى جوسپارلاۋىنان، دالمە - ءدال ورنالاستىرۋ جاساۋىنان كەلدى.

”بارىنشا جەلپىندىم، بارىنشا مەيىرىم سەزىندىم، مول قوزعاۋشى كۇشكە يە بولدىم“. حوتان ايماقتىق پارتكومنىڭ ورىنباسار شۋجيى، انحۇي شينجياڭعا كومەكتەسۋ قولباسشىلىق شتابىنىڭ باس قولباسشىسى جوۋ مي بىلاي دەدى: وسى رەتكى ءماجىلىس كەلەسى كەزەڭدەگى بۇكىل مەملەكەتتىك شينجياڭعا باعىتتامالى كومەكتەسۋ قىزمەتىنە جالپى بەتتىك ورنالاستىرۋ جاساپ، ايقىن تالاپتار قويدى، ءسوز جوق، شينجياڭنىڭ ورنىقتىلىعىنا، دامۋىنا قۇدىرەتتى قوزعاۋشى كۇش ۇستەيدى.

ىلە قازاق اۆتونوميالى وبلىسىنىڭ ۋاقىتشا باستىعى قادان كابەن مىنالاردى ءبىلدىردى: شينجياڭعا كومەكتەسۋ قىزمەتىن جاقسى ىستەۋدىڭ سەنىمى مەن بەكىمىن ىشكەرىلەي كۇشەيتىپ، ءماجىلىس رۋحىن مۇقيات دايەكتىلەندىرىپ، تياناقتاندىرىپ، جياڭسۋ ولكەسىمەن سايكەسۋدى، ۇشتاسۋدى كۇشەيتىپ، شينجياڭعا كومەكتەسۋدىڭ ءتۇيىندى قىزمەتتەرىن تىڭعىلىقتى تياناقتاندىرامىز.

سەنىم مەن قوزعاۋشى كۇش ءارقايسى كومەكتەسۋ كۇشتەردىڭ ۇزاق ۋاقىتتان بەرى شينجياڭعا كومەكتەسۋ قىزمەتىن تىڭعىلىقتى ىلگەرىلەتۋگە تالپىنعان ەڭبەگىنەن، بۇكىل ىنتا - پەيىلىن ارناۋىنان كەلدى.

ورتالىق پەن مەملەكەت ورگاندارى، ورتالىق كاسىپورىندارى جانە شينجياڭعا كومەكتەسكەن ولكە، قالالار شينجياڭعا كومەكتەسۋ قىزمەتىن ماڭىزدى ورىنعا قويىپ، قارجى ۇسىنىلىمىنىڭ، نىسان كولەمىنىڭ جانە ات سالىسقان ادام سانىنىڭ ۇزدىكسىز ارتۋىن ىلگەرىلەتتى. 2019 - جىلدان بەرى ورتالىق كاسىپورىندارى شينجياڭدا جيىنى 265 ميلليارد يۋان قارجى قوستى، شينجياڭعا كومەكتەسكەن ولكە، قالالاردىڭ قوسقان شينجياڭعا كومەكتەسۋ قارجىسى جيىنى 50 ميلليارد يۋاننان استى. قارجىلار، نىساندار، توپ - توپ دارىندىلار وتاننىڭ شار تارابىنان شينجياڭعا كەلىپ، شينجياڭدى دامىتۋدىڭ، العا باستىرۋدىڭ تەلەگەي كۇشىن ۇيىستىردى.

سەنىم مەن قوزعاۋشى كۇش شينجياڭنىڭ وتاننىڭ ۇلى شاڭىراعىنىڭ مەيىرلى قامقورلىعىندا قول جەتكىزگەن كورنەكتى ونىمدىلىگىنەن تۋىلعان وراسان زور وزگەرىسىنەن كەلدى.

شينجياڭعا كومەكتەسۋدىڭ جەتىستىكتەرىن ناقتى كوزدەن كەشىرگەننەن، تەكسەرۋ - زەرتتەۋ جۇرگىزگەننەن كەيىن، سۋ يگىلىگى مينيسترلىگىنىڭ ورىنباسار مينيسترى ۋي شانجۇڭ تەبىرەنە بىلاي دەدى: ”7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعالى قىسقا عانا 2 جىل ۋاقىت بولسا دا، اراسىندا جاڭا تيپتى ايدارشا ۆيرۋس وكپە قابىنۋ ىندەتىن باستان كەشىرسە دە، شينجياڭنىڭ بارلىق جەرىنەن شينجياڭعا كومەكتەسۋدىڭ قۋانارلىق جەتىستىكتەرىن كورۋگە بولادى، كومەكتەسۋشى ورىن رەتىندە بۇعان ەرەكشە قۋانامىز“.

بۇراتالا موڭعۇل اۆتونوميالى وبلىستىق پارتكومنىڭ ورىنباسار شۋجيى جوۋ فىڭ بىلاي دەدى: شينجياڭعا كومەكتەسۋشى كۇشتەردىڭ بار كۇشپەن قولداۋىندا، شينجياڭنىڭ قوعامدىق كەلەلى جاعدايى ورنىقتى بولىپ، ەكونوميكاسى جوعارى ساپالى دامىپ، ۇلتتار ىنتىماعى ۇزدىكسىز بەكەمدەلىپ، حالىق تۇرمىسىنىڭ قۇت - ىرىسى ۇزدىكسىز كۇشەيدى، سان سالالى ىستەردە قول جەتكىزگەن وراسان زور تابىستار ءبىزدىڭ شينجياڭنىڭ كەلەشەگىنە دەگەن سەنىمىمىزدى ءتىپتى دە نىعايتا ءتۇستى.

تياناقتاندىرۋدى يگەرىپ، جاڭا تاراۋ اشقان ءبىر رەتكى ءماجىلىس

ءماجىلىستىڭ اشىلۋىنا ىلەسە، شينجياڭعا باعىتتامالى كومەكتەسۋ قىزمەتىنىڭ جاڭا نىساناسى بىرتىندەپ ايقىندالدى، شارالار ونان ارى دالمە - ءدال بولا ءتۇستى.

”دەرەۋ تەكسەرۋ - زەرتتەۋ ورىستەتىپ، ءتۇيىندى قىزمەتتەردى ىشكەرىلەي ۇشتاستىرامىز“، ”ءماجىلىستىڭ ورنالاستىرۋى بويىنشا تياناقتاندىرۋ پىكىرىن جەدەل الىپ شىعىپ، شينجياڭعا باعىتتامالى كومەكتەسۋدىڭ تەرەڭدەۋىن، ناقتىلانۋىن ىلگەرىلەتەمىز“، ”شينجياڭعا كومەكتەسۋ نىساندارىن ونان ارى ەگجەي - تەگجەيلىلەندىرىپ، تياناقتانىپ ونىمدىلىك كورسەتۋىن جەدەل ىلگەرىلەتەمىز“، ”ءسوز جوق، شينجياڭعا كومەكتەسۋدىڭ جەتىستىكتەرىن شينجياڭداعى ءار ۇلت حالقىنىڭ ەڭ تىڭعىلىقتى تابىس سەزىمىنە، باقىت سەزىمىنە، حاۋىپسىزدىك سەزىمىنە اينالدىرامىز“... ءماجىلىس كەزىندە ماجىلىسكە قاتىناسقان ۋاكىلدەر ارقالاعان جاۋاپكەرشىلىكتەرىن تەرەڭ سەزىنىپ، وي جەلىسىن جابال بۇكپەسىز اڭگىمەلەپ، شارالاردى ورتاعا قويدى.

مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ورىنباسار مەڭگەرۋشىسى رىن حۇڭبين بىلاي دەدى: ءبىز ورتالىق كاسىپورىندارىنىڭ شينجياڭعا كومەكتەسۋ قىزمەت تەبىنىن ۇزدىكسىز ارتتىرىپ، كاسىپ سالاسى جاعىنان شينجياڭعا كومەكتەسۋدە جۇمىسقا قابىلداۋ قابىلەتى كۇشتى نىسانداردى دامىتۋعا ءمان بەرىپ، شينجياڭنىڭ ەرەكشە، باسىم كاسىپ سالالارىن زورايتۋىنا كومەكتەسىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى جالپى بەتتىك گۇلدەندىرۋدى ىلگەرىلەتىپ، شينجياڭعا كومەكتەسۋ ىستەرىندە تىڭ ۇلەس قوسۋعا قۇلشىنامىز.

شاڭحاي قالالىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى جىڭ گاڭمياۋ بىلاي دەدى: شاڭحاي قالاسى قاشقار ايماعىنىڭ 4 اۋدانىنىڭ كاسىپ سالاسى جاعىنان كومەكتەسۋ - سۇيەمەلدەۋدى كۇشەيتۋگە، تۇتىنۋ جاعىنان كەدەيلەردى سۇيەمەلدەۋدى ۇلعايتۋعا، جۇمىستاندىرۋ جاعىنان كومەكتەسۋ - سۇيەمەلدەۋدى ناقتىلاندىرۋعا، اقىل - پاراسات جاعىنان كومەكتەسۋ - سۇيەمەلدەۋدى جاقسارتۋعا بار كۇشپەن دەم بەرىپ، تۇتاس فاكتورلىق، كەڭ سالالى، تەرەڭ ساتىلى سەلبەستىكتى، ۇشتاسۋدى ىلگەرىلەتىپ، كومەك قابىلداعان جەردىڭ ىشكى قوزعاۋشى كۇشى مەن باياندى دامۋ قابىلەتىن ۇزدىكسىز كۇشەيتەدى.

”كەلەسى قادامدا ءبىز ءماجىلىستىڭ ورنالاستىرۋى بويىنشا نىسانداردى تياناقتاندىرۋدى تياناق ەتىپ، بۇراتالا وبلىسى ەكونوميكاسىنىڭ جوعارى ساپالى دامۋىن ىلگەرىلەتەمىز؛ ارالاسۋدى، ىشتەسۋدى، توعىسۋدى تياناق ەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، حۋبەي ولكەسىنىڭ شينجياڭعا باعىتتامالى كومەكتەسۋ قىزمەتتەرىنىڭ ناقتى تياناقتانۋىن شىن مانىندە ىلگەرىلەتەمىز“. جوۋ فىڭ مىنالاردى ءبىلدىردى: بيىل بۇراتالا موڭعۇل اۆتونوميالى وبلىسى مەن بيڭتۋان 5 - شىسىنىڭ ماشينا، اۋىل شارۋاشىلىق قوسىمشا ونىمدەرىن وڭدەۋىنە جانە توقىماشىلىق كاسىپ سالالارىن دامىتۋعا ءتۇيىندى كومەكتەسىپ، كومەك قابىلداعان جەردە جوعارى ساپالى دامۋدى ىلگەرىلەتەتىن تىرەكتى كاسىپ سالالارىن تۇلعالايمىز.

جىجياڭ داشۋەسى مەديتسينا شۋەيۋانىنا قاراستى 1 - شيپاحانا پارتكومىنىڭ شۋجيى لياڭ تيڭبو بىلاي دەدى: ەمدەۋ جاعىنان شينجياڭعا كومەكتەسۋدىڭ كەمەلدى تاجىريبەلەرىنەن تولىق پايدالانىپ، ەمدەۋ دارىندىلارىن جەتىلدىرۋدى ماڭىزدى تۇتقا ەتىپ، ۇيرەتۋ، كومەكتەسۋ، جەتەكتەۋ تەبىنىن ارتتىرىپ، اقسۋ ايماعى ءۇشىن تاپجىلماس مامان دارىندىلار قوسىنىن تۇلعالاپ، شينجياڭنىڭ ەمدەۋ، دەنساۋلىق ساقتاۋ ىستەرىندە اناعۇرلىم زور دامۋدى جۇزەگە اسىرۋىنا دەم بەرەمىز.

سۋ كوتەرىلسە، ەكى جاعالاۋدىڭ ساعاسى كەڭەيەدى، جەل وڭىنان تۇرسا، كەمەنىڭ جەلكەنى كوتەرىلەدى. جاڭا جوبا سىزىلدى، جاڭا بولاشاق جاسامپازدىقتى ءتىپتى دە كۇتۋدە. شينجياڭعا كومەكتەسۋ قىزمەتىنىڭ جاڭا جاعدايى، جاڭا مىندەتى الدىندا، شينجياڭداعى ءار ۇلت كادر، بۇقاراسى كوكىرەك تولى العىس سەزىمىمەن قايراتتانا ىلگەرىلەپ، جاڭا ساپاردا تاعى دا تاماشا ناتيجە جاراتۋعا قۇلشىنادى.