باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
تەرەڭدەي توعىسىپ، كوپ جاقتان كۇش ۇيىستىردى
2021-08-16 18:19:40     كورىلىم:رەت كەلۋ قاينارى:تيانشان تورى  جاۋاپتى رەداكتور:بەرىك وقاباي ۇلى

جىجياڭ:

تەرەڭدەي توعىسىپ، كوپ جاقتان كۇش ۇيىستىردى

□ انار بۇلت / شينجياڭ گازەتىنىڭ ءتىلشىسى جاڭ جىلي، ەرىكتى ءتىلشى يە شيتيڭ

مادەنيەت ۇلكەن ساحناسىندا ادەبيەت - كوركەمونەر بولىمشە اترەتى ونەرلەرىن كورسەتتى؛ مادەنيەت ۇلكەن سارايىندا قىستاق تۇرعىندارى پارتيانىڭ ابزال ساياساتىن تىلگە تيەك ەتتى؛ شارۋالار كىتاپ ۇيىندە بىرنەشە وقۋشى بار ىنتاسىمەن كىتاپ وقۋدا... 8 - ايدىڭ 8 - كۇنى ونسۋ اۋدانى توحۋلا اۋىلى جينحۋا جاڭا قىستاعىندا قىستاق تۇرعىندارىنىڭ كاسىپتەن سىرتقى مادەني تۇرمىسى باي مازمۇندى بولدى.

جىجياڭ ولكەسى جينحۋا قالاسىنىڭ شينجياڭعا كومەكتەسۋ قولباسشىلىق شتابىنىڭ قولباسشىسى كۇڭ دىدۇڭ تانىستىرىپ بىلاي دەدى: جينحۋا جاڭا قىستاعىنىڭ بۇرىنعى اتى ”قۇرۇل قىستاعى“، 2019 - جىلدىڭ سوڭىندا قىستاق تۇرعىندارى جينحۋا قالاسىنىڭ زور كۇشپەن كومەكتەسكەندىگىنە العىس ايتۋ ءۇشىن اتىن ”جينحۋا جاڭا قىستاعى“ دەپ وزگەرتۋگە ءوتىنىش ەتتى. ”مادەنيەت ۇلكەن ساحناسى، مادەنيەت ۇلكەن سارايى، شارۋالار كىتاپ ءۇيى سياقتى قىستاق تۇرعىندارىنىڭ مادەنيەت قيمىل ورىندارى ءبىزدىڭ شينجياڭدى مادەنيەتپەن نارلەندىرۋ ينجەنەرياسىن اتقارۋىمىزدىڭ ماڭىزدى مازمۇنى. الداعى جەردە ءبىز ’ۇيرەنۋگە قۇلىقتى جىجياڭ - شينجياڭ. وقۋ بازاسى‘ ۇلگى كورسەتۋ نىسانىن، جىجياڭ - اقسۋ 100 مەكتەپتەگى 100 مىڭ وقۋشى ’انار ءدانى‘ جاستار مەن وسپىرىمدەر سۇيىسپەنشىلىك توعىستىرۋ ينجەنەرياسى، ’ميلليون سۋرەتتى كىتاپتى شينجياڭعا جەتكىزۋ‘ قيمىلىن تياناق ەتىپ، كىتاپ ارقىلى جۇرەكتەردى توعىستىراتىن سۇيىسپەنشىلىك كوپىرىن سالامىز“.

جىجياڭ ولكەسى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى رۋحىن ىشكەرىلەي دايەكتىلەندىرىپ، تياناقتاندىرىپ، قازىر اتقارىلىپ وتىرعان شينجياڭدى مادەنيەتپەن نارلەندىرۋ ينجەنەريالارى ارقىلى اسقار تاۋلار مەن اساۋ وزەندەردەن ءوتىپ، شينجياڭعا كومەكتەسكەن قالالار مەن كومەك قابىلداعان جەرلەر اراسىندا كوڭىل توعىستىرۋ كوپىرلەرىن جالعاپ، ەكى جەر حالقىنىڭ سۇيىسپەنشىلىگىن اناعۇرلىم تەرەڭدەتتى.

سونىمەن بىرگە جىجياڭ ولكەسى ”ەنگىزۋ“ مەن ”سىرتقا شىعارۋدى“ ءوزارا ۇشتاستىرۋعا تاباندى بولىپ، شينجياڭنىڭ تاڭداۋلى وڭىرلىك مادەنيەتى مەن جىجياڭ ولكەسىندەگى ءار ۇلتتىڭ تاڭداۋلى مادەنيەتىنىڭ اۋىس - كۇيىسىن، ءوزارا ۇلگى الۋىن ىلگەرىلەتىپ، شينجياڭداعى ءار ۇلت بۇقاراسىنىڭ جۇڭحۋا مادەنيەتىنە بولعان شىنايى مويىنداۋىن كۇشەيتتى.

بيىل جىجياڭ جيڭكۇن كوركەمونەر ورتالىعىنداعى شينجياڭعا يكەمدى كومەكتەسۋدەگى دارىندى گىڭ لۇيجيە جىجياڭ مەن اقسۋ اراسىندا 6 رەت قاتىنادى. ول تىلشىگە بىلاي دەدى: ”جىجياڭ - اقسۋ ءان - ءبيلى تەاتر قىزمەت ءۇيى كۇنچۇي راديو گيمناستيكاسىن جاسامپازدىقپەن ورتاعا قويدى، قازىر اقسۋ ايماعىنداعى مەكتەپتەردە كەڭ كولەمدە جالپىلاستىرىلۋدا. وسى تاسىلدەر ارقىلى جەرگىلىكتى ورىنداعى وقىتۋشى - وقۋشىلاردىڭ جۇڭحۋانىڭ تاڭداۋلى ءداستۇرلى مادەنيەتىنىڭ عالاماتىن سەزىنۋىنە مۇمكىندىك جاساۋعا، سونداي - اق قايراتتى مولىقتىرىپ، دەنساۋلىقتى جاقسارتۋعا بولادى“.

”جىجياڭ - اقسۋ ەكى جەردەگى وقىتۋشى - وقۋشىلاردىڭ ءبىر ساحنادا جاتتىعۋى ءبىر رەتكى شىت جاڭا بايقاۋ“. گىڭ لۇيجيە مىنالاردى ءبىلدىردى: مەن ەكى جەردىڭ كوركەمونەر دارىندىلارىنىڭ بۇدان كەيىنگى اۋىس - كۇيىس بارىسىندا اناعۇرلىم مول شابىتقا يە بولىپ، اقسۋدىڭ وڭىرلىك مادەنيەت ەرەكشەلىگىنە يە سارا ءان - ءبيلى تەاتر سۇبەلى تۋىندىلارىن جاراتۋىن ايرىقشا ارماندايمىن.

ءان - ءبيلى تەاترى دارىندىلارىن ۇسىنىس ەتۋمەن بىرگە، جىجياڭ ولكەسىنىڭ شينجياڭعا كومەكتەسۋ قولباسشىلىق شتابى تاعى جىجياڭ ولكەسىندەگى جازۋشى، سۋرەتشى، حۇسنيحاتشى، ءانشى، ءبيشى سياقتى ونەرپازداردى اقسۋ ايماعىنا جانە بيڭتۋان 1 - شىسى ارال قالاسىنا ۇسىنىس ەتىپ، جىجياڭ - اقسۋ ەكى جەردىڭ حالىقتىق كوركەمونەرشىلەرىنىڭ جاسامپازدىق اۋىس - كۇيىس قيمىلىن ۇيىمداستىرىپ ورىستەتىپ، اقسۋ ايماعىنىڭ مادەنيەت ءمانىن جانە باۋرامدىلىعىن جان - جاقتىلى ايگىلەدى. سونىمەن بىرگە جىجياڭ ولكەسىندەگى كوركەمونەرشىلەر ۇجىمى ىلگەرىندى - كەيىندى اقسۋ ايماعىنا كەلىپ، ”مادەنيەت بويىنشا تۋىسشىلاپ“، اقسۋ ايماعىنا ءبىر توپ مىزعىماس كوركەمونەر دارىندىلارى قوسىنىن تاربيەلەپ بەرەدى.

اقسۋ ايماقتىق پارتكومنىڭ ورىنباسار شۋجيى، جىجياڭ ولكەسىنىڭ شينجياڭعا كومەكتەسۋ قولباسشىلىق شتابىنىڭ باستىعى جۋ لينسىن مىنالاردى ءبىلدىردى: شينجياڭدى مادەنيەتپەن نارلەندىرۋدە ”قان بەرۋ“ عانا ەمەس، ”قان جاساۋ“ يقۋاتىن دا ساۋلەلەندىرۋ كەرەك. ەكى جەردىڭ ادەبيەت - كوركەمونەر دارىندىلارىنىڭ بىرگە قۇلشىنۋىندا، جىجياڭ - اقسۋ ەكى جەردىڭ ءبىر - بىرىمەن بىتە قايناسقان مادەنيەتىنىڭ تەرەڭدەي توعىسۋ جاڭا ارناسىن قالىپتاستىراتىندىعىنا سەنەمىن.

بىلتىر جىجياڭ ولكەسىنىڭ شينجياڭعا كومەكتەسۋ قولباسشىلىق شتابى ”مەن جىجياڭدى، شينجياڭدى سۇيەمىن“ شينجياڭدى مادەنيەتپەن نارلەندىرۋ ايگىلى ماركا نىسانىن تۇلعالادى. بيىل جىجياڭ ولكەسىنىڭ شينجياڭعا كومەكتەسۋ قولباسشىلىق شتابى ”مەن جىجياڭدى، شينجياڭدى سۇيەمىن . مادەنيەتپەن 100 جىل نارلەندىرەمىن“ شينجياڭدى مادەنيەتپەن نارلەندىرۋ ”ميلليون“ جەلىلەس قيمىلىن العا قويدى. بۇل قيمىل جىجياڭ - اقسۋ ەكى جەردەگى ءبىر توپ تاڭداۋلى كوركەمونەرشىلەردى تۋىندى جاراتۋعا، ويىن كورسەتۋگە باستارىن قوستى، اقسۋ ايماعىنداعى ميلليوننان استام ءار ۇلت كادر - بۇقاراسىن قاتىناسۋعا جۇمىلدىرىپ، ءار ۇلت كادر - بۇقاراسىنىڭ رۋحاني مادەنيەت تۇرمىسىن بايىتىپ، جىجياڭ - اقسۋ ەكى جەردەگى ءار ۇلت كادر - بۇقاراسىنىڭ ارالاسۋىن، ىشتەسۋىن، توعىسۋىن ۇزدىكسىز ىلگەرىلەتتى.

”مەن جىجياڭدى، شينجياڭدى سۇيەمىن . مادەنيەتپەن 100 جىل نارلەندىرەمىن“ شينجياڭدى مادەنيەتپەن نارلەندىرۋ ”ميلليون“ جەلىلەس قيمىلىنىڭ مازمۇنى باي. مىسالى، 9 - ايدان 11 - ايعا دەيىن اقسۋ ايماقتىق مادەني ەسكەرتكىش مۇراجاي مەكەمەسى (مۇراجايى) حاڭجوۋ، جينحۋا سياقتى جەرلەردە «جىبەك جولىنداعى التىن - كۇمىس اقشا» مادەني ەسكەرتكىشتەرى ارالامالى كورمەسىن وتكىزەدى. سونىمەن بىرگە جىجياڭ ولكەلىك مۇراجايى اقسۋ سيفرلى بولىمشە سارايىندا اقسۋ ايماعىنداعى ءار ۇلت كادر - بۇقاراسى ساۋساقتارىمەن ءتۇرتىپ، جىجياڭ ولكەلىك مۇراجايىنىڭ تاريحي مادەني ەسكەرتكىشىن جانە حۇجاتتى ماتەريالداردى تاماشالاي الادى.

”ءبىز شينجياڭدى مادەنيەتپەن نارلەندىرۋ ينجەنەرياسى مەن باسقا دا شينجياڭعا كومەكتەسۋ قىزمەتتەرىن ۇشتاستىردىق، مىسالى، جىجياڭ ولكەسىندەگى اسەمونەرشىلەر مەن اقسۋ ايماعىنداعى شارۋا سۋرەتشىلەر پارتيا قۇرىلعاندىعىنىڭ 100 جىلدىعىنا ارناپ بىرگە كوركەمونەر تۋىندىلارىن سىزدى ءارى حاڭجوۋ، شاۋشيڭ، جينحۋا سياقتى جەرلەردە ارالامالى كورمە وتكىزىپ، شارۋالار سۋرەتتەرىن جانە كوركەمونەر تۋىندى ونىمدەرىن جوبالاپ، اشىپ، سونداي - اق ساتىپ، جالپىلاستىرىپ، شارۋالاردىڭ كىرىسىن ارتتىرىپ، بايۋىن جەبەدى“، - دەدى جۋ لينسىن.