− جاڭا داۋىردەگى جاڭا كەزەڭدىك شينجياڭعا باعىتتامالى كومەكتەسۋ قىزمەتىن قۇلشىنا جاقسى ىستەۋ جونىندە

 شينجياڭ گازەتىنىڭ شولۋشىسى 

8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى پارتيا مەن مەملەكەت قىزمەتى جالپى جاعدايىنىڭ ستراتەگيالىق بيىگىنەن جاڭا داۋىردەگى جاڭا كەزەڭدىك شينجياڭعا باعىتتامالى كومەكتەسۋ قىزمەتىنە جاپپاي ورنالاستىرۋ جاسادى. وسى رەتكى ٴماجىلىس رۋحىن ويداعىداي دايەكتىلەندىرۋ، تياناقتاندىرۋدا شينجياڭ قىزمەتى ٴدوپ كەلگەن جاڭا جاعدايدى، جاڭا مىندەتتى ىشكەرىلەي جەتە تانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى، شينجياڭعا كومەكتەسۋ قىزمەتى جونىندەگى شەشىمدەرى مەن ورنالاستىرۋلارىن قاز - قالپىندا ناقتى تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن قۇلشىنا ىلگەرىلەتۋ كەرەك.

اقىلدى زامانعا قاراي بەيىمدەلەدى، ٴبىلىمدى جاعدايعا قاراي ىستەيدى، مىقتى قولايلى جاعدايدان پايدالانىپ، العا ىلگەرىلەيدى. كەزەكتە شينجياڭداعى ٴار ۇلت حالقى بۇكىل ەلدەگى ٴار ۇلت حالقىمەن بىرگە جاپپاي دوڭگەلەك داۋلەتتى قوعامعا جەڭىسپەن قادام تاستاپ، تاسقىنداعان جىگەرمەن ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىنا ارشىندى قادام تاستادى. تاريحتىڭ جاڭا باستاماسىندا، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتۋ ٴۇشىن، باس شۋجي شي جينپيڭنىڭ «1 - شىلدەدەگى» ماڭىزدى ٴسوزىنىڭ رۋحى مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ٴدال دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتىنىڭ جاعدايى جونىندەگى تۇجىرىممەن شىن مانىندە بىرلىككە كەلتىرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ باعدارى مەن ٴتۇيىنىن دالمە - ٴدال يگەرىپ، نازاردى شينجياڭداعى ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، دالمە - ٴدال كۇش سالىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا دەم بەرۋ كەرەك.

شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن قۇلشىنا ىلگەرىلەتۋدە نازاردى ٴتۇيىندى ماسەلەلەرگە شوعىرلاندىرىپ، ٴتۇيىندى قىزمەتتەردى كورنەكتىلەندىرۋ كەرەك. قارجىنى، نىساندى حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ٴتۇيىندى وڭىرلەرگە بەيىمدەۋگە تاباندى بولىپ، كومەككە يە بولعان جەرلەردىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋىنە، كەڭەيتۋىنە دەم بەرىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، ٴار ۇلت بۇقاراسىن ٴتىپتى دە كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلتۋ كەرەك. شينجياڭعا اقىل - پاراسات جاعىنان كومەكتەسۋدى شينجياڭعا كومەكتەسۋ قىزمەتىنىڭ ماڭىزدى ٴتۇيىنى ەتۋگە تاباندى بولىپ، كولەمدى ساقتاپ، قۇرىلىمدى جاقسارتىپ، تاسىلدە جاڭالىق اشىپ، «ۇيىرمە فورماسىندا» شينجياڭعا كومەكتەسۋ تاجىريبەسىن، ٴادىس - امالىن ىشكەرىلەي قورىتىندىلاپ، سالانى ۇزدىكسىز كەڭەيتىپ، بايلىقتى كەڭ كولەمدە بىرىكتىرۋدى، كومەكتەسۋ - سۇيەمەلدەۋدە جۇيەلى كۇش سالۋدى، ونىمدىلىگىن تۇلعالىق ساۋلەلەندىرۋدى جۇزەگە اسىرۋ كەرەك، سونىمەن بىرگە شينجياڭعا كومەكتەسەتىن كادر - دارىندىلاردى ويداعىداي تاڭداپ، ويداعىداي پايدالانىپ، كوبىرەك ٴمان بەرىپ، ەرەكشە قامقورلىق جاساپ، اركىم ٴوز قابىلەتىن تولىق كورسەتۋدى، اركىمنىڭ قابىلەتىنەن تولىق پايدالانۋدى شىن مانىندە ورىنداۋ كەرەك. كاسىپ سالاسى جاعىنان شينجياڭعا كومەكتەسۋدى ناقتى ىلگەرىلەتىپ، جاڭا دامۋ كەزەڭىن تياناق ەتىپ،  جاڭا دامۋ ۇستانىمىن دايەكتىلەندىرىپ، جاڭا دامۋ ارناسىنا قىزمەت وتەۋدىڭ جانە ونىمەن توعىسۋدىڭ كىرىسۋ ٴتۇيىنىن، ۇشتاسۋ ٴتۇيىنىن، كۇش سالۋ ٴتۇيىنىن ٴدال تاۋىپ، «14 - بەسجىلدىق» مەزگىلىندەگى كاسىپ سالاسى سەلبەستىگى مەن نىسانداردى ورنالاستىرۋدى ويداعىداي جوسپارلاپ، كومەككە يە بولعان جەرلەردىڭ باسىمدىققا يە كاسىپ سالاسىن دامىتۋىن، زورايتۋىن قولداۋ جاعىنا كۇش سالىپ، «قان جاساۋ يقۋاتىن» ۇزدىكسىز كۇشەيتۋ كەرەك. شينجياڭدى مادەنيەتپەن نارلەندىرۋدى ىشكەرىلەي اتقارىپ، «ەنگىزۋ» مەن «سىرتقا شىعارۋدى» ٴوزارا ۇشتاستىرۋعا تاباندى بولىپ، شينجياڭنىڭ تاڭداۋلى وڭىرلىك مادەنيەتى مەن ىشكى وڭىردەگى ٴار ۇلتتىڭ تاڭداۋلى مادەنيەتىنىڭ اۋىس - كۇيىسىن، ٴوزارا ۇلگى الۋىن ىلگەرىلەتىپ، شينجياڭداعى ٴار ۇلت بۇقاراسىنىڭ جۇڭحۋا مادەنيەتى جونىندەگى ورتاق تانىمىن كۇشەيتۋ كەرەك.

شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن قۇلشىنا ىلگەرىلەتۋدە، اسىرەسە، ۇلتتاردىڭ ارالاسۋىن، ىشتەسۋىن، توعىسۋىن جەبەۋدى اناعۇرلىم كورنەكتى ورىنعا قويۋ كەرەك. جۋىق جىلداردان بەرى كوپ ساتىلى اۋىس - كۇيىس تۇعىرىن ورناتۋ ارقىلى كومەك بەرگەن، كومەككە يە بولعان ەكى جاقتىڭ اۋىس - كۇيىسى، بارىس - كەلىسى كۇن سايىن جيىلەدى. بۇدان كەيىن ۇزدىكسىز ىشكەرىلەي كەڭەيتىپ، شينجياڭنىڭ ٴىشى - سىرتىنداعى ٴار ۇلت بۇقاراسىنىڭ كوپ ساتىلى، كوپ سالالى، كوپ فورمالى بارىس - كەلىسىن، ىقپالداستىعىن ىلگەرىلەتۋ، سونداي - اق مۇمكىندىكتىڭ بارىنشا نەگىزگى ساتىعا قاراي، اۋىل - قىستاققا قاراي بەيىمدەپ، شينجياڭعا كومەكتەسۋ قىزمەتىن شىن مانىندە دامىتۋ، ىلگەرىلەتۋ ينجەنەرياسى، ۇلتتار ىنتىماعى ينجەنەرياسى، حالىق تىلەگىن ۇيىستىرۋ ينجەنەرياسى ەتىپ تۇلعالاۋ كەرەك.

شينجياڭعا باعىتتامالى كومەكتەسۋ − پارتيا ورتالىق كوميتەتى مىندەتتەگەن كەلەلى ساياسي مىندەت. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ۇلى پارتيا قۇرۋ رۋحىن اسقاقتاتىپ، مۇرات - سەنىم وتىمەن، رۋح الاۋىمەن جاڭا ساپاردا قاجىماي - تالماي كۇرەس جاساۋدىڭ بەرىك بەكىمى مەن ۇلى كۇشىن تاسقىنداتىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتۋدىڭ ٴىس جۇزىندىك ارەكەتى ارقىلى وتاننىڭ شينجياڭىن ٴتىپتى دە كوركەم ەتىپ قۇرۋعا كۇش - قۋاتىمىزدى ارنايىق.