باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
حالىق تۇرمىسى جاعىنان شينجياڭعا باعىتتامالى كومەكتەسۋدىڭ تەبىنى ارتىپ، بۇقارا باقىتتى تۇرمىسقا كەنەلدى لي تاۋ (ٴوز ٴتىلشىمىز)
2021-07-28 11:40:18     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى حالىق تۇرمىسىن الدىمەن ەسكەرۋدەن جازباي، شينجياڭعا باعىتتامالى كومەكتەسۋ قارجى نىساندارىن حالىق تۇرمىسىنا، نەگىزگى ساتىعا بەيىمدەۋگە باستان ـ اياق تاباندى بولدى.

ساناققا نەگىزدەلگەندە، بيىل 353 نىسان ورنالاستىرىلىپ، ٴبىر ميلليارد 960 ميلليون يۋان كومەك قارجى قوسىلىپ، مۇنىڭ %80 تەن استامى نەگىزگى ساتى حالىق تۇرمىسى سالاسىنا جۇمسالعان. مۇنىڭ ىشىندە كاسىپ سالاسىن دامىتۋ ارقىلى جۇمىستانۋعا جەتەكشىلىك ەتۋدى قولداپ، كاسىپ سالاسىن دامىتۋ ارقىلى جۇمىستانۋدى جەبەۋ تۇرىندەگى 80 نىسان، 488 ميلليون يۋان كومەك قارجى ورنالاستىرىلعان؛ كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، اۋىل ـ قىستاقتى گۇلدەندىرۋگە جانە حالىق تۇرمىسىن قامتاماسىزداندىرۋعا دەم بەرىپ، بۇقارانىڭ تۇرمىس شارت ـ جاعدايىن جاقسارتۋ تۇرىندەگى 79 نىسان، 526 ميلليون يۋان كومەك قارجى ورنالاستىرىلعان.

جۇرت جۇرەگىن جىلىتۋ ينجەنەريالارى، حالىققا ٴتيىمدى ناقتى ىستەر نەگىزگى ساتىداعى بۇقارانى تىكەلەي، كەڭ كولەمدە ۇزاق ۋاقىت يگىلىككە كەنەلدىرىپ، الاڭسىز، شات - شادىمان تىرشىلىك ەتىپ، باقىتتى، جاراسىمدى، تاماشا تۇرمىسقا بەت الدىردى.

«شاعىن زاۆود» قۇرىپ، قىستاق تۇرعىندارىن ٴۇي ماڭىندا جۇمىسقا ورنالاستىردى

10 ـ توپتا جياڭسۋدىڭ ىلەگە باعىتتامالى كومەكتەسۋ قىزمەتى ورىستەتىلگەننەن بەرى جياڭسۋدىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى مەن شينجياڭعا باعىتتامالى كومەكتەسۋ قولباسشىلىق گرۋپپالارى جۇمىسقا ورنالاستىرۋدى الدىمەن ويلاستىرۋ ستراتەگياسىنا تاباندى بولىپ، جۇمىسقا ورنالاستىرۋدى شينجياڭنىڭ ورنىقتىلىعىن قورعاۋداعى، حالىق تۇرمىسىن جاقسارتۋداعى ماڭداي الدى ينجەنەريا رەتىندە يگەرىپ، ٴار ۇلت بۇقاراسىنىڭ جۇمىسقا ورنالاسۋىنا بەلسەنە كومەكتەستى جانە ونى جەبەدى.

كۇنەس اۋدانىندا ياڭجوۋ قالاسىنىڭ كۇنەس اۋدانىنا باعىتتامالى كومەكتەسۋ الدىڭعى شەپ قولباسشىلىق گرۋپپاسى ٴارقايسى اۋىل ـ قالاشىقتاردا «شاعىن زاۆود» ورنالاستىرىپ، اۋىل ـ قىستاقتى گۇلدەندىرۋ ٴىرى سىناعىندا ياڭجوۋدان شينجياڭعا باعىتتامالى كومەكتەسۋشىلەردىڭ جەرگىلىكتى جاعدايعا قاراي جۇمىس ىستەپ، ماسەلەنى شەشۋ جوباسىن العا قويدى.

بىرنەشە كۇننەن بەرى كۇنەس اۋدانىنداعى كاسىپتىك ـ تەحنيكالىق شۋەيۋانى ساباقحاناسىندا 2 ـ كەزەكتى «ەركىن كەستەشىلىك» شەبەرلىگىنە باۋلۋ كۋرسى اشىلدى. مەملەكەتتىك 13 ـ كەزەكتى حالىق قۇرىلتايىنىڭ ۋاكىلى، ياڭجوۋ گوفىڭ ەركىن كەستەشىلىك زەرتتەۋ ورنىنىڭ تەحنيكالىق باس باقىلاۋشىسى، بەيزاتتىق مادەني مۇرا ەركىن كەستەشىلىك مۇراگەرى مو يۋانحۋا ياڭجوۋدان كۇنەس اۋدانىنا ارنايى كەلىپ كەستە تىگۋ تەحنيكاسىن ۇيرەتتى. قولباسشىلىق گرۋپپاسىنىڭ كوپ جاقتى قۇلشىنۋىندا كەستەشى قازاق ايەلدەر تەحنيكالىق ونەرىن جەتىلدىرىپ، كىرىستى ارتتىرۋدىڭ جاڭا ٴادىسىن تاپتى. تالدى قالاشىعى ۇشتوبە قىستاعىنىڭ كەستەشىسى جاينا توقتاربەك قىزى ٴۇرتىس 2 كەزەك  «ەركىن كەستەشىلىك» كۋرسىسىنىڭ وقۋشىسى بولدى، ونىڭ  ۇيرەنۋى تەز، شەبەرلىگى ايتارلىقتاي بولعاندىقتان، باسقا ۇزدىك كۋرسانتتارمەن بىرگە ياڭجوۋعا بارىپ ٴبىر ايلىق كاسىپتىك كۋرسقا قاتىناستى. تاربيەلەنۋ ارقىلى ونىڭ كەستەشىلىك ونەرى بارىنشا جوعارىلادى. ول قازاق كەستەشىلىگى مەن ەركىن كەستەشىلىكتى ورگانيكالى ۇشتاستىرىپ، ٴوزىنىڭ كەستەلەرىن ٴتىپتى دە ۇلكەن بازارعا سالىپ، ٴتىپتى دە زور قۇن جاراتۋدى ٴۇمىت ەتەتىندىگىن ٴبىلدىردى.

جاينا توقتاربەك قىزى: «وسى تەحنيكانى جاقسى ۇيرەندىم، جۇمىس ورنىم وتباسىما جاقىن، وتباسىما، بالاما قاراي الامىن، اقشا دا تابا الاتىن بولدىم» دەدى. كوپ ساندى وتباسىندا بالا بولعاندىقتان قازاق ايەلدەرى كوبىنشە سىرتقا شىعىپ جۇمىس ىستەي المايتىن، ياڭجوۋدىڭ شينجياڭعا باعىتتامالى كومەكتەسۋ قولباسشىلىق گرۋپپاسىنىڭ باستاۋىندا جياڭسۋ كاسىپورىندارى ٴوندىرىس تاپسىرىسىمەن قامداپ، ونىمدەردى ساتىپ الىپ، ولارعا قولايلىلىق جاراتقان.

كۇنەس اۋداندىق پارتكوم ۇيىمداستىرۋ ٴبولىمىنىڭ ورىنباسار باستىعى، ياڭجوۋدان شينجياڭعا كومەككە كەلگەن كادر حان جىشين: «ياڭجوۋدىڭ شينجياڭعا باعىتتامالى كومەكتەسۋ قولباسشىلىق گرۋپپاسى <قازاق كەستەشىلىگى> شاعىن زاۆودىن  قۇرىپ ٴتىپتى دە كوپ قازاق كەستەشى ايەلدەرىن جاقىن ماڭدا جۇمىسقا ورنالاستىردى. <قازاق كەستەشىلىگى> شاعىن زاۆودىن قۇرۋدان سىرت، ياڭجوۋدىڭ شينجياڭعا باعىتتامالى كومەكتەسۋ قولباسشىلىق گرۋپپاسى تۇرگەن، قارابۋرا، ارالتوبە سياقتى جەرلەردە اۋىل ـ قالاشىقتى بىرلىك ەتىپ، كاسىپ اشۋ پۋنكتتەرىن، قولعاپ زاۆودتارىن قۇرىپ، شارۋاشىلىق قۇرۋ، جۇمىستاندىرۋ ورنىن ازىرلەدى» دەدى.

ياڭجوۋدىڭ شينجياڭعا كومەك بەرۋ قولباسشىلىق گرۋپپاسىنىڭ باستىعى، كۇنەس اۋداندىق پارتكومنىڭ ورىنباسار شۋجيى مىڭ دىحى: «اۋىل - قىستاقتى گۇلدەندىرۋدە، بىرىنشىدەن، ٴبىز ساۋداگەر شاقىرىپ، قارجى ەنگىزۋمەن، ەكىنشىدەن، بۇقارانى اۋقاتتاندىرۋمەن ۇشتاستىردىق، وسى ارقىلى بۇقارانى جاقىن ماڭدا جۇمىستاندىردىق» دەدى. ياڭجوۋدىڭ شينجياڭعا كومەك بەرۋ قولباسشىلىق گرۋپپاسى «شاعىن زاۆود» سىندى جەرگىلىكتى ورىننىڭ ەكونوميكاسىن دامىتۋ فورماسىن قالىپتاستىرۋ ارقىلى اۋىل - قىستاقتى گۇلدەندىرۋدى ىلگەرىلەتىپ، بۇقارانى اۋقاتتاندىرۋعا باستاۋدا.

وقۋ - اعارتۋ ارقىلى شينجياڭعا كومەك بەرىپ، ىلەنىڭ جۇمساق، قاتتى بولشەك قۋاتىن جوعارىلاتتى

جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى باستان - اياق وقۋ - اعارتۋدى شينجياڭنىڭ ورنىقتى دامۋىن ىلگەرىلەتۋدەگى ماڭىزدى ستراتەگيالىق مىندەت رەتىندە قاراپ جوسپار جاسادى جانە ىلگەرىلەتتى. ساناققا قاراعاندا، بيىل جالپى مادەنيەت، وقۋ - اعارتۋعا قاتىستى 87 نىسان ورنالاستىرىلىپ، كومەك قارجىسى 696 ميلليون يۋانعا جەتىپ، كومەككە يە بولعان ورىننىڭ مەكتەپ قۇرۋ شارت - جاعدايىن جاقسارتۋ، وقىتۋشىلاردىڭ ساپاسىن جوعارىلاتۋ، مەكتەپ قۇرۋ ورەسىن جوعارىلاتۋ جاقتارىندا كورنەكتى ناتيجەگە قول جەتكەن.

ەكى كۇننەن بەرى قورعاس اۋداندىق 1 - ورتا مەكتەپتىڭ اسەمونەر - دەنەتاربيە  عيماراتى جانە مەكتەپ اۋلاسىنىڭ نەگىزدىك قۇرىلعى قۇرىلىسى نىسانىندا قاۋىرت جۇمىس جۇرگىزىلدى. 100 دەن استام جۇمىسشى ۇستەمە جۇمىس ىستەپ، جۇمىس مەرزىمىن مىقتى يگەردى. بۇل نىسان − بيىلعى شينجياڭعا باعىتتامالى كومەك بەرۋدەگى ماڭىزدى نىسان، بيىل 3 - ايدا قۇرىلىس باستاعان. قورعاس اۋداندىق 1 - ورتا مەكتەپتى كەڭەيتەدى جانە وزگەرتەدى، جاڭا مەكتەپ جاتاعىن 18 مىڭ 320 شارشى مەترگە جەتكىزىپ، مەكتەپ جاتاعىنىڭ 56 مىڭ 837 شارشى مەتر جەرىن جاڭالاپ جوندەيدى، 400 مەترلىك 2 دەنەتاربيە الاڭىن سالادى جانە قاتىستى سەپتەۋگە ٴتيىستى جابدىقتاردى ورناتادى. قازىر نەگىزگى قۇرىلىس اقىرلاستى.

قورعاس اۋداندىق 1 - ورتا مەكتەپتىڭ ورىنباسار مەڭگەرۋشىسى تاڭ بيننىڭ تانىستىرۋىنا قاراعاندا، بۇل نىسانعا جالپى 89 ميلليون يۋان قارجى قوسىلعان، مۇنىڭ 70 ميلليون يۋانعا جۋىعى شينجياڭعا باعىتتامالى كومەك بەرۋ قارجىسى ەكەن. تۇتاس مەكتەپ اۋلاسىندا اسەمونەر - دەنەتاربيە عيماراتى، ۋنيۆەرسالدى عيمارات، ٴبىر كورپۋس ۇلدار جاتاعى، ٴبىر كورپۋس وقىتۋ عيماراتى بار، قازىر قۇرىلىس جۇمىسى سوڭعى باسقىشقا ٴوتىپتى، مەجەمەن 7 - ايدىڭ 30 - كۇنى پايدالانۋعا بەرىلەدى. نىسان پايدالانۋعا بەرىلگەننەن كەيىن قورعاس اۋدانىنداعى وقۋشىلاردىڭ وقۋ قاجەتىن اناعۇرلىم تولىق قاناعاتتاندىرادى.

وقۋ - اعارتۋدا قاتتى بولشەك قۇرىلعىلارى كورنەكتى جاقسارتىلۋدان تىس، وقۋ - اعارتۋدىڭ ۇيىرمە ۇلگىسىندەگى شينجياڭعا باعىتتامالى كومەك بەرۋى دە وبلىسقا توتە قاراستى ورىنداردىڭ وقۋ - اعارتۋ قىزمەتىندەگى ولقىلىقتار مەن ٴالسىز بۋىنداردى ۇزدىكسىز تولىقتادى. مۇنىڭ ىشىندە، اسىرەسە، كاسىپتىك - ونەرگە تاربيەلەۋى كورنەكتى بولدى. 2020 - جىلى ىلە كاسىپتىك - تەحنيكالىق شۋەيۋانىنداعى وقىتۋشىلار ۇيىرمەسى جياڭسۋ ولكەسىنە بارىپ، وقىتۋ جارىسىنا، شوعىرلى تاربيەلەۋگە قاتىناستى. سول جىلى اۆتونوميالى رايونداعى كاسىپتىك مەكتەپتەردىڭ ونەر باسەكەسى، وقىتۋ قابىلەتى باسەكەسىندە ىلە وبلىسىنان 11 تۋىندى سيلىققا يە بولدى. مۇنىڭ ىشىندە ۇشەۋى 1 - دارەجەلى بولدى؛ مەملەكەتتىك كاسىپتىك مەكتەپتەردىڭ ونەر باسەكەسى، وقىتۋ قابىلەتى باسەكەسىندە ىلە وبلىسى شينجياڭعا ۋاكىل بولىپ شەشۋشى جارىسقا قاتىناستى ٴارى 2 -، 3 - دارەجەلى سيلىققا يە بولدى. ىلە جىبەك جولى كاسىپتىك شۋەيۋانىندا (دايىندىق) شينجياڭعا باعىتتامالى كومەك بەرۋ ۇيىرمەسى جەتەكشىلىك ەتكەن جاس وقىتۋشىلار تەحنيك جۇمىسشىلار شۋەيۋانى وقىتۋشىلارىنىڭ مەملەكەتتىك وقىتۋ شەبەرلىگى جارىسىندا 2 - دارەجەلى داڭققا قول جەتكىزدى. جەتەكشىلىك ەتىلگەن وقۋشىلار 2020 - جىلى مەملەكەتتىك 1 - كەزەكتى كاسىپتىك ونەر جارىسىندا باتىس بولەك ونەر جۇلدىزى سيلىعى مەن ۇزدىك سيلىعىنا قول جەتكىزدى ٴارى مەملەكەتتىك شوعىرلى تاربيەلەۋ اترەتىنە تاڭدالدى.

شينجياڭعا دالمە - ٴدال باعىتتامالى كومەكتەسۋ، اۋىل - قىستاقتى گۇلدەندىرۋدى جەبەدى

بيىل 10 - توپتاعى جياڭسۋدان شينجياڭعا باعىتتامالى كومەكتەسەتىن كادر دارىندىلار ٴىس جۇزىندىكتى شىعار ٴتۇيىن ەتىپ، توسىپ وتىرماي، يەك سۇيەمەي، ٴتۇيىندى ٴدال تاۋىپ، اۋىل - قىستاقتى گۇلدەندىرۋدى شينجياڭعا باعىتتامالى كومەكتەسۋ قىزمەتىنىڭ كۇش سالۋ ٴتۇيىنى جانە تەتىگى رەتىندە قاراپ، كومەك قابىلدايتىن جەردىڭ ٴىس جۇزىندىگىنە ۇيلەسەتىن اۋىل - قىستاقتى گۇلدەندىرۋ جولىن قاراستىردى.

چاپچال سىبە اۆتونوميالى اۋدانى كەن اۋىلىنىڭ سۋ بايلىعى مول، سۋ شارۋاشىلىعىن دامىتۋدىڭ بولاشاعى زور. 2017 - جىلى يانچىڭ قالاسىنىڭ شينجياڭعا باعىتتامالى كومەكتەسۋ قولباسشىلىق گرۋپپاسىنىڭ كومەگىندە ىلە يۋەران ەكولوگيا سەرىكتىگى كاسىپكە جەتەكشىلىك ەتۋ قارجىسىنان 250 مىڭ يۋانعا قول جەتكىزىپ، كەن اۋىلىندا زور كولەمدە قىسقىش باعىمشىلىعىن سىناق ەتە باستادى. كاسىپورىننىڭ تۇڭعىش قادامىنا دەم بەرۋ ٴۇشىن، يانچىڭ قالاسىنداعى شينجياڭعا باعىتتامالى كومەكتەسۋ قولباسشىلىق گرۋپپاسى جياڭسۋ ولكەسىنىڭ سۋ شارۋاشىلىعى ماماندارىن تەحنيكالىق جاقتان جەتەكشىلىك ەتۋگە ۇسىنىس ەتتى ٴارى يانچىڭنىڭ شى - ياڭ اۋدانىمەن بايلانىس جاساپ قىسقىش شاباقتارىن ەنگىزىپ، جەتىلدىرۋ قىزمەتىن ورىستەتتى. 2018 - جىلى «چاڭجياڭ 1 - ٴنومىر» قىسقىش تۇقىمىن كولەمدەندىرىپ جەتىلدىرۋ ٴساتتى بولىپ، يۋەران سەرىكتىگى جەرگىلىكتى ورىنداعى ٴوزى ٴوندىرۋ، ٴوزىن - ٴوزى قامداۋدى جۇزەگە اسىرىپ، رايونىمىزداعى بوستىقتى تولىقتادى. وتكەن ٴبىر جىلدا 40 توننادان استام قىسقىش شالعايداعى 10 نەشە ولكەگە ساتىلسا دا، قاجەتتى قامداي المادى.

يۋەران سەرىكتىگى تاربيەلەگەن قىسقىش باعۋشى، 35 جاستاعى قازاق ازاماتى ەربول كوپتەگەن مالشىنى سۋ شارۋاشىلىعىمەن شۇعىلدانۋعا باستادى. ساناققا نەگىزدەلگەندە، يۋەران سەرىكتىگى كاسىپتەندىرۋدەن تارتىپ قىسقىش شاباعىمەن قامداۋ جانە باعۋ تەحنيكاسىنا دەيىن 300 دەن استام شارۋانىڭ كاسىپتەنۋىنە جاردەمدەسكەن.

ٴونىم بولعاننان كەيىن سىرتقا شىعارىلۋى كەرەك. بىلتىردان بەرى جياڭسۋ ولكەسىنىڭ ىلەگە باعىتتامالى كومەكتەسۋ قولباسشىلىق گرۋپپاسى ىلەنىڭ ساپالى اۋىل شارۋاشىلىق ونىمدەرىن سىرتقا شىعارىپ، جياڭسۋ ولكەسىن نەگىزگى بازا ەتتى، سونداي - اق شاڭحاي، گۋاڭجوۋ، جىجياڭ سياقتى ٴتۇيىندى ولكە، قالالارعا دەيىن كەڭەيتىپ، ەرەكشە اۋىل شارۋاشىلىق قوسىمشا ونىمدەرىن ساتۋ ارناسىن اشىپ، كاسىپتىڭ دارەجەسىن جوعارىلاتۋدى ىلگەرىلەتتى. قازىر ٴارقايسى اۋدان - قالا وزدەرىنىڭ اۋىل شارۋاشىلىق قوسىمشا ونىمدەرىن سارالاپ، ۋاكىلدىك سيپاتقا يە جۇپار ٴشوپ، جەمىس - جيدەك، كوكونىس، قوي، سيىر، جىلقى ەتى ونىمدەرى، بال ونىمدەرى، كۇرىش، كەپتىرىلگەن ورىك، نان سياقتى تانىمال، ساپالى، ەرەكشە ونىمدەردى ساراپتاپ شىقتى. اۆتونوميالى وبلىس ىلەدەگى جالپىلىق ايگىلى ماركالاردى دانەكەر ەتىپ، ٴبىر تۇتاس تاۋارمەن قامداپ، ٴبىر تۇتاس تاسىمالداپ، ٴبىر تۇتاس ساتىپ، ٴبىر تۇتاس باسقارىپ، جياڭسۋ حالقىنىڭ ىلەنىڭ ەرەكشە تاعامدارىن تۇتىنۋىنا مۇمكىندىك جاسادى. سونداي - اق، ىلەنىڭ اۋىل شارۋاشىلىق ونىمدەرىن جياڭسۋدا ساتۋ ارناۋلى قيمىلىن ورىستەتىپ، «جياڭسۋ - ىلە ساپالى ونىمدەرى»، «جياڭسۋ - ىلە ساپالى جەمىستەرى»، «شينجياڭعا كومەكتەسۋگە باعىتتالعان ساپالى ونىمدەر» سياقتى شينجياڭعا باعىتتامالى كومەكتەسۋگە باعىتتالعان ٴونىم ماركالارىن جاراتتى، نانجيڭدەگى ىلە كورىنىس باقشاسىن كەڭەيتىپ سالىپ، يانچىڭ قالاسىنا چاپچال اۋدانىنىڭ قوناق ٴدالىزى - سىبە اۋلاسىن قۇردى، تايجوۋ قالاسىندا اۋىل شارۋاشىلىق ەرەكشە ونىمدەر جارمەنكەسىن وتكىزىپ، بىلتىر قۇرىلعان 100 دەن استام اۋىل شارۋاشىلىق تاۋارلارىن ساتۋ ٴتۇيىنىن جانە بيىل جاڭا سالىنعان ىلە نانى جانە ەرەكشە اۋىل شارۋاشىلىق ونىمدەرىن تىكە ساتاتىن، جانامالاي ساتاتىن، ۋاكىلدىك ساتاتىن 10 ورىن ارقىلى ەكى ورىنداعى كاسىپورىنداردى جانە اۋىل - قىستاق سەلبەستىك كووپەراتيۆىن تىعىز بايلانىستىرىپ، سەلبەسە ورتاق يگىلىكتەنۋدى جەبەپ، شارۋالاردىڭ كىرىستى ارتتىرىپ، اۋقاتتانۋىن شىنايى جەبەدى.

بۇدان سىرت جياڭسۋ ولكەسىنىڭ ىلەگە باعىتتامالى كومەكتەسۋ قولباسشىلىق شتابى قالاشىق پەن قىستاقتى جۇپتاستىرۋدى دانەكەر ەتۋ ارقىلى اۋىل - قىستاقتى گۇلدەندىرۋدى دالمە - ٴدال ىلگەرىلەتتى. مۇقيات زەرتتەۋ نەگىزىندە كومەك قابىلداعان جەردىڭ بايلىق قۋاتى مەن كاسىپ نەگىزىن تياناق ەتىپ، 100 مىعىم اۋىل - قالاشىقتى (كوشە، اۋلا رايونى)، الۋەتتى قىستاقتى (الەۋمەتتىك اۋماق) تاڭداپ، كاسىپ ابزالدىعىن ساۋلەلەندىرىپ، كومەك قابىلدايتىن جەردىڭ دامۋ قاجەتىن دالمە - ٴدال كوزدەپ، كاسىپ ارقىلى كومەكتەسۋدى بەلسەنە ورىستەتتى. سونداي - اق ارتقى ساپتاعى ەڭبەككۇشى شوعىرلانعان، ورتاسى جاراسىمدى كاسىپورىنداردى قالاشىق - قىستاق، تۋان الاڭدارىمەن جۇپ قۇراۋى، باقشا رايونىن بىرتىندەپ جوتكەۋگە شابىتتاندىرىپ، سەلبەسىپ ورتاق يگىلىكتەنۋدى جۇزەگە اسىردى. مۇنان سىرت جياڭسۋداعى كورىكتى اۋىل - قىستاقتىڭ جانە ەرەكشەلىككە يە شاعىن قالاشىقتىڭ قۇرىلىس تاجىريبەسىن ەنگىزىپ، قۇلجا قالاسى، قورعاس اۋدانى، نىلقى اۋدانى، تەكەس اۋدانى سياقتى جەرلەردە جەكە - جەكە ەڭسەلى تال اعاشى ۇلتتىق سالت - سانا، كورىنىس كوشەسى، كوكسۋ اۋىلى كورىكتى اۋىل - قىستاعى، قارا ارا قالاشىعى، كۇتىنۋ اڭعارى سياقتى ۇلگى ورىندارىن قۇرىپ، جياڭسۋ - ىلە ەكى جەردىڭ ەرەكشە مادەنيەتتەرىن توعىستىردى. جۇڭگو كورىكتى اۋىل - قىستاق سەيىل - سەرۋەن ساياحاتىن (جازدىق) تانىستىرۋ قيمىلىنا بەلسەنە قاتىناسىپ، اۋىل شارۋاشىلىعى، اۋىل - قىستاق تاراۋلارى سياقتى قاتىستى ورىندارمەن تىعىز بايلانىس جاساپ، كومەك قابىلدايتىن جەردىڭ مەملەكەتتىك كورىكتى اۋىل - قىستاق سەيىل - سەرۋەن ساياحات ونىمدەر جەلىسىن ٴوتىنىش ەتۋىنە جاردەمدەستى.